Соопштенија
Глас за Македонија: Секој може да конкурира за судија, ќе имаме судии со просек „шест“

На последниот оглас од мај 2019 година, во условите за прием за обука во Академијата за судии и јавни обвинители, критериумите се снижени до крајни граници, велат од партијата „Глас за Македонија“, преку соопштение.
„Наместо како досега, да се бара од кандидатите просек за завршени студии, оваа ставка е оставена сосема отворена. Затоа утре ќе имаме судии и јавни обвинители со просек 6, што е невиден пад во квалитетот. Исто така, наместо досегашното работно искуство од најмалку 5 години после положен правосуден испит, потребниот стаж е намален на само 2 години“, се наведува во соопштението на партијата на Солза Грчева.
Се сдодава дека за 60 кандидати кои требат да бидат примени, се пријавиле над 500.
„Ова само значи дека услови нема, односно речиси секој е “квалификуван“ да конкурира. Со ваквиот однос кон правосудството, се отвора пат за непотизам, за произволен избор на кандидатите и за неквалитетен кадар по вкус на власта.
Не е јасно дали изборот ќе се врши на томбола, со бинго или пак со телефонски повици.
Крајно несериозно е да се вели дека се прават реформи во правосудството, а да се нема цврсти и строги критериуми за прием на оние кои утре треба да вршат високи и одговорни функции. Затоа имаме и ќе имаме чудни пресуди, селективна правда и поткуп. Глас за Македонија во ваквите јавни повици исчитува уште едно место за корупција“, се додава во соопштението на политичката партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
Ливриниќ: Вистинска грижа за бутелчани или прекршување на Изборниот законик на последниот ден на кампањата

Во мојата програма јасно најавив мерка за ослободување од надоместок за плаќање на оброк и ужина за сите деца на сите наши сограѓани во Општина Бутел – без исклучок и без поделби. Денеска, Советот на Општина Бутел усвои две мерки со слична содржина. Тоа не го сметам за проблем, напротив – го поздравувам и поддржувам секој чекор кој е во интерес на граѓаните, вели кандидатката за градоначалничка на Општина Бутел од СДСМ, Оливера Ливриниќ.
Но, како што вели, проблемот е начинот и времето на донесување на овие одлуки.
„Претседателот на Советот и градоначалникот Костовски добро знаат дека се наоѓаме во предизборна кампања, и тоа во последниот ден од истата, кога согласно закон е строго забрането донесување одлуки кои имаат финансиски импликации врз општинскиот буџет. Морале и можеле оваа мерка да ја донесат на законски начин на почеток на училишната година и пред изборната кампања“, вели Ливриниќ.
За жал, додава таа, со ваквите потези, мерките што се носат денес нема да имаат реален ефект врз граѓаните, бидејќи постои сериозна можност да бидат оспорени од Државната изборна комисија (ДИК) и Државната комисија за спречување на корупцијата (ДКСК).
Соопштенија
Насевска: Ќе ја реконструираме киносалата во Злетово

Од песните и ората преку театарот, ликовниот израз, модерниот балет, уметничкото творештво е пулсот на македонското битие. Свесни сме дека без вложување во културата и негување на традицијата ќе го изгубиме она што не прави препознатливи како народ, вели Марија Насевска, кандидат за советник во Советот на општина Пробиштип од ВМРО-ДПМНЕ.
„Затоа во програмата на идниот градоначалник, Тони Тоневски и советничката листа на ВМРО-ДПМНЕ и коалицијата, планираме инвестиции во нови простори за културни активности.
Реконструкција на кино салата во Злетово, кино на отворено, културни фестивали кои ќе промовираат локални уметнци.
Културата расте таму каде што се сее, а ние ја сееме со љубов и визија“.
Соопштенија
Трајанов: Да ги завршиме изборите во првиот круг

Претседателот на Демократски сојуз, Павле Трајанов, упати повик до членовите и симпатизерите на партијата, како и до сите граѓани, масовно да излезат во недела на 19 октомври и да гласаат за кандидатите за градоначалници и советници предложени од Коалицијата „Твоја Македонија“ предводена од ВМРО-ДПМНЕ. Со тоа, како што вели, изборниот процес би се заокружил уште во првиот изборен круг.
„Ова не се избори само за локалната власт, туку и определба за тоа дали ќе градиме држава со сите елементи, во која ќе продолжиме со коренити и суштински реформи и на брза лента ќе се движиме кон ЕУ, дали ќе воспоставиме систем на владеење на правото, дали ќе ја искорениме корупцијата, дали ќе отвориме перспективи за младите во сите средини, а посебно во руралните и дали Македонија ќе биде информатичка сила.
Имаме идеја и визија за Македонија како модерна држава, но за тоа ни е потребна поддршка од граѓаните в недела на 19 октомври, се вели во повикот на лидерот на Демократскиот сојуз“, Павле Трајанов.