Соопштенија
СДСМ:Погубните политики на Мицкоски и ВМРО-ДПМНЕ во енергетиката го зголемија загадувањето

Освен што безмилосно го уништуваше зеленилото и ја загрозуваше животната средина, ВМРО-ДПМНЕ преку погубните политики во енергетиката, дополнително го поттикна загадувањето.За време на криминалното владеење на ВМРО-ДПМНЕ беше укината евтината дневна тарифа на струјата, а електричната енергија поскапе за 100 отсто. Тоа примора илјадници граѓани да преминат на нееколошки начин на загревање, што пак влијаеше за зголемување на загадувањето, соопшти СДСМ.
Според партијата, Христијан Мицкоски како советник на Никола Груевски за енергетика и директор на АД ЕЛЕМ, е еден од соучениците во погубните политики во енергетиката што резултираа со урнисан енергетски систем, скапа струја и зголемено загадување.
,,Наспроти штетите на Мицкоски, денес, Владата предводена од СДСМ, заедно со град Скопје и надлежните институции секојдневно преземаат мерки со за решавање на овој сериозен, долгогодишен проблем.Интезивно се спроведува проектот за гасификација кој покрај помали сметки за граѓаните ќе придонесе и за значително помала загаденост. Во завршна фаза е 36 километарската делница на гасоводот Неготино-Штип, се работи и на поврзување на магистралниот гасовод од Неготино преку Кавадарци, Прилеп па се до Битола, долг 92 километри. Се работи и на гасификација на Скопје, делницата од Тетово до Гостивар но и во другите градови.
Се враќа изгубеното зеленило. Постојано се засадуваат нови зелени површини низ сите општини во Град Скопје, со што се исполнува планот за оваа година од 130 илјади квадратни метри зелена површина. Тоа е рекордно засадена зелена површина за една календарска година.Паралелно се преземаат низа мерки согласно Планот за чист воздух како засилени контроли на инспекциските служби, расчистување на дивите депонии, набавка на еколошки автобуси, субвенции за набавка на хибридни и електрични возила, нови еколошки начини на загревање на училиштата…Мицкоски и ВМРО-ДПМНЕ со своите погубни политики придонесоа да се интензивира загадувањето, Владата предводена од СДСМ и надлежните институции секојдневно преземаат мерки за решавање на проблемо со аерозагувањето, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
Ливриниќ: Вистинска грижа за бутелчани или прекршување на Изборниот законик на последниот ден на кампањата

Во мојата програма јасно најавив мерка за ослободување од надоместок за плаќање на оброк и ужина за сите деца на сите наши сограѓани во Општина Бутел – без исклучок и без поделби. Денеска, Советот на Општина Бутел усвои две мерки со слична содржина. Тоа не го сметам за проблем, напротив – го поздравувам и поддржувам секој чекор кој е во интерес на граѓаните, вели кандидатката за градоначалничка на Општина Бутел од СДСМ, Оливера Ливриниќ.
Но, како што вели, проблемот е начинот и времето на донесување на овие одлуки.
„Претседателот на Советот и градоначалникот Костовски добро знаат дека се наоѓаме во предизборна кампања, и тоа во последниот ден од истата, кога согласно закон е строго забрането донесување одлуки кои имаат финансиски импликации врз општинскиот буџет. Морале и можеле оваа мерка да ја донесат на законски начин на почеток на училишната година и пред изборната кампања“, вели Ливриниќ.
За жал, додава таа, со ваквите потези, мерките што се носат денес нема да имаат реален ефект врз граѓаните, бидејќи постои сериозна можност да бидат оспорени од Државната изборна комисија (ДИК) и Државната комисија за спречување на корупцијата (ДКСК).
Соопштенија
Насевска: Ќе ја реконструираме киносалата во Злетово

Од песните и ората преку театарот, ликовниот израз, модерниот балет, уметничкото творештво е пулсот на македонското битие. Свесни сме дека без вложување во културата и негување на традицијата ќе го изгубиме она што не прави препознатливи како народ, вели Марија Насевска, кандидат за советник во Советот на општина Пробиштип од ВМРО-ДПМНЕ.
„Затоа во програмата на идниот градоначалник, Тони Тоневски и советничката листа на ВМРО-ДПМНЕ и коалицијата, планираме инвестиции во нови простори за културни активности.
Реконструкција на кино салата во Злетово, кино на отворено, културни фестивали кои ќе промовираат локални уметнци.
Културата расте таму каде што се сее, а ние ја сееме со љубов и визија“.
Соопштенија
Трајанов: Да ги завршиме изборите во првиот круг

Претседателот на Демократски сојуз, Павле Трајанов, упати повик до членовите и симпатизерите на партијата, како и до сите граѓани, масовно да излезат во недела на 19 октомври и да гласаат за кандидатите за градоначалници и советници предложени од Коалицијата „Твоја Македонија“ предводена од ВМРО-ДПМНЕ. Со тоа, како што вели, изборниот процес би се заокружил уште во првиот изборен круг.
„Ова не се избори само за локалната власт, туку и определба за тоа дали ќе градиме држава со сите елементи, во која ќе продолжиме со коренити и суштински реформи и на брза лента ќе се движиме кон ЕУ, дали ќе воспоставиме систем на владеење на правото, дали ќе ја искорениме корупцијата, дали ќе отвориме перспективи за младите во сите средини, а посебно во руралните и дали Македонија ќе биде информатичка сила.
Имаме идеја и визија за Македонија како модерна држава, но за тоа ни е потребна поддршка од граѓаните в недела на 19 октомври, се вели во повикот на лидерот на Демократскиот сојуз“, Павле Трајанов.