Соопштенија
„Македонија бојкотира“ од Дебарца, Вевчани, Струга и од Охрид: Нека нè следат и прислушуваат, само да не ни го скршат духот
Карванот на Кризниот штаб против референдумот во рамките на кампањата „Македонија бојкотира“ имаше средби, собири и митинзи во општините Дебарца, Вевчани, Струга и во Охрид.
Како што велат, општ впечаток на граѓаните и говорниците е дека македонскот народ и повеќето од граѓаните на Република Македонија масовно се определуваат за бојкот и неизлегување на референудмот како единствена начин за одбрана на вековното македонско име, идентитетот, историјата и традицијата на македонскиот народ и дека народот не го прифаќа капитулантскиот договор со Грција со кој се бришат Македонците од светската мапа на нациите.
„Говорниците повикаа на бојкот и неизлегување на референдумот и на тој начин на 30 септември да ја сочуваме македонска Македонија. Марионетската власт е во очај и паника оти референдумот нема да успее и затоа секојдневно шират популистички лаги слични на скојдневното лажење на Заев, кој кажува дека небаре на граничниот премин Табановце чекаат милијарди евра од ЕУ и само треба да го смениме името и тие пари ќе ја поплават Македонија и сите ќе бидат богати и среќни. Не верувајте му на триото Заев, Шекеринска и Димитров оти животот во Македонија дојде само за врхушката на власт и за нивните бизниси и тие сакаат членство во НАТО оти знаат дека НАТО им го гарантира украденото на сите оние што извршија грабеж на народот“, се наведува во соопштението.
Од таму додаваат дека НАТО не го интересира грабежот, туку, како што велат, само сака послушни политичари што ќе му служат верно.
„Не плашете им се на заканите оти по неуспешниот референдум, ќе падне марионетската влада во Скопје и ќе немаат време да ги остварат заканите што ги упатуваат на терен. Може да нè следат, прислушуваат, да ни се закануваат со апсења, но да не дозволиме да ни го скршат духот оти ако ни го убијат духот, ќе ни го убијат и името. Борбата не е лесна, но немаме друт пат. Не им било лесно и на нашите револуционери во минатото, кои можеле да си седат дома и да не се борат. Но, така ќе ја немаше Македонија“, се додава во соопштението.
„Сите заедно, старо и младо, машко и женско на нозе се креваме да ја спречиме инсталираната власт контролирана од странски центар да избрише сè што е македонско. Нашата борба е исправна, ние се бориме Македонците да не бидат избришани од светската мапа на нациите, се бориме за опстанок на цел еден народ, нашата борба е света должност и затоа Македонија ќе победи – беше истакнато, меѓу другото, од говорниците Драган Угриновски, координатор на Кризниот штаб, Исмаил Бојда од Сојузот на Македонците со исламска религија, Насто Палиоски од ТОМ – 2003 и Јанко Бачев, лидерот на Единствена Македонија“, стои во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Шефот на НАТО: Украина ќе влезе во НАТО, така е одлучено во Вашингтон
„Украина ќе стане 33. или 34. членка на НАТО, кој во моментот има 32 членки“, изјави неодамна назначениот генерален секретар на НАТО, Марк Руте, на прес-конференција во Брисел.
„Во моментот се чини дека Украина ќе влезе како 33. членка, но пред неа може да влезе некој друг. Но, Украина во иднина ќе биде членка на НАТО. Така решивме во Вашингтон“, изјави генералниот секретар на НАТО, пренесуваат медиумите во регионот.
„Шведска, планот на Украина за победа, но и нејзиното идно членство во НАТО“, одговори шведскиот министер за одбрана. Тој истакна дека планот за победа ќе биде разгледан на вечерна средба во Брисел.
„Украина е на неповратен пат кон полноправно членство во НАТО, што е многу важно. Имаме многу да научиме од Украина кога станува збор за одбранбените иновации. Украина исто така има силни вооружени сили“, рече тој.
Соопштенија
Македонскиот концепт е против законот за правична застапеност: „ Успехот да биде единствен критериум“
Mакедонски концепт е против донесување на Закон за правична застапеност. Од партијата велат дека се залагаат за еднакви права на граѓаните, без разлика на која етничка заедница припаѓаат.
„Нема поента, еден инструмент на апархејдот да менуваме со друг! Новиот закон повторно ќе создаде нееднаквост. Системот на апартхејд е одамна надминат секаде во светот. Време е да заврши и во Македонија! Граѓанска држава и мерит систем, се патокази кои водат кон ЕУ, а не практики од 19ти век!
Правичната застапеност не е решение, туку нова форма на нееднаквост. Меритократијата е патот кон вистинска праведност. Квотите создаваат само илузии. Граѓанска држава се гради на индивидуалните успеси, а не на колективитети. Кога способностите се заменуваат со квоти, правдата се изопачува.
Ние сме за еднаквост во можностите, а не во резултатите. Затоа мерит системот е нашиот водич. Системот на вредности треба да се базира на труд и посветеност, а не на етнички предзнаци. Ние сме сите граѓани на Републиката и нека успехот биде наш единствен критериум. Пропадната пракса на 19-тиот век не гради иднина за 22ри век. Да застанеме сите заедно против сите видови на дискриминација, и позитивна и негативна! Само рамноправност на граѓаните! Тоа се вредностите на граѓанскиот Устав, кој е решение за сите овие прашања“, велат од партијата.
Соопштенија
Меккен Скопје е „Адриатик Агенција на годината“ и добитник на сребрена и бронзена награда за кампањата „Стартап пакет“ на Халкбанк
Агенцијата Меккен Скопје е прогласена за „Адриатик Агенција на годината“ на овогодишниот фестивал Голден Драм, кој се одржа минатата недела во Порторож. Ова престижно признание, заедно со сребрената награда во категоријата креативна ефикасност и бронзената во категоријата надворешно рекламирање за кампањата „Стартап пакет“ на Халкбанк се резултат на посветеноста на Меккен Скопје кон иновации и извонредност во рекламната индустрија.
„Овие признанија се огромни за нас и за нашиот клиент Халкбанк, тие се доказ за трудот и страста на нашите тимови. Наградите ја потврдуваат нашата посветеност кон квалитет и способност да создаваме влијателни, уникатни и паметни комуникациски решенија што се поврзуваат со нашата целна публика и му помагаат на клиентот во остварувањето на своите бизнис-цели. Наградите се фактор плус во остварувањето на нашата визија да бидеме најпосакуваниот комуникациски и креативен партнер“, изјави Бојан Кочовски, директор на Меккен Скопје.
Овогодишното издание на фестивалот уште еднаш на едно место ги собра најдобрите идеи, најдобрите тимови и најдобрите креативци од целиот свет. Проектите на Меккен Скопје и Халбанк се единствените од Македонија што се пласираа како финалисти. Во конкуренција на повеќе од 1.000 пријави од околу 200 агенции од целиот свет, интернационалното жири составено од 56 исклучителни професионалци им ги додели сребрената и бронзената награда, а Агенцијата ја доби најпрестижната награда на фестивалот, „Адриатик Агенција на годината“.
Меккен Скопје е една од најголемите и најуспешни маркетинг-агенции, присутна во Македонија 27 години. Во своето портфолио ги вклучува едни од најреномираните интернационални и домашни компании и брендови. Дел е од интернационалната Меккен мрежа, McCann Worldgroup, која исто така на Голден Драм доби престижна награда ‘’Најдобра агенциска мрежа’’.
Фестивалот Голден Драм во Порторож е најреномираниот годишен настан во нашиот регион, во Европа и пошироко, кој ги слави креативноста и иновациите во рекламната и комуникациската индустрија. Традиционално, секоја година на едно место ги обединува најдобрите светски агенции и професионалци со цел да ги претстават своите исклучителни кампањи, да разменат идеи, да дискутираат за трендови и да се дружат.
Погледнетe ја наградената кампања ‘’Стартап пакет’’ на следниoв линк: