Соопштенија
Милошоски: Заевизмот во Македонија е како патувањето со воз од Скопје до Битола
Пратеникот Антонијо Милошоски на денешната трибина „Исти луѓе, исти вредности“ истакна дека заевизмот во државата ги уништи сите сектори, од економијата па се до енергетиката и дипломатските односи.
„Во Скопје најголем дел од кандидатите на СДСМ мораа да имаат претходно некој од родителите да бил висок функционер во СДСМ како предуслов за тие да бидат кандидати сега се повторува со изборот на новиот претседател во СДСМ бидејќи тој е син на господинот Ковачевски кој што беше во два мандати градоначалник на Куманово и потоа амбасадор назначен од владата на СДСМ во Подгорица., во Црна Гора. И веројатно тоа е една од препораките, референците во СДСМ како се станува висок партиски функционер ако некој од родителите во времето на транзицијата и од претходниот период бил висок функционер во СДСМ во време на позиција. И сметам дека на овој начин само ќе се задржи истиот систем на функционирање на партијата без разлика на името и презимето на поединци кои можат да бидат помалку или повеќе познати за јавноста“, рече Милошоски.
Милошоски додаде дека системот на Заевизам најверојатно ќе се задржи и по неговото заминување од власт и СДСМ.
„Ќе споменам неколку примери, прво едниот пример е со дипломатијата. Во дипломатијата заевизам значи кога пет години секој ден повторувате дека САД ви се стратешки партнер, а пет години немате амбасадор во Вашингтон. Тоа е дефиниција за заевизам во дипломатијата каде што во земјата каде што имаме потпишано документ за стратешко партнерство 2008 година сега имаме празно амбасадорско столче пет години. И за да биде би рекол дипломатскиот срам поголем за Македонија е и самата номинација, тоа што за првпат при сама номинација на кандидат за амбасадор во Вашингтон, кај Заев и системот на заевизмот преовладеа вредноста клиентелизам го назначија професорот Љубомир Фрчковски и за првпат во историјата на Македонија ни се случува официјален Вашингтон официјално да ни врати назад порака дека тој не е пожелен да биде дипломат и амбасадор на Македонија во Вашингтон. И тоа е навистина непријатно за една држава со која што сите сме имале намера чекор по чекор да ги надградуваме тие стратешки односи и релации“, појасни Милошоски.
Милошоски посочи дека втора работа на системот заевизам во дипломатијата е што четири години се зборува за регионална соработка, за Мини Шенген, за Отворен Балкан, за зголемување на трговијата и инвестициите со соседите, а истовремено се нема амбасадори ниту во Србија, ниту во Бугарија, ниту во Турција.
Милошоски нагласи дека за првпат после долги години, можеби после 22-3 години се случува во Македонија во енергетскиот систем заради недомаќинско работење и системот на заевизмот во РЕК Битола се создаваа услови да за потребите на фамилијата на власта Заеви да изнесуваат јаловина и тоа под контроверзни услови. И во исто време да нема доволно производство на струја и во исто време да се најавува отпуштање на работници или прогласување на технолошки вишок или испраќање на принуден одмор. Во време кога сите држави во Европа дополнително инвестираат во зголемено производство на електрична енергија, во Македонија во РЕК Битола, Осломеј, и на други места се има отпуштање на вработени или нивно испраќање на принуден одмор.
„Концептот на заевизмот е се создаваат услови за работа на приватници кои што земаат тендери на сомнителен начин, преку директорот на ЕЛЕМ, а не се создаваат услови за поголемо производство на електрична енергија. И тоа резултира со испуштање на поголем број на вработени кои што беше најавено и потврдено од самата Дирекција на ЕЛЕМ“, рече Милошоски.
Милошоски додаде состојбата во државата, со економијата во Македонија е како патување со воз од Скопје до Битола. Се тргнува во толку и толку часот се очекува да се пристигне за два ипол часа, а се патува цел ден, тоа е заевизмот во Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Ристов: Конче продолжува да се гради и развива паралелно со сите големи општини во Македонија
Златко Ристов, кандидат за градоначалник на општина Конче од редовите на ВМРО-ДПМНЕ, се обрати од денешниот настан одржан во општината, во рамки на вториот круг од локалните избори кои ќе се одржат на 2 ноември. Тој се осврна на темите за младите во општината, инфраструктурата, како и неговата програма како кандидат за градоначалник на општината, која како што вели тој е изготвена да одговори на потребите на граѓаните кои живеат во општина Конче.
,,Во мојата работа како градоначалник, секогаш се водев од потребите на месното население, ги слушав вашите предлози, заеднички ги решававме сите проблеми и затоа сега имаме изградени и реконструирани патишта и улици низ сите населени места. Уредувавме јавни простори, паркови, затоа што сакаме нашите деца да растат во чиста и уредна средина“, рече Ристов и додаде:
,,Конче ја доживеа својата ренесанса во изминатите 4 години. Конче се градеше и развиваше паралелно со сите големи општини во Македонија“.
Ристов истакна дека неговата програма е веќе позната на граѓаните, и има за цел да ги реши сите нивни проблеми, а се состои и од проекти кои се од интерес на жителите на општина Конче.
,,Во вториот изборен круг да излеземе масовно на избори да го направиме вистинскиот избор, за нашата општина. Нашата програма, мојата и на мојот тим на советник. Се потрудивме да стигнеме до секој еден од вас. Во неа се опфатени проекти од сите сфери“, кажа Ристов.
Како што вели тој, младите во општината ќе бидат поддржани преку стипендии и еднократна помош, а во делот на спортот, ќе продолжат да се градат и реконструираат спортски терени.
,,Спортот и најмладите, ќе продолжиме да градиме и реконструираме стадиони, културни домови, ќе продолжиме да ги поддржуваме најмладите преку стипендии за најдобрите ученици, еднократна помош за секој ученик кој го завршува основното образование и се запишува во средно, стипендии за најдобри студенти“, истакна Ристов.
Ристов се осврна и на делот за инфраструктурата каде кажа дека ќе има реконструкција на системите за водоснабдување, а ќе се унапреди и дел од процесот за одржување на патиштата за време на зимскиот период.
,,Водоводните и канализационите системи, ќе се реализираат следните: ќе извршиме реконструкција на системите за водоснабдување, во населените места Лубница, Горни Липовиќ. Дедино, Конче, Ракитец, ќе ги доизградиме системите за фекална канализација во Конче, Горни Липовиќ, Ракитец и Долни Липовиќ. До крајот на годината ќе биде испорачан камионот кипер кој што ќе биде во функција на одржување на патиштата по сите населени места, зимско одржуваме на нашите локални патишта и други потреби кои ќе произлезат од нашите граѓаните“, заклучи Ристов.
Соопштенија
„Влен“: За ДУИ и за Ахмети, министерските позиции се единствената алатка за опстанок во политиката
После пет дена, на Али Ахмети конечно му беа покажани резултатите од „референдумот“. И ете, тој излезе и рече дека победиле на локалните избори, велат од ВЛЕН.
„Ова е апсурдно. Победите на ВЛЕН во Чаир, Сарај, Арачиново, Желино, Теарце и убедливото водство во Тетово, Боговиње, Дебар, Струга, Брвеница и Долнени се далеку поголеми од „победата“ во Пласница и Липково. Мислевме дека Али Ахмети и ДУИ конечно станале свесни за резултатите од „референдумот“, но тие продолжуваат да ги доживуваат локалните избори како парламентарни, бидејќи за нив министерските позиции се единствената алатка за опстанок во политиката. Дваесет години политиката на Али Ахмети се градеше на два столба: власт и само власт. А што се однесува до „ветингот“ што тој денес го бара, тоа одамна му го направи неговата сенка Артан нон грата Груби, за кого и понатаму тврди дека е „чист како солза“. Затоа, пред да побара предвремени избори, Али Ахмети треба да се запраша: Дали ќе може да се соочи со слободниот глас на Албанците кои повеќе не се плашат од него? Затоа што времето на Газиместан заврши. ВЛЕН е сегашноста. ДУИ е минатото“, се наведува во соопштението.
Соопштенија
Македонски концепт со поддршка за Орце Ѓорѓиевски: За стабилно и одговорно раководење со Град Скопје
„Македонски Концепт застанува цврсто зад изборот на Орце Ѓорѓиевски за градоначалник на Град Скопје. Нашата поддршка е резултат на убедувањето дека Скопје заслужува докажан и компетентен кадар, со јасна визија и професионален пристап во управувањето со главниот град“, велат од Македонски Концепт.
„По години на политички егзибиционизам и импровизација, време е да се стави крај на експериментите со судбината на Скопје. На граѓаните им е потребен стабилен, искусен и проверен градоначалник кој ќе работи за интересите на сите скопјани – без популизам, без партиски калкулации и без лични промоции.
Македонски Концепт верува дека Орце Ѓорѓиевски, како кандидат на нашата коалиција “Твоја Македонија”, е вистинскиот избор за враќање на достоинството, редот и функционалноста во управувањето со Град Скопје. Време е Скопје повторно да стане модерен, уреден и безбеден европски град“, се наведува во соопштението на Македонски Концепт.

