Градската власт предводена од СДСМ и градоначалникот Петре Шилегов, продолжува со реконструкција на најзначајните сообраќајници во градот. Во општина Ѓорче Петров во моментов се реконструираат две клучни улици, соопшти Никола Гичевски, советник во Советот на Општина Ѓорче Петров.

„Започна реконтрукцијата на улицата „Борис Сарафов“, на потегот од крстосницата со улицата „Македонска Војска„ до крстосницата со улицата „Кузман Шапкарев“, со вкупна должина од околу 1.700 метри.

Исотвремено, забрзано се работи на финиширање на улицата „Ѓорче Петров“ на потегот од општинската зграда до бензинска пумпа на „Макпетрол“, во должина од околу 1.500 метри. Со реконструкцијата, целосно ќе биде реновиран западниот влез во главниот град“ порача Гичевски.

ВМРО-ДПМНЕ 11 години го уништуваше земјоделството во земјава, а земјоделците беа мета на притисоци, закани, уцени заради остварување на личните бизнис интереси на раководството на тогашната власт, порача СДСМ.

„Очигледно е дека ВМРО-ДПМНЕ не може да се помири со фактот дека аграрните реформи кои ги спроведува Владата предводена од СДСМ се реални и земјоделците конечно имаат придобивки од својот труд, а не зијан како во времето на ВМРО-ДПМНЕ.

Затоа ВМРО-ДПМНЕ може само да гледа и да учи што значи вистинска грижа за земјоделците и земјоделството. Официјалните податоци ја докажуваат успешноста на земјоделските политики на СДСМ.

Денес, субвенциите се исплаќаат редовно, неселективно и навремено тогаш кога им се најпотребни на земјоделците. Бележиме пораст на откупните цени на голем број земјоделски производи. Имаме раст на цената кај лубеницата од 89,1 отсто, а споредено со 2015 година, за 116 отсто. Откупната цена на белото грозје во 2016 година била 30 денари за килограм, а оваа година 50 денари, значи раст од 67 отсто.

Кај сливите, откупната цена е зголемена за 18,8 отсто или за 23 отсто споредено со јули 2016 година.

Раст на откупните цени се забележува и кај зеленчукиот и тоа кај краставицата бележи пораст за 145,8 отсто, а споредено со 2013 година за 240 отсто.

За 85,5 отсто е зголемена откупната цена на доматот или за 143 отсто споредено со јули 2015 година,а за 31 отсто расте откупната цена на пиперката и оризот за 8,7 отсто.

Оваа година пченицата се откупува за 10,4 денари, за разлика од 2016 година кога била 8,48 денари за килограм, што е пораст од 23 отсто.

Денес, немаме интервентни мерки како што имаше во времето на ВМРО-ДПМНЕ ,затоа што денес се следи реалната состојбата во земјоделството.

Владата предводена од СДСМ посветува големо внимание на земјоделството бидејќи тоа е еден од носечките столбови на македонската економија, затоа се става посебен акцент на развојните мерки и проекти, но и нови инвестиции кои ќе придонесат кон забрзан раст на оваа стратешка економска гранка“ се вели во партиското соопштение.

Замешаноста на Заев во случајот „Рекет“ е се поочигледна.Системот во Република Македонија е нападнат од силна криминална ерозија до тој степен што не функционира. Во државата имаме згазени закони, згазено обвинителство кое што наместо да гони, го штити и прикрива криминалот. Имаме безброј конкретни примери каде владата и премиерот се ставени во функција да заштитуваат криминал, соопшти ВМРО-ДПМНЕ.

Според партијата, сомнежите дека Заев го штити овој криминал, се:Катица Јанева не е во притвор, а истата може да избега, може да влијае на сведоците и може како прв човек на СЈО да го повтори делото. Сведоци сме дека истото ова обвинителство барало притвор и за несразмерно помали случаи кои ги воделе. Се разбира Катица Јанева е само продолжена рака на главниот во овој октопод.

,,Зоран Заев е свесен дека „Меѓународниот сојуз“ на еден од обвинетите важи на извесен начин за чедо на СДСМ. Во тие структури се луѓе од оваа партија, а сомневањата се дека тоа е параванот и за многу други случаи на криминал, уцени, изнуда и рекет.
Заев во моментите кога ќе го притисне оваа афера со евидентни докази, е во состојба да се откаже од сите, само да се спаси себе си. Сега е јасно зошто Заев инсистира на катастрофалниот предлог за реформите за обвинителство. Тој сака ова компромитирано СЈО да го преслика во новиот обвинителен сектор. Да добиеме ново СЈО но со зголемени овластувања за зголемени злоупотреби.

Народот и ВМРО-ДПМНЕ ќе победат убедливо, зошто таква победа е неопходна, за да Македонија ја обновиме од овој криминален ураган на власта. Одговорност, мора да има. Заев е на колена, а оваа влада веќе нема кредибилитет бидејќи тоне во корупција. Неговиот пад и заминувањето на оваа влада не е избор на Заев, туку одлука на народот.Октоподот е во слободен пад, доаѓа обнова на Македонија”, додава партијата.