Дијаманти, признанија и џез: MINT FinTech Group повторно ги награди своите највредни колеги

Во стил кој што ѝ е веќе својствен, MINT FinTech Group го организираше традиционалниот интерен настан „Оскари“, на кој секоја година се наградуваат вработени за нивната исклучителна посветеност, иновација и тимски дух. Настанот се одржа во елегантната атмосфера на Pura Bar, збогатен со жива џез музика, пури и виски, во духот на вистинска гала вечер.

Наградите беа доделени во осум категории, вклучувајќи:

Најкреативна личност, Продажна ѕвезда на годината, Лице на годината во Back Office, Новата надеж (New Star), Најомилен колега, Менаџер на годината, Тимски играч и Mintist на годината.

Дополнително, десет вработени кои годинава слават 5 години работа во MINT FinTech Group добија дијаманти како симбол на благодарност и стабилност. Најемотивен момент беше признанието за вработена која годинава одбележа 10 години лојалност кон компанијата – момент што доби стоечки аплауз.

„Во MINT веруваме дека луѓето не се ресурс – туку срце. И секогаш ќе ги славиме оние што ја движат оваа компанија со знаење, ентузијазам и интегритет.“

– изјави Бујар Драла, HR менаџер на комапнијата.

Со оваа практика, MINT FinTech Group уште еднаш потврдува дека културата на препознавање и вреднување е дел од нејзиниот идентитет – и дека успехот се гради таму каде што лојалноста не е претпоставка, туку приоритет.

(ПР)

· Совршено за викенд авантури: кровниот шатор има простор за до две лица

· Практичен, едноставен, издржлив: компактни димензии, брзо склопување и расклопување, ткаенина отпорна на временските услови

· Frontera секогаш спремна за авантура: кровниот шатор совршено се вклопува со робусниот дизајн на Opel Frontera

Само неколку дена откако го прослави своето деби во германските продажни салони, новата Opel Frontera покажува дека е вистински сеопфатен модел со својот робустен дизајн и извонредна просторност.

Сега Frontera докажува дека е ѝ вистински херој за љубителите на авантури на отворено благодарение на практичниот и стилски кровен шатор Thule Foothill, кој е достапен преку официјалната продавницата за дополнителна опрема на Opel.

Со шаторот, љубителите на кампување и сите оние кои сакаат да бидат уште послободни и секогаш спремни за кратки патувања ќе можат слободно да се впуштат во авантура и да откриваат нови дестинации без да мора да бараат сместување.

Уживајте во слободата: кровниот шатор ја прави Frontera вистински сооучесник во авантурите на отворено за двајца

Без разлика дали е за секојдневно користење или за патување, Opel Frontera, електрифицирана во секоја верзија, го прави секое патување попријатно со своите разновидни елементи, од патентираните Intelli-Seats до паметни решенија како што се станицата за паметни телефони или флексибилните ремени за таблети и слично.

Покрај тоа, со променливиот капацитет на багажниот простор до околу 1.600 l има обемен простор за багаж и опрема за Вашето слободно време. За сите оние кои сакаат да ја поминат ноќта во кампот или да ја доживеат природата, Opel нуди посебна опција: со опционалните шини за кровот, Frontera може да носи товар на кровот до 240 kg. Така ова SUV возило долго 4,38 m доаѓа со идеален предуслов за викенд патување или за престој на фестивал на отворено што трае неколку дена со кровниот шатор.

Клиентите сега можат да си овозможат вистинското ноќно одморалиште со кровниот шатор Thule Foothill директно преку интернет во асортиманот за дополнителна опрема на Opel. Шаторот во agave боја е погоден како практичен придружник за патување во секој поглед.

Започнува со транспорт: кога е преклопен тој е широк само 61 cm, a тоа e половина од големината на повеќето кровни шатори на пазарот. Тоа остава простор на покривот на Frontera за носење друга опрема за рекреација и спорт, како што се велосипеди или кајаци. Покрај тоа, шаторот се издига само 24 cm над багажникот на покривот кога е преклопен.

Предност број два: И покрај неговата компактна големина за патување, кровниот шатор Thule Foothill овозможува исто толку внатрешен простор како и класичниот шатор за двајца. Љубителите на природата можат да се релаксираат на површина за спиење од 2,13 x 1,19 m и да се восхитуваат на природата и ѕвезденото ноќно небо низ прозорците заштитени со мрежа. Поставувањето е едноставно и брзо дури и за едно лице: едноставно расклопете го кровниот шатор на Frontera и вметнете ги телескопските шипки. Пристапот до и излезот од шаторот е преку скали прикачени на страната на Frontera.

Предност број три: Бидејќи временските услови не секогаш се погодни, главната ткаенина за шаторот е изработена од материјал отпорен на временски услови, издржлив и може да издржи дури и сурови услови. Покрај тоа, ткаенината е дишечка за да се намали можната акумулација на кондензација и да се направи престојот во шаторот поудобен дури и во влажно време.

(ПР)

Платформата „РЕсет – РЕцепт за добросостојба“ на Реплек е прогласена за најдобра практика во областа на човечките ресурси за 2024 година. Највисокото признание за најдобра HR практика, компанијата го доби на годинешното доделување на награди за најдобри практики во оваа област спроведено од страна на Македонската асоцијација за човечки ресурси, преку непосредно гласање.

Реплек во изминатите години ги интензивираше активностите за унапредување на условите на работното место, зголемување на задоволство на вработените и подобрување на продуктивноста. Во согласност со потребите на вработените, нивните очекувања и современите трендови, Реплек ја лансираше платформата „РЕсет – РЕцепт за добросостојба“. Во рамките на програмата се реализираа низа активности и се имплементираа нови модели кои дадоа значајни резултати во зголемување на задоволството на работното место и зајакнување на имиџот на компанијата како солидно место за развој на кариерата.

„Во услови на турбуленции на пазарот на труд и недостиг на специфични професии, клучен предизвик за компаниите е да создадат услови кои, не само што ќе ги задоволат очекувањата на вработените, туку ќе овозможат и соодветен личен развој. За нас е важна продуктивноста, но цврсто веруваме дека најзначајната вредност на секоја компанија се луѓето. Без нив нема напредок. Оваа платформа е резултат на нашите заложби да создадеме цврсти врски со нашите вработени и да ја чувствуваат компанијата како своја. Оттука, оваа награда за нас е од големо значење, бидејќи таа е потврда за тоа дека нашите заложби се видливи“, истакна Тања Иванова Ѓорѓиевска, директор на секторот за луѓе во Реплек.

Преку платформата „РЕсет – РЕцепт за добросостојба“ се реализираат неколку активности за воспоставување нови работни модели, меѓу кои се флексибилното работно време и хибридниот модел на работа. Анализите покажуваат дека на 80 % од вработените чии работни позиции го овозможуваат тоа, ги користат овие модели, а дури 83 % искажале поголемо задоволство на работното место. Голем дел од активностите се посветени на создавање на услови за подобар баланс помеѓу работата и здравјето на вработените. За таа цел се реализираа работилници посветени на женското и машкото здравје – „РЕпродуцирај женско здравје 360 – Здрава жена, среќна жена“ и „Во здравјето е силата“, како и работилница на тема „Континуирана едукација за третман на мускулоскелетни заболувања“. За сите вработени достапни се физиотерапевтски услуги на работното место, а вработените се дел и од работилниците на компанијата кои се отворени за јавноста. Анализите од ефектите од оваа платформа покажуваат дека во голема мерка е намален стресот при работата, а зголемена е продуктивноста.

Годинава Реплек одбележува 80 години од основањето и продолжува активно да работи на спроведување на платформата „РЕсет – РЕцепт за добросостојба“ во насока на создавање на корпоративна култура во која добросостојбата е начин на живот за сите вработени.

ПР