Соопштенија
ВМРО-ДПМНЕ: Судството слепо ги извршува нарачките на Заев
Суд кој работи под криминален диктат на ликови како Заев и Пендаровски не дели правда, туку неправда. Кацарска-судството и русковска-обвинителството се срам за правдата и правдината во Република Македонија, соопшти ВМРО-ДПМНЕ.
Според партијата, Заев има афинитет кон лажење и криминал, а со третата амнестија судот само го доведува во прашање сопствениот кредибилитет и не му помага бидејќи криминалците имаат тенденција да ги повторуваат делата, особено доколку за нив им се прогледува низ прсти.
„Апелациониот суд вчера со носење ослободителна пресуда за Заев, за случај во којшто цела јавност виде дека бара мито, потклекна на притисоцитe. Дел од судство во Република Македонија е целосно партизирано и работи по насока на Заев и Пендаровски, занемарувајќи докази и аргументи. Судството слепо ги извршува политичките нарачки на единствениот аболициран политичар Зоран Заев и неговиот послушник Пендаровски.
Додека институциите слепо работат во служба на Заев и неговиот криминал, Македонија и граѓаните секојдневно осиромашуваат. На Република Македонија ѝ се потребни судии и јавни обвинители кои ќе работат независно и непристрасно, професионално и во интерес на Уставот и законите, а не судии кои судат во грч и под политички притисок.Заев и Пендаровски ја клекнаа Македонија на колена. Заев единствено што направи со доаѓање на власт е што ги распродаде македонските национални и државни интереси.Со СДСМ и Заев Македонија тоне.
Ова мора што поскоро да запре. Затоа потребно е граѓаните масовно и целосно да се обединат и да дадат поддршка за кандидат за претседател на Република Македонија, за проф. д-р Гордана Силјановска-Давкова. Република Македонија и граѓаните заслужуваат правда и правна држава каде што ќе има владеење на правото”, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Ристов: Конче продолжува да се гради и развива паралелно со сите големи општини во Македонија
Златко Ристов, кандидат за градоначалник на општина Конче од редовите на ВМРО-ДПМНЕ, се обрати од денешниот настан одржан во општината, во рамки на вториот круг од локалните избори кои ќе се одржат на 2 ноември. Тој се осврна на темите за младите во општината, инфраструктурата, како и неговата програма како кандидат за градоначалник на општината, која како што вели тој е изготвена да одговори на потребите на граѓаните кои живеат во општина Конче.
,,Во мојата работа како градоначалник, секогаш се водев од потребите на месното население, ги слушав вашите предлози, заеднички ги решававме сите проблеми и затоа сега имаме изградени и реконструирани патишта и улици низ сите населени места. Уредувавме јавни простори, паркови, затоа што сакаме нашите деца да растат во чиста и уредна средина“, рече Ристов и додаде:
,,Конче ја доживеа својата ренесанса во изминатите 4 години. Конче се градеше и развиваше паралелно со сите големи општини во Македонија“.
Ристов истакна дека неговата програма е веќе позната на граѓаните, и има за цел да ги реши сите нивни проблеми, а се состои и од проекти кои се од интерес на жителите на општина Конче.
,,Во вториот изборен круг да излеземе масовно на избори да го направиме вистинскиот избор, за нашата општина. Нашата програма, мојата и на мојот тим на советник. Се потрудивме да стигнеме до секој еден од вас. Во неа се опфатени проекти од сите сфери“, кажа Ристов.
Како што вели тој, младите во општината ќе бидат поддржани преку стипендии и еднократна помош, а во делот на спортот, ќе продолжат да се градат и реконструираат спортски терени.
,,Спортот и најмладите, ќе продолжиме да градиме и реконструираме стадиони, културни домови, ќе продолжиме да ги поддржуваме најмладите преку стипендии за најдобрите ученици, еднократна помош за секој ученик кој го завршува основното образование и се запишува во средно, стипендии за најдобри студенти“, истакна Ристов.
Ристов се осврна и на делот за инфраструктурата каде кажа дека ќе има реконструкција на системите за водоснабдување, а ќе се унапреди и дел од процесот за одржување на патиштата за време на зимскиот период.
,,Водоводните и канализационите системи, ќе се реализираат следните: ќе извршиме реконструкција на системите за водоснабдување, во населените места Лубница, Горни Липовиќ. Дедино, Конче, Ракитец, ќе ги доизградиме системите за фекална канализација во Конче, Горни Липовиќ, Ракитец и Долни Липовиќ. До крајот на годината ќе биде испорачан камионот кипер кој што ќе биде во функција на одржување на патиштата по сите населени места, зимско одржуваме на нашите локални патишта и други потреби кои ќе произлезат од нашите граѓаните“, заклучи Ристов.
Соопштенија
„Влен“: За ДУИ и за Ахмети, министерските позиции се единствената алатка за опстанок во политиката
После пет дена, на Али Ахмети конечно му беа покажани резултатите од „референдумот“. И ете, тој излезе и рече дека победиле на локалните избори, велат од ВЛЕН.
„Ова е апсурдно. Победите на ВЛЕН во Чаир, Сарај, Арачиново, Желино, Теарце и убедливото водство во Тетово, Боговиње, Дебар, Струга, Брвеница и Долнени се далеку поголеми од „победата“ во Пласница и Липково. Мислевме дека Али Ахмети и ДУИ конечно станале свесни за резултатите од „референдумот“, но тие продолжуваат да ги доживуваат локалните избори како парламентарни, бидејќи за нив министерските позиции се единствената алатка за опстанок во политиката. Дваесет години политиката на Али Ахмети се градеше на два столба: власт и само власт. А што се однесува до „ветингот“ што тој денес го бара, тоа одамна му го направи неговата сенка Артан нон грата Груби, за кого и понатаму тврди дека е „чист како солза“. Затоа, пред да побара предвремени избори, Али Ахмети треба да се запраша: Дали ќе може да се соочи со слободниот глас на Албанците кои повеќе не се плашат од него? Затоа што времето на Газиместан заврши. ВЛЕН е сегашноста. ДУИ е минатото“, се наведува во соопштението.
Соопштенија
Македонски концепт со поддршка за Орце Ѓорѓиевски: За стабилно и одговорно раководење со Град Скопје
„Македонски Концепт застанува цврсто зад изборот на Орце Ѓорѓиевски за градоначалник на Град Скопје. Нашата поддршка е резултат на убедувањето дека Скопје заслужува докажан и компетентен кадар, со јасна визија и професионален пристап во управувањето со главниот град“, велат од Македонски Концепт.
„По години на политички егзибиционизам и импровизација, време е да се стави крај на експериментите со судбината на Скопје. На граѓаните им е потребен стабилен, искусен и проверен градоначалник кој ќе работи за интересите на сите скопјани – без популизам, без партиски калкулации и без лични промоции.
Македонски Концепт верува дека Орце Ѓорѓиевски, како кандидат на нашата коалиција “Твоја Македонија”, е вистинскиот избор за враќање на достоинството, редот и функционалноста во управувањето со Град Скопје. Време е Скопје повторно да стане модерен, уреден и безбеден европски град“, се наведува во соопштението на Македонски Концепт.

