Соопштенија
(Видео) Шекеринска: Ако ја пропуштиме оваа шанса, во следниот договор нема да има Македонци и македонски јазик

Владата се обврза дека ќе одработи покана за членство во НАТО, датум за почеток на преговори со ЕУ и дека граѓаните ќе можат да се изјаснат на референдум за својата иднина – сето тоа го обезбедивме, рече министерката за одбрана, Радмила Шекеринска во рамките на нејзината средба со граѓаните од скопската општина Карпош.
Таа рече дека Договорот со Грција го потврдува македонскиот јазик и идентитет, а, како што наведе, доказ за тоа е аплаузот кој премиерот го добил во Европскиот парламент бидејќи покажал дека може на својот македонски јазик да зборува европски.
„Три децении плаќавме висока цена за едно нерешено прашање. Не сакавме да го префрлиме на нашите деца да го решаваат. Ако ја пропуштиме оваа шанса, во договорот кој ќе се постигне за 20 години нема да има Македонци и македонски јазик. Државнички и патриотски е да го зачуваме овој Договор во кој се погриживме македонскиот јазик и идентитет да бидат загарантирани“, рече Шекеринска.
Таа зборуваше за придобивките од зачленувањето во ЕУ и НАТО.
„Македонија има 2 милиони луѓе, но ако сме во сојуз со 500 милиони, појаки сме. Светот секојдневно ни дава поддршка, но одлуката на референдумот за својата земја ќе ја донесат оние кои ќе излезат да гласаат. Затоа ни треба масовност, затоа секој глас е важен. Да не се разбудиме на 1 октомври со чувство дека не сме успеале. Како што го добивме кандидатскиот статус во 2005, јас гарантирам дека по успешниот референдум ќе станеме членка на НАТО, а НАТО членството е клучниот чекор кој го забрзува патот кон членството во ЕУ“, рече министерката при посетата на Карпош.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
Герасимовски на средба со Сојузот на борци: Аманетот на нашите баби и дедовци мора го продолжиме, 11 Октомври е потсетник за тие идеали

Во пресрет на 11 Октомври, Денот на народното востание, кандидатот за градоначалникот на Општина Центар, Горан Герасимовски, оствари средба со претставниците на Сојузот на борците од НОАВМ 1941-1945 и граѓаните продолжувачи од Општинскиот одбор Центар.
На средбата, Герасимовски им оддаде признание и благодарност за нивниот историски придонес и посветеност кон вредностите врз кои е изградена современата македонска држава.
„Секој разговор со нашите борци е потсетник на жртвата, храброста и идеалите што ја обликуваа нашата држава. Тие ја носат вистинската приказна за Македонија и ни покажуваат дека љубовта кон татковината не се изразува само со зборови, туку со дела, труд и одговорност,“ истакна Герасимовски.
Тој додаде дека генерациите денес имаат должност да го продолжат аманетот оставен од борците, да ја негуваат слободата, да го чуваат антифашизмот како трајна вредност и да градат општество засновано на праведност, солидарност и човечност.
„Слободата не е нешто што се добива еднаш засекогаш, туку вредност за која секој ден треба да се бориме,“ порача градоначалникот
Герасимовски, најави продолжена поддршка на идеите и активностите на Сојузот на борците.
Соопштенија
Марковски: До средно Водно за викенди само со автобус

„Планот за Водно“ е составен од мерки и политики кои имаат за цел заштита на овој дел од Скопје и овозможување на подобри услови за рекреација и спорт на сите граѓани, рече Горан Марковски, кандидат за градоначалник на Град Скопје на претстојните локални избори од Граѓанската платформа „Независни заедно“.
Професорот Марковски ја посочи заложбата за продолжување на жичарата, но и изградба на јавни тоалети, на почетокот, на Средно Водно и на врвот.
Дополнително, тој истакна дека до Средно Водно во текот на викендите ќе биде забранет сообраќајот, а ќе можат да се движат единствено електрични автобуси (до Средно Водно).
Марковски зборуваше и за изградба на станица за прва помош на Средно Водно, како и за нова mountain biking – велосипедска патека направена по современи стандарди.
„Станува збор за мерки и политики кои се креирани во консултација со граѓаните, со луѓе кои поминуваат поголем дел од своето време на Водно, како едно од местата препознатливо за градот и за државата“, рече Марковски.
Соопштенија
ЗНАМ ја промовира програмата за транспаретно и отчетно работење на Куманово

Движењето ЗНАМ – За наша Македонија, денеска пред медиумите го промовираше делот од програмата посветен на транспаретното и отчетно работење на општината и вистински квалитетен сервис за граѓаните.
„Во изминатите осум години ја зголемивме транспарентноста повеќе од двојно, и со резултат од 97.1% денес се наоѓаме меѓу најтранспарентните општини во државата“, изјави кандидатот за советник од редоовите на Движењето ЗНАМ – Дарко Митевски.
Општината, рече тој, ќе продолжи да вложува во јакнење на административните капацитети и приближување до граѓаните. Куманово ќе остане пример за правилно управување со јавните ресурси, за чесно, посветено, отчетно и транспарентно работење.
„Во програмата на Движењето ЗНАМ – за наша Македонија предвидуваме серија проекти, активности, и заложби:
· Континуирана оптимизација на општинските сектори и одделенија во насока на подобар, поквалитетен и побрз сервис за граѓаните.
· Зајакнување на капацитетите на сите јавни претпријатија со фокус на доопремување со опрема и механизација, зголемување на кадровскиот капацитет, воведување на нови технологии и програми за обуки и доусовршување.
· Зајакнување на капацитетите на ТППЕ Куманово, со опрема, обуки и тренинг за пожарникарите.
· Дигитализација на најкористените општински услуги и нивно интегрирање на националниот портал за услуги.
· Електронски документ менаџмент систем за локалната самоуправа и јавните претпријатија.
· Воспоставување инфо-центар и инфо-линија во рамките на Општината, каде што граѓаните на едно место ќе можат да добиваат информации и услуги од административните службеници.
· Изработка на нова инклузивна веб-страница на Општината, приспособена за лица со попреченост, со јасен пристап до сите информации од јавен интерес.
· Развивање на нова мобилна и веб-апликација преку која граѓаните ќе имаат можност лесно да пријават проблеми, предлози и барања.
· Организирање на младински форуми и панел дискусии, каде младите ќе имаат можност активно да ги претстават своите идеи, ставови и иницијативи.
· Воспоставување нов систем за информирање во руралните средини преку поставување огласни табли и јавно достапни известувања.
· Одржување на јавни средби и форуми за граѓаните, за подобра интеракција и двонасочна комуникација.
· Навремено и редовно информирање на јавноста преку соопштенија и брифинзи со медиумите за сите значајни активности и одлуки на локално ниво.
· Издавање на дигитален општински весник, со информации за проектите, активностите и сите актуелни настани во општината“, рече тој.
Затоа, потенцира Митевски со полна одговорност може да се каже – Куманово денес е симбол на одговорно, отчетно и транспарентно управување.