Соопштенија
Филипче: Гласот за Перо Костадинов е глас за продолжување на развојот, за секое маало, за цело Валандово

Претседателот на Социјалдемократскиот сојуз на Македонија, д-р Венко Филипче, на граѓанската трибина, синоќа, во Валандово ги повика граѓаните, да дадат глас за Перо Костадинов, бидејќи тоа е глас за продолжување на развојот, за секое маало и за цело Валандово.
„Овде луѓето ја знаат тежината на дадениот збор, ја знаат вредноста на чесната и посветена работа. Тоа се одлики и на нашиот Перо и затоа верувам, убеден сум, дека со вашиот глас ќе го продолжиме започнатото и нема да дозволиме Валандово да се врати назад“, порача д-р Филипче.
Тој ја истакна неговата поддршка за актуелниот градоначалник и кандидат на СДСМ, Перо Костадинов, и советничката листа на партијата, упатувајќи порака за единство и победа на СДСМ во Валандово.
„Ние гордо стоиме зад Перо Костадинов, гордо стоиме зад листата на нашите советници, затоа што силно веруваме во нив, во нивната работа, посветеност, во нивната љубов за својата општина, за своето маало, уличка, за својот дом. Тие се темелот на нашата борба“, нагласи д-р Филипче.
Филипче порача дека чесната и посветена работа секогаш носи резултати и напредок, а Валандово е доказ за тоа.
„Кога го имаш тој темел, општината расте со сигурен чекор. Валандово е пример за тоа дека кога се работи чесно, кога се работи посветено, со љубов, со план, со визија – напредокот е загарантиран“, рече тој.
Лидерот на СДСМ потсети на бројните реализирани проекти и конкретни резултати што ја докажуваат успешната работа на Перо Костадинов во Валандово.
„Улици, сали, игралишта, водоводи, градинка, кино сала – тоа што е направено се гледа и вие тоа многу добро го знаете. Затоа Валандово треба да продолжи напред, за секој негов жител, за секое маало, село, улица“, истакна д-р Филипче на граѓанската трибина на СДСМ и Коалицијата „Се бориме за нашиот дом“, која се одржа синоќа во Валандово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
Атанасовски: Современи училишта, бесплатни оброци и униформи за учениците во Македонска Каменица

Следниот мандат го продолжуваме со силен фокус на образованието и младите, затоа што тие се нашата најголема вредност и иднината на Македонска Каменица. Во првите две години, целосно ќе го реконструираме Средното општинско училиште Миле Јаневски-Џингар и спортското игралиште во Основното училиште Свети Кирил и Методиј, вели Димчо Атанасовски, кандидат за градоначалник на општина Македонска Каменица од ВМРО-ДПМНЕ.
Најави дека ќе продолжи да ги подобрува условите за квалитетна настава со современа опрема и напредни наставни помагала.
„За поголема безбедност на нашите деца, ќе ги уредиме училишните дворови и ќе поставиме ново осветлување и заштитни огради. Секое дете до петто одделение ќе добива бесплатен оброк и училишен прибор, а сите ученици до деветто одделение ќе имаат бесплатни униформи.
Ќе го доопремиме подрачното училиште во село Моштица и ќе изградиме ново спортско игралиште за младите. Ќе вложиме и во средното образование, преку поддршка на стручните насоки, практична настава и соработка со локалните компании, за младите да добијат повеќе можности и причина повеќе да останат дома покрај своите во Македонска Каменица. Нашата цел е јасна, подобро, модерно и достапно образование за секое дете.
Затоа што млада и образована Македонска Каменица значи силна и развиена општина.
Со вашата доверба ќе продолжиме да градиме место каде секое дете ќе има еднакви можности за учење, развој и успех. Затоа на 19 октомври ве повикувам да ја дадете вашата поддршка.
Гласот за број 9 за Димчо Атанасовски, кандидат за градоначалник и за советничката листа на ВМРО-ДПМНЕ од Коалицијата „Твоја Македонија“ коалицијата предводена од Гоце Стоиловски, е глас за продолжување на развојот на нашата општина“.
Соопштенија
Гоцевски: Нова урбана населба за младите брачни парови во Делчево

„На просторот на поранешното стрелиште, ќе создадеме нова урбана населба за домување. Нови брачни парови да може да добијат плацови по субвенционирани услови, за да изградат свој сопствен дом“, кажа Иван Гоцевски, кандидат за градоначалник на општина Делчево од ВМРО-ДПМНЕ.
„Новата улица помеѓу улиците Маршал Тито и Осми септември, како и новиот мост на река Брегалница, значително ќе ја подобрат проточноста на сообраќајот во овој дел од Делчево.
Одржлив развој врз основа на точно утврдени цели. Точно тоа му е потребно на Делчево“, изјави Иван Гоцевски, кандидат за градоначалник на општина Делчево од ВМРО-ДПМНЕ.
Соопштенија
Божинов: Нова пешачка и рекреативна патека од Колешино до Мокрински извори за развој и повеќе туристи во општина Ново Село

„Природата што ја имаме е нашето најголемо богатство. Со изградбата на пешачката и рекреативна патека од Колешино до Мокринските извори, ќе го направиме тоа богатство достапно за сите“, кажа Ѓорѓе Божинов, кандидат на ВМРО-ДПМНЕ за градоначалник на општина Ново Село.
„Ќе овозможиме безбедно пешачење и рекреација на нашите граѓани, но и ќе ја претвориме оваа патека во нова туристичка атракција.
Тоа значи повеќе гости, повеќе туризам и економски бенефит за целата општина.
Сакаме општина Ново Село да биде место каде што природата и човекот живеат во хармонија.
Кога природата ти е вака блиску, треба мошне малку за да ја почувствуваш со сето срце. Ова нема да биде обична патека, ќе биде место за прошетки и за дружба.
Оваа патека ќе биде симбол на здрав живот, туризам и развој“, изјави Ѓорѓе Божинов, кандидат на ВМРО-ДПМНЕ за градоначалник на општина Ново Село.