Соопштенија
Глас за Македонија со отворено писмо до пратениците пред расправата за уставни промени
Партијата Глас за Македонија испрати отворено писмо до пратениците пред почетокот на расправата за уставните измени во кое апелира на свесност, совет и поширока одговорност.
Писмото го пренесуваме интегрално:
Договорот за Северна Македонија е потпишан по еден процес на преговарање кој беше форсиран, нетранспарентен, нејасен, без поширока јавна расправа, без вклучување на целата политичка и експертска фела, со дозирани информации и финале кое е презентирано по финалето (содржината на договорот беше објавена по неговото потпишување). Самата дискусија за договорот се слеа со референдумската кампања, каде остануваат отворени многу прашања кои беа игнорирани и произволно толкувани, со кулминација на произволноста во толкувањето на самите резултати од референдумот.
Пред да пристапиме во образложување на нашите позиции кои се во контекст на зачувување на нашето уставно име, сакаме да ги нагласиме резултатите од референдумот. И покрај толкувањето дека повеќето од излезените граѓани на референдумот гласале „за“, сепак останува фактот дека тоа е само 33,738% од граѓани со право на глас. Останатите граѓани или гласале против (во мал процент) или воопшто не сакале да одговараат на таквото прашање кое ќе има последица менување на уставното име со сите идентитетски, историски, внатрешни и меѓународни консеквенци. Иако може да се дискутира за кој дел од прашањето се согласувале оние што биле „за“, како и оние што биле „против“ или не излегле на референдумот, што не им било прифатливо, фактот е дека граѓаните не се согласија за усвојување на договорот за Северна Македонија и правно (неиполнување на цензус) и политички.
Самиот договор за Северна Македонија, кој е билатерален по својот карактер, задира во нашето внатрешно уредување и бара промена на Уставот, што е директно мешање во внатрешните работи на една земја. Истиот договор бара меѓународно валоризирање и покрај фактот дека од повеќето земји сме признаени под уставното име. Договорот и импликациите од него се занимаваат, односно задираат и во прашања кои се во сферата на историјата, политикологија, социјалната филозофија, култура, филологија, психологија. Дали ги имате одговорите на сите овие прашања и дали може да ги согледате и претпоставите сите последици од неговата имплементација? Односно:
-Дали точно знаете што се ќе биде сменето во Уставот? Кога дознавте?
-Дали фундаментот- одлуката на АСНОМ за основањето на нашата држава соджана во Преамбулата, може и треба да биде заменет со повелба и договор кој е веќе имплементиран, но не е и основачки?
-Која е тежината и последицата на ваквата промена во однос на структурата на нашата држава? И дали тоа ќе е истата држава?
-Од кога бинационалноста е изедначена со граѓанскиот концепт? Нели е тоа поблиску до федерализација?
-Какви уставни и законски измени ќе следуваат?
-Дали знаете како ќе бидат именувани нашите институции? Што тоа политички-правно значи?
-Кои се политичко-идентитетските значења на промената на државјанството во однос на етносот?
-Колку ќе чини целата процедура и промена? И колку ќе трае?
-Кои ќе бидат промените во однос на историските факти? Како ќе се заштитиме од произволност и наметнувања во тој сегмент, кога веќе слушаме за произволни толкувања од другата страна?
-Зошто на веќе признаен и кодифициран јазик му се става фуснота? Кој се откажува од веќе стекнати и легитимни права?
-Како ќе се именуваат македонските дијалекти во подрачјата на другата страна, на пример?
-Што ќе бидат нашите реакции и што ќе се преземе доколку другата страна не го имплементира договорот, а ние ги усвоиме уставните промени?
-Како ќе реагираме доколку други земји не ги прифаќаат ваквите промени и се во позиција на моќ тоа да го демонстрираат со вето при влез во одредени организации и прифаќање на договорот во меѓународни организации?
-Знаете ли како ќе nè перцепираат и каква соработка со нас ќе имаат земјите кои веќе нè признале под Уставното име?
-Колку со прифаќање на ваквиот договор прекршуваме меѓународни правила и принципи, кога прифаќаме услови кои не се меѓународна норма?
-Нели ви наликува сето ова на една авантура и експеримент со непредвидлив исход, а за туѓи интереси?
-Колку од граѓаните се за влез во НАТО воопшто, но и под вакви услови?
-Колку промената на името е поврзана со реформските зафати на патот кон ЕУ? Дали тоа ни е единствениот услов и дали ни е вистински услов воопшто ваквиот пристап?
-Што значи прифаќање на ваков договор кога се потклекнува на туѓи барања во однос на нашето самочувствие и самодоверба, нешта што се поврзани со идентитетот и интегритетот?
-Го знаете ли суштинското значење на идентитет и кај субјектите и кај група, од сите аспекти (психолошки, психодинамски, биолошки, филозофски, социолошки, правно, политички)?
-Каква е вашата порака до народот кога не ја почитувате неговата волја при демонстрирање на несогласност за договорот? Кои се последиците од таквиот однос?
-Знаете ли како се чувствува и што мисли овој народ сега? Во каква состојба се наоѓа?
-Колку ќе бидат мотивирани граѓаните кои не се согласуваат со овој договор, чиј процент е голем, активно и конструктивно да партиципираат во функционирањето на оваа држава?
Дали ги имате одговорите на овие и уште многу други прашања и потпрашања во врска со самиот договор, процесот на неговото усвојување, како и неговата имплементација и сите можни последици? Нели ви кажува нешто големиот отпор за негово прифаќање? Нели ви кажува нешто самиот процес на негово прифаќање по секоја цена со целата ерозија на системот?
Посебен апел до пратениците од опозицијата кои гласаа „за“ да си одговорат каде им беа барањата за демократичност и дискусија во изминатиот период? Дали сега откако народот се изјаснил и дал свои насоки за одлуката, треба да се дискутира за договорот? Каде ви е емпатичноста и пред сè одговорноста кон овој народ? Дали да беа други околности ќе постапевте така?
Прашање до албанските пратеници: каде ви е принципиелноста кон нашето менување на името и именувањето, кога на вас самите ви пречи кое било друго обраќање освен како Албанци?
Прашање до позиционите пратеници: дали да беше носител на овој договор вашиот опонент ќе ги имавте истите размислувања и кои ќе беа вашите забелешки?
Веруваме дека меѓу вас има мислечки и длабокоумни луѓе, кои не ги потопил партискиот предзнак, кои ќе се способни дистанцирано од партиските, дневно-политичките и можните придобивки на кус рок да размислат и одговорат на овие прашања, пред да гласаат, активирајќи го целиот свој капацитет и одговорност, како личности со идентитет и интегритет.
Македонија помина и поминува низ многу премрежја, многу дилеми и конфликти. Сите констатиравме дека по осамостојувањето се направени многу грешки, но најзначајно е дека сепак опстојуваме. Нашето опстојување и како држава, и како нација, и како етноси со своја самосвесност покажува дека имаме капацитети и способности да се одржиме. Овие капацитети и способности со јасно дефинирани цели ќе ни дадат и резултат во нашиот прогрес и реформирање, во функционирање на нашите институции, во подобрување на квалитетот на нашето живеење во сите сфери. Договорот за Северна Македонија е само една дилема и само еден од можните начини во нашето движење кон поширока европска интеграција. Но овој начин не е ни единствениот, ни најдобриот, напротив отвора многу дилеми и еродира многу фундаменти. Македонија има уште отворени можности во меѓународните организации, Македонија има уште незатворени шанси во својата дипломатија да се избори за своите права по исти принципи како и другите држави.
Се надеваме дека секој пратеник поединечно ќе размисли, ќе го анализира договорот за Северна Македонија во поширок контекст и како само едно од можните решенија, а при тоа ќе постапи одговорно водејќи се од застапување на вистинските македонски национални интереси, штитејќи ги Уставот и законите на Република Македонија, не само како правна норма туку и како идентитетска норма.
Поздрав (почитта треба да ја заслужите!)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Шукова: Системска поддршка за жените и семејствата, прифатилишта и родово одговорно буџетирање за еднакво Скопје
Денеска кандидатката за Градоначалничка на Град Скопје од редовите на СДСМ, Каја Шукова, оствари средба со Националниот совет за родова рамноправност (НСРР), предводен од претседателката Савка Тодоровска, како и со членките на мрежата на НСРР.
Во фокусот беа предизвиците и можностите за унапредување на положбата на жените во градот. Шукова истакна дека Скопје има огромен човечки потенцијал, особено во жените кои секојдневно придонесуваат во јавниот, економскиот и општествениот живот на градот.
„Жените во нашиот град имаат исклучителни капацитети, знаење, храброст и одговорност за извршување на јавни функции. Како градоначалничка ќе се залагам за системска поддршка на жените и семејствата преку обезбедување сервиси за семејства, прифатилишта за жени жртви на семејно насилство и воведување родово одговорно буџетирање како приоритет. Само град што се грижи подеднакво за сите е град што напредува,“ изјави Шукова.
Средбата заврши со заедничка согласност дека Скопје има потреба од поинклузивни и солидарни политики град каде секој глас се слуша, а секоја жена има можност да придонесе и да успее.
Соопштенија
Бошкоски: Прилеп ослободен од политички калкулации, ефикасен и со јасна ориентација
Кандидатот за градоначалник на Прилеп од коалицијата „Искуство за успех“, Жарко Бошкоски е роден во истиот град, дипломиран економист и поголемиот дел од неговото професионално искуство е во финансискиот сектор, поточно во индустријата за осигурување. Никогаш не бил дел од јавната администрација и токму тоа го гледа како предност – пристапот без политички калкулации и со јасна ориентација кон ефикасност.
Тој вели дека неговата главна мотивајција да се кандидира за градоначалник на Прилеп е желбата градот да стане лидер во примената на вештачката интелигенција во локалното управување – не како футуристичка идеја, туку како реален сервис кој ќе им го олесни секојдневието на граѓаните и ќе ја направи општината вистински модерен, дигитален град.
„Сведоци сме секојдневно на залетот на вештачката интелигенција и во колку сѐ области можеме да ја искористиме. Наместо да се плашиме од технологијата, треба да ѝ најдеме употребна вредност и да ја ставиме да работи во корист на нашите граѓани и заедницата. Со тоа значително ќе се подобрат услугите и сервисите кои ги нуди локалната самоуправа. И ве уверувам дека Прилеп ќе биде само почеток и дека на крај, сите општини во државата ќе користат повеќе технологија во своите секојдневни обрврски“.
Според Бошкоски, три проекти се приоритетни доколку стане градоначалник и прилепчани му ја дадат довербата.
„Како што споменав, првиот и најзначаен проект е воведувањето на револуционерен систем за работа кој ќе користи вештачка интелигенција за целосна транспарентност во општинските активности. Со воведувањето на АИ советник секој граѓанин ќе има пристап до сите општински информации во реално време, што ќе биде голем удар за корупцијата и ќе придонесе кон целосна отвореност на институциите“.
Вториот проект е „Возачка за млади“ – иницијатива преку која општината ќе ја субвенционира обуката за возачка дозвола за сите млади лица над 18 години. Со оваа мерка ќе им помогнеме на нашите помлади сограѓани полесно да се вклучат во пазарот на труд и да станат понезависни во носењето на своите одлуки. Лично сметам дека тоа е и една од обврските на локалната самоуправа, да им помага на младите и да ја гради локалната заедница преку воведување на корисни мерки и проекти.
Третиот проект е создавање на атлетска патека со справи за рекреација покрај кејот на градската река, простор кој ќе биде наменет за спорт, дружење и здрав живот. Прилепчани секојдневно го пешачат овој дел од градот и тој е во лоша состојба. Доколку дојдам на градоначалничката позиција имам план како да го сервисираме и ревитализираме кејот, кој наместо срам, треба да го краси градот.
Тој вели дека Општината пропуштила многу работи во изминатите години, но најмногу она да стане вистински сервис на граѓаните.
„Наместо брза и ефикасна администрација, луѓето чекаат со месеци за да извадат најобични документи. Луѓето чекаат со денови за нешто што би требало да биде готово за не повеќе од 1 час. Тоа мора да се промени. Општината треба да работи за граѓаните, а не обратно“.
„Транспарентноста во работењето не се обезбедува со желби и празни изјави, туку со вистински алатки. Затоа ја развиваме платформата „Службеник со АИ“ – дигитален систем „нахранет“ со сите верификувани документи: детални урбанистички планови, закон за јавни набавки, закон за градба, одлуки на Советот и други регулативи. На овој начин, граѓаните во секое време ќе можат да проверат како и каде се трошат нивните пари и ќе бидат активно вклучени во работата на општината. Уморни сме веќе од слушање како овие или оние ќе ја зголемеле довербата во институциите. За да се зголеми довербата треба работа, вистинска посветеност и отвореност кон граѓаните и нивните потреби“, вели тој во однос на прашањето за неговата замисла за транспарентно работење и вклученост на граѓаните во носењето одлуки на локално ниво.
Бошкоски вели дека нуди нешто ново, модерно и револуционерно, и затоа е вистинскиот избори за граѓаните на Прилеп.
„Вештачката интелигенција е иднината, а Прилеп може и треба да биде првиот град кој ќе ја искористи за подобар и потранспарентен живот на своите жители. Тука сум роден, тука сум пораснал, се познавам со многу прилепчани, знам што нѐ мачи сите и имам решенија за проблемите. Со посветена работа и отворена општина за сите граѓани ќе ја зголемиме довербата во институцијата, ќе привлечеме инвестиции и ќе го поттикнеме економскиот развој во Прилеп“.
Соопштенија
Трајановски: Нови катни гаражи, современи пензионерски домови и субвенции за достоинствена старост
Кандидатот за градоначалник на Град Скопје од коалицијата „Искуство за успех“, Александар Трајановски, најави нов урбанистички и социјален концепт кој ќе го реши хроничниот проблем со паркирањето кај Зоолошка Градина и во Дебар Маало, но и ќе овозможи изградба на современ пензионерски дом под капата на Градот Скопје.
„Време е да ставиме ред и хармонија таму каде што со години владее хаос. Со новите катни гаражи конечно ќе се ослободи јавниот простор и ќе се реши паркирањето во една од најоптоварените зони во градот,“ изјави Трајановски.
На местото на постојните бараки на Град Скопје ќе се изградат две катни гаражи со по две подземни нивоа, со модерен систем за управување со паркирањето, полначи за електрични возила и зелен покрив. Меѓу нив ќе биде изграден современ пензионерски дом, еден од петте нови домови кои се предвидени во програмата на Трајановски.
„Овие домови нема да бидат недостижни луксузни објекти, туку достапни, човечки и прифатливи за секој што има потреба од грижа. Градот Скопје ќе обезбеди субвенции за сместување, за граѓаните да не мора да плаќаат баснословни суми за достоинствена старост,“ истакна Трајановски.
Програмата предвидува изградба на пет нови пензионерски домови, со вкупно 300 нови апартмански капацитети за сместување и престој на стари и изнемоштени лица. Овие домови ќе бидат изградени со сите современи стандарди, со медицинска грижа, дневни центри, паркови и простори за социјализација и активности.
Покрај тоа што Градот ќе обезбеди субвенции за сместување во пензионерски домови, ќе понуди и дополнителна поддршка за младите брачни парови, за да им се олесни грижата за постарите членови на семејството и да се поттикне солидарноста меѓу генерациите.
„Скопје мора да биде град што се грижи за младите, за старите, за сите. Нашата визија е град кој гради решенија, не проблеми – град што им помага на луѓето да живеат достоинствено и спокојно,“ порача Трајановски.
Застреланиот лекар Шаини ја брани сопругата: Ги отфрлам тврдењата дека зад ова стои госпоѓата Арјета Ајдини
Застреланиот лекар Зекирија Шаини ги отфрли како неосновани и невистинити тврдењата дека неговата сопруга Арјета Ајдини е вмешана во вооружениот...
Српски државјани добија забрана за влез во земјата и парична казна од 4.000 евра за шверц на цигари, биле уапсени во Скопје
Основниот кривичен суд Скопје донесе пресуда врз основа на спогодба од Основното јавно обвинителство Скопје против двајца државјани на Република...
Поликлиника во Расадник со пари од унгарскиот кредит најавија Ѓорѓиевски и Стаменкоска-Трајкоска
По триесет години празни ветувања, поликлиниката во Расадник станува реалност, кажаа денес актуелниот градоначалник на Кисела Вода и кандидат за...
Нобеловата награда за мир ѝ е доделена на Марија Корина Мачадо од Венецуела
Нобеловата награда за мир ѝ е доделена на Марија Корина Мачадо од Венецуела. Норвешкиот Нобелов комитет соопшти дека таа ја...
(Фото) Општина Центар испрати протестна нота до австриската амбасада поради паркирано возило во пешачка зона
Општина Центар – Скопје испрати протестна нота до Амбасадата на Република Австрија поради непрописно паркирање и загрозување на безбедноста на...
Русија ѝ се заблагодарува на Србија за донацијата од речиси 6 милиони долари: „Посебна симболика“
Според соопштението на руското Министерство за надворешни работи, Србија обезбедила „финансиска хуманитарна помош во вредност од 472 милиони рубли (околу...
Филипче вика судството било професионално, а Марковски за криминал од 100 милиони добива само куќен притвор, велат од ВМРО-ДПМНЕ
Криминалот на СДС и договорените тендери со компанијата Марковски излегоа дека се вистинити. Фирмата Марковски која во период од 2...
(Видео) Силен земјотрес со јачина од 7,6 степени ги погоди Филипините, цунами се заканува и на Индонезија
Земјотрес со јачина од 7,6 степени ги погоди јужните Филипини, соопшти Филипинската сеизмолошка агенција, издавајќи предупредување за цунами кое беше...
(Видео) Руски ракети и беспилотни летала го погодија Киев, гореше облакодер во центарот на градот
Масивни руски напади запалија облакодер во центарот на Киев и ги таргетираа енергетските објекти, соопштија официјални лица. Украинската министерка за...
Судиите мора да судат според законот а не според партиски влијанија, време е за ресет на системот, порача Мицкоски
Христијан Мицкоски, претседателот на ВМРО-ДПМНЕ, имаше свое обраќање на денешниот народен митинг одржан во општина Илинден, во рамки на изборната...
(Видео) Трамп: Ја завршивме војната во Газа
Претседателот на САД, Доналд Трамп, на состанок на кабинетот во Белата куќа изјави дека синоќа на Блискиот Исток е постигнат...
Владата усвои измени: Се укинува ослободувањето од ДДВ за онлајн пратки во вредност до 22 евра
Со цел зајакнување на домашната економија, поддршка на локалните компании и создавање нови работни места, Владата усвои измени и дополнувања...
(Фото) Реализирано првото гаѓање со новата артилериска опрема ,,Боран’’ на АП Криволак
Денеска министерот за одбрана, Владо Мисајловски присуствуваше на армискиот полигон „Криволак“ каде беше извршено првото артилериското гаѓање со новите системи...
Нова истрага за злоупотреби во РЕК Битола против осум физички и едно правно лице
Основното јавно обвинителство Битола донесе Наредба за спроведување истражна постапка против осум физички и едно правно лице за продолжени кривични...
(Видео) „Избери време и место, избери и новинари, донеси и публика, излези да се соочиме, јас ќе дојдам сам“, му порача Максим Димитриевски на Филипче
Лидерот на Движењето ЗНАМ – за наша Македонија Максим Димитриевски денеска возврати на синоќешната изјава на лидерот на опозицијата Венко...
(Фото) Кривична пријава против две лица за криумчарење мобилни телефони „Ајфон“, случајот откриен на Ново Село
Поднесена кривична пријава против две лица за сторено кривично дело „криумчарење“ мобилни телефони „Ајфон“ во вредност од 355 илјади денари....
Ѓорѓиевски ја вети подземната кај „Лимак“ што ја ветуваа и Арсовска, Шилегов и Трајановски: Ќе ја смени сообраќајната иднина на градот
Проектот за подземната сообраќајница кај„Лимак“ не е само дел од мојата програма туку е вистински пресврт за централното градско подрачје,...
М-НАВ: Македонското небо не смее да се „затвори’“
Менаџерскиот тим на М-НАВ во денешното соопштение до јавноста реагира околу најавите за штрајк и „затворањето на небото“ на 20...
Искршен штаб на СДСМ во Градско, партијата бара Тошковски веднаш да постапи
Синоќа се искршени стаклата на изборниот штаб на СДСМ во Градско. Според партијата, овој насилнички и вандалски чин го покажува...
Едно лице избодено со нож пред стоковна куќа „Мост“ во Скопје, напаѓачот е уапсен
Едно лице е избодено со нож пред поранешната стоковна куќа „Мост“ во Скопје, а полицијата го уапси напаѓачот. Според информациите...
