Македонија
СДСМ: Мицкоски нека се подготвува за пораз на претседателските избори
![](https://makfax.com.mk/wp-content/uploads/2018/11/BeFunky-collage-17.jpg)
„Неспособниот Христијан Мицкоски повторно не кажа ништо што добро за државата и граѓаните. Никаков план, никаква визија, никаква програма не понуди Мицкоски. Едни исти фрази, празни флоскули на Мицкоски без суштина, полни со деструкција. Останува фактот дека Мицкоски одбегна да одговори за неговата улога за бегството на неговиот ментор, Никола Груевски, и посетите на Белград и Будимпешта“, се вели во реакцијата на СДСМ.
Според партијата, Мицкоски веќе е профилиран како анти-НАТО и анти-ЕУ.
,,Очигледна е неговата намера Македонија да не успее во остварување на врвните државни и национални интереси, а тоа е влез во ЕУ и НАТО. Јавноста го гледа сето тоа и прави јасна разлика помеѓу деструктивното антинародно дејствување на Мицкоски и ВМРО-ДПМНЕ и одговорниот пристап на Владата предводена од СДСМ во обезбедувањето на иднината на државата во ЕУ и НАТО.
Од една страна, СДСМ води одговорна политика, која обезбедува подобар живот за сите и членство во ЕУ и НАТО преку прифаќање на договорот од Преспа, а од друга, се неспособниот Мицкоски и ВМРО-ДПМНЕ, кои нудат деструкција, блокада на иднината и враќање во темното минато на криминал, изолација и неизвесност. Нема да се оствари желбата на Мицкоски, Македонија да не успее. Граѓаните ги поразија деструктивните политики на ВМРО-ДПМНЕ и избраа иднина во ЕУ и НАТО. Нема враќање назад во темното минато. Поддршката во Собранието за процесите што обезбедуваат членство во НАТО и ЕУ може само да расте. Бидејќи самиот Мицкоски вели дека не сака да мисли, ќе му помогнеме, нека се спреми за пораз на претседателските избори“, се додава во реакцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Се враќа оградата околу Владата и Коце Трајановски во политиката – 2016 година никогаш не била поблиску, велат од СДСМ
![](https://makfax.com.mk/wp-content/uploads/2017/10/Koce-Trajanovski.jpg)
Според СДСМ, само по неколку владини одклуки и една шака нови функционери, јасно е кој правец го фати ВМРО-ДПМНЕ. Тоа е, како што додаваат, правецот наназад кон 2016 година.
„ВМРО-ДПМНЕ реши едно од претпријатијата со најголем буџет, Јавното претпријатие за државни патишта, му го довери на Коце Трајановски. Покантно е што градоначалникот кој го спроведе најголемиот градежен криминал во историјата на земјата, проектот Скопје 2014, сега ќе има моќ да раководи со најголемите инфраструктурни и градежни проекти.
Коце Трајановски е човекот кој во својата најтесна фамилија е косопственик и управител на фирмата Косистеми ДОО чија дејност опфаќа и градежништво. Ова е најава за огромна корупиција која се подготвува во ова претпријатие“, велат од СДСМ.
Додаваат дека нема поголема потврда како планира да работи ВМРО-ДПМНЕ од оваа одлука со која рехабилитираат функционери кои нанеле државна штета од преку 700 милиони евра.
Граѓаните, според СДСМ, не гласаа за враќање назад туку за промена која воопшто не се случува и тешко дека ќе се случи.
Македонија
Коце Трајановски нов директор на Државни патишта
![](https://makfax.com.mk/wp-content/uploads/2017/08/koce-trajanovski.jpg)
Коце Трајановски е назначен од Владата за нов директор на Јавното претпријатие за државни патишта.
Трајановски доаѓа на функцијата на местото на Ејуп Рустеми.
Трајановски е поранешен градоначалник на Скопје и Општина Гази Баба.
Македонија
ВМРО-ДПМНЕ: Со платите што досега беа за економските директори ќе се подобруваат здравствените услуги
![](https://makfax.com.mk/wp-content/uploads/2023/04/339277028_1312557535968805_6452318681591516031_n.jpg)
Владата ги укина економските директори во здравствените установи, парите ќе одат кон подобрување на здравствените услуги, истакнуваат од ВМРО-ДПМНЕ.
На вчерашната седница владата пристапи кон предлог измени на Законот за здравствена заштита, со цел укинување на институцијата економски директор во јавните здравствени установи.
„Со укинувањето на економските директори, се укинува дуализмот во здравството, но и се подобрува ефикасноста.
Со воведување на систем на еден директор, се намалуваат административните трошоци, а средствата ќе се пренасочат во подобрување на здравствената инфраструктура, зголемување на транспарентноста и отчетноста“, стои во соопштението.