Носителот на листата на советници на Коалицијата за зелена иднина во општина Куманово, Сретен Стојковски, во видео-обраќање зборува за нови стандарди во локалното управување, како што се фер правила, транспарентност и зелени политики што служат на граѓаните.

„Во Куманово знаеме дека чистата општина почнува со чиста совест — со правила што важат за сите и со почит кон секој човек,“ истакнува Стојковски, додавајќи дека општината мора да се води од јавниот интерес, а не од привилегии.

„Општината не е каса за привилегии, напротив, треба да ја изградиме во заеднички зелен дом“, вели Стојковски.

Стојковски упатува и една од клучните пораки на коалицијата: „Нашата порака е јасна: Заедно до зелено и чесно Куманово.“

Тој нагласува дека како член на истиот состав на Советот ќе се спротивстави на партиски контролираните локални практики.

„Не прифаќаме општина зад паравани и партиски списоци. Бараме јавно управување, трага на секоја општинска одлука и отчет што се гледа за секој потрошен општински денар“, порачува Стојковски.

На крајот од обраќањето Стојковски испраќа порака за достоинствено секојдневие и одржлив развој на општина Куманово.

„Куманово има потенцијал што не смее повеќе да се распарчува со импровизации. Наместо цинизам, нудиме достоинство во секојдневието на кумановци и кумановки — почиста животна средина, култура на одговорност и инклузија како норма, а не како исклучок. Коалицијата за зелена иднина стои покрај вас. Нашата амбиција и цел е Куманово да го направиме место за живеење, а не за преживување“, порачува Сретен Стојковски, носител на листа за советници на Коалицијата за зелена иднина во општина Куманово.

„Четири години ВМРО-ДПМНЕ, Митески и Муцунски раководат со Општина Аеродром и четири години гледаме само разочарувања, незаинтересираност и неисполнети ветувања. Ветуваа многу, „хумана урбанизација“, 100.000 квадратни метри ново зеленило, 3.000 нови паркинг места, 4 нови градинки, таблет за секое дете, смарт табли во секоја училница…“, вели Милутин Ристевски, носител на советничката листа на СДСМ и коалицијата во општина Аеродром.

„А што добија граѓаните? Запуштени паркови, треви до колена, ѓубре на секој чекор и буквално ниту метар ново зеленило.

Ниту едно клучно ветување не е реализирано! Ветени 4 нови градинки – ниедна не е изградена. Ветено зголемување на помошта за новороденчиња – ништо од тоа. Ветена нова гимназија – не е ни започната. Од ветените 6 кружни текови – ниту еден не изграден. Од 3000 паркинг места – само две мали паркиралишта.

„Вело-дромот“ и велосипедските патеки на секоја улица? Само празни зборови. Ветија гасификација, еко-полиција, фонд за реконструкција на фасадите – и сè тоа исчезна веднаш по изборите.

Време е управувањето со Аеродром да го довериме на чесни, посветени и одговорни луѓе. Време е за промена што ќе донесе резултати и вистински развој.

Аеродром заслужува повеќе – зелена, функционална и современа општина во која ќе живееме со гордост. Аеродром е нашиот дом – и време е повторно да го изградиме заедно“, изјави Милутин Ристевски, носител на советничката листа на СДСМ и коалицијата во општина Аеродром.

„Денес од лице место, овде во Крњево, ви разоткриваме уште една манипулација на актуелниот градоначалник на Општина Центар, кој всушност се обиде да продаде лажна приказна за „уредување“ и „подобрување на условите“ во населбата Крњево“, велат од ЗНАМ.

Тој вчера изјави дека целосно ја расчистиле дивата депонија и дека на ова место ќе никне детско и спортско игралиште, зеленило и урбана опрема.

Но, фактите покажуваат сосема поинаква слика:

Локацијата која според Генералниот урбанистички план (ГУП) е локација предвидена за изградба на булевар „Крушевска Република“, а според Деталниот урбанистички план (ДУП), оваа зона е предвидена за сообраќајна инфраструктура, а не за урбана опрема и игралишта.

Активностите се изведуваат без транспарентност, што го крши законот и урбанистичките норми.

Тоа што го гледаме денес не е пример за грижа кон жителите, туку пример за самоволие, злоупотреба, дивеење и грубо прекршување на правилата, потенцијално кривично дело. Тој што треба да ги спречи и руши дивоградбите, за кои алармиравме повеќе пати, сега е директен креатор и потенцијален извршител на истото.

Затоа оттука поставуваме директни прашања до актуелниот градоначалник Герасимовски:

1. Зошто најавивте градежни активности на оваа локација, дали за истото има проект и обезбедена градежна дозвола?

2. Зошто го лажете населението тврдејќи дека ќе се гради детско и спортско игралиште, кога според плановите тука треба да има сообраќајна инфраструктура?

3. Кои механизми на транспарентност и јавна отчетност сте ги примениле пред да започнете со градежните активности?

4. Дали граѓаните треба да веруваат на вашиот PR, или на документите и плановите кои јасно го покажуваат незаконското постапување?

Тоа што го гледаме денес не е пример за грижа кон жителите, туку пример за самоволие, злоупотреба и грубо прекршување на сите урбанистички норми.

Ова е класична слика за начинот на владеење на актуелниот градоначалник – со лаги, со манипулации и со обиди да се прикажат нелегални активности како „добри дела“.

Граѓаните на Центар веќе видоа доволно и знаат дека зад секоја негова објава стои интерес, а не искрен труд.

На 19-ти октомври, ќе стават крај на ваквото самоволие и празните ветувања.

Во недела, на 19-ти октомври ќе изберат човек кој навистина ќе работи во нивен интерес, ќе ги штити јавните простори и зеленилото и ќе ја врати човечката и достоинствената димензија на Центар“, соопштуваат од ЗНАМ.