Соопштенија
Честит 8 Март; Споделуваме моќни пораки за сите жени од жените на лидерски позиции

Помина уште една година и одново го празнуваме 8 март, Меѓународниот ден на жената, во кој ги славиме економските, политичките и општествените достигнувања на жените, во борбата за правата што се актуелни повеќе од сто години. Овој ден нè потсетува да изразиме благодарност и почит кон жените околу нас, што ги создаваат темелите на мудроста, правдата, креативноста и надежта.
Овие денови на Нептун Македонија, една од најголемите компании која вработува повеќе од 100 жени, а голем дел од нив на лидерски позиции, им го поставивме прашањето; Што би им порачале на жените? Во чест на сите силни жени, избравме некои од најинспиративните и најмудрите пораки од влијателните дами во оваа компанија на кои им се восхитуваме;
Александра Аргир, ХР Директор Нептун Македонија, ЕГМ, Сервис МК посочува дека најважна работа за секоја жена е да се почитува себеси, да не се плаши да ги рашири крилјата и да цели кон остварувањето на своите цели и сето она што ќе ја направи среќна. За секоја личност е важно да не се плаши да го кажува своето мислење, да стои исправено со крената глава пред предизвиците, да биде горда на себе, да биде свесна дека силата лежи во неа. Сето тоа ќе биде многу полесно доколку сите вложиме време и труд во нашето континуирано образование, учење низ работата и од грешките, упорноста, социјализацијата.
Се согласува и Лепа Петровска, Раководител на сектор за управување со производи; „И покрај верувањето дека живееме во свет во кој доминираат мажи, жените се одлични во преговорите и релациите, имаат изразена социјална интелигенција и можат да направат три работи истовремено. Не задржувајте жена ако наумила нешто“, додава таа низ насмевка.
Овие хероини се согласуваат дека темата за родовите аспекти на лидерството не треба да се отвора само за 8 март, но за среќа и во тој поглед има значителни исчекори кон подобро. Доказ за тоа е и Нептун Македонија, компанија која во секој домен од своето работење ги слави и охрабрува жените во сите нивни подвизи.
„Успехот на секоја жена треба да биде инспирација за друга, а не закана. Пресреќна сум што сум дел од охрабрувачко деловно опкружување, а околу мене се жени што се олицетворение на достоинство, грациозност, интелигенција и бестрашност“ – вели нашата соговорничка, Зорка Стојанова, Менаџер за лојална програма, финансирање и услуги.
„Огромна е честа да се биде во компанија со жени кои со својата работа придонесоа за обликување на нашиот бизнис каков што е тој денес. Опкружувањето со дами кои се издвојуваат по извонредност, истрајност и фанатична издржливост, ме охрабрува и мене да го давам најдоброто од себе секој ден“ – додава, Мери Костадинова, Раководител на оддел за сметководство.
Во контекст на овој убав ден, Нептун организира супер изненадувања, подароци и попусти за денот на жената на сите продажни локации ширум земјата со кои сака да ги израдува жените и да им приреди незаборавни мигови.
Нептун Македонија секојдневно ги истакнува профилите на успешните жени сакајќи да ја покаже нивната важност, користејќи ги нивните вештини, знаења и таленти што ќе послужат како инспирација за идната генерација на успешни и силни жени.
ПР Текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
„Сетек Денови“ – ДО 70 % ПОПУСТИ

Oд 9 јуни, понеделник, започнува најголемата акција на Сетек – сè од техника, најпосетуваните Сетек Денови каде попустите стигнуваат и до 70%!
„Сетек Денови“ е акција каде љубителите на најпознатите брендови, на едно место можат да видат и да одберат се што сакаат и се што им е потребно од техника, по најниски цени.
Во сите салони на Сетек низ Македонија, следува огромен избор на производи од бела техника, фрижидери, телевизори, компјутери,лаптопи, се од ИТ, мобилни, смартфони, голема палетана додатоци, мали апарати, гејминг опрема, опрема за фитнес, мали и големи апарати и многу повеќе.
Акцијата, СЕТЕК ДЕНОВИ, дава можност за многу поволности како на цените, така и на изборот на производите. Салоните во овој период стануваат зборно место за техника, а веб страната www.setec.mk најпосетуваното место за online продажба.
Искористете ја можноста, дојдете во Сетек и купете најмногу техника, со најниски цени.
Компанијата Сетек, како лидер на пазарот, повеќе од 30 години, во континуитет ја развива својата мрежа и стратегија за блискост со купувачите.
Со мрежа од 33 различни локации, модерно опремени салони и премиум продавници, вклучувајќи ја и онлајн продавницата, Сетек е достапен до секој љубител на современата техника.
Покрај актуелната акција, Компанијата, во континуитет нуди и услуги за полесен пристап и поголема можност за корисност на купувачите, како лојална програма, кешбек, премиум достава, можности за кредитирање, рати без камата и многу експертски услуги за правилен избор и долготрајна употреба.
Сепак, обожавателите на техника најмногу ја чекаат акцијата СЕТЕК ДЕНОВИ, кога буквално СÈ СЕ КУПУВА !
(ПР)
Соопштенија
„Алкалоид“ на Третата регионална ESG-конференција на AmCham: градење резилиентност во свет што се менува

Во својство на една од пионерските компании во имплементацијата на принципите на еколошко, општествено и корпоративно управување (ESG), „Алкалоид“ зеде активно учество на Третата регионална ESG-конференција, организирана од македонската подружница на Американската стопанска комора, во соработка со AmCham Србија, AmCham Албанија и AmCham Косово.
Настанот собра претставници од деловниот сектор, институциите и граѓанското општество, обезбедувајќи платформа за стратешки дијалог, регионална соработка и усогласување на ESG-приоритетите во контекст на заедничките предизвици и цели на регионот.
„За компаниите во земјава и регионот примената на ESG-принципите повеќе не е избор – тоа е стратешки чекор кон одржлив раст и поголема конкурентност на глобалниот пазар“, истакна во својот воведен говор Генералниот директор и Претседател на УО на „Алкалоид“, Живко Мукаетов.
Во својство на член на Бордот на директори на Американската стопанска комора, Мукаетов потенцираше дека иако општествената одговорност на компаниите (CSR) често се смета за правилната работа што треба да се направи, ESG сè повеќе се препознава како паметен пристап, особено во контекст на глобалните предизвици и стремежот кон долгорочна резилиентност и одржливост на бизнисите. Од објавувањето на првиот ESG-водич за известување од страна на Македонската берза во 2022 година, изработен со поддршка од Европската банка за обнова и развој (ЕБОР), започна видлив напредок во областа на ESG-сообразноста кај компаниите во земјава и регионот.
Сепак, како што беше нагласено од страна на говорниците на Конференцијата, процесот на имплементација сè уште е неконзистентен и нецелосен. Учесниците упатија јасен повик за појаснување на регулативната рамка, воспоставување посилни стимулации и обезбедување техничка и институционална поддршка за градење капацитети, со цел да се овозможи поширока, посистемска и поефикасна примена на ESG-стратегиите во сите сектори на економијата. Особено беше потенцирана важноста од усогласување на националните регулативи со стандардите на ЕУ за одржливост, имајќи предвид дека ЕУ е најголем трговски партнер на регионот.
Во рамките на втората панел-сесија насловена „ESG во рамки на ЕУ-регулативата: клучни импликации за компаниите од Западен Балкан“, говореше координаторот на ESG-одборот на „Алкалоид“ АД Скопје, Димитар Ристовски, кој изјави:
„За ’Алкалоид’ ESG-стандардите не претставуваат само формална обврска – тие се суштински дел од нашето секојдневно работење и стратешки двигател за управување со ризици, поттикнување иновации, обезбедување долгорочна конкурентност, градење доверба кај инвеститорите и пристап до одржливо финансирање. Денес вистинското лидерство не се мери само преку финансиските резултати, туку и преку влијанието што компанијата го има врз луѓето и животната средина.“
„Алкалоид“ досега има објавено три ESG-извештаи, а минатата година компанијата го доби признанието „Добри ESG-практики за 2024 година“ од страна на Македонската берза и Американската стопанска комора за својот најнов консолидаран извештај, изработен на ниво на целата групација.
(ПР)
Соопштенија
„Каде брзаш? Не брзај за да стигнеш!“ – ОКТА, МВР И РСБСП со заедничка кампања за поголема безбедност во сообраќајот

Под мотото „Каде брзаш? Не брзај за да стигнеш!“ стартува кампањата за безбедност во сообраќајот на ОКТА, Министерството за внатрешни работи (МВР) и Републичкиот совет за безбедност во сообраќајот на патиштата (РСБСП). Целта на кампањата е подигнување на свеста во јавноста за важноста на поголемото внимание на сите учесници во сообраќајот. Во рамките на кампањата ќе бидат преземени низа активности кои на иновативен начин ќе информираат, едуцираат и ќе алармираат за поголема одговорност во сообраќајот.
„Безбедноста во сообраќајот е еден од приоритетите во стратегијата за општествена одговорност на ОКТА. Многу внимателно и посветено пристапуваме кон активностите и кампањите кои што имаат за цел да ја подигнат јавната свест за тоа колку е важно да се биде одговорен учесник во сообраќајот. И тоа не го правиме само преку донации, туку и преку едукативни работилници и кампањи во кои што се вклучени релевантни партнери од општеството во кое работиме. Едукацијата и превенцијата се вистинскиот начин за подобрување на сообраќајната култура и намалување на негативната статистика од патиштата во државата“, изјави главниот извршен директор на ОКТА Димитриос Пасхос.
Кампањата „Каде брзаш? Не брзај за да стигнеш!“ е фокусирана на предупредување на јавноста за опасноста од неодговорно однесување во сообраќајот преку реални животни ситуации, со цел да поттикне промена на навиките и однесувањето на учесниците во сообраќајот.
„Состојбите на терен укажуваат дека покрај редовните контроли на нашите екипи, потребна е соработка и активно вклучување на повеќе чинители во подигнување на свеста кај луѓето. Праксата покажува дека информирањето и едукацијата се многу важни во превенцијата на поголем број на сообраќајни несреќи. Затоа сме уверени дека оваа кампања ќе допринесе кон она што е наша заедничка цел – безбедни улици и патишта за сите учесници во сообраќајот“, истакна Панче Тошковски, министер за внатрешни работи.
Според податоците, најголемиот број на незгоди се случуваат како резултат на невнимание во текот на сообраќајот.
„Брзиот и динамичен начин на живот го зголемува процентот на сообраќајни незгоди, што за нас е дополнителен аларм за интензивирање на активностите во насока на превенција преку едукација за подигнување на јавната свест кај сите учесници во сообраќајот. Веруваме дека и оваа кампања преку иновативни и суштински пораки ќе даде придонес учесниците во сообраќајот да бидат совесни и повеќе да внимаваат“, потенцираше Горан Ангеловски, претседател на Републички совет за безбедност во сообраќајот на патиштата.
Кампањата „Каде брзаш? Не брзај за да стигнеш!“ ОКТА ја лансира преку платформата „Јас Внимавам“ која што е еден од столбовите на кои што се базира стратегијата за општествена одговорност на компанијата. Во 2017 година оваа платформа беше прогласена за најдобра национална општествено одговорна практика на годишната манифестација организирана од Координативно тело за општествена одговорност на претпријатијата и Министерството за економија. Платформата беше оценета како најефективна и најсеопфатна во однос на прашањата со кои се занимава. „Јас внимавам„ беше избрана во конкуренција на 15 големи компании со вкупно 24 проекти.
(ПР)