Соопштенија
Шпаркасе Лизинг и ЕБРД со нова поддршка на зелените инвестиции на мали и средни претпријатија

Кредит од 3 милиони евра за Шпаркасе лизинг за поддршка на зеленото финансирање на локалните МСП
- ЕБОР одобри 3 милиони евра кредит за Шпаркасе Лизинг Доо Скопје
- Ова е најнов кредит од ГФФ Програмата за зелено финансирање во Северна Македонија
- Поддршка од Развојната Програма на Обединетите Нации (UNDP), Заедничкиот фонд за одржливи и развојни цели на Обединетите Нации (UN SDG FUND) и Владата на Северна Македонија
Шпаркасе Лизинг Доо Скопје и Европската банка за обнова и развој (ЕБОР) го подобрува пристапот до зелени технологии за малите и средни претпријатија (МСП) во Северна Македонија преку обезбедување на нови средства за локалната лизинг компанија Шпаркасе Лизинг.
Шпаркасе Лизинг, повеќегодишен клиент на ЕБОР ќе го користи кредитот од ЕУР 3 милиони, одобрен од ЕБОР, за поддршка на инвестиции во МСП во обновлива енергија и енергетска ефикасност.
Шпаркасе Лизинг, е првата лизинг компанија која се приклучува на Програмата за зелено финансирање (Green Finance Facility -GFF). Таа е првата лизинг компанија во Северна Македонија која нуди поддршка за изнајмување на фотоволтаични системи и опрема за производство на енергија од обновливи извори и веќе придонесува во развој на зелени проекти во земјата.
⦁ Директорот на Шпаркасе Лизинг г-дин Марјан Манчев и директорот на ЕБРД г-дин Фатих Туркменоглу го потпишаа договрот ЕУР 3 милиони кредит за Шпаркасе Лизинг за развој на мали и средни претпријатија со поврат на средства за успешно завршена инвестиција до 10%.
Прифатливите проекти вклучуваат финансирање на технологии за производство на енергија од обновливи извори, пред се фотоволтаици, како и проекти кои ги намалуваат емисиите на штетни гасови и го подобруваат работењето на компаниите односно лизинг на товарни возила, градежни машини, машини за производство и останати проекти кои ги исполнуваат најновите еколошки стандарди.
Програмата за зелено финансирање ГФФ веќе започна да привлекува пазарен интерес, бидејќи ова е трет кредит под програмата, кој е лансиран во земјата пред само неколку месеци. Кредитот ќе биде поддржан со фондови за техничка соработка и грантови од Заедничкиот фонд за одржли-ви и развојни цели (UN SDG Fund), и Владата на Северна Македонија, управувани преку Развојната Програма на Обединетите Нации (UNDP).
Пакетот техничка соработка, вклучува споделување на знаења и компоненти на подигнување на свеста за позитивните аспекти од користење на обновливите извори на енергија и технологиите на енергетска ефикасност кај МСП, со цел да се поддржи зелената и инклузивната економска транзиција на приватниот сектор во Северна Македонија. Локалните бизниси ќе добијат финансиска поддршка во форма на грантови, за да се стимулираат инвестициите кои ќе ја подобрат транзицијата кон зелена економија.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
Повик за македонските стартап-тимови: компанијата „Моцарт Србија“ го почнува четвртиот циклус на стартап-програмата „Универзум“ – пријавете се!

Универзумот продолжува да се шири! Компанијата Mozzart – Србија официјално го започна четвртиот последователен циклус на програмата за поддршка на стартап заедницата – Универзум, а пријавувањето е отворено до 11 мај на следниот линк.
Програмата е наменета за тимови чии производи се во завршна фаза на подготовка за излез на пазарот, но им недостига поддршка за првите чекори кон пазарот.
Стартапот што ќе победи ќе добие вредна парична награда од 20.000 евра, додека второ- и треторангираните тимови ќе добијат по 5.000 евра.
Оваа година освен во Србија, Универзум се шири и во регионот, па вратите на стартап заедницата на Mozzart се отворени и за тимови од Хрватска, Република Српска, Федерацијата БиХ, Црна Гора и Македонија.
Избраните стартапи за време на програмата ќе имаат пристап до:
· Специјализирани и прилагодени едукации
· Работа со посветени ментори
· Бесплатно користење на coworking простор
· Разни активности и настани за поврзување со алумни членови, експерти и дел од стартап екосистемот.
Универзум ќе ги води тимовите низ процесот до лансирање на производот, собирање повратни информации од пазарот и стекнување на првите корисници. Средината на октомври е резервирана за Demo Day, каде што тимовите ќе ги претстават своите идеи пред стручно жири.
Досега, преку Универзум поминале 23 тима, кои продолжуваат да ги развиваат своите иновативни решенија. Од „Tinder за вработување“ во ИТ индустријата и платформи за соларна енергија, до решенија за оптимизација на веб-страници, дигитализација на градинки, инвестиции во земјоделство, online купување, поврзување брендови со
инфлуенсери и гејминг платформи – бројни иновативни идеи оживеале во рамки на Универзум.
Проектот се реализира со поддршка и покровителство на Министерството за наука, технолошки развој и иновации на Република Србија, во рамките на Програмата за промоција и популаризација на иновациската дејност. Ова е втора година по ред како Министерството го поддржува Универзум, што потврдува колку е значаен и кредибилен овој програм на национално ниво. Во соработка со ICT Hub, веќе трета година по ред Универзум се потврдува како единствен и релевантен програм за стартапи во оваа фаза на развој.
ПР
Соопштенија
Македонскиот политиколошки форум објавува повик за доставување трудови

Македонски Политиколошки Форум, објави интернационален повик за доставување на академски трудови од областа на политологијата, правото и економијата.
Трудовите кои ќе бидат одобрени ќе бидат објавени во електронскиот зборник на Македонски Политиколошки Форум.
Право на учество имаат сите студенти и автори од земјава или странство, а трудовите задолжително мора да бидат на македонски или англиски јазик, во една од наведените области во самиот повик.
Сите заинтересирани имаат можност да испратат свој труд (индивидуално или група автори) најдоцна до 15 ти Мај 2025 година. Трудовите треба да ги исполнуваат условите наведени во повикот.
Повеќе информации може да добиете на следниот линк.
Соопштенија
Постигнат милион – актуелната OPEL CORSA апсолутен бестселер

· Омилена помеѓу клиентите: Corsa е најпродаваниот мал автомобил во Германија четири пати по ред
· Успех ширум Европа: актуелната Corsa исто така е на врвот во Велика Британија и Грција
· Рецептот за успех: флексибилна, агилна, ултрамодерна и со широк опсег на погонски системи од електричен и хибриден до верзии со ефикасни мотори со внатрешно согорување
Вредности (комбинирано) за Opel Corsa Electric со 100 kW (136 КС) според WLTP: потрошувачка на енергија 15.7-16.2 kWh/100 km, емисија на CO2 0 g/km; CO2 ознака: A.
Вредности (комбинирано) за Opel Corsa Electric со 115 kW (156 КС) според WLTP: потрошувачка на енергија 14.2-14.4 kWh/100 km, емисија на CO2 0 g/km; CO2 ознака: A.
Вредности (комбинирано) за Opel Corsa Hybrid со 81 kW (110 КС) според WLTP: потрошувачка на гориво 4.6 l/100 km, емисија на CO2 103-104 g/km; CO2 ознака: C.
Вредности (комбинирано) за Opel Corsa Hybrid со 107 kW (145 КС) според WLTP: потрошувачка на гориво 4.6-4.7 l/100 km, емисија на CO2 105 g/km; CO2 ознака: C.
Вредности (комбинирано) за Opel Corsa 1.2 со 74 kW (100 КС) според WLTP: потрошувачка на гориво 5.3-5.7 l/100 km, емисија на CO2 120-128 g/km; CO2 ознака: D.
Opel Corsa продолжува со својот успех уште посилно
Бестселерот на мали автомобили на Opel отсекогаш бил омилен меѓу клиентите и експертите. Сега Opel и Corsa го слават следниот голем успех: од лансирањето на актуелната генерација на F во 2019 година, повеќе од еден милион модели – Corsa ги напуштија производните ленти во фабриката во Zaragoza во Шпанија.
А побарувачката исто така се зголеми во првиот квартал од 2025 година: бројот на нови регистрации во Европа (Е29) се зголеми за 18 % во споредба со претходниот квартал. Од лансирањето на првата Corsa во 1982 година, ширум светот се продадени околу 15 милиони единици.
„Нашата Corsa е апсолутен бестселер. Милионитата Corsa од сегашната генерација покажува дека клиентите навистина го сакаат нашиот мал автомобил. Со својот свеж дизајн, достапните врвни технологии и високата флексибилност спакувана во компактни димензии, ги привлекува најразновидните групи клиенти. Оваа уникатна комбинација е основна гаранција за успех во нашето портфолио“, изјави Florian Huettl, извршен директор на Opel & Vauxhall и управен директор на Stellantis Германија.
Нејзиниот голем успех се одразува и со други бројки: според статистиката за регистрација на германската федерална управа за моторен транспорт (KBA), сегашната Corsa е најпродаваниот мал автомобил во Германија во последните четири години. Тој исто така беше најпродаваниот автомобил во својот сегмент во Велика Британија три години по ред (2021 до 2023 година). На овие два важни пазари, Corsa повторно го предводеше сегментот B во првиот квартал од 2025 година. Од јануари до март 2025 година, популарниот мал автомобил, исто така, влезе во првите три во својот сегмент во земјите како Хрватска, Холандија, Норвешка и Словенија. А во Грција, Corsa беше дури и најпродаваниот патнички автомобил на пазарот во 2023 година. Бројните награди од јавноста и експертите, како што е наградата „најдобар автомобил во класата“ за 2025 година за Opel Corsa Electric и „најдобро електрично градско возило“, се исто така доказ за нејзиниот успех.
Формула за успех: континуираниот развој на флексибилниот мал автомобил
Постојат повеќе причини за нејзиниот успех: сегашната генерација на Corsa импресионира со својот карактеристичен дизајн, вклучувајќи го предниот дел Opel Vizor, просторот за до пет лица и достапноста на врвни технологии како што се приспособливите Intelli-Lux Matrix светла без сјај што ги прави патувањата порелаксирани и безбедни. Клиентите, исто така, имаат екстремно широк избор : од две електрични верзии до модерни хибриди со технологија од 48 волти и ефикасни мотори со внатрешно согорување. Кај Corsa можете да го изберете вистинскиот погон за речиси секој клиент и потреба.
Opel континуирано го развива својот мал автомобил, што го прави уште поатрактивен и посоодветен за секојдневна употреба за клиентите. Земете ја Corsa Electric на пример: со својата батерија од 51 kWh и моќност од 115 kW (156 КС) сега овозможува опсег без емисии до 429 km (WLTP), што е околу 6 % или до 24 km повеќе од претходно. Најдобро од двата света, клиентите можат да уживаат во проширениот опсег без да се соочат со дополнителни трошоци.
Како специјално издание Opel Corsa YES, бестселерот на мали автомобили станува исклучително шарен со што ќе ги привлече Вашите погледи, а достапен е и како електрична верзија. Сето ова ја прави најновата генерација на Corsa омилена кај клиентите, што ќе ја продолжи успешната приказна во иднина.
ПР