Соопштенија
(Видео) Стоилковски со 30 прашања за Филипче: Дали му недостигаат седенките со Боки 13 и колку чинат месечните транши рекет?
Наум Стоилковски, портпарол на ВМРО-ДПМНЕ, му постави 30 прашања на миистерот за здравство, Венко Филипче.
„До каде е новиот клинички од половина милијарда евра или чекате да дојде до милијарда? Дали до толку им требаат амбулантни возила во Скопје или е само завист за службените џипови за директорите? Колку отсто е маржата за набавка на инсулин, па што се уништува оној со валиден рок?Дали сте единствен министер за здравство кому му се случи, денеска, отворена човек-фирма со нула искуство, да биде единствен понудувач на тендер тежок дури 36 милиони евра и таа да му биде прифатена или еден Жути? Има ли уште некоја донација со кус рок во вашата невладина што може да ја поделите на пациентите како инсулинот во 2018? Имаше ли санкции за набавките на директорката Пановска-Ставрдис од компанијата на татко ѝ тешки над 3 милиони евра или и натаму си пазари дома? А санкции имаше ли за набавките за Онкологија и Радиологија, пак со Пановски, во четири очи за 400.000 евра, сомнително оправдувани како интервентни набавки?“, праша Стоилковски.
Тој постави и прашање дали „мерцедесот“ уште се продава за амбулантни возила или и така редовно се вози пациент? Колку патарини се минуваат за да се однесат транши рекет до благајникот со брада во Струмичко во аферата „Рекет2“?
„Ако сакавте да му ја преземете ‘Дијамед’ пред нос на шведскиот инвеститор, по колку ќе поделевте со Ден Дончев, ќе му кажевте ли на шведскиот амбасадор? Ви недостигаат ли вечеринките со Боки 13, на кои разговаравте за здравствениот систем, јавно-приватно партнерство, колку чинат месечните транши рекет, или кој да ја купи ‘Дијамед’? Дали пак се доведувате во тесно за штипската клиника со само 7 дополнителни милиони евра од буџетот наместо да заокружите на 10, па што ќе остане повторно се ваши? Што ве налути Детската кардиохирургија што толку студено се отарасивте од неа и ја оставивте на приватно? Оперираат ли сега доктори без дозвола за работа или без соодветна лиценца срциња на деца или како министер за здравство не е ваше да се мешате во приватниот сектор?
До каде е, рековте, новиот клинички центар во Скопје? А во Битола до каде е? Требаше да биде готов според „планот 24 месеци“ на Владата? Веќе и онака не е важно, нели? Колку точно доктори и медицински сестри го фатија патот кон Германија со вашите рекетарски реформи? Место нив, преземате ли доктори од приватниот во јавен сектор, вчера вработени и со стаж од еден работен ден?Колку сега се чека за „Мој термин“ за дијагностичките процедури, ортопедијата и урологијата, сте закажале ли за проба? Навистина, Филипче, кој е одговорен за огромната количина отпад во дворот на Клиничкиот центар? Имате член на семејството за фотографирање како прима вакцина против коронавирус, може и со капаче? Зошто нема резерви на адекватни заштитни маски, комбинизони, заштитни очила, дезинфекциски средства и слично за справување со биолошки закани или тука е секогаш сигурниот Пановски?
Ако многуте вработувања во здравството сега пред избори се итност, значи ли тоа дека здравствениот систем е во критична состојба со кадар? Ќе проработи ли еднаш фамозниот акцелератор во Битола заедно со бункерот вреден 8 милиони евра или и натаму само ќе го најавувате? Бесплатното болничко лекување за сите осигуреници во согласност со изборната програма на СДСМ во „планот 18 месеци“, се чека да почне на новиот клинички центар во Скопје? Имате ли табели за споредување на различните резултатите од лабораториите – секоја со свои мерки и апарати? На седенките со Вице Заев за кого сè ви интервенира и ви фаќаше врски, како вели Зоран Заев, може ли да откриете или можеме и сами да ги нагаѓаме? Колку отсто од лекарите специјалисти имаат плата од 100.000 денари? Функционира ли дијабет-центарот, кој помпезно го отворивте во Велес? Зошто прекина секаква едукација на доктори во странство, спонзорирани од Министерството, од кога вие лично ја искористивте? На крајот, што се случи со тендерот за стерилизација тежок над 13 милиони евра, па, министре, ќе се сложите, не е фер Жути да не го земе по 79 милиони евра земени од тендери од кај вас?“, се прашањата што ги постави Стоилковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Европски младински олимписки фестивал (EYOF) 2025 во Скопје и Куманово: ќе учествуваат 50 делегации од повеќе европски земји
Најголемиот младински спортски настан во Европа, кој ги поврзува учесниците во духот на олимпизмот, пријателството, меѓусебната почит и поддршка, ќе се одржи во Скопје, Куманово и Осиек (Хрватска), од 20 до 26 јули 2025 година.
На традиционалниот престижен олимписки фестивал ќе учествуваат 50 делегации од повеќе европски земји, над 4000 спортисти на возраст од 14 – 18 години, нивни тренери и тимови за поддршка и околу 700 волонтери, кои ќе се натпреваруваат во 15 спортски индивидуални и групни дисциплини: атлетика, пливање, гимнастика, џудо, велосипедизам, маунтајн бајк, ракомет, одбојка, баскет 3х3, бадмингтон, стрелаштво, кајак слалом, теквондо и пинг – понг.
Претстојната манифестација беше повод за денешната прес – конференција во Општина Куманово, еден од градовите домаќини на спорсткиот собир, на која присуствуваа раководителот на Секторот за култура, спорт, социјална заштита, заштита на децата и здравствена заштита, Александар Крстевски, директорот на ЈП Куманово паркинг – Куманово, Андреја Маџовски и претставници од EYOF.
Соопштенија
Родителите од Кочани: Мицкоски ни рече да си одредиме цена за нашите деца
Родителите на загинетите деца во пожарот во дискотеката „Пулс“ во Кочани велат дека нивното барање со државниот врв, завршило со средба со премиерот, Христијан Мицкоски, на која како што тврдат, се соочиле со навреда и газње по нивната болка.
На 1 јули, тие испратиле барање до премиерот Христијан Мицкоски, претседателката Гордана Сиљановска-Давкова и претседателот на Собранието Африм Гаши. По две недели, единствен одговор добиле од кабинетот на премиерот, кој закажал состанок на 7 јули во Скопје.
И покрај нивната желба средбата да се одржи во Кочани, им било соопштено дека безбедносните услови не дозволуваат патување на премиерот, па состанокот се одржал во Владата.
На средбата, премиерот рекол дека барањето го гледа за првпат, а во врска со барањето за еднократна парична помош, изјавил: „Ова барање е исто како предлогот на СДСМ, само што вие немате ставено цена. Одредете си цена за вашите деца.“, тврдат родителите.
Велат дека тоа е навреда што никогаш нема да ја заборават и порачаа: „Доста е! Доста со манипулации. Доста со потценување на нашата болка. Доста со лаги и игри врз сметка на животите на нашите деца!“
Потенцираат дека немаат политички агенди и дека нивната единствена цел е правда за 62-те млади животи кои загинале.
„Нашите деца се херои. Ако вие не знаете да ја водите државата, ако не знаете да обезбедите правда… отстапете го вашето место на некој што знае, што умее, што има совест и храброст.“
Родителите го повикуваат премиерот и институциите да престанат со одолговлекување, додавајќи дека судскиот процес уште не започнал, а осомничените шетаат слободно.
Меѓу нивните барања се еднократна парична помош за секое погодено семејство, преку Фонд за итна поддршка, како и право на предвремено пензионирање или инвалидска пензија за родителите на починатите поради траумата низ која поминуваат и неспособноста да работат.
Соопштенија
Tefal store powered by Neptun ја отвора својата прва монобренд-продавница во Скопје
Францускиот бренд Tefal, кој речиси 70 години произведува садови за готвење и мали апарати за домаќинство, со гордост информира за големото отворање на својата прва моно-бренд продавница Tefal powered by Neptun, сместена во East Gate Mall, најголемиот шопинг центар во регионот.
Големото отворање на Tefal Store powered by Нептун во East Gate Mall (кат -1) ќе биде на 09.07.2025 (среда) во 12:00 часот. Првите 50 купувачи на денот на отворањето со сметка над 2.999 денари добиваат подарок.
Потенцијалните купувачи ги очекуваат многу изненадувања, награди и попусти до 50%. Погледнете леток на Tefal store powered by Neptun со промотивни цени од 09.07-13.07.2025.
Tefal е дел од групацијата SEB, што вклучува иновативни производи под бројни брендови како Rowenta, Krups, WMF итн.
Секоја година, повеќе од 200 милиони производи од групацијата SEB се продаваат во повеќе од 150 земји глобално, а до денес, Tefal, со своите 150 патенти, има продадено над 1,5 милијарди садови за готвење низ целиот свет.
Новата моно-бренд продавница, прва од ваков вид за брендот во нашата земја, претставува важен чекор во експанзијата на Tefal низ Југоисточна Европа, носејќи ја својата светски позната технологија, дизајн на производи и иновации директно до македонските потрошувачи.
„Отворањето на нашата прва официјална моно-бренд продавница Tefal Store powered by Neptun во Македонија претставува стратешка пресвртница за Tefal во регионот. Балканскиот пазар има огромен потенцијал, а нашата земја е во срцето на тој раст. Целосно сме посветени на градење долгорочна видливост на Tefal преку силни локални партнерства и директно малопродажно присуство. Нашата цел е да обезбедиме секој потрошувач да има пристап до безбедни и иновативни производи што го подобруваат нивното секојдневно искуство“, изјави Гоце Боцески – Генерален директор на Neptun, стратегиски партнер на Tefal за Македонија.
Категориите на Tefal вклучуваат мали кујнски апарати, апарати за одржување на домот, лична нега и садови за готвење – практични и ефикасни производи, усогласени со клучните општествени и еколошки предизвици.
Зад уредите, Tefal изгради репутација за квалитет, издржливост и доверба – вредности што овозможија лојалност на упатените потрошувачи што трагаат по попријатен, похармоничен и поисполнет живот.
Со силен фокус на иновации, безбедност и одржливост, Tefal е глобално признат во редефинирање на начинот на кој луѓето ги користат иновациите и го извлекуваат максимумот од нив секој ден.
„Горди сме што ја отвораме првата официјална моно-бренд продавница на Tefal во регионот, на 120 м² – токму тука во Скопје, во трговскиот центар East Gate. Ги покануваме сите да ја посетат и да ги истражат Tefal, Rowenta, Krups, WMF и да ја испробаат возбудливата технологија што ја носиме во ова инспиративно ново поглавје.
Во текот на изминатите неколку години, македонските потрошувачи покажаа неверојатен ентузијазам за високо квалитетни и безбедни производи, па така отворањето моно-бренд продавница беше природен чекор, што ни дава можност да го подобриме искуството во живо и да го претставиме целиот спектар на нашите најнови решенија – под еден покрив“, дополнува Гоце Боцески – Генерален директор на Neptun.
Купувачите што ќе ја посетат продавницата ќе можат да пробаат, тестираат и купуваат производи лично, со помош на високо обучен продажен персонал, кој ќе им обезбеди помош, демонстрации и најдобри совети.
(ПР)
ДУИ ги соопшти имињата за градоначалници и во Тетово и Желино, за Гостивар ќе чека предлог од Таравари, а за Струга од Села
Претседателот на Демократската унија за интеграција (ДУИ), Али Ахмети, свика редовна седница на Централното претседателство на партијата, на која беа...
Бујар Османи ја објави кандидатурата за градоначалник на Чаир: „Не се работи за функција“
Бујар Османи од Демократската унија за интеграција (ДУИ) денес официјално ја објави својата кандидатура за градоначалник на општина Чаир. Одлуката,...
Стабилизирана ситуацијата со пожарот кај Преспа, продолжува гаснењето во прилепско
Пожарот што избувна во близина на Преспанското Езеро е ставен под целосна контрола, информира директорот на Дирекцијата за заштита и...
Мицкоски предлага пет различни потрошувачки кошнички: Не се исти потребите на еден пар пензионери и на еден млад брачен пар
На првата седница Економско-социјалниот совет во кој ќе членуваат претставници на сите синдикати, ќе се разгледува нов начин на пресметување...
(Видео) „Во мандатот на Шукова во МЖСПП бевме труени со отровен мазут, СДС и Каја губат во првиот круг“, вели Манасиевски
„СДС И Каја Шукова губат во прв круг, во мандатот на Шукова во МЖСПП бевме труени со отровен мазут. Кој...
Зајкова: Ако некој пратеник мисли дека банките му се поважни од народот, нека излезе и нека каже – „гласав за банките, а не за народот”
Претседателката на Либерално-демократската партија (ЛДП) и пратеничка во македонското Собрание, Моника Зајкова, повторно, по трет пат ќе ги поднесе измените...
Две скопјанки се истепаа во автокамп на Охридското Езеро, подоцна се вклучило уште едно лице
Вчера во 20:54 часот, во авто-камп лоциран на Охридското езеро, 31-годишната К.Д. физички ја нападнала 45-годишната Е.Р.А., двете од Скопје...
Маж од Србија пронајден мртов на охридското крајбрежје
Вчера во 19.41 часот, во СВР Охрид е пријавено дека, во близина на хотелски комплекс на охридското крајбрежје, има починато...
Пониски цени на бензините од полноќ
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
(Фото) Сиљановска-Давкова го прогласи отворен Летниот европски младински олимписки фестивал
Претседателката Гордана Сиљановска – Давкова вчеравечер го прогласи за отворен Летниот европски младински олимписки фестивал и рече дека организацијата на...
Односот меѓу Трамп и Путин се менуваше во текот на годините, сега се чека конечен резултат
Американскиот претседател Доналд Трамп неодамна му даде на Владимир Путин 50 дена да постигне мировен договор и најави драстични трговски...
(Видео) Кина почнува со изградба на најголемата хидроелектрана во светот, Индија и Бангладеш загрижени
Кинескиот премиер Ли Чијанг го објави почетокот на изградбата на најголемата хидроелектрична брана во светот, која се наоѓа на источниот...
(Видео) Ноќен напад врз Киев: најмалку едно лице загина, чад влезе во подземно засолниште
Најмалку едно лице загина, а две други беа повредени во голем руски напад со беспилотни летала и ракети врз Киев...
Изменет сообраќаен режим во наредните четири дена во Скопје кај кањонот Матка – реката Треска
Секторот за внатрешни работи Скопје ги известува граѓаните дека поради одржување на Европските младински игри Скопје 2025 во кајак на...
(Видео) Спасувачка мисија на полицискиот хеликоптер во Струмичко
Вчера полициски хелиокптер од типот Бел-412 од Одделот за воздухопловни единици дејствуваше на пожар во Василево, село Нивичино. Поради разгорување...
Следува период на многу топло време со температури над 40 степени
Времето денеска ќе биде претежно сончево и многу топло со слаб до умерен ветер од западен и југозападен правец. Минималната...
(Видео) Лефков: Структури од СДС делуваат со бугарската антимакедонска пропаганда
До нас стигнаа информации кои укажуваат на јасна поврзаност на бугарската антимакедонска пропаганда и политички структури поврзани до и од...
(Видео) Кузеска: Тошковски кога ќе порасне сака да биде како Груевски – со партиска милиција под своја контрола
Очигледно министерот Панче Тошковски оди по стапките на својот идол – Никола Груевски и делува како негов партиски клон, рече...
(Видео) Мицевски: Обезбедени се средства од двата повици на Владата за Крива Паланка, ВМРО-ДПМНЕ се грижи за сите општини и сите граѓани
Координаторот на пратеничката група на ВМРО-ДПМНЕ, Никола Мицевски, денеска од Крива Паланка изјави дека преку двата повици на Владата, за...
(Видео) Манасиевски: СДС во октомври ги очекува дебакл
СДС ги очекува невиден дебакл во Скопје. Изборите ќе ги изгубат во октомври, како што 1 + 1 = 2....
