Соопштенија
(Видео) Арсовски: Криминалните шеми од управувањето со Струмица, Заев ги преслика на државно ниво

Зоран Заев и СДСМ за само една година успеаја да го најдат клучот за испумпување народни пари на ниво на целата држава, обвини на денешната прес-конференција портпаролoт на ВМРО-ДПМНЕ, Димче Арсковски, кој додаде дека Заев само го копира на национално ниво локалниот модел што два мандати го применувал во Струмица.
На прес-конференцијата Арсовски претстави две таканаречени криминални пајажини.
„На едната страна е криминалната пајажина што Зоран Заев ја сплете додека беше градоначалник на Струмица и успеа да испумпа милиони евра преку фирмите на неговите роднини и неговите блиски. На другата страна е пајажината што Заев успеа ја сплете откако дојде на власт, и тоа преку само една институција, Фондот за иновации. На истиот, негов, веќе испробан начин, се обиде да испумпа милиони евра, но беше фатен“, рече портпаролот на опозициската партија.
Арсовски обвини дека за само една година СДСМ успеал, како што рече, преку сомнителни, наместени во 4 очи тендери, да испумпа десетици милиони евра.
„Бидејќи Советот за јавни набавки не води веќе контрола околу тендерите, додека граѓаните се занимаваат со најгорливото прашање околу уставното име, за функционерите на СДСМ дојде животот. Тие удрија најбезобразно по парите на граѓаните низ сите институции. Секојдневно летаат тендери од институции до блиски луѓе на СДСМ и нивни функционери“, посочи тој.
Истакна дека ангажманот на камионите на Вице во РЕК издадените градежни дозволи, доделените концесии за ископ, доделените концесии за одгледување марихуана, се само мал дел од примерите како Зоран Заев ја унапредил локалната шема од Струмица.
„Кога на неа ќе се додадат и скандалите како тендерот за реагенси во здравство на Венко Филипче, Фонд за иновации, набавка на нови автомобили преку фирми донатори на СДСМ или набавките на апетисани за министерства, јасно се гледа ‘модус операнди’, односно начинот на вршење на делата на криминалниот картел на власт и се отсликува намерата зошто СДСМ се бореше да дојде на власт“, рече Арсовски.
Обвини дека Заеви, Анѓушев, Локвенец, Цветанка Ласкова и останатите блиски до СДСМ за само една година успеале да направат ршум низ институциите и заработиле милиони.
Портпаролот на ВМРО-ДПМНЕ побара Јавното обвинителство да го испита што побрзо скандалот „Криминални иновации” и веднаш да поведе постапки против сите инволвирани. Арсовски предупреди дека во спротивно, кривичното дело не застарува и еден ден кога, како што рече, нема да е заробено судството, правдата ќе излезе на виделина и ќе се задоволи, а сите инволвирани ќе одговараат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
Бомбастична есен = Бомбастични можности со Минт Кредит

Време е за нови планови и свежи почетоци – затоа што оваа есен носи бомбастични можности! Есенската сезона во Минт Кредит започнува со неверојатна понуда, -30% попуст на трошоци до 300.000 мкд и инстант одобрување за само 10 минути, твоите идеи и желби стануваат реалност веднаш.
· Без чекање.
· Без компликации.
· Само голема насмевка и мали трошоци. Акцијата важи во периодот од 22.09.2025 до 30.09.2025 за Минт Кредит од 300.000 мкд. Секој клиент кој ќе аплицира во наведениот рок ќе има можност да добие значителна заштеда, а истовремено и финансиска поддршка до 300.000 мкд. За повеќе информации контактирајте не на 15 107 или преку веб-страната Mint Credit.
(ПР)
Соопштенија
50 македонски комунални возила на БРАКО на улиците на Ријад

Над 50 возила за чистење Грин Машинс произведени во фабриката БРАКО од Велес се продадени во главниот град на Саудиска Арабија, Ријад. Со тоа, македонскиот инженерски производ се најде во служба на еден од најголемите урбани проекти на Блискиот Исток.
Од производствените хали на БРАКО во Велес, директно на улиците на Ријад – над 50 специјализирани возила GM636 се веќе испорачани и активно се користат за одржување на хигиената во главниот град на Саудиска Арабија.
Се работи за голема и комплексна испорака, во рамки на една од најобемните јавни програми за чистење во тој регион, каде што повеќе изведувачи беа ангажирани за чистење на различни делови од градот. 50 возила од брендот Грин Машинс на БРАКО се вклучени во тој проект. За потребите на проектот во Ријад, тимот на БРАКО дополнително го зајакна моделот, прилагодувајќи го за работа во специфични климатски услови и за ефикасно справување со песочни наноси на улиците и јавните површини.
Испораките за Саудиска Арабија не завршуваат тука – фабриката во Велес очекува нови нарачки за возила за чистење за во други саудиски урбани центри.
БРАКО произведува 8 модели на возила Грин Машинс: на водороден, електричен и класичен погон. Преку свои фирми ќерки во Соединетите американски држави, Обединетото Кралство, Холандија и Германија и преку надворешна продажна мрежа, македонската врвна технологија за урбано чистење ја има на пазарите во над 50 земји.
(ПР)
Соопштенија
БРАКО донира ЕКГ во болницата во Велес

БРАКО донираше апарат за ЕКГ на Интерното одделение во болницата во Велес, на барање на болницата која се обрати до БРАКО за помош за итна неопходна замена на расипано EKГ, како елементарно неопходно за нормално функционирање на болницата и пружање услуги на пациентите.
Велешката фабрика веднаш излезе во пресрет и ја набави потребната апаратура, 12-канално EKГ според спецификацијата доставена од здравствената институција.
При испораката на ЕКГ-то, во име на БРАКО болницата ја посетија Благој Шалев и Ангел Анѓушев, кои заедно со директорот на болницата Александар Бузалков кусо присуствуваа на обуката на персоналот за користење на новата опрема, како и на ставањето во употреба на толку потребниот апарат за пациентите во Велес.
БРАКО редовно го поддржува градот Велес со повеќе донации и спонзорства согласно потребите на граѓаните, како и други институции надвор од Велес. Што се однесува до здравството, БРАКО опреми со медицински мебел од сопствено производство еден кат на Абдоменална хирургија во Клиниката за Хируршки болести Св. Наум Охридски во Скопје, додека на Клиничкиот центар Мајка Тереза во Скопје донираше медицински мебел за Ургентниот центар, а во моментов се изработува медицински мебел за Клиниката за Тораковаскуларна хирургија за донација преку ФЕРОИНВЕСТ.
(ПР)