ВМРО-ДПМНЕ починатите од коронавирусот ги злоупотребува во партиски цели сведувајќи ги на статистика, тоа е доказ за нивниот нечесен и неодговорен однос кон граѓаните, реагира СДСМ на прес-конференцијата на Влатко Ѓорчев од ВМРО-ДПМНЕ, кој рече дека бројот на починати од коронавирус во Скопје е речиси ист со оној од скопскиот земјотрес.

„ВМРО-ДПМНЕ продолжува бесрамно да ги злоупотребува жртвите од коронавирусот и нивните семејства во дневнопартиски цели. За очајната ВМРО-ДПМНЕ, предводена од губитникот Христијан Мицкоски, човечките трагедии се само статистика таксативно наброена, која служи за неосновани напади и деструкции. Јавноста памети за некрофилските настапи на оваа партија кога се правеа мрачни перформанси, каде што се шегуваа со лицата почитани или заразени од Ковид-19“, се наведува во реакцијата,

Од почетокот на кризата предизвикана од коронавирусот, па сè до денеска, додаваат од СДСМ, ВМРО-ДПМНЕ предводена од губитникот Мицкоски не стори ништо за да им помогне на здравствените работници.

„Напротив, од белиот дворец свесно ширеа лажни вести во обид да го поткопаат здравствениот систем и да ги понижат здравствените работници, свесно ги кршеа мерките и забраните и се однесуваа опасно за јавното здравје. Тоа е само уште еден доказ за неодговорното и нечесно дејствување на ВМРО-ДПМНЕ и Мицкоски. Поради тоа, шестпати губат на избори и поради тоа уште долго ќе се опозиција“, велат од СДСМ.

Од опозициската ВМРО-ДПМНЕ го повикаа министерот за здравство, Венко Филпче, да одговори дали неговиот дедо д-р Јорданчо Савески бил во Занзибар со заболените од африканскиот вид на Ковид-19 и дали после тоа отишол во карантин?

„Филипче да каже дали неговото семејство е ширач на Ковид-19, исто како што беше Цаца Билјановска? Додека народот се мачи со ковид, илјадници умреа, а фамилијата на Филипче шета по луксузни дестинации“ , велат од ВМРО-ДПМНЕ.

„Филипче до каде си со вакцините? Народ чека да се вакцинира, а ти една вакцина сам не набави“, реагираат преку соопштение од опозициската партија ВМРО-ДПМНЕ.

Секој ден е ден на борба за унапредување на родовата еднаквост и кршењето на стереотипните родови улоги, ова како што информираат од ЛДП се главните пораки кои се произлезени од онлајн конференцијата ,,За женските права и родовата еднаквост”, која се одржа од страна на Форумот на жените на ЛДП како главна активност за одбележување на 8 Март, Меѓународниот ден на жената.

На конференцијата се обрати претседателот на ЛДП, Горан Милевски, а говор имааа и пратеничката и потпретседателка на ЛДП, Моника Зајкова, и претседателката на Форумот на жени на ЛДП, Билјана Аврамоска-Ѓореска.

„Либерално-демократската партија ја препознава важноста и влијанието од зголемена застапеност на жените во политиката и се залага за еднакво учество на жените и мажите, поттикнувајќи ги и имплементирајќи ги политиките за родова еднаквост. Се покажа дека многу постигнавме досега, но има уште многу нешта кои треба да се остварат до родова еднакавост. Единствено половина е еднаков дел, и единствено еднакво е доволно“, рече претседателката на форумот на жени на ЛДП, Билјана Аврамоска-Ѓореска.