Соопштенија
(Видео) Стоилковски: Републичкиот јавен обвинител мора да биде сменет
![](https://makfax.com.mk/wp-content/uploads/2018/10/stoilkovski.jpg)
ВМРО-ДПМНЕ до Основното јавно обвинителство за гонење организиран криминал и корупција ја поднесе кривичната пријава за повеќе од 200 лица, претседатели, членови и нивни заменици на избирачки одбори во Струга, Центар Жупа, Кичево, Желино, Боговиње и Сарај, со основано сомнение дека на изминатиот референдум над 50.000 гласа биле злоупотребени, но и поради полнење кутии, рече портпаролот на ВМРО-ДПМНЕ, Наум Стоилковски.
Тој додаде дека потребата за смена на републичкиот јавен обвинител, Љубомир Јовески, е неминовност поради неговото нестручно и несовесно работење, односно, како што рече, неработење, со што прави злоупотреба на службената должност.
„Републичкиот јавен обвинител, Јовески, мора да замине заради демократијата во Република Македонија. Референдумот и во кампањата и на денот мина во најнедемократска атмосфера, со поткуп, уцени, закани, лажење и лажно претставување преку кол-центри, до полнење кутии на денот на референдумот. За сето ова време Јовески не мрдна со прст, чекаше и чека поднесување претставки или кривични пријави, кои потоа ги става во фиока чекајќи да мине референдумот оставајќи го да се одвива во иста криминална атмосфера“, истакна Стоилковски.
Портпаролот на опозициската партија посочи дека во случај против криминогени дејства, криминал во изборни цели, републичкиот јавен обвинител, Љубомир Јовески, е обврзан да дејствува.
„Јовески е човек ставен во глувчешка дупка за да ги аболира, затскрие, скрие и оправда криминалите на власта, да ги скрие и одложи криминогените дејства против изборите, односно против референдумот“, додаде Стоилковски и рече дека со плашлив човек на ваква важна функција демократски избори се невозможни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Соопштенија
„Славиме заедно – 100 години Прилепска пиварница“
![](https://makfax.com.mk/wp-content/uploads/2024/06/post-i-PR.jpg)
На 13 јули 2024 година, со почеток од 20 часот, во срцето на плоштадот Методија Андонов – Ченто во Прилеп, ќе се одржи спектакуларен настан за одбележувањето еден век од постоењето на Прилепска Пиварница.
Основана во 1924 година, Прилепска Пиварница е камен-темелник на заедницата, произведувајќи најквалитетни пијалаци што го отелотворуваат нашето богато наследство. Овој значаен јубилеј заслужува голема прослава и затоа ве покануваме да ни се придружите заедно да го одбележиме овој наш голем роденден.
Настанот ќе биде исполнет со музика и забава. Реномираните уметници Марија Шерифовиќ, „ДНК“ и „Тропико бенд“ ќе се погрижат да приредат незаборавна вечер што долго ќе се прераскажува.
Не ја пропуштајте можноста да бидете дел од историјата и да прославите 100 години успешност заедно со нас. Придружете ни се на 13 јули на плоштадот Методија Андонов – Ченто во Прилеп, за незаборавна вечер со музика, веселба и убави спомени.
ПР текст
Соопштенија
Фестивал на видео игри во Diamond Mall
![](https://makfax.com.mk/wp-content/uploads/2024/06/Foto_1.jpg)
Од 15 до 19 јуни, сите љубители на видео игри ќе бидат во Diamond Mall каде ќе се одржи специјален фестивал посветен на модерните и ретро видео игри. Фестивалот е во организација на Diamond Mall и ќе има натпреварувачки карактер, со атрактивни подароци за натпреварувачите во различните категории. Посетителите што нема да се натпреваруваат ќе имаат можност да бидат дел од гејминг забавата во посебно опремениот простор со симулатори и конзоли за видео-игри.
На фестивалот во Diamond Mall сите учесниците и љубителите на видео-игрите ќе можат да се забавуваат и натпреваруваат, а меѓу игрите што ќе ги понуди фестивалот се оние од „PlayStation“ и „Nintendo“, но и ретро видео-игрите како „Super Mario“, „Pack-Man“, „King Kong“ и сл. Понудата е дополнета и со опции за натпреварување и забава, преку практикување фудбалски вештини.
За најуспешните учесници на фестивалот на видео-игри, Diamond Mall ќе обезбеди подароци ќе ги додели познатиот македонски актер, познат љубител на видео игри и програмер Гораст Цветковски, а доделувањето ќе се одржи на 19 јуни 2024, на последниот ден од фестивалот.
Настанот е дел од низата активности што Diamond Mall ги нуди на своите посетители, овозможувајќи им нови и поинакви искуства, кои се комплементарни со останатите содржини на трговскиот центар. Благодарение на ваквиот уникатен концепт, Diamond Mall прерасна во една од омилените дестинации за сите жители и посетители на главниот град.
ПР текст
Соопштенија
Компанијата „Зегин“ ги обедини граѓаните во хуманитарна трка
![](https://makfax.com.mk/wp-content/uploads/2024/06/NO1_8466.jpg)
Во неделата во Општина Аеродром се одржа “Хуманитарната Трка Зегин Спектратон- Трка на херои во сите бои”.
Трката беше во организација на компанијата Зегин и Фондацијата Д-р Верица Механџиска, а средствата собрани од сите котизации на пријавените учесници ќе бидат донирани во Здружението “Во мојот свет”, за реконструкција на првиот регионален социјален клуб за адолесценти со аутистичен спектар.
Повеќе од 1800 граѓани трчаа во име на хуманоста, љубовта и свет еднаков за сите.
Трките беа поделени во неколку категории:
Трка на 10км
Трка на 5км
Штафетна трка 2х5км
И детски трки од 150, 300 и 500м.
За сите пријавени учесници следуваше богат пакет, а за најдобрите имаше и награди во сите категории.
Тркачите имаа задоволство да трчаат по сертифицирана патека, а сите посетители уживаа во забава, музика, игри за најмалите и освежување.
Ваквите настани се показател дека општествената одговорност треба да биде важен сегмент на сите компании и поединци кои можат во голема мера да помогнат за подобрување на квалитетот на животот на оние на кои им е најпотребно.
ПР текст