Соопштенија
(Видео) Петра Лукароска: Прилеп го допре дното, власта во заминување зад себе остава јавни претпријатија пред банкрот

„На крајот на 4-годишното владеење на ДПМНЕ, нашиот град, Прилеп, го допре дното. Покрај целосно нефункционалната Општина, власта во заминување зад себе остава и јавни претпријатија пред банкрот, чиј вкупен долг надмина 2 милиони евра. За прв пат во своето постење, во категоријата загубари се вброи „Водовод и канализација“, претпријатие кое неспособниот раководен кадар на ДПМНЕ го доведе на работ на амбисот со долг од близу еден милион евра“, кажа Петра Лукароска, кандидатка на СДСМ и Коалицијата за градоначалник на општина Прилеп.
„И покрај тоа, наместо ветеното намалување на цената на водата, прилепчани плаќаат повисоки сметки за нешто кое, и според бојата и според миризбата, личи на се’ само не на вода.
Своите услуги за дури 67 отсто ги зголеми и „Комуналец“. Ама ни тоа не придонесе за подобрување на хигиената во Прилеп: улиците се валкани, градот се гуши во смет, контејнерите преполни со ѓубре, депонијата во Алинци гори секој втор месец, вработените во царинскиот Терминал 7 месеци се без плата.
Загубар е и јавното претпријатие „Пазари“. Покривот на градскиот пазар се распаѓа, пазарџиите работат во нехумани услови иако за тезгите плаќаат високи закупнини. И Јавното претпријатие за просторни и урбанистички планови е во финансиска “дупка“. Иако за 50 отсто поскапеа градскиот превоз и цената за паркинг, платите во претпријатието не се исплаќаат во законски предвидениот рок. Тоа е причината поради која вработените во јавниот градски превоз во неколку наврати стапија во штрајк, а најавени се и нови прекини на градскиот превоз.
Почитувани, се’ што во Прилеп во изминатите 4 години можеше да поскапи – поскапи. Се’ што можеше да тргни на полошо, тргна. Зад сето ова, зад целата оваа катастрофа стои „потписот“ на Дејан Проданоски.
Како претседател на Совет во период од 3 години, Проданоски ги потпиша сите Одлуки за поскапување на цените на услугите на јавните претпријатија, а како 5-годишен актуелен претседател на Општинскиот комитет на ДПМНЕ, го одобри изборот на сите нивни директори.
На претстојните избори прилепчани нема да дозволат понатамошно тонење на градот. Агонијата мора да запре!“, изјави Петра Лукароска, кандидатка на СДСМ и Коалицијата за градоначалник на општина Прилеп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
Мицкоски: На раководството на СДСМ не му веруваат ниту традиционалните гласачи

Претседателот на ВМРО-ДПМНЕ, Христијан Мицкоски на денешниот народен митинг во Зрновци, меѓу другото, порача дека работите на политичката сцена во Македонија се јасни, дека опонентите преку измама сакаат да доберат до фотелјите, кои наместо за проекти и план, зборуваат со омраза и се служат со интриги.
Мицкоски посочи дека претседателот на Социјалдемократскиот сојуз, Венко Филипче се служи со истите лаги со кои се служеше неговиот претходник, Зоран Заев кој на времето ветуваше живот за сите, а Филипче сега ветува среќен живот.
„Ги слушам вчера изјавите на претседателот на СДСМ, каде ветува среќен живот. Тој пред него ветуваше живот, сега овој ветува среќен живот. Истите лаги, од исти луѓе. Уште едно ветување кое, исто така, го дадоа е подарокот кон нашиот источен сосед. Измислија нов подарок за ново предавство национално, кое сега го спакуваа во еден документ наводно патриотски предлог, наречен Резолуција со црвени линии за решение со нашиот источен сосед“, рече Мицкоски.
Мицкоски посочи дека е просто неверојатно е колку овие луѓе се забегани и мислат дека со истите финти ќе успеат, потценувајќи го народот да го прелажат.
„Мора да бидат казнети затоа што сакаат повторно да направат измама на ист начин и буквално со истите финти. Не се променети и затоа мора и овој пат да бидат казнети, бидејќи, очигледно дека лекцијата од април, мај 2024 година не ја научија“, истакна Мицкоски.
Претседателот Мицкоски посочи дека резултатите од спроведените анкети говорат дека рекордни 83% од граѓаните не им веруваат дека се искрени во тоа што го зборуваат, што покажува дека дури ни традиционални гласачи се свесни дека не ја говорат вистината.
„Замислете што уште кажа претседателот на СДСМ. Тој рече, верувале или не, дека тие биле искрени. Ако правите анкета и ако ги прашате граѓаните дали мислат дека навистина овие од СДСМ се искрени и дали им веруваат за тоа што го зборуваат, рекордни 83 проценти ќе ви кажат „не“. И најголемиот дел од нив кога ќе ги потпрашате ќе ви кажат и брутално, а зинат лажат. Тоа е таа отсутност и обид да си кажат нешто, па ако им пројде – пројде. Дури и нивните традиционални гласачи се свесни дека не ја говорат вистината, што впрочем се гледа и од анкетите. И сега, тие продолжуваат бесрамно да зборуваат дека биле искрени. Човек просто не може да верува. Немам зборови“, порача Мицкоски.
Соопштенија
Трајковски: Промени во Кисела Вода, Орце беше администратор на лаги – ништо не направи

„Последните четири години, Кисела Вода не виде развој, не виде перспектива. Видовме само илузии, празни ветувања и 3Д спотови без ниту една закована шајка“, порача кандидатот за градоначалник од СДСМ, Горан Трајковски, од трибината во Кисела Вода.
Трајковски ја опиша реалноста во општината како резултат на тотална неспособност на актуелното раководство.
„Орце Ѓорѓиевски не беше градоначалник. Тој беше администратор на лаги. Ветуваше технолошки зони во Драчево и Чупријан, а не донесе ниту еден инвеститор. Ветуваше модерна инфраструктура, а улиците денес се распаѓаат. Ветуваше трим патеки, монтажни гаражи, мото-крос патеки, нова поликлиника, базен и рекреативен центар, а не направи буквално ништо. Наместо чиста, еколошка општина, остави запуштени плоштади и депонии. И сега истиот човек бара поддршка да го води Скопје! Тоа не е визија. Тоа е навреда на секој граѓанин што чекаше четири години, а не доби ништо“, порача Трајковски од трибината во Кисела Вода.
Трајковски ја претстави својата програма пред граѓаните, фокусирана на праведна распределба на општинските ресурси, фер можности за сите и човечен, хуман пристап во секоја сфера од живеењето.
„Приоритет ми е Кисела Вода за сите. Во оваа програма, во фокусот се младите и децата, каде ќе обезбедиме бесплатна партиципација за сите деца во градинките, 70% субвенциониран оброк за сите ученици, реновирање на сите градинки и училишта.“, нагласи Трајковски.
Кандидатот на СДСМ најави и праведен и хуман урбанизам, достапна инфраструктура во сите населби и маала, без разлика дали се работи за Пинтија, Драчево или Усје.
„Ќе има канализација, водовод и осветлување во секое маало. Парковите ќе ги обновиме, запуштените скверови ќе ги раззелениме, а јавниот превоз за пензионери и самохрани родители ќе биде бесплатен“, истакна Трајковски.
Програмата предвидува ревизија на урбанистичките планови, монтажни и подземни гаражи, реконструкција на улици и мостови, како и решенија за паркирање и водоснабдување. Секое маало ќе добие функционална инфраструктура, не само елитните делови. Во економијата планира 1.000 нови вработувања, 100 мали бизниси, бизнис-инкубатор, преквалификации и поддршка за зелени иновации.
Социјалната правда вклучува субвенции за самохрани мајки, бесплатни оброци, домашна нега за стари лица, центар за жртви на семејно насилство и пристапност за лица со попреченост.
„Не ветувам чуда, туку работа за секој граѓанин. Време е парите да одат за децата, не за партиски ПР“, рече Трајковски.
Соопштенија
(Видео) Филипче од Кисела Вода: Мицкоски бил против криминалот, а во партијата седи на столче купено од криминал

На граѓанската трибина „Се бориме за нашиот дом“, во Кисела Вода, претседателот на СДСМ, д-р Венко Филипче го повика лидерот на ВМРО-ДПМНЕ, Христијан Мицкоски, да преземе одговорност ако, како што вели, навистина е против корупцијата и криминалот во државата.
„Гледам дека Мицкоски вели дека корумпираните политичари требало да се испратат во историјата. Пазете тој бил криминалофоб. Се плашел од криминалот. Да не беше смешно ќе беше трагично. Еве му шанса на Мицкоски да се послуша самиот себеси и нека се отстрани од политиката. И тој, и неговите соработници“, рече Филипче.
Во обраќањето пред граѓаните, Филипче потсети дека токму партијата предводена од Мицкоски има најголем број кривични пријави, а зградата на ВМРО-ДПМНЕ е изградена со народни пари.
„Замислете, претседателот на ВМРО-ДПМНЕ најбогатата политичка партија во Европа, со седиште од 8 милиони евра изградено со пари на граѓаните од даноци, бил против криминалот. Мицкоски седи на столче во партијата кое од криминал купено ама тој е против криминалот“, рече Филипче.
Тој ја обвини опозицијата за расипничко трошење на јавни средства и партизирано користење на институциите:
„Да ве потсетам: со народни пари си ја платија фирмата што ја работи нивната кампања. На митинзи одат со службени возила, менито во владата веќе го знаете сите“, истакна.
Како што кажа Филипче, кога ВМРО-ДПМНЕ зборува за криминал треба прво да си погледнат во своиете редови.
„Сите скандали за криминал, тендери по општините, во министерствата кои ги објавивме не ги признаа. Затоа кога зборуваат дека ќе апселе по изборите никого не може да заплашуваат. Нека си погледнат во своите редови.“, рече претседателот на СДСМ, Венко Филипче.