Контакт

Соопштенија

СДСМ на маалска средба во Пробиштип: Градиме правна држава и ги следиме потребите на граѓаните

Објавено пред

Членот СДСМ, Пеце Мирчевски, придружуван од градоначалникот на Пробиштип, Драган Анастасов и директорот на Агенцијата за финансиска поддршка во земјоделството, Никола Бабоски, оствари маалска средба со граѓаните на Пробиштип.

dobivaj vesti na viber

Во своето обраќање, Мирчески истакна дека последните случувања покажале дека се гради правна држава што функционира, а законите важат за сите подеднакво.

„За само 2 години државата успеа да изгради независни институции, успеавме да создадеме систем што се бори против корупцијата и криминалот. Последните случувања и актуелниот случај покренат од обвинителството е доказ дека постои заштитен механизам на релација граѓани – обвинителство – МВР кој го штити општеството и кој може да се справи со евентуални случаи на корупција“, истакна претсавникот на СДСМ пред граѓаните на Пробиштип.

Бабовски, пак, се осврна на мерките во земјоделството.

„Успеавме да постигнеме голема искористеност на ИПАРД фондовите со што претендираме да бидеме први во регионот“, кажа тој додавајќи дека мерките млад земјоделец, зелена нафта, повратот на ДДВ, повратот на персоналниот данок за земјоделците, зголемените и навремени субвенции само ја потврдуваат грижата на државата за оваа категорија на граѓани.

 

Соопштенија

Светска премиера на новиот Volskwagen T-Roc: новата генерација на бестселерот е висококвалитетна и иновативна

Објавено пред

· Со новиот T-Roc, Volkswagen претставува напреден наследник на својот хит модел, кој е продаден во повеќе од два милиони единици низ целиот свет.

dobivaj vesti na viber

· Новиот T-Roc нуди широк спектар на системи за помош и технологии од повисоките класи на возила

· Новата генерација импресионира со моќен дизајн, иновативни погонски системи и висок квалитет

Volkswagen го претставува новиот T-Roc! Развиен целосно од нула. Втората генерација на бестселерот се одликува со експресивен дизајн и иновативни системи за возење. Висококвалитетниот ентериер се одликува со новодизајниран кокпит, екран за инфозабава со димензии до 33 сантиметри (13 инчи) и позадинско осветлување што создава атмосфера слична на салон. Покрај тоа, T-Roc нуди повеќе простор во внатрешноста и багажниот простор. Нови системи за помош и технологии од повисоки класи на возила го надополнуваат моделот. Примери за тоа се Travel Assist и контрола на искуството при возење.

Втора генерација со нов дизајн. Големиот скок напред на моделот во однос на развојот, може да се види на прв поглед, во неговиот моќен и чист дизајн. Тој ја задржува карактеристичната ДНК на T-Roc со заден дел сличен на купе и ги искористува максимално предностите од 12 см поголема вкупна должина во споредба со претходниот модел.

Дизајнот на осветлувањето, исто така, игра значајна улога во новата интерпретација на T-Roc. Напред, новите LED светла се стандардни. IQ.LIGHT LED матрикс фаровите се достапни како и се поврзани со бело осветленото лого на Volkswagen со тесна светлосна лента. Задниот дел на T-Roc, исто така, има континуирана LED пречка со црвено осветлено лого на Volkswagen.

Висококвалитетна внатрешност и карактеристики најдобри во класата. Внатрешноста е значително подобрена и импресионира со својот врвен квалитет, меки површини и иновативни технологии. На пример, контролната табла е обложена со новоразвиена ткаенина, која создава атмосфера во стилот на „дневна соба“ заедно со позадинското осветлување. Новиот T-Roc има бројни карактеристики како поголемите модели Tiguan и Tayron, како што е најновата еволутивна фаза на контрола на искуството при возењето. Може да се користи избор на профили на возење и контрола на јачината на звукот, меѓу другото. Нова карактеристика во T-Roc и во неговата класа е исто така опционалниот дисплеј на ветробранското стакло, кој проектира важни информации како што се пиктограми за брзина или навигација директно пред возачот.

Повеќе простор за пет лица. Просторот во новиот T-Roc е погоден за долги патувања и семејства. Дури и ако луѓе повисоки од 1,85 m седат напред, патниците со сличен раст можат удобно да седнат на задните седишта благодарение на дополнителните 12 cm додадени на должината на новиот T-Roc. Покрај тоа,

електрично прилагодливо ergoActive седиште со 14 насоки со функција за масажа ќе биде достапно во верзијата Style за прв пат во T-Roc. Волуменот на багажниот простор се зголемува за 30 литри, на 475 литри кога е натоварен до висината на потпирачите за грб на задните седишта.

Трансфер на технологија благодарение на MQB evo. По тековните Tiguan и Tayron, новиот T-Roc е третиот SUV од Volkswagen кој е базиран на најновата еволутивна фаза на модуларната попречна матрица, MQB evo – и на тој начин има корист од хардверскиот и софтверскиот развој во оваа модуларна матрица на склопување. Тие вклучуваат нова фаза на развој на Travel Assist. Тој не само што поддржува автоматско менување на лентата, туку може да реагира со уште поголема предвидливост на ограничувањата на брзината или укинувањето на ограничувањата на брзината. За прв пат, новиот T-Roc има и системи како што е Park Assist Pro. Овој систем ја користи функцијата за меморија за да обезбеди тренирано, и на тој начин целосно автоматско паркирање на растојанија до 50 метри и овозможува користење на паметен телефон за возење на возилото во и надвор од паркинг местата. Системот за предупредување за излез е исто така достапен како опција и може да ги предупреди патниците пред да се отворат вратите дека се приближуваат автомобили или велосипеди одзади.

Автомобил од Европа за Европа. Првата генерација на T-Roc беше лансирана на пазарот во 2017 година и брзо се етаблираше. Следеше ажурирање во моделската 2022 година. Минатата година, околу 292.000 купувачи на нови возила низ цела Европа се одлучија за компактниот сестран модел, кој се произведува во португалската фабрика во Палмела во близина на Лисабон. До денес се продадени вкупно повеќе од два милиони единици. Ова го прави T-Roc најуспешниот SUV модел на Volkswagen во светот по Tiguan.

Првите испораки на нашиот пазар се очекуваат на почетокот на 2026 година.

(ПР)

Прикажи повеќе...

Соопштенија

Рудник САСА го одбележува Денот на рударите со награди за вработените и донации за локалната заедница

Објавено пред

По повод 28 август – Денот на македонските рудари и двојниот празник на Македонска Каменица, Рудник САСА продолжи со својата долгогодишна традиција на оддавање признание за трудот и посветеноста на своите вработени, потврдувајќи ја воедно својата заложба за поддршка на напредокот на локалната заедница.

dobivaj vesti na viber

И оваа година сите 790 вработени во САСА за празникот добија пригоден подарок и парични награди. Продолжувајќи ја традицијата, оваа година признанието „Најдобар рудар“ му беше доделено на Дарко Велиновски, кој во оваа прилика доби и посебна парична награда и пригоден подарок. Покрај најдобриот рудар, раководството на САСА додели парични награди и на вкупно 121 вработен. Од нив, 16 вработени добија парична награда за придонес кон безбедноста при работа и заштитата на животната средина, а на 105 вработени им се доделени парични награди за нивниот особен придонес при остварување на безбедно и стабилно производство.

Како дел од активностите по повод празникот, рудникот САСА, преку својата Фондација, обезбеди и финансиска поддршка за реализацијата на две приоритетни потреби на локалната заедница. Имено, на припадниците на територијалната противпожарна единица од Македонска Каменица им беа донирани комплети заштитна опрема, целосно усогласени со стандардите за безбедност. Исто така, инвестирани се и средства за целосна реконструкција на дел од санитарните јазли во детската градинка „Бамби“ во Македонска Каменица, со што значително се подобрени условите за децата кои престојуваат во оваа установа.

„Нашите вработени се срцето на САСА. Нивната посветеност, стручност и безбедно извршување на работните задачи се клучни за успешното работење на рудникот. Овие награди, што им ги доделуваме по повод Денот на рударите, се само симболично признание за нивниот секојдневен труд. Во исто време, силно веруваме дека развојот на САСА е нераскинливо поврзан со напредокот на заедницата во која работиме, па затоа и понатаму ќе продолжиме со посветена поддршка за општината и нејзините граѓани“, изјави генералниот директор на Рудник САСА, Кристофер Колбурн, честитајќи им го Денот на рударите на сите вработени во САСА и на целата домашна рударска индустрија, како и празникот на сите жители на општината Македонска Каменица, посакувајќи им добро здравје и многу успех на сите полиња.

Инаку, традиционално, Рудник САСА и оваа година е главен покровител и партнер на сите активности што се организираат во локалната заедница, меѓу кои и на централната тридневна културно-музичка програма што се одржува на градскиот плоштад, по повод Денот на рударите и празникот на општината Македонска Каменица.

(ПР)

Прикажи повеќе...

Соопштенија

Делегација на Американскиот совет на млади политички лидери (ACYPL) во посета на „Алкалоид“

Објавено пред

Во соработка со Амбасадата на САД во Скопје, претставници на Американскиот совет на млади политички лидери (ACYPL) остварија работна посета на „Алкалоид“.

dobivaj vesti na viber

Целта на посетата, трета од ваков тип, е запознавање на различни тимови млади лидери со условите и со начинот на работа во најуспешните македонски приватни компании.

За време на посетата, гостинската работна група, предводена од алкалоидовиот тим на чело со Генералниот директор и Претседател на УО Живко Мукаетов, имаше можност одблизу да се запознае со постигнатите резултати од работењето, инвестициските проекти кои континуирано ги реализира компанијата низ годините, извозните операции, како и со континуираните проекти за општествена одговорност во корпоративната агенда на „Алкалоид“.

Дневниот ред на работната средба опфати и обиколка на компаниските производствени капацитети во сегментот фармација и на Институтот за истражување и развој. Посебен акцент беше ставен на деловните операции во САД, каде што „Алкалоид“ АД Скопје во 2005 година основаше своја подружница во Њу Олбани, Охајо.

Освен пласманите на чаеви од програмата Good Nature и на детска козметика од брендот Becutan, „Алкалоид“ е партнер од избор на неколку реномирани американски фармацевтски компании со кои има различни форми на соработка, како на пример лиценцно производство, маркетиншко застапување и авторизации за дистрибуција на нивните производи.

Членовите на делегацијата, меѓу кои г. Нејтан Алонзо, г-ѓа Тори Мaри Блу, г-ѓа Кeси Чејмберс Армстронг, г. Томи Чој, г. Тимоти Регланд, г. Едвард Штокхаузен и г-ѓа Џесика Страм, го истакнаа своето задоволство од постигнувањата и од глобалната позиционираност на „Алкалоид“, особено во сегментот на деловните активности на компанијата на американскиот пазар.

Од своето основање во 1966 година, ACYPL, преку бројни програми за размена, им овозможува на своите членови да развијат глобална политичка и бизнис-перспектива и да изградат значајни меѓународни партнерства.

Досега, со континуирана поддршка од американскиот Стејт департмент и од бројни партнери, над 9.200 лидери од САД и од уште 137 земји низ светот зеле учество во инспиративните програми за размена на оваа интернационална мрежа.

(ПР)

Прикажи повеќе...

Најново

Свет4 часа

Фон дер Лајен: Путин мора да седне на преговарачка маса, Европа ќе ја одигра својата улога

Претседателката на Европската комисија, Урсула фон дер Лајен, денес разговараше телефонски со украинскиот претседател Володимир Зеленски и американскиот претседател Доналд...

Топ6 часа

21-годишно момче загина а две лица се тешко повредени во сообраќајка кај Градско

Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко...

Топ6 часа

Битолчанец се удавил во водите на Охридското езеро

Вчера во 12.55 часот во ОВР Струга било пријавено дека во водите на Охридското езеро бил пронајден починат В.Т.(49) од...

Македонија7 часа

Мицкоски до Филипче: Време е да бидат конструктивна опозиција, растот на нето-платата сега е двојно поголем во однос на периодот на Владата на СДСМ

„Добро е да се направи споредба меѓу параметрите што ги прават СДСМ и ДУИ кога тие беа во Владата седум...

Македонија7 часа

Османи: Албанците никогаш нема да прифатат некој друг да одлучува во нивно име

Кандидатот за градоначалник на Чаир од редовите на ДУИ, Бујар Османи, реагираше на последните изјави на премиерот Мицкоски, кој најави...

Македонија9 часа

Арсовска: „Такво време дојде, ем да тепаат жени, ем да глумат жртви дека се тепани“

Градоначалничката на Град Скопје, Данела Арсовска со објава на социјалните мрежи пред утрешното рочиште во Кривичниот суд во Скопје, на...

Македонија10 часа

ДУИ: Од Балансер до Бадeнтер, план за рушење на уставниот поредок

Северна Македонија никогаш немала влада- по настроена против Охридскиот договор, против европската иднина и европската интеграција и повеќе од рамнодушна...

Свет11 часа

Сијарто: Европските политичари се најжестоките противници на мирот во Украина

Унгарскиот министер за надворешни работи Петер Сијарто изјави дека европските политичари во моментов се „најжестоките противници на мирот во Украина“,...

Топ12 часа

Го удирале со боксови по целото тело и глава: преку психијатриско вештачење ќе се утврди дали тројцата осомничени свесно го извршиле убиството во Кавадарци

Основното јавно обвинителство Кавадарци донесе Наредба за спроведување истражна постапка против три лица за кои постои основано сомнение дека како...

Македонија13 часа

На ГП Меџитлија откриени над 300 шишиња со хемиски препарати за прскање: спречен обид за криумчарење

Царинските службеници на граничниот премин Меџитлија спречија обид за криумчарење на поголема количина препарати за заштита на растенија. Во раните...

Свет13 часа

(Видео) Напаѓачот од САД се претставувал како жена: оставил морничави пораки

Напаѓачот во училиштето во Минеаполис, кој уби две деца и рани најмалку 17 други, е идентификуван додека полицијата истражува манифест...

Македонија1 ден

СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за...

Македонија1 ден

Родителите од Демир Хисар револтирани: Законот ги принудува учениците на сместување во домови за да добијат превоз

Родители од Демир Хисар изразија незадоволство од измените на законот за средно образование и изразија загриженост за превозот на децата...

Македонија1 ден

(Видео) „Филипче со лаги за економијата во стилот на Заев – не знае чија е јахтата, ама знае дека ќе коалира со ДУИ“, вели Стојаноски

„Денешната прес-конференција на Венко Филипче е најдобар доказ дека СДС е изгубена во сопствените лаги и дека се обидува со...

Македонија1 ден

Сите ученици ќе имаат учебници на почетокот на новата учебна година, и тоа по сите предмети, велат од МОН

Сите ученици ќе имаат учебници на почетокот на новата учебна година и тоа по сите предмети согласно наставните планови во...

Топ1 ден

МВР со детали за пожарот кај „Зебра“: четири возила зафатени од огнот

Денеска, во 2.05 часот, во СВР Скопје било пријавено дека во Скопје, на територијата на Центар, било опожарено патничко моторно...

Македонија1 ден

(Видео) Филипче: Со ВМРО-ДПМНЕ на власт основните трошоци се зголемени за 4.300 денари, а минималната платата за 1.800 денари

ВМРО-ДПМНЕ за една година ја доведе државата во најголема економска несигурност што сме ја виделе досега, а граѓаните живеат сé...

Македонија1 ден

„Кандидатурата на Мециновиќ за Скопје е договор на партијата Левица да им помогне на СДС и ДУИ“, велат од ВМРО-ДПМНЕ

„Јасно е дека кандидатурата на Амар Мециновиќ е дил на Левица за помош на ДУИ и СДС, со математика Орце...

Топ1 ден

Убиство во Кавадарци, тројца уапсени

Денеска во 04:56 часот во ОВР Кавадарци било пријавено дека на заден влез од казино на улицата „Никола Минчев“ во...

Македонија2 дена

Муцунски за „Политико“: Државата не е подготвена за уставните измени што ги бара Бугарија без цврсти гаранции од ЕУ дека тоа ќе биде последното такво барање

Во рамки на работната посета на Брисел, министерот за надворешни работи и надворешна трговија, Тимчо Муцунски, даде интервју за политичкиот...