Соопштенија
Протесен марш на ВМРО-ДПМНЕ утре во Скопје

Скопје со недели е помеѓу најзагадените градови во светот. СДСМ ја зави државата во црно. Нивото на канцерогени ПМ10 честички во воздухот е скоро месец дена неколкукратно над дозволеното, обвини ВМРО-ДПМНЕ.
„Македонија е зацрнета од СДСМ. Две години откако СДСМ е на власт, нема преземено ниту една мерка за подобрување на квалитетот на воздухот. Напротив наместо за животна средина се трошат 1.6 милиони евра за лубриканти и над 700 илјади евра за кафе и цвеќиња за владата. Нема проекти, но затоа министерот Дураку арогантно се однесува и порачува дека нема зошто да се занимава со граѓаните, заменик министерот Макрадули спие во собрание додека се расправа за загадувањето, а Шилегов си игра игрички, со што покажуваат дека воопшто не им е грижа за нивото на загаденост на воздухот“, велат од партијата.
Доколку СДСМ навистина сака да го спречи загадувањето, велат од ВМРО-ДПМНЕ, наместо да прави дискриминаторски мерки ние предлагаме владата да се обезбедат субвенции во износ од 50% за набавка на електрични и хибридни возила во поголемите градови во првите 3 години, а потоа мерката да се прошири и во останатите средини.
„Додека наместо субвенционирање во набавка на дрва на социјално загрозените семејства, да им се исплатат средства за сметките за потрошена електрична енергија. Граѓаните наместо манипулации очекуваат реална работа. СДСМ се неспособни и не можат да го решат проблемот со загадувањето, но ги излажаа и изманипулираа граѓаните, затоа мора да си заминат. Државата не смее да биде заложник на тесно партиската елита на чело со Заев која ја зацрни Република Македонија. ВМРО-ДПМНЕ ги повикува сите граѓани кои не се согласуваат со овие деструктивни и ненародни политики на СДСМ да ни се придружат на собирите ширум Република Македонија, и на протестниот марш во среда во Скопје со почеток од 17 часот од плоштад ВМРО до Владата на Република Македонија“, порачаа од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
БРАКО донира ЕКГ во болницата во Велес

БРАКО донираше апарат за ЕКГ на Интерното одделение во болницата во Велес, на барање на болницата која се обрати до БРАКО за помош за итна неопходна замена на расипано EKГ, како елементарно неопходно за нормално функционирање на болницата и пружање услуги на пациентите.
Велешката фабрика веднаш излезе во пресрет и ја набави потребната апаратура, 12-канално EKГ според спецификацијата доставена од здравствената институција.
При испораката на ЕКГ-то, во име на БРАКО болницата ја посетија Благој Шалев и Ангел Анѓушев, кои заедно со директорот на болницата Александар Бузалков кусо присуствуваа на обуката на персоналот за користење на новата опрема, како и на ставањето во употреба на толку потребниот апарат за пациентите во Велес.
БРАКО редовно го поддржува градот Велес со повеќе донации и спонзорства согласно потребите на граѓаните, како и други институции надвор од Велес. Што се однесува до здравството, БРАКО опреми со медицински мебел од сопствено производство еден кат на Абдоменална хирургија во Клиниката за Хируршки болести Св. Наум Охридски во Скопје, додека на Клиничкиот центар Мајка Тереза во Скопје донираше медицински мебел за Ургентниот центар, а во моментов се изработува медицински мебел за Клиниката за Тораковаскуларна хирургија за донација преку ФЕРОИНВЕСТ.
(ПР)
Соопштенија
Грозјето скапува на нивите, откупот се одвива забавено, велат од СДСМ

Според опозициската СДСМ, лозарите повторно се оставени на цедило, а грозјето скапува на нивите.
Како што велат од оваа партија, пред два дена министерот за земјоделство, шумарство и водостопанство, Цветан Трипуновски во Кавадарци самоуверено изјавил дека „целото грозје ќе биде откупено од страна на винариите“.
„Денес е 19- ти септември, реалноста на терен е сосема поинаква.
Најавеното „решение“ за проблемот со откупот на грозјето се претвори во нова агонија за лозарите – откупот на винското грозје се одвива забавено.
Министерот Трипуновски тврдеше дека за оваа реколта ќе има производство од над 100 милиони килограми грозје. Во Кавадарци, опкружен со своите соработници, изјави дека досега се откупени 78 милиони килограми. Остануваат уште над 22 милиони килограми грозје за откуп“.
Го прашуваат Трипуновски како ќе бидат откупени повеќе од 22 милиони килограми грозје од винарија која, како што велат последен пат откупувала пред пет години, и тоа со капацитет од едвај 7 милиони килограми.
„Дали винаријата „Вардар“ за која Трипуновски ветува дека ќе ги откупи дополнителните количини грозје во тиквешкиот регион, има обезбедено финансиски средства да им го исплати грозјето на лозарите?
Лозарите заслужуваат одговор на овие прашања, бидејќи винаријата што ја спомнува Трипуновски, нема вршено откуп од 2020 година.
Лозарите се изморени од празни ветувања и сакаат реални решенија, не празни сценарија манипулации.
Дали се подготвува нова измама на лозарите, како онаа во 2016 година, кога партиски блиските визби добија пари, а лозарите останаа со неплатено грозје“.
Од СДСМ додаваат дека трудот на лозарот не смее да биде жртва на партиски игри и предизборни манипулации.
Соопштенија
Осигурување на имот со Минт Инс – Мир и сигурност пред есенските денови

Есента е сезона на промени, времето станува нестабилно, температурите варираат, а ризиците од поплави, силни ветрови и оштетувања се поголеми. Таа е сезоната кога природата станува непредвидлива и кога најмногу треба да се запрашате: што ако? Токму тука настапуват полисите за осигурување на имот, како начин за ублажување на финансиските последици.
Во Минт Инс, оваа заштита не е комплицирана, туку едноставна и јасна. Од домови и деловни простории, па сè до земјоделски посеви и техничка опрема, секој имот може да биде осигуран на начин што ви дава сигурност и мир.
Што навистина значи да се има осигурување на имот?
Замислете – поплава за време на силен дожд, пожар предизвикан од дефект, или пак кражба токму кога сте на одмор. Ниту еден од овие настани не ги планираме, но тие сепак се случуваат.
Имотното осигурување е таа сигурносна мрежа што може да ги ублажи финансиските последици во ваквите сценарија. Осигурувањето на имот е вид на заштита за вашите недвижности и предмети од вредност од различни ризици и оштетувања. Тоа опфаќа покривање на:
· Пожари, експлозии и удари од гром.
· Поплави и излевање на вода.
· Земјотреси.
· Провални кражби и вандализам.
· Оштетувања предизвикани од временски непогоди.
Со други зборови, овој вид на осигурување е една од најдобрите инвестиции кога станува збор за сигурноста на вашиот дом, деловен простор, техничка опрема, земјоделски посеви, па дури и објекти во градба.
Зошто есента е вистинскиот момент за осигурување на имот?
Есента е сезона кога временските ризици растат, а имотното осигурување е најдобрата одлука што можете да ја направите за да си го заштитите трудот и инвестициите. Вашиот дом, вашиот бизнис или вашето земјоделство не се само објекти и квадратни метри – тие се години работа и спомени.
Кога ќе склучите полиса за осигурување на имот пред или во тек на есен:
· Ќе бидете подготвени за потешките временски услови.
· Ќе избегнете изненадни финансиски трошоци.
· Ќе осигурате мир за себе, семејството или вашиот бизнис.
Ваш имот, наша заштита – Како изгледа имотното осигурување со Минт Инс?
Во Минт Инс имотното осигурување не е еднообразно – туку се прилагодува на вашиот имот и вашите потреби. Како осигурителен брокер во соработка со осигурителните компании, во Минт Инс ја пронаоѓаме најдобрата понуда која одговара на потребите на нашите клиенти.
Еве неколку примери како може да изгледаат тие понуди:
· Полиса што го покрива вашиот дом од пожар и временски непогоди, но и ги заштитува вашите апарати и мебел.
· Заштита за вашата компанија што ги вклучува деловните простории, машините и компјутерската опрема.
· Решение за земјоделците што ги покрива посевите, објектите и алатите.
Секој имот е различен, и затоа во Минт Инс секоја полиса може да се прилагоди според вашиот тип на имот и вашите приоритети.
Што добивате со склучување на полиса за осигурување на имот?
Не добивате само документ. Добивате мир. Тоа чувство дека без разлика што ќе се случи, имате на што да се потпрете.
· Финансиска стабилност: начин да ги рефундирате големите трошоци во непредвидени ситуации.
· Долгорочна сигурност: ќе знаете дека вашиот имот е секогаш заштитен.
· Флексибилност: покрива ризици според вашите реални потреби.
· Лесна апликација: нашиот процес на аплицирање е дизајниран да биде едноставен и брз, директно преку Mint App.
Како да изберете соодветна полиса за осигурување на имот?
Поставете си ги следниве прашања:
· Дали сакате да го осигурате само објектот или и покуќнина?
· Дали вашиот бизнис има специфични ризици (машини, алати, опрема)?
· Дали земјоделското производство бара дополнителна заштита?
Во Минт Инс нашиот тим ви помага да го пронајдете најсоодветното решение, без непотребни компликации.
Минт Инс – Вашиот мир започнува со една одлука
Не дозволувајте еден ненадеен момент да ви го промени животот или бизнисот. Без разлика дали сакате да го заштитите домот, бизнисот или друг недвижен имот, со полиса од Минт Инс ќе добиете мир, стабилност и заштита од непредвидливото.
Не чекајте проблемот да се случи – склучете полиса за осигурување на имот уште денес, затоа што сега е најдоброто време.
За повеќе информации контактирајте на нашиот контакт телефон (15 107), преку емаил [email protected], или посетете не во една од нашите филијали ширум државата.
(ПР)