Соопштенија
„Шпаркасе“ одбележа 15-години постоење на македонскиот пазар: „Градиме доверба и долгорочно партнерство“
Банката „Шпаркасе“ организираше појадок со медиумите, одбележувајќи 15 години постоење на македонскиот пазар, пришто ги објави и податоците за работењето во тековната година.
МИСИЈА И ВИЗИЈА
Одбележувајќи 15 години постоење на македонскиот пазар, Шпаркасе Банка АД Скопје со својот тим експерти останува доследна на својата мисија и визија – да гради доверба и долгорочно партнерство, препознавајќи ги очекувањата и потребите на своите клиенти. Наш приоритет се одговорно банкарство и стабилност, а иновацијата и агилноста се нашата движечка сила. За нашата визија да бидеме најдобар избор за нашите клиенти, да ги поддржуваме економијата и општеството и да креираме подобра иднина за сите, зборуваат фактите и постигнатите резултати.
ПОСТИГНАТИ РЕЗУЛТАТИ
Денес Шпаркасе Банка АД Скопје има 36 филијали и 140.000 активни клиенти. Во услови на тешка економска криза проследена со многу висока инфлација во изминатата година Шпаркасе Банка АД Скопје го продолжи финансирањето на економијата и на
населението и оствари раст на кредитната активност, додека истовремено водеше политика на управување ризици. Во првата половина од оваа година можеме да се пофалиме со одлични резултати. Споредбено со првата половина на 2022 година, оваа година вкупната актива на Банката, за првите 6 месеци изнесува 86.852 милиони односно забележан е 13% раст. Остварен е
раст на кредитното портфолио од 10% , при што кај сегментот на корпоративни клиенти годишниот раст изнесува 12%, додека портфолиото на физички лица порасна за 8%. Особено сме горди што овој кредитен раст во неизвесно опкружување проследено со високи стапка на инфлација, е остварено со знајачно намалување на нефункционалните кредити за 23% споредено со Јуни 2022 година, односно стапката на нефункционални кредити од 3,6% минатата година е намалена на 2,5% оваа година. На страна на депозитното портфолио бележиме раст од 17%, при што растот кај корпоративните клиенти изнесува 21%, кај физичките лица 14%, додека во сегментот на финансиски институции бележиме раст од 20%. Сето ова придонесе банката во првите шест месеци да оствари позитивен финансиски резултат од 939 мил.мкд кој е повисок од минатата година.
Шпаркасе Банка АД Скопје како досега така и понатаму ќе продолжи да нуди квалитетни и атрактивни понуди на производи и услуги, креирани според потребите на своите клиенти, и да обезбедува најдобри услови и конкурентни каматни стапки за своите продукти на пазарот.
Во изминатата година Банката активно продолжи да ги поддржува своите корпоративни клиенти во нивните инвестиции и имаше зголемена активност во делот на проектните финансирања, главно во делот на зелената енергија, каде што по интеграцијата со Охридска Банка во 2021 година е апсолутен пазарен лидер со пазарно учество од 36%, обезбедувајќи го овој вид финансирање повеќе од 12 години. Во сегментот на физички лица постојано работевме на унапредување на нашата понуда при што бевме прва и единствена банка која воведе фиксни каматни стапки на 10 години на станбените и потрошувачките кредити. Сето тоа беше првенствено во насока да обезбедиме одредена стабилност и да ја намалиме неизвесноста која клиентите ја почуствуваа поради зголемувањето на референтните каматни стапки. Сето ова, проследено и со постојаното унапредување и поедноставување на нашите процеси, ни овозможи да забележиме пораст на кредитното портфолио кај станбените кредити од 11% и 10% кај потрошувачкикте кредити. Шпаркасе Банка АД Скопје го продолжи континуитетот на позитивни резултати и во активностите поврзани со финансиските пазари и понатаму ја зајакна својата пазарна позиција. Воедно, Банката прудентно управуваше со својата денарска и девизна ликвидност, имајќи ги предвид регулаторните барања и потребите на клиентите. Во делот на тргувањето со девизи, Банката го зголеми прометот за 8,77% и го подобри своето пазарно учество за 1,47%, кое сега изнесува 18%. Имајќи ги предвид услугите со хартии од вредност, во сегментот на тргување на меѓународните пазари на капитал, Банката ја има повторно лидерската позиција во Земјата остварувајќи пазарно учество од околу 50%. Шпаркасе Банка АД Скопје е и понатаму банка чувар на најголемиот фонд во земјата – КБ Прв пензиски фонд, со актива од повеќе од 900 милиони евра.
ИДНИ ПЕРСПЕКТИВИ
Од своето постоење Банката постојано работи на реализација на своите планови и идни перспективи: да биде сигурен избор за своите клиенти, атрактивно место за работа за своите вработени, да придонесува за одржливо општество, да биде водечки играч на пазарот и да биде дигитална иновативна банка, која има врвен однос со клиентите.
Фокус – Дигитализација
Една од перспективите на кои се посветивме во изминатиот период и продолжуваме да ја развиваме е дигитализација на начинот на работа и дигитализација на услугите за клиентите. Имајќи ги предвид потребите и очекувањата на клиентите, покрај оптимизација на процесите во 2022 година се имплементираше и проектот за воведување дигитален потпис, со што Банката стана една од првите банки на пазарот што го понуди ова корисничко искуство.
Главен приоритет: Одржливост
Уште од своето основање Шпаркасе Банка АД Скопје се позиционира како општествено одговорна компанија што се залага за одржливост како принцип на живеење и позитивен развој на нашиот регион. Во рамките на платформата за корпоративна општествена одговорност – „Sparkasse Life“, Банката и во 2022 година ги продолжи активностите за проширување и развој на областите што се опфатени со неа: културата и уметноста, здравството, спортот, финансиската едукација и заедницата во која припаѓаме. Со своите заложби и активности што ги остваруваме преку платформата „Sparkasse Life“, Шпаркасе Банка АД Скопје е во процес на трансформација во комплетно одржлива банка.
Една од нашите најважни идни перспективи е да бидеме одржлива банка што одговара на потребите на денешницата, без притоа да ја компромитира иднината и потребите на следните генерации.
Нашата стратегија за одржливост е изработена во согласност со групациските стандарди и најдобрите практики и е заснована на Агендата за одржлив развој за 2030 година, донесена од сите земји членки на Обединетите нации во 2015 година, која вклучува 17 цели за одржлив развој (SDGs), кои се итен повик за акција од сите земји – развиени и во развој – во глобално партнерство.
ВРАБОТЕНИ
Ние сме банка што постојано инвестира во своите вработени, во зголемување на нивните вештини и знаења, во насока на нивна лична професионална развојна кариера, како и во насока на континуирано градење доверба кај клиентите и нивно задоволство од услугите и од производите на Шпаркасе Банка. Воедно, вложуваме во унапредување на вештините на нашите вработени да креираат финансиско здравје, а преку разни активности го поддржуваме и развојот на нивниот спортски дух и ги поттикнуваме да создаваат здрави навики и да водат здрав живот.
Во рамките на нашиот нов мултифункционален тренинг-центар постојано вложуваме во нивна едукација и тренинг, спроведуваме менторски програми и работилници за обучување и за ориентирање на нововработени. Имаме 672 вработени, за кои се залагаме за еднакви можности за кариера, за што говори и застапеноста од 56% жени на менаџерски позиции и 73% вработени жени во Банката. Ја почитуваме различноста и го применуваме принципот на инклузија при вработувањето. Банката е горда на своите вработени, кои со својата посветеност и ангажман ги отсликуваат нејзините пет корпоративни вредности: извонредност, доверба, страст, партнерство и агилност.
КЛИЕНТИ
Шпаркасе Банка АД Скопје е лидер во зелено финансирање во земјава. Во услови на голема енергетска криза, Банката во соработка со Европската банка за реконструкција и развој (ЕБРД) со поддршка на зелената економија во Северна Македонија обезбеди заем од 23 милиони евра (ШБС) за кредитирање локални микро, мали и средни претпријатија (ММСП). Со овој потег, 30% од кредитната линија е насочена за инвестиции што ќе им помогнат на малите бизниси да ја подобрат енергетската ефикасност, или да произведуваат и да се префрлат на обновлива енергија.
Нашите најголеми зелени проекти, за чие финансирање Банката одвои 86 милиони евра, се:
• Thor Impex за изградба на првата приватна ветерна електрана во Македонија Богословец,
• Heliocentrum (Javor Group) за изградба на фотонапонски електроцентрали за производство
на електрична енергија
• Vardar Bio Process за изградба на електрани за производство на електрична енергија
од биогас
• MHE Topolki за изградба на четири мали хидроцентрали
ПРОЕКТ СО МОН ЗА СУБВЕНЦИОНИРАН СТУДЕНТСКИ ОБРОК
Годинава Шпаркасе Банка започна проект со Министерството за образование и наука, за реализирање на правото на субвенциониран студентски оброк. Досега на првиот и на вториот повик на МОН, аплицираа повеќе од 21.000 студенти, а во академската 2023/2024 година се очекува наменската Visa кобрендирана картичка на Шпаркасе Банка и МОН за субвенциониран студентски оброк да ја добијат повеќе од 30.000 студенти. Visa кобреднираната картичка ќе можат да ја користат кај сите трговци што поседуваат ПОС-терминал, а се регистрирани под дејности како: ресторани за брза храна, ресторани, пекарници и маркети. Шпаркасе Банка, на сите студенти што аплицирале за користење субвенциониран студентски оброк, им овозможува користење бесплатен Vibe on пакет за млади, кој вклучува многубројни придобивки. Со овој пакет е овозможено бесплатно отворање и одржување платежна сметка, бесплатно добивање и користење платежна картичка, бесплатно S-Banka мобилно банкарство
преку кое може да се плаќа во движење, да се следи состојбата на сметката, да се подигнуваат средства од АТМ без провизија на сите АТМ-и на ниво во Групацијата, без разлика каде и да се наоѓа студентот.
ЖИВОТНА СРЕДИНА
Енергетската криза предизвика голема нестабилност во енергетскиот сектор и цените на енергенсите, што, пак, наметна преземање соодветни мерки, со цел заштеда на енергенсите и на нивната потрошувачка. И оваа состојба Банката ја управуваше на високо ниво, при што се постигнаа поставените цели за заштеда на електрична енергија и оптимално управување со ресурсите.
Во своите заложби за одржливост на животната средина, за првпат во банкарскиот сектор во земјава Шпаркасе Банка започна да издава Visa Eco картички од рециклирачки материјал, со посебни својства на разградливост. Од особено значење во 2022 година, се истакнува инвестицијата на фотоволтаични системи во централните згради на Шпаркасе Банка во Скопје и во Охрид, со цел сопствено производство на електрична енергија.
Kако општествено одговорна компанија и ориентирана кон користење зелена енергија, Банката во 2022 година воведе E-mobility и го реализираше проектот за набавка на две возила на електричен погон и постави два полначи за полнење на електричните возила со 100% зелена енергија, за потребите на своите клиенти. Банката инвестираше и во електрични тротинети како еколошко превозно средство за вработените, заради избегнување на градскиот метеж како и стимулирање на вработените за користење еколошки превоз, со цел редуцирање на емисијата на стакленички гасови во воздухот.
Исто така, преку воведување на дигитализацијата и отстранувањето на хартијата во деловното комуницирање, во 2023 година е остварено намалено користење на хартијата со заштеда за повеќе од 7% во вкупната потрошувачка на хартија, а со сопствено производство на електрична енергија е реализирана намалена емисија на CО2 за приближно 37.200 кг во 2023 година, заклучно со 15 септември.
ОПШТЕСТВО
Шпаркасе Банка АД Скопје и во 2023 година ја продолжи традицијата за поддршка на настани што го збогатуваат културното наследство и ја афирмираат уметноста. Во рамките на платформата „Sparkasse Life“ продолживме со корпоративната стратегија во насока на поддршка на настани и проекти значајни за македонската уметност и култура, со цел зајакнување на пeрцепцијата
за Банката како институција со урбан имиџ, која покажува грижа за заедницата и негува културни вредности.
Во периодот од 2020 до 2023 година Банката поддржа 110 проекти во форма на спонзорства и донации, меѓу кои: фестивалот Охридско лето, Таксират, Д Фестивал, Фестивал на европски филм – Cinedays, Струмички карневал, ликовна колонија „Вевчански видувања“, спортската манифестација „Прв до врв“. Шпаркасе Банка АД Скопје реализира и значајни донации на „СОС Детско село“, со кои годинава ја одбележуваме 11-годишнината од заедничката соработка. Шпаркасе Банка АД Скопје поддржува и организации и многубројни високо образовни институции, кои имаат за цел унапредување на економскиот развој во доменот на економијата и бизнисот во Република Северна Македонија, како и развој на меѓународна соработка со споделување знаења,
поврзување на бизнисите и поттикнување промени во регионот. Во периодот што претстои Шпаркасе Банка АД Скопје ќе продолжи посветено да работи на своите идни перспективи, од кои најзначајна секако е стратегијата за одржливост. Бидејќи иднината на следните генерации зависи од нашите заложби денес. А ние веруваме во подобра иднина за сите.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Центарот на Тиквешијата расте во модерен град: поглед кон Кавадарци низ илјада ARTEVO-прозорци
Новиот повеќенаменски комплекс во Кавадарци, LittleAmerika ветува висок комфор во домовите со високо енергетско ефикасни решенија, и со извонредна топлинска изолација благодарение на прозорците изработени од најновите профили на РЕХАУ Македонија, ARTEVO.
Ликот на Кавадарци полека, но сигурно се менува. Не само од естетски аспект како модерен европски град, туку и според изборот да се вградат градежни решенија чиј фокус е одржлива иднина, и иднината на новите генерации. Новиот повеќенаменски комплекс на вкупна површина од 35.000 м2 во новиот центар на Кавадарци, LittleAmerika почна да заличува на ветениот грандиозен објект чиј главен приоритет е највисоко ниво на енергетска ефикасност. Комфорни домови и пријатни деловни простории со можности за заштеда на енергија до 70 отсто, извонредна топлинска и звучна изолација кои обезбедуваат услови за удобност, квалитетно минато време, и мир за станарите и за вработените.
Довербата да се обезбедат најдобрите решенија за прозорци и врати достапни на македонскиот пазар, инвеститорот на објектот ја додели на Рехау Македонија, водечкиот премиум бренд за полимерни решенија, кои ќе вградат профили од најновиот прозорски систем, ARTEVO.
Можностите на ARTEVO се неограничени, објаснува Сашко Даев директор на РЕХАУ Македонија, Косово и Албанија.
„Потрошувачите на македонскиот пазар препознаваат квалитет кој носи додадена вредност на инвестицијата. Едноставно на пазарот од секогаш сме имале понуда која исполнувала стандарди за квалитет и ја оправдувала инвестицијата. ARTEVO е најновиот прозорски систем на нашиот пазар, и веднаш стана препознатлив по карактеристиките кои овозможуваат енергетската ефикасност до совршеност, односно обезбедува извонредна топлинската и одлична звучна изолација. Со инвеститорот на LittleAmerika договоривме да се вградат профили за речиси 1.000 прозорци за комплексот кој е во изградба“, вели Сашко Даев директор на РЕХАУ Македонија, Косово и Албанија.
Современиот станбено – деловен комплекс LAShoppingandliving ќе се состои од три станбени објекти и еден деловно-трговски објект, а ќе биде центарот на новото урбано живеење во градот и во регионот, но визија на инвеститорот е да привлече и туристи во најпознатиот македонски вински регион.
Извонредната топлинска изолација која ја обезбедува прозорскиот систем ARTEVO соодветствува на определбата на инвеститорот да изгради енергетско ефикасен комплекс.
Со овој систем за архитектите веќе нема невозможно, затоа што е лесно прилагодлив за исполнување на нивните идеи и замисли. Односно, системот ARTEVOго користи иновативниот материјал со високи перформанси RAU-FIPRO X – компoзитен материјал зајакнат со стаклени влакна кој во потполност ги редефинира границите на она што е изводливо во поглед на големините на прозорците. Материјалот овозможува висина на прозорските елементи до плафон, односно висина на крилото до 2,80m.
Новиот комплекс ќе ја подигне свеста за комфор на повисоко ниво поради квалитетот на материјалите и удобноста на живеење која ќе ја креираат во новите станови.
Севкупниот простор со објектите е дизајниран да ги задоволи највисоките естетски и архитектонски критериуми преку примена на модерен архитектонски израз и современи материјали. Зградите ќе имаат деловни простории на приземјетo, а на останатите седум ката и поткровјата предвидени се двособни, трособни, четирисобни станови и дуплекси. Секоја зграда е опремена со паркинг на две нивоа, зеленило и заеднички простори. Невообичаено ќе изгледа и кровниот дел, или како што популарно го нарекуваме “rooftop”-от на секој од објектите ќе биде уреден како заеднички простор за дружење со зелена градина, базен, сауна и теретана, обезбедувајќи приватност на станарите. Во комплексот се вградува и најсoфистицираниот систем за греење и ладење што ќе придонесе за заштеда на електрична енергија приближно до 70%.
За да се запознаете со предностите при користењето на ARTEVOпосетете ја нашата страница – https://window.rehau.com/mk-mk/gradeznistvo/artevoКако треба да изгледа комплекстот LittleAmerika и што се е предвидено да има можете да најдете на нивната страница – https://littleamerica.mk/
Инвеститор: Тиквеш Инвест Дооeл, Кавадарци
Архитектонско биро: Студио К2 Архитекти Доо Скопје, архитект: Крсте Петров, диа
ПР објава
Соопштенија
Нова категорија во образованието: Колеџот NU за средношколци почнува со уписи на првата генерација млади дизајнери, програмери и инфлуенсери
Успешна академска и професионална кариера и заработка за успешно завршен проект уште во средношколските денови се главните карактеристики на NU College – Првиот колеџ за средношколци во Македонија (NU Колеџ). NU е единствениот колеџ на кој средношколците стануваат претприемачи, дизајнери, програмери и инфлуенсери.
NU Колеџот за средношколци започнува со работа оваа есен, а во тек се уписите на првата генерација за која слободни се само 150 места.
NU Колеџот е дел од едукативно-технолошкиот центар „Бреинстер“ (Brainster) кој го прошири своето портфолио и ја преточи својата експертиза кон средношколците креирајќи нови и револуционерни програми кои ќе го надополнат образованието стекнато во средно училиште со релевантни вештини и практично искуство.
Практичните програми на NU Колеџот за средношколци траат шест месеци и претставуваат воншколска активност која содржи две интерактивни работилници секоја недела. Фокусирани се на истражување и откривање на потенцијалот и интересите на средношколците, што е неопходно за тие да бидат сигурни во понатамошниот избор на студии и кариера. Преку уникатниот практичен пристап „креирај, па учи“, средношколците ќе навлезат во еден нов свет на работа на реални проекти за вистински компании и ќе научат како да заработуваат уште во средно.
Доколку ова до сега изгледа привлечно, еве конкретно како секој средношколец може да дојде до посакуваната кариера. Секоја програма е осмислена за да ги поврзе младите со модерните технологии и релевантните вештини за пазарот на труд, поконкретно:
Веб програмирање x AI: За да им овозможи да создаваат модерни и функционални веб-апликации, да развијат бизнис вештини и со нив да ги претворат идеите во профитабилни проекти.
Графички дизајн x AI: За да научат да создаваат визуелно привлечни и професионални дизајни, од логоа и постери до целосни бренд идентитети за реални брендови.
Инфлуенсер маркетинг x AI: За да станат инфлуенсери и дигитални креатори штом научат како да создаваат дигитални содржини за реални брендови и продукти и како да заработуваат од нив.
Тимот од искусни ментори, експерти во својата област, ќе ги надмине традиционалните наставни методи и ќе го направи учењето интерактивно и инспиративно. Методологијата на учење е заснована на вештачка интелигенција (AI) и гарантира релевантност на стекнатите вештини и знаења на подолг рок.
„NU Колеџот го создадовме за да го редефинираме искуството што средношколците го имаат од формалниот систем на образование. Имаме акумулирано знаење, искуство и уникатна методологија на учење и токму затоа чувствуваме должност да го пренесеме тоа на младите и со тоа да го промениме нивниот начин на размислување кога ќе се спомене образование“, вели Петар Ниновски, основач на образовниот центар Бреинстер, а сега и на NU колеџот за средношколци.
Стекнатото практично искуство не е единствената предност на NU Колеџот, додава Ниновски. Програмите кои средношколците ќе ги изучуваат се на ниво и со фонд на часови на практичен предмет во високо образование, изработени по рамката на ЕКТС акредитација. Тимот на NU моментално работи на остварување соработки со врвни универзитети од соседството и од Европа, односно на обезбедување конкурентска предност при упис таму на средношколците кои ќе завршат успешно некоја од NU програмите.
„Програмите се засновани на 80% практична работа на реални проекти. Практичното искуство ќе развие претприемачки начин на размислување и ќе ги подготви средношколците за претстојниот академски и кариерен пат. Ние веруваме во учење преку работа и дека нашите средношколци можат многу повеќе и затоа на NU ќе научат да заработуваат преку својот труд, знаење, идеи и проекти“, појаснува Ниновски.
Програмите се достапни за учење од училница или online.
Сите заинтересирани средношколци можат да дознаат детали и да се пријават на листата на чекање преку официјалната веб-страница на NU колеџот nucollege.ai.
(ПР)
Соопштенија
Македонски иноватори со помош на ВИ креираат 3Д-модели на вистински органи на пациенти
„Зарем кај нас се прави вакво нешто?“, ова е реакцијата на студентите по медицина кога ќе видат 3Д испечатен модел на вистински орган од пациенти.
Доктор Стефан Арсенков заедно со тимот увиделе дека постои потреба од 3Д модели на органите на пациентите, кои на докторите им помагаат попрецизно да ги спроведат операциите. Така настанува македонскиот старт-ап кој соработувал со 10тина доктори со цел да се подобри планирањето на операцијата.
Јована и др. Арсенков во најновата епизода на „Што го врти светот“ зборуваат за Вештачката интелигенција во медицината и иновациите кои ќе имаат моќ да спасат човечки живот и да го скратат времето за спроведување на речиси сите медицински процеси. Арсенков зборува за важноста докторите да имаат вистински модели на органите на пациентите. Според него, не е исто да имате во рака модел направен врз база на совршено здрав човек и вистинскиот орган на пациентот кој има потреба од операција. Користењето на Вештачка интелигенција пак, сериозно го подобрува добивањето на моделот од снимка направена на пациентот.
– Често ме прашуваат која е мојата најдолга операција? Според мене ние треба да целиме кон тоа да имаме пократки операции, поефикасни. Зошто долга операција значи дека имало некаков проблем, компликација или пак хирургот не бил доволно подготвен за тоа што го чека. – вели др. Стефан Арсенков.
Тој додава дека токму тоа го имаат на ум со тимот, да создадат можност за предвидливост на операциите и најдобра подготовка на хирурзите.
Повеќе за новите технологии во здравството може да слушнете во најновата епизода на „Што го врти светот?“.
И оваа сезона е создадена од Здружението ЗМАИ со маркетинг и продукциска поддршка од АдВалју. Оваа епизода е во соработка со МАСИТ, „Што го врти светот“ е медиумски поддржувач на 19тата конференција на Комората, посветена на Вештачката интелигенција со фокус на ВИ во медицината и влијанието на ВИ врз работните позиции.
ПР
Почувствуван земјотрес во Македонија
Утрово е регистриран земјотрес со јачина од 2,10 степени според Рихтер во Македонија. Според првите информации од ЕМСЦ, епицентарот е...
(Видео) ДПМНЕ предизвикувајќи тепачка избегна да одговори зошто не ја укина историската комисија, велат од Левица
„На вчерашната седница за пратенички прашања, пратеникот од Левица, Реџеп Исмаил – Хактан, постави прашања за кои јавноста чека одговор...
СДС со примитивни методи во Собранието го активира насилникот и пудлицата на Венко, Апасиев, велат од ВМРО-ДПМНЕ
„Венко Филипче и СДС тотално се изгубија на политичката мапа по катастрофалниот пораз и последните анкети каде рејтингот им е...
Унгарија го поддржа Нетанјаху: Одлуката на Меѓународниот кривичен суд е апсурдна
Министерот за надворешни работи на Унгарија ги критикуваше налозите за апсење на Меѓународниот кривичен суд за израелскиот премиер Бенјамин Нетанјаху...
Украинскиот парламент ја одложи седницата, на пратениците им е кажано да ги држат своите семејства подалеку од владиниот кварт на Киев
Украинскиот парламент ја одложи седницата што требаше да се одржи денеска поради безбедносни причини, јави јавната телевизија Суспилнe, повикувајќи се...
Ким Џонг-ун ги нападна САД: Никогаш не сме биле толку блиску до термонуклеарна војна со Јужна Кореја
Севернокорејскиот лидер Ким Џонг-Ун ги обвини САД за провокации и ескалација на тензиите, велејќи дека Корејскиот Полуостров никогаш не се...
Деветнаесетгодишна девојка го управувала автомобилот со којшто беше усмртена жената во Чаир
Деветнаесетгодишна девојка (А.Џ.) управувала со автомобилот „сеат алтеа“, со којшто попладнево беше прегазена жената во скопската населба Чаир којашто почина...
Студентите на протест поради јавниот превоз, бараат и набавка на нови автобуси и велосипедска инфраструктура
Универзитетското студентско сообрание (УСС-УКИМ) за утре, 22 ноември, најавува протест поради проблемите со јавниот превоз што ќе се случува од...
Трагедија вечерва во Чаир: Загина жена, ја прегази автомобил
Жена загина во скопската неселба Чаир, кога во неа удрил автомобил со скопски регистерски ознаки. Според информациите од СВР Скопје...
Владата ќе му позајми на градот Скопје дел од нафтените резерви на државата за ЈСП
Владата вонредно расправаше поради недостигот на енергенси за обавување на јавниот сообраќај на територијата на Град Скопје, при што беше...
(Видео) Избегната тепачка во Собранието, Гаши го повика обезбедувањето
Во македонскиот парламент денеска избегната тепачка меѓу некои од пратениците. Инцидентот се случи меѓу лидерот на Левицата, Димитар Апасиев, и...
Црната листа на САД е многу динамична и отворена за додавање нови имиња, порача Агелер
Американската амбасадорка Анџела Агелер, денеска, одговарајќи на новинарско прашање во врска со црната листа на САД, рече дека таа е...
(Видео) СДСМ со решенија за кризата во Скопје: закон за финансиска поддршка на Градот и на ЈСП, субвенциии за гориво, вели Јанчева
„Како што најавивме, денес сме тука за да ги презентираме нашите конкретни предлози за надминување на кризата во која се...
ЈСП избрало неприфатлива понуда во набавката на „евродизелот“, утврдени неправилности во постапката, соопшти Бирото за јавни набавки
Постапката за јавна набавка на „евродизелот“ објавена од страна на договорниот орган ЈСП беше предмет на управна контрола во Бирото...
Славески свика итна вонредна седница на Советот на Скопје поради колапсот на јавниот превоз
Претседателот на Совет на Скопје Трајко Славески за денеска во 18 часот закажа итна вонредна седница на која треба да...
Колапс на јавниот превоз, скопјани се солидаризираат: „Застанете ако сте со автомобил, превезете некого“
Од синоќа, со оглед дека нема автобуси, на социјалните мрежи се споделуваат повици за оние што одат на работа со...
Ексминистер и двајца поранешни директори меѓу уапсените за уривањето на натстрешникот на Железничката станица во Нови Сад
Поради уривањето на натстрешникот на Железничката станица во Нови Сад, уапсени се 11 лица, соопшти Вишото јавно обвинителство во Нови...
(Видео) Русите ја нападнаа Украина со шест бомбардери „ту-95“ и „миг“, Днепар во пламен
Во денешниот руски ракетен напад е оштетена индустриска компанија во Днепар, а во градот избувнале пожари, изјави началникот на воената...
Ажурираната нуклеарна доктрина на Русија е лукав потег на Путин против Бајден и му оди во прилог на Доналд Трамп
Нуклеарните закани на Москва се прилично суптилна игра која директно не ѝ штети на Русија, туку му штети на актуелниот...
Северна Кореја и Русија потпишаа протокол за соработка
Северна Кореја и Русија потпишаа протокол за соработка по состаноците за трговија, економија, наука и технологија во Пјонгјанг, објави севернокорејскиот...
