Само ако останеме на правиот пат од државата може да направиме квалитетно и удобно место за живеење, во кој секој ќе ја гледа својата иднина. Истакна претседателот на Комисијата за економија на СДСМ Кирил Колемишевски на граѓанската трибина „На прав пат“ во Струга.

Колемишевски се осврна на економските политики на СДСМ, кои, како што рече, даваат очигледни и реални резултати.

„Економијата од минус за само две години бележи раст на БДП од над 4 насто, директните странски инвестиции од минорни бројки во 2018 година се искачија на на 624 милиони евра. За три години минималната плата се зголеми за 5.500 денари од 9 на 14.500 денари“, нагласи Колемишевски, и ги повика сите работници на кои газдите им бараат пари назад слободно да ги пријават.

Тој најави дека со ваквото темпо на раст на платите, до крајот на 2020 минималната плата ќе се искачи на 16.000 денари, а просечната на 30.000 денари.

„Со младинските и економските политики на СДСМ, младите повеќе нема да се иселуваат, тука ќе имаат услови за добро платена работа, бидејќи ние се грижиме за граѓаните, вложуваме во нив, а не во споменици“, истакна потпретседателот за економија на СДСМ Кирил Колемишевски на граѓанската трибина „На прав пат“ во Струга.

Кога е најважно ние сме најбројни, кога е најсериозно ние сме обединети и тоа повторно ќе го покажеме, истакна заменик претседателката на СДСМ, Радмила Шекеринска на граѓанска трибина во Струга.

„Постои една порака многу јасна и најважна, ние нашето го испорачавме, Европската Унија направи историска грешка. И тоа е порака испратена од највисоките претставници на Унијата. Со чист образ и многу долга листа исполнети обврски дојдовме во Брисел. Се она што зависеше од нас беше исполнето.Разбирливо е разочарувањето на граѓаните, но едно нешто останува јасно, ова што ни се случи не прави посилни, не прави повеќе убедени дека сме на вистинскиот пат и дека ќе победиме. Затоа од Струга праќаме порака дека веруваме во нашата држава и нашиот народ. Подготвени сме. Веруваме дека нашиот народ ја носи вистинската одука на брзи избори за да продолжиме по прав пат“, Шекеринска.

Доста бea лаги, доста манипулации. Зоран Заев веднаш да си поднесе неотповиклива оставка. Европа кажа не на криминалот и корупцијата, кажа не на рекетот, велат од ВМРО-ДПМНЕ.

„Европа му кажа не на Зоран Заев, а жртва за жал се граѓаните и Република Македонија. Овој пораз е единствено на сметка на Зоран Заев и погубните политики на СДСМ, а не на македонскиот народ и граѓаните на Македонија“, обвини опозициската партија.

Како што предупредуваше ВМРО-ДПМНЕ, додаваат од таму, откажувањето од името, идентитетот, јазикот и историјата не се европски вредности, без реформи европската перспектива за Македонија е само мисловна именка.

„Потребни се реформи кои што ВМРО-ДПМНЕ ќе ги предложи во најкус можен период. Доаѓа обновата на Македонија и крај на криминалната банда која ја корумпираше секоја пора на македонското општество. Заев е во паника и единствено го одложува неизбежниот крај на неговата трагична политичка кариера во која донесе само порази за македонската држава и македонскиот народ. Заев се плаши само од едно нешто, тој се плаши поради тоа што ќе мора да плати за се што стори. Се плаши бидејќи ќе одоговора за лоповлукот, корупцијата, рекетот, криминалните тендери и грантови на штета на македонскиот народ. Крајот е близу, време е за обнова, време е за предвремени парламентарни избори, на кои граѓаните на Република Македонија ќе кажат доста е од корумпирани политичари за кои синоним е Зоран Заев“, велат од ВМРО-ДПМНЕ.