Зоран Заев е повторно фатен во криминал. Секој ден се повеќе се гледа неговата улога во рекет. Со секој изминат ден се потврдува дека тој е главата на криминалниот октопод, соопшти ВМРО-ДПМНЕ.

Според партијата, записникот од исказот на еден од сведоците во случајот ,,Рекет” потврдува дека Заев ја попречувал истрагата за случајот, со тоа што второосомничениот Зоран Милевски го известил дека сведокот го пријавил рекетот во обвинителството. Заев не само што лажеше дека прв го пријавил случајот, туку и застанал на патот на правдата и на страна на рекетарите.

,,Овој исказ е доволен Заев да биде повикан на распит во обвинителството. Аболицираниот Заев е на чело на оваа рекетарска банда, единственото прашање кое остана неодговорено е колкав дел од колачот земал тој, односно колку милиони од скапите чанти завршиле во неговата канцеларија на Илинденска бб.

Паничните реакции на главата на октоподот и обидите за цензурирање на медиумите нема да успеат. Македонската јавност го гледа криминалното лице на Зоран Заев. Рускоска по ваквиот исказ на сведокот, најмалку што требала да направи е да го повика Зоран Заев да даде исказ во обвинителството, но наместо тоа Рускоска по стапките на Заев се закани на медиумите кои го објавија овој документ. Со ова Рускоска докажува дека е соучесник во криминалниот октопод на СДСМ.Правдата ќе биде задоволена, а вистината ќе победи. Деновите на Заев во премиерската фотелја се избројани. Со секоја негова панична изјава, тоне се подлабоко и подлабоко”, соопшти ВМРО-ДПМНЕ.

Опозициската партија предводена од Христијан Мицкоски останува длабоко заглавена во матрицата на Никола Груевски, која сака да ја врати државата назад во темното минато на изолација и неизвесност, велат од СДСМ, од каде што додаваат дека белиот дворец и натаму останува симбол на одбрана на криминалот.

„Од друга страна, СДСМ постојано се менува во интерес на граѓаните и државата. Последните промени во раководството на партијата се нова дополнителна енергија за забрзување на напредокот“, се наведува во партиското соопштение.

„Катица Јанева е рекетарот на Зоран Заев. Цела македонска јавност знае дека главата на октоподот е единствениот аболиран премиер во Европа. Русковска и Јовевски и натаму се ставаат во заштита на криминалот, во заштита на Зоран Заев, кој е на чело на операцијата за рекетирање политичари, бизнисмени, македонски граѓани“, соопшти ВМРО-ДПМНЕ.

Според партијата, сите слушнаа како Боки 13 го споменува името на Зоран Заев во една од аудиоснимките на „Ла Верита“ и како тој нема да прави проблеми за рекетот. Сите слушнаа како Боки 13, по рекетот, заминува на средба со Заев. Сите, освен Русковска и Јовевски, кои на прес-конференција лажеа и тврдеа дека нема вмешано политичари во аферата „Рекет“.

„Што се случи со Коки, Кики, Фрики, Шеки и другите членови на рекетарската банда, што се случи со градоначалниците на СДСМ, кои потпишуваа меморандуми за соработка со невладината организација на чие чело беше Боки 13, а за која сега постои основано сомневање дека служела за перење пари.

Дали „истрагата“ на Русковска не се проширува бидејќи и самата знае дека доколку таа ги зафати пипалата на октоподот, ќе се стигне до главата? Зошто Русковска упорно го штити и амнестира Зоран Заев? Правда во Македонија одамна нема, правната држава ја укина човекот кој никогаш не се соочи со правдата, човекот што трипати е амнестиран за тежок криминал, Зоран Заев.

Но, вистината секогаш излегува на виделина, Зоран Заев е спремен да ги предаде своите најблиски соработници за да купи уште малку време, за да краде и рекетира. Деновите во премиерската фотелја му се избројани. Граѓаните ќе ја казнат оваа криминална рекетарска банда на чело со Зоран Заев и тогаш тој ќе одговара за сите злодела и криминали, а ќе одговараат и оние што се ставија во заштита на криминалот наместо да го гонат“, се додава во партиското соопштение.