Од трибината во Куманово, заменик-претседателката на СДСМ, Фани Каранфилова-Пановска упати порака дека е време за промена и дека е време Куманово да добие нова енергија и вистинско раководство.

„Куманово заслужува многу повеќе. Време е да го поддржиме човекот кој има визија, искуство и искрена посветеност, Мартин Костовски,“ изјави Каранфилова-Пановска, истакнувајќи дека кандидатот на СДСМ е единствениот што нуди реални решенија за вистинските проблеми на граѓаните.

Таа потенцираше дека промената започнува со човек кој не е зад канцелариска маса, туку меѓу луѓето.

„Тој не е човек од канцеларија, тој е човек на народот. Чесен, вреден, посветен. Со него на чело, Куманово ќе оди напред, а не назад,“ порача Каранфилова-Пановска.

Во својот говор, се осврна на состојбата во општината под актуелното водство на Максим Димитриевски.

„Максим Димитриевски го претвори Куманово во касаба. Наместо развој, запуштени улици, нефункционални услуги, пропуштени можности. Ветувања имаше многу, резултати, нула. Сликите за социјални мрежи не можат да ја сокријат реалната слика на застој и разочараност,“ нагласи таа.

Заменик претседателката се обрати и до членови на ЗНАМ: „Драги Знамовци, вие не го изневеривте СДСМ, ЗНАМ ве изневери вас – вратете се дома“, рече таа.

Каранфилова-Пановска упати критики и до централната власт предводена од ВМРО-ДПМНЕ, потенцирајќи дека нивното владеење е синоним за неспособност, корупција и назадување.

„Помина третина од нивниот мандат , и што добивме? 8 милијарди евра долг, поделби, блокади, младите си заминуваат, пензионерите едвај врзуваат крај со крај. Наместо решенија, кризи. Наместо развој , расипништво,“ рече Каранфилова-Пановска.

На 28.09.2025 салоните на Порше Македонија блеснаа во светлина и емоции, претворајќи се во артистички простор за големата прослава на 20-годишниот јубилеј на компанијата. Настанот обедини партнери, клиенти, вработени и пријатели во атмосфера која го славеше минатото, но и храбро гледаше кон иднината.

„Денес не славиме само 20 години постоење – денес славиме 20 години заедништво,“ истакна генералниот директор Златко Муцунски во своето инспиративно обраќање. „Сите вие сте значаен дел од нашата приказна. Без вас, ’20‘ ќе беше само број. Со вас – тоа стана патување полно со предизвици, победи и незаборавни моменти. Ние не сме тука само да продаваме автомобили. Ние креираме искуства, отвораме патишта кон авантури и овозможуваме слобода да се сонува и освојува.“

Порше Македонија започна со работа во 2005 година како дел од Porsche Holding Salzburg, првично застапувајќи ги брендовите Volkswagen и Audi за Македонија и Косово. Денес портфолиото брои седум светски познати брендови меѓу кои се – Škoda (од 2007), SEAT (2014), Porsche (2016) и CUPRA (2024) – и силна продажно-сервисна мрежа со повеќе од 100 вработени и над 50.000 продадени возила.

Јубилејната вечер донесе повеќеслојна уметничка програма, настапи на врвни артисти и видео-проекции кои потсетија на клучните моменти од изминатите две децении. Настанот претставуваше „неконвенционално патување низ уметност, музика и автомобилска страст“, а гостите уживаа во вечер исполнета со музика, изведувачки перформанси и пријателска енергија.

20 години по основањето, Порше Македонија стои како синоним за квалитет, иновација и лидерство во автомобилската индустрија. Компанијата останува посветена на иднината на мобилноста – електрификација, автономни технологии и паметни решенија – но никогаш не заборава дека вистинската сила е во луѓето, партнерствата и вредностите што заедно се градат.

„По 20 години – сè уште постоиме, сè уште на врвот стоиме, и одлично изгледаме,“ заклучи Муцунски, кревајќи здравица за новите хоризонти што следуваат.

Со оваа прослава, Порше Македонија уште еднаш потврди дека нејзината приказна не е само за автомобили – туку за страст, визија и заедништво кое ќе продолжи да создава нови јубилеи и нови победи.

(ПР)

Со почетокот на новата академска година, многу студенти, но и професионалци, се соочуваат со предизвикот за избор на нов технолошки уред. Пазарот нуди многу опции, а прашањето е како да се одбере уред кој ќе ги издржи сите обврски и трендови?

Како еден од лидерите во технологијата, Анхоч постојано е во тек со светските трендови, нудејќи најширок асортиман и најдобри цени. Нивното долгогодишно искуство покажува дека клучот е во вистинскиот избор, а не во најскапиот уред.

3 клучни совети за студенти и сите корисници на технологија

Експертите од Анхоч советуваат пред да купите, да одговорите на следните прашања:

1. Мобилност или моќ?

Размислете за вашата дневна рутина. Ако постојано се движите, лаптопот нуди најдобар баланс. За највисоки перформанси во програмирање, дизајн или гејминг, десктоп компјутерот е ненадминат. Таблетот пак, е одличен за читање, белешки и презентации.

2. Кои се минималните спецификации за 2025?

За да обезбедите долгорочна употреба, фокусот треба да е на овие три параметри:

· RAM меморија: 16GB RAM е минимален стандард. Целете кон 32GB за непречена работа со повеќе програми.

· Складирање: Клучен е SSD диск од најмалку 512GB. Ако вашиот уред поддржува, препорачуваме PCIe SSD, кој е и до четирипати побрз од стандардниот SATA SSD и овозможува молњевито брзо подигање на системот и апликациите.

· Процесор (CPU): За најдобри перформанси и долговечност, стремете кон Intel процесори од минимум 12-та или 13-та генерација, или AMD Ryzen процесори од 5-та или 7-ма генерација. Овие генерации гарантираат енергетска ефикасност и моќ потребна за модерните апликации

3. Вложете во трајност

Квалитетот на изработка е клучен. Побарајте уреди со Full HD екран и издржлива батерија која ќе го покрие целиот работен ден, што е особено важно за студентите и професионалците.

Анхоч: Секогаш подготвени за вашиот избор

Анхоч, како компанија која ги следи светските трендови и чија публика е широка – од млади гејмери до искусни професионалци – е подготвен да одговори на сите барања.

„Нашата мисија е да понудиме најдобар избор, најдобри цени и најдобри совети. Ние сме подготвени да ги задоволиме сите потреби за квалитетна опрема која ќе ги издржи сите предизвици. Кај нас, секогаш ќе ја најдете најновата технологија“, велат од Анхоч.

Посетете ги салоните на Анхоч или онлајн на www.anhoch.com и добијте експертска поддршка за да го направите вистинскиот избор.

(ПР)