Соопштенија
Мицевски: Сопиште ќе добие нов резервоар за вода
Јане Мицевски, кандидат за градоначалник за општина Сопиште од редовите на ВМРО-ДПМНЕ, на денешниот митинг одржан во рамките на изборната кампања, под слоганот „Вистинскиот избор! Твојот човек! Твоето место! За твојата иднина!“, се обрати и истакна дека заедно со неговиот тим, програмата со проекти за општина Сопиште е веќе подготвена, и дека инфраструктурата, спортот, образованието и безбедноста ќе бидат области на кои активно ќе се работи како и решавањето на проблемот за ненавремениот автобуски превоз.
„Резултатите се неминовни кога се работи за структури предводени од ВМРО-ДПМНЕ и коалицијата. Заедно со мојот тим, заедно со веќе отпочнатиот тек на проекти во изминатиот мандат, како и заедно со експерти, но и со вас граѓаните подготвивме програма со проекти кои се складни за општина Сопиште да се издигне на едно повисоко ниво. Инфраструктура, спорт, образование, безбедност, транспорт, , култура, се областите каде што активно ќе работиме. Решавање со ненавремениот автобуски превоз, ставање во ред, да не мораат граѓаните да бидат исплашени дали ќе стигнат на работа или не“, рече Мицевски.
Мицевски исто така наброи дел од проектите на изборната програма.
„Настрана од основните потреби, ние ќе реализираме и сериозни проекти. Изградба на нов резервоар за вода тука во населено место Сопиште, доизградба и комплетирање на фекалната канализација во населено место Ракотинци, изградба на првата фаза фекална канализација вклучувајќи и пречестителна станица во населено место Добри Дол, целосна реконструкција на спортскиот терен во населено место Долно Соње, реконструкција на ул.1 во населено место Света Петка, изградба на нови простории во подрачното училиште во Држилово како и изградба на комплетно нов спортски терен, реконструкција на мостот што ги поврзува Долно Соње со Чифлик, реконструкција на ул.1 во населено место нова Брезница, нови детски катчиња , нов парк во населено место Сопиште се само дел од проектите кои се обврзуваме да ги реализираме наредните четири години“, истакна Мицевски.
На крај Мицевски истакна дека крупните проекти кои не се во рамките на општинскиот буџет ќе бидат поддржани од Владата и истите ќе бидат реализирани.
„Јас не можам, а да не ја споменам и поддршката која ни следи безрезервно од Претседателот на Владата, проф. Д-р Христијан Мицкоски. Крупните и сериозни проекти кои не се во рамките на општинскиот буџет ќе бидат поддржани од Владата и полека, но сигурно ќе се реализираат за да се решат децениски проекти. Сопиште може и мора да стане ултрамодерна општина која ќе нуди исклучително добри услови за живот“, рече Мицевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
ВМРО-ДПМНЕ: Левичарите од „Али експрес“ си измислуваат приказни во кои само тие си веруваат
Левичарите од „Али експрес“, како Димче Апасиев и Амар Мециновиќ, па дури и целото раководство од президиумот, си измислуваат лажни приказни во кои само тие си веруваат и мислат дека и народот ќе им верува, велат од ВМРО-ДПМНЕ.
„Откако јавноста виде со какви луѓе располага Левицата, од типот на Амар Мециновиќ, човек што лаже дека е дипломиран, а има 7 предмети положено на факултетот на кој е запишан, човек што не знае колку јавни претпријатија има градот Скопје, човек што не знае колку средни училишта има во градот Скопје, човек што не си ги знае булеварите во градот ниту, пак, проектите што му се во програмата, посегна по глумење жртва и ширење лажни вести во медиумскиот простор.
Токму тие лажни вести, кои се обидуваат да ги шират во јавноста, в недела на 2 ноември ќе ги разбудат од овој нивен сон што го сонуваат. Реалноста е сосема поинаква од она што тие го живеат.
Затоа граѓаните својот глас ќе го дадат за вистинскиот избор, а тоа е Орце Ѓорѓиевски и ВМРО-ДПМНЕ! Заокружете го бројот 9“.
Соопштенија
Герасимовски: Го санираме покривот на фискултурната сала на училиштето „Песталоци“, создаваме подобри услови за учениците
Градоначалникот на Општина Центар Горан Герасимовски, изврши увид во санацијата на покривот на фискултурната сала на ООУ „Јохан Хајнрих Песталоци“. Со овој зафат, како што најави, се решава долгогодишниот проблем со протекување на покривот, поради што во објектот имаше оштетувања и влага.
„Санацијата опфаќа површина од 405 квадратни метри. Поставена е висококвалитетна изолација , камена минерална волна, која е одличен термоизолатор и обезбедува високо ниво на заштита од пожар. Врз неа е поставен пластифициран ребрест лим, материјал со висока издржливост и отпорност, кој овозможува долговечна и енергетски ефикасна санација на покривот,“ рече Герасимовски.
Покривот врз спортската сала повеќе од една деценија не беше саниран, велат од општината.
„Со оваа интервенција Општина Центар обезбедува подобри услови за учениците и наставниците, но и долгорочна заштита на објектот,“ додаде Герасимовски.
Соопштенија
„Влен“: Секој обид да се поврзе кандидатот што го поддржуваме со каков било вид вештачка тензија е неточен
Обидите да се создаде ситуација во Струга, каде што навистина нема и не може да има, се разочарувачки и се поврзуваат со коалицијата која со право го носи името на агонизирачкото трио Ахмети, Таравари и Села, велат од коалицијата ВЛЕН.
„Секој обид да се поврзе коалицијата ВЛЕН или кандидатот што го поддржуваме, Менди Ќира, со каков било вид вештачка тензија е неточен и надвор од секоја политичка логика. Зошто коалицијата или кандидатот кој е фаворит за победа на изборите на 2 ноември би создавале тензии? Политичката логика е едноставна, оној што е во очај се обидува да создаде непостоечки ситуации за да се претстави како жртва во очите на гласачите, стратегија што оди во прилог на кандидатот на Зијадин Села и ЛЕВИЦА, Арсим Далипи. Целата јавност знае дека соработката помеѓу НАИ и ЛЕВИЦА е очигледна, и во Тетово и во Струга. Затоа, овие обиди за создавање конфузија се залудни и разочарувачки“, се вели во соопштението.

