Соопштенија
СДСМ: Платите во армијата за две години пораснаа од 3.000 до 6.000 денари

Со доаѓањето на власт СДСМ преку конкретни мерки и реформи ги подобрува условите за сите припадници на армијата, велат од владејачката партија.
Од таму тврдат дека во зависност од чинот, платите за две години пораснале од 3.000 до 6.000 денари.
„Покачувањето на платите на припадниците на армијата е извршено етапно и изнесува 15 отсто. Првото зголемување од 10 отсто е обезбедено од први јануари 2018 година, а второто зголемување од дополнителни 5% е обезбедено од први септември 2019 година“, стои во партиското соопштение.
Во него се додава дека со овие зголемувања обезбеден е значителен пораст на основните плати, имајќи го предвид фактот што претходно платите на вработените во армијата, како што се вели, повеќе години наназад биле замрзнати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
(Видео) „Митески нека одговори, каде се ветените 100.000 квадратни метри ново зеленило во Аеродром“, прашува Кусакатска

„Пред само четири години ВМРО-ДПМНЕ, со Дејан Митески и Тимчо Муцунски, ветуваа дека Аеродром ќе добие 100.000 квадратни метри ново зеленило и нови паркови. Денес, по четири години, нема ниту еден нов парк“, кажа Марина Кусакатска, кандидатка за советник во Советот на општина Аеродром од СДСМ и коалицијата.
„Наместо зелен Аеродром, гледаме пожолтени тревници, неискосени површини, урната урбана опрема и расфрлано ѓубре.
Паркот „Радост“ во Реонски центар – наместо да го завршат уште во првата година – четири години подоцна сè уште не е готов.
Парк кај касарната „Гоце Делчев“ – ветен, но нема ни проект.
Нов парк во Ново Лисиче со содржини за сите возрасти – само празно ветување.
„Паметен систем за наводнување“ – не можат да ги поправат ни старите прскалки.
Паркот „Авионче“ требаше да стане мал луна парк – останува запуштен простор со паркирани возила на тревниците.
Нови паркови за миленици во секој дел од Аеродром – ниту еден не е изграден.
Митески и Муцунски не само што не подигнаа нови паркови, туку ги оставија да пропаднат и оние што беа подигнати претходно.
Аеродром, некогаш најзелената општина во Скопје, денес е симбол на запуштеност и ѓубре на секој чекор.
Затоа прашуваме: Со кое лице Дејан Митески ќе бара втор мандат од граѓаните? Имаат ли Митески, Муцунски барем трошка срам за она што го направија – или подобро речено, не го направија?
Време е да ја вратиме општината во рацете на луѓе што работат. Аеродром заслужува вистински паркови, чист воздух и уредени јавни простори. Заедно со Вас граѓаните ќе се избориме за Аеродром, ќе се избориме за нашиот дом!“, изјави Марина Кусакатска, кандидатка за советник во Советот на општина Аеродром од СДСМ и коалицијата.
Соопштенија
Оливера Ливриниќ со средби со жителите на населбата Ферид Бајрам: најавени нови инфраструктурни и комунални инвестиции

Кандидатката за градоначалник на Општина Бутел, Оливера Ливриниќ, оствари средба со жителите на населбата Ферид Бајрам, при што најави повеќе инфраструктурни проекти со цел подобрување на условите за живеење и поголема безбедност на граѓаните.
Меѓу најавените активности се уредувањето на просторот кај Тедико, кој ќе добие зеленило и фонтана – ново место за одмор и рекреација за жителите од овој дел на Бутел, се наведува во соопштението.
„Планирана е и изградба на атмосферска канализација на булевар „Христијан Тодоровски Карпош“, зад автобуската Чаирче, како и реконструкција на уличното осветлување во населбата, со што ќе се зголеми безбедноста и ќе се подобри урбаното уредување“, се вели во соопштението.
Според кандидатката, посебен акцент ќе се стави на обновата на трите парка во овој дел од општината:
Паркот на ул. „Мара Междуречка“
Паркот на ул. „Никола Петров“
Паркот спроти ООУ „Петар Здравковски Пенко“
„Секој парк ќе биде безбеден, уреден и пријателски – за децата, за родителите, за сите што живеат тука. Ова не се само ветувања, туку конкретни планови што ќе ги реализираме заедно со граѓаните“, изјави Ливриниќ.
Соопштенија
Анѓушев: Паркингот пред Лептокарија ќе произведува струја

Носителот на листата за советници на Коалицијата за зелена иднина во Општина Карпош, Александар Анѓушев и кандидатката за советничка Љубица Шопова денес се сретнаа со дел од жителите на Лептокарија. Во разговор со граѓаните беа претставени програмските приоритети на коалицијата, како што се зелени и пристапни јавни простори, транспарентно локално управување и оживување на културниот живот во Карпош.
Анѓушев најави јасен курс кон спроведување на одржливи решенија за паркирањето во овој дел од општина Карпош.
„Паркингот пред Лептокарија мора да прерасне во извор на чиста енергија, во Советот ќе бараме поставување на соларни настрешници наместо изградба нова катна гаража и бетон. Јавниот интерес мора да биде пред профитот“, рече Анѓушев.
Шопова зборуваше за приоритетите во делот на културната инфраструктура и јавните објекти.
„Напуштените јавни објекти во Карпош ќе ги пренамениме во живи културни пунктови за музика, театар, ликовни и младински програми. Јавниот простор е право, не милост, културата треба да се гледа и слуша во секое маало“, порача Шопова.