Соопштенија
Бобан Стефковски од Гази Баба доби јавна поддршка од истакнати интелектуалци и универзитетски професори
Кандидатот за градоначалник на Општина Гази Баба, доби јавна поддршка од истакнати интелектуалци и универзитетски професори.
Стефковски го објави писмото на јавна поддршка на „Фејсбук“.
„Од истакнати интелектуалци и универзитетски професори за кандидатурата на Бобан Стефковски за втор мандат како градоначалник на општина Гази Баба.
Во време на големи општествени предизвици и сè подлабока потреба од одговорно и визионерско локално раководење, ја изразуваме нашата недвосмислена поддршка за кандидатурата на Бобан Стефковски за втор мандат како градоначалник на општина Гази Баба.
Нашата поддршка не произлегува од политичка определба, туку од професионална и граѓанска одговорност. Уверени сме дека токму Бобан Стефковски е пример за современ локален лидер кој ја разбира сложеноста на заедницата, а притоа постојано ја издигнува улогата на институцијата како сервис на граѓаните, а не како алатка на лична или партиска промоција.
Оваа наша поддршка е заснована врз јасно видливите резултати што ги остави зад себе во својот прв мандат. Во време на несигурност, тој обезбеди стабилност; во услови на очекувања, тој испорача реални решенија.
Работата на Бобан Стефковски беше препознатлива по својата континуираност, посветеност и ориентација кон јавниот интерес, а тоа се вредности што не се подразбираат, туку се заслужуваат.
Во неговото досегашно раководење, препознавме стабилност, сериозност и работа што не се потпира на голи ветувања, туку на тивка, но постојана изградба на доверба. Ваквиот пристап заслужува не само признание, туку и продолжение.
Веруваме дека вториот мандат на Бобан Стефковски ќе значи продлабочување на вредностите на јавниот интерес, отчетноста, институционалната култура и грижата за општото добро – вредности што ни се неопходни, не само на локално, туку и на национално ниво.
Ги повикуваме граѓаните на општина Гази Баба да го поддржат кандидатот кој го постави јавниот интерес пред сè и кој докажа дека достоинствено и професионално може да се раководи со една од најкомплексните општини во Република Македонија.
Со почит,
1.Проф. Д-р. Саво Климовски – професор по уставно право и политички систем на Правниот факултет “Јустинијан Први” при УКИМ и поранешен претседател на Собранието на Република Македонија;
2.Проф. Д-р. Димитар Гелев – редовен професор на Правниот факултет “Јустинијан Први” при УКИМ;
3.Проф. Д-р. Александар Климовски – редовен професор на Правниот факултет “Јустинијан Први” при УКИМ;
4.Проф. Д-р. Трпе Ристоски – редовен професор на Ветеринарниот факултет при УКИМ;
5.Проф. Д-р. Љупчо Несторовски – Продекан за настава и редовен професор на Шумарскиот факултет при УКИМ;
6.Проф. Д-р. Виктор Ѓамовски – Директор на Земјоделски Институт при УКИМ;
7.Проф. Д-р. Валентина Славевска Стаменковиќ – Продекан за настава и вонреден професор на Природно Математички Факултет при УКИМ;
8.Проф. Д-р. Миле Маркоски – Декан и редовен професор на Факултетот за земјоделски науки и храна при УКИМ;
9.Проф. Д-р. Влатко Неделковски – Декан и вонреден професор на Факултетот за физичко образование, спорт и здравје при УКИМ;
10.Проф. Д-р. Тошо Арсов – редовен професор на Факултетот за земјоделски науки и храна при УКИМ;
11.Проф. Д-р. Ѓорѓи Груевски – Декан и редовен професор на Факултетот за дизајн и технологија на мебел и ентериер при УКИМ;
12.Проф. Д-р. Дејан Методијески – вонреден професор на Факултетот за туризам и бизнис логистика при УГД;
13.Проф. Д-р. Оливер Филипоски – вонреден професор на Факултетот за туризам и бизнис логистика при УГД;
14.Проф. Д-р. Олга Најденовска – редовен професор на Факултетот за земјоделски науки и храна при УКИМ;
15.Проф. Д-р. Марина Стојанова – редовен професор на Факултетот за земјоделски науки и храна при УКИМ;
16.Проф. Д-р. Драги Димитриевски – редовен професор на Факултетот за земјоделски науки и храна при УКИМ;
17.Проф. Д-р Велика Стојкова Серафимовска – редовен професор на Институт за фолклор “Марко Цепенков” – Скопје при УКИМ;
18.Проф. Д-р Христина Рунчева – редовен професор на Правниот факултет “Јустинијан Први” при УКИМ;
19.Проф. Д-р. Иванка Василевска – редовен професор на Правниот факултет “Јустинијан Први” при УКИМ;
20.Проф. Д-р. Нада Јурукова – редовен професор на Институтот за национална историја при УКИМ;
21.Проф. Д-р. Виолета Ачкоска – редовен професор на филозофскиот факултет при УКИМ;
22.Професор Благојка Филипчева;“, пишува во писмото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Стојкоски: Ѓорче Петров добива пет нови детски градинки
Ѓорче Петров добива пет нови детски градинки, изјави кандидатот за градоначалник на Општина, Ѓорче Петров, од ВМРО-ДПМНЕ, Александар Стојкоски.
„Нова детска градинка во Дексион. Проект којшто го најавувам подолго време, а денеска го потпишав Договорот, почнуваме со изградба веднаш. Покрај оваа детска градинка, во моментов ја градиме и детската градинка во Стопански двор, тоа е во напредната фаза. Со тоа го зголемуваме капацитетот за сместување за дополнителни најмалку 220 деца, на ниво на општината Ѓорче Петров. Дополнително, во нашата изборна програма ветувам изградба на уште три детски градинки, вкупно 5 детски градинки во наредниот мандат. Две во населбата Диво Маало, и во близина на Македонска војска и една за жителите на населбата Александрија“, рече Стојкоски.
Соопштенија
Трајановски ветува решенија за инфраструктурата во општина Аеродром
Аеродром се соочува со сериозни инфраструктурни предизвици, сообраќаен метеж, недостиг од паркинг-простор и небезбедни пешачки и велосипедски патеки. Нашата програма нуди решенија, а не празни зборови, изјави Александар Трајановски, кандидат за градоначалник на Општина Аеродром од СДСМ.
„Во соработка со Град Скопје ќе ја завршиме изградбата на булевар АСНОМ и ќе обезбедиме нови коридори за поврзување со соседните општини, вклучително и нова сообраќајница меѓу Аеродром и Кисела Вода, како и реконструкција на улицата „Фрањо Клуз“ и нејзините краци. Дополнително, во секој дел од Аеродром планирани се локални реконструкции и проширувања: целосна реконструкција на споредни улици во Горно и Долно Лисиче, ново уредување на паркинг-просторите зад ТЦ „Скопјанка“ и ТЦ „Бисер“, како и во Ново Лисиче. Предвидуваме реконструкција на сите сервисни улици со воведување „зона 30“, што ќе значи поголема безбедност за пешаците и велосипедистите. Нови велосипедски патеки и воспоставување на нулта толеранција за паркирање на тротоари и пешачки патеки. Поставуваме нови семафори кај сите училишта за максимална заштита на децата. Реорганизацијата на паркирањето ќе се решава преку изградба на паметни паркиралишта и катни гаражи, со принципи на одржлива урбана мобилност. Ова се решенија што директно ќе влијаат врз секојдневието на нашите граѓани: побезбеден сообраќај, поуредени улици и поголема мобилност за сите“, рече Трајановски.
Соопштенија
Лукровски најави решавање на сообраќајниот хаос со 600 нови паркинг-места во Карпош
Кандидатот на ВМРО ДПМНЕ за градоначалник на општина Карпош, Сотир Лукровски, најави решавање на сообраќајниот хаос со 600 нови паркинг места во Карпош.
„Недостигот на паркинг-места во Карпош одамна не е само технички проблем, туку секојдневен извор на нервоза, губење време и нарушен јавен ред. Сцените се повторуваат секоја вечер, возачи кои кружат во маалата по 15 минути барајќи место, автомобили поставени на тротоари и пешаци кои се принудени да чекорат по коловозите, изложени на опасност. Карпош, кој треба да биде пример за уреден и современ урбан кварт, денес функционира како импровизирано паркиралиштe. Токму затоа, во нашата програма предвидуваме воведување на системско, долгорочно и зелено решение. Ќе започнеме со изградба на монтажни катни гаражи опремени со соларни панели, со вкупен капацитет од 600 нови паркинг-места. Овие гаражи нема да бидат уште еден бетонско блок решение, туку модерни, функционални конструкции кои ќе произведуваат чиста енергија и истовремено ќе ослободат вреден јавен простор што денес е окупиран од хаотично паркирање. Ќе бидат распоредени рамномерно низ општината, така што ниеден дел од Карпош нема да остане запоставен“, рече Лукровски.
Тој додаде дека во Карпош 2 и 4 ќе се создадат по 120 нови паркинг позиции, кај Млечен – 90, во Карпош 3 – 110, во Влае – 70, и дополнителни над 100 нови места ќе бидат поставени во Козле, во близина на основното училиште „Владо Тасевски“, каде што родителите секојдневно се соочуваат со вистински сообраќаен хаос при носење и земање на децата од настава.
Судењето за „Онкологија“ одложено, одбраната бара Коцевски да ја преземе постапката
Судењето против поранешниот директор на Клиниката за онкологија, Никола Васев, и уште двајца онколози обвинети за несовесно лекување пациенти, е...
Шукова од Аеродром им го вети на скопјани она што премиерот Мицкоски го најави минатата недела: бесплатни филтри на оџаците се добра и сериозна мерка
Кандидатката за градоначалничка на Скопје од СДСМ, Каја Шукова, денес, од Аеродром, на скопјани им вети бесплатни филтри за оџаците...
Систем за влез/излез од ЕУ: за што сè треба да се подготват патниците
Министерството за внатрешни работи ја информира јавноста дека почнувајќи од 12 октомври 2025 година, Европската Унија ќе почне со постепено воведување...
Експлозии и пукање во Минхен: едно лице загина, друго повредено
Голема полициска и противпожарна операција е во тек од раните утрински часови во северен Минхен откако се слушнале експлозии и...
(Видео) Гори една од најголемите рафинерии во Русија
Украински извори на социјалните медиуми објавија снимки од пожар во една од најголемите руски рафинерии во Јарослав. Изворите тврдат дека...
(Видео) Снимен момент кога силниот земјотрес ги погоди Филипините
Најмалку 60 лица загинаа, а повеќе од 140 се повредени во силен земјотрес со јачина од 6,9 степени по Рихтер...
Орбан: Европа е посилна од Русија, не знам зошто глумиме дека сме слаби
Унгарскиот премиер Виктор Орбан порача дека Унгарија би соборила руски беспилотни летала доколку влезат во нејзиниот воздушен простор. Еден новинар...
Трамп: Блиску сме до договор со „Харвард“, ќе платат 500 милиони долари
Американскиот претседател Доналд Трамп вчера изјави дека неговата администрација е блиску до договор со Универзитетот Харвард и рече дека таа...
(Видео) Силен земјотрес ги погоди Филипините: најмалку 60 мртви
Најмалку 60 лица загинаа, а повеќе од 140 се повредени во силен земјотрес со јачина од 6,9 степени по Рихтер...
Додека светот ги забранува, ароматичните електронски цигари се помасовни кај нас: деветгодишни „вејпаат“ и бројат хитови
Повикот на Светската здравствена организација (СЗО) од мај годинава итно да се забранат ароматичните цигари за да се заштитат младите...
Мицкоски: СДС и ДУИ бараат спас во корумпираното судство, тоа им е последно танго за избегнување одговорност
Претседателот на ВМРО-ДПМНЕ, Христијан Мицкоски на денешниот митинг во Струга, посочи дека една од картите на кои игра опозицијата, СДС...
Коцевски: Објавените пораки за пожарот во Кочани се дел од доказите
Обвинителството води предистражна постапка за вработени во УЈП и други институции за повеќе кривични дела поврзани со пожарот во дискотеката...
Рекет во Скопје: Изнудувале пари со закани за убиство, организаторот од Дубаи
Обвинителството отвори истрага против тројца турски државјани за кои постојат сомненија за изнуда. Тројцата осомничени во група, со сериозна закана...
Детали за пукањето во Белград: Напаѓачите дошле со комбе до кафулето и почнале да пукаат кон гостите
Репортерка на „Н1 Белград“ од Вишњичка бања, каде денеска околу 14:30 часот се случи пукање во кое пет лица беа...
„Се пукаше од повеќе страни, луѓето се разбегаа“: Во пукање во Белград петмина ранети
Пет лица се повредени во пукање што се случи околу 14:25 часот во белградската населба Вишњичка бања. Според официјалните информации, повредени...
Извештај на Стејт департментот: Македонија отворена за инвестиции, корупцијата кочница за бизнисот
Водењето бизнис во Македонија е генерално лесно, а законската рамка е во голема мера усогласена со меѓународните стандарди, иако корупцијата...
Мицкоски: Нека ме наречат заостанат, но формирањето многудентно семејство е највисок патриотски чин
Премиерот, Христијан Мицкоски, упати порака до граѓаните дека формирањето семејство, формирањето многудентно семејство е највисок патриотски чин на еден народ...
Јаневска: Државата целосно го финансира учеството на талентираните ученици на меѓународни натпревари
Од оваа година, Министерството за образование и наука целосно ги покрива трошоците за пат и котизација на учениците и нивните...
Уапсени двајца турски државјани во Скопје, му се заканувале на едно лице дека ќе го убијат ако не му дадат пари
Вчера во 18:40 часот на подрачјето на Центар во Скопје, полициски службеници од Единицата за насилен криминал и Единицата за...
(Фото) Голем портрет од Нетанјаху и од Трамп на плажа во Тел Авив: израелскиот премиер како Пинокио
Израелските демонстранти ја искористија средбата меѓу Доналд Трамп и Бенјамин Нетанјаху во Белата куќа за да испратат порака од плажа...
