Соопштенија
Шукова од Гази Баба порача: Вардариште од дива депонија ќе стане модерен центар за управување со отпад

Кандидатката за градоначалничка на Град Скопје, Каја Шукова, вчера ја посети општина Гази Баба, каде оствари средба со граѓаните. Разговорите беа насочени кон секојдневните проблеми со кои се соочуваат жителите пред сè, алармантната состојба со дивите депонии, еколошките закани и целосната институционална негрижа.
„Жителите на Гази Баба со години живеат опкружени со ѓубре, неплански депонии и токсични пожари. Тоа не е судбина, тоа е резултат на неспособна и незаинтересирана власт. Вардариште е само најгласниот симбол на оваа четиригодишна рамнодушност на ВМРО-ДПМНЕ кон животната средина и здравјето на граѓаните,“ изјави Шукова.
Веќе четири години, над 150.000 скопјани живеат во сенката на Вардариште што секојдневно загадува, труе и претставува реален ризик по јавното здравје. Наместо решение, граѓаните добиваат молк, занемарување и институционално криење зад политички интереси.
„Ова не е само пропуштена обврска. Ова е криминално запоставување на јавното здравје. Но, решение постои. Не е популизам, туку структуриран план, со експертска поддршка и европски стандарди“, им објасни Шукова на граѓаните, најавувајќи конкретни чекори:
Итно оградување и физичко обезбедување на Вардариште, 24-часовен надзор и пристап само за овластени служби. Како долгорочни решенија Шукова, најави селекција, преработка и пренос на отпадот до Дрисла, со нула загадување на воздух, почва и подземни води Вардариште е обврска на Град Скопје, објасни Шукова. Според Законот за управување со отпад, локалната самоуправа е должна да обезбеди чистота, третман на отпад, отстранување на депонии и регионална соработка, обврски кои четири години се игнорираат.
Шукова нагласи дека не се работи за политички поени, туку за суштински план како Скопје да стане модерен, зелен град, каде здравјето и квалитетот на живот ќе бидат приоритет, а не колатерална штета на неспособноста.
„Скопје мора да се врати на патот на европските вредности и зелена трансформација. Ова не се ветувања за кампања ова се конкретни решенија подготвени да се спроведат од првиот ден,“ рече Шукова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
Бобан Стефковски од Гази Баба доби јавна поддршка од истакнати интелектуалци и универзитетски професори

Кандидатот за градоначалник на Општина Гази Баба, доби јавна поддршка од истакнати интелектуалци и универзитетски професори.
Стефковски го објави писмото на јавна поддршка на „Фејсбук“.
„Од истакнати интелектуалци и универзитетски професори за кандидатурата на Бобан Стефковски за втор мандат како градоначалник на општина Гази Баба.
Во време на големи општествени предизвици и сè подлабока потреба од одговорно и визионерско локално раководење, ја изразуваме нашата недвосмислена поддршка за кандидатурата на Бобан Стефковски за втор мандат како градоначалник на општина Гази Баба.
Нашата поддршка не произлегува од политичка определба, туку од професионална и граѓанска одговорност. Уверени сме дека токму Бобан Стефковски е пример за современ локален лидер кој ја разбира сложеноста на заедницата, а притоа постојано ја издигнува улогата на институцијата како сервис на граѓаните, а не како алатка на лична или партиска промоција.
Оваа наша поддршка е заснована врз јасно видливите резултати што ги остави зад себе во својот прв мандат. Во време на несигурност, тој обезбеди стабилност; во услови на очекувања, тој испорача реални решенија.
Работата на Бобан Стефковски беше препознатлива по својата континуираност, посветеност и ориентација кон јавниот интерес, а тоа се вредности што не се подразбираат, туку се заслужуваат.
Во неговото досегашно раководење, препознавме стабилност, сериозност и работа што не се потпира на голи ветувања, туку на тивка, но постојана изградба на доверба. Ваквиот пристап заслужува не само признание, туку и продолжение.
Веруваме дека вториот мандат на Бобан Стефковски ќе значи продлабочување на вредностите на јавниот интерес, отчетноста, институционалната култура и грижата за општото добро – вредности што ни се неопходни, не само на локално, туку и на национално ниво.
Ги повикуваме граѓаните на општина Гази Баба да го поддржат кандидатот кој го постави јавниот интерес пред сè и кој докажа дека достоинствено и професионално може да се раководи со една од најкомплексните општини во Република Македонија.
Со почит,
1.Проф. Д-р. Саво Климовски – професор по уставно право и политички систем на Правниот факултет “Јустинијан Први” при УКИМ и поранешен претседател на Собранието на Република Македонија;
2.Проф. Д-р. Димитар Гелев – редовен професор на Правниот факултет “Јустинијан Први” при УКИМ;
3.Проф. Д-р. Александар Климовски – редовен професор на Правниот факултет “Јустинијан Први” при УКИМ;
4.Проф. Д-р. Трпе Ристоски – редовен професор на Ветеринарниот факултет при УКИМ;
5.Проф. Д-р. Љупчо Несторовски – Продекан за настава и редовен професор на Шумарскиот факултет при УКИМ;
6.Проф. Д-р. Виктор Ѓамовски – Директор на Земјоделски Институт при УКИМ;
7.Проф. Д-р. Валентина Славевска Стаменковиќ – Продекан за настава и вонреден професор на Природно Математички Факултет при УКИМ;
8.Проф. Д-р. Миле Маркоски – Декан и редовен професор на Факултетот за земјоделски науки и храна при УКИМ;
9.Проф. Д-р. Влатко Неделковски – Декан и вонреден професор на Факултетот за физичко образование, спорт и здравје при УКИМ;
10.Проф. Д-р. Тошо Арсов – редовен професор на Факултетот за земјоделски науки и храна при УКИМ;
11.Проф. Д-р. Ѓорѓи Груевски – Декан и редовен професор на Факултетот за дизајн и технологија на мебел и ентериер при УКИМ;
12.Проф. Д-р. Дејан Методијески – вонреден професор на Факултетот за туризам и бизнис логистика при УГД;
13.Проф. Д-р. Оливер Филипоски – вонреден професор на Факултетот за туризам и бизнис логистика при УГД;
14.Проф. Д-р. Олга Најденовска – редовен професор на Факултетот за земјоделски науки и храна при УКИМ;
15.Проф. Д-р. Марина Стојанова – редовен професор на Факултетот за земјоделски науки и храна при УКИМ;
16.Проф. Д-р. Драги Димитриевски – редовен професор на Факултетот за земјоделски науки и храна при УКИМ;
17.Проф. Д-р Велика Стојкова Серафимовска – редовен професор на Институт за фолклор “Марко Цепенков” – Скопје при УКИМ;
18.Проф. Д-р Христина Рунчева – редовен професор на Правниот факултет “Јустинијан Први” при УКИМ;
19.Проф. Д-р. Иванка Василевска – редовен професор на Правниот факултет “Јустинијан Први” при УКИМ;
20.Проф. Д-р. Нада Јурукова – редовен професор на Институтот за национална историја при УКИМ;
21.Проф. Д-р. Виолета Ачкоска – редовен професор на филозофскиот факултет при УКИМ;
22.Професор Благојка Филипчева;“, пишува во писмото.
Соопштенија
Меџити: ДУИ го претвори симболот на гордост во симбол на корупција-од СОРАВИЈА до казина и српски банки

ДУИ го претвори симболот на гордост во симбол на корупција-од СОРАВИЈА до казина и српски банки, кажа кандидатот за градоначалник на Чаир, Изет Меџити, од Конвенцијата на ВЛЕН одржана во Скопје.
„Во овие денови, добив пораки од секој агол на земјата, но и од нашата горда дијаспора. И сите тие пораки носат едно заедничко чувство: разочарување. Разочарување од оние што пред една година закануваа дека со “ураган“ ќе не срамнат со земја, што шетаа со куфери низ Чаир како газди, што го нарекоа Чаир “Кандахар“, а денес, со иста ароганција, се осмелуваат Албанците да ги наречат кучиња. Но јас сакам да ви кажам: не ви враќаме од страв, туку од гордост. Зароа што скопјанецот не се плаши – кога има потреба – скопјанецот ја остава владата и излегува на мејдан. Затоа ви велам: не, ние не сме кучиња – ние сме Албанци, не, ние не сме ни слуги, ни лажговци – ние сме луѓе со достоинтво“, рече Меџити.
„Кого имаме спроти нас на овие избори? Спроти нас имаме еден хибриден параполитички модел, чудна мешавина од политичари со истечен рок и други што уште бараат место во политичкиот дискурс. Тоа е непринципиелна комбинација на интереси завиткана под новата кратенка – АКИ, Алијанса на корупцијата за интеграција. Не е случајно што за само една година и нешто, тие го сменија името и составот неколкупати, само за да ја сокријат горчливата вистина: дека зад сета оваа “алијанса“ се крие стравот од името ДУИ. Некогаш симбол на гордост, денес тоа име е претворено во симбол на ендемична корупција: СОРАВИЈА, ЛОТАРИЈА, АС СЕЊАК – тоа се вистинските причини зад коалицијата Алијанса на корупцијата за интеграција. И затоа ние ќе ги победиме на избори и ќе ги демаскираме нивните афери“, рече Меџити.
“Врховниот лидер“ на АКИ, додаде тој, живее во илузија, си мисли себеси дека е вечен на престолот.
„Тој зборува и се однесува како владетел, јавно ги фали соработниците, а зад грб им мести стапици. Еден пропаднат модел што нема ниту визија, ниту правда, ниту политички морал – туку само тесни лични интереси, кои ги држат во заложништво надежите на граѓаните толку години. Затоа, на овие избори ние ќе ги победиме – не само ќе ги победиме, туку ќе ги декласираме“, рече Меџити.
Соопштенија
Несовршено совршен – HalkEZ пакет за млади. И во ред е да не е совршено.

Започнувањето на студентскиот живот е мешавина од возбуда и хаос. За некои значи нов град и барање сместување, за сите – поголеми трошоци за секојдневни потреби и адаптација на нова средина, бескрајни редици за упис, изгубени моменти во потрага по вистинската предавална, навикнување на новите професори, или трка по документи и уплатници. Овие почетоци не наликуваат на совршена сцена од филм – но тоа е реалноста со која ќе се соочи секој студент. А, токму таа несовршеност го прави искуството автентично.
Халкбанк ја препознава токму таа реалност и со кампањата „Несовршено совршен – HalkEZ пакет за млади“ испраќа порака дека е во ред да се греши, да се лута низ ходници, да не се добие 10-ка на испит и да се учи во движење. Несовршеноста е дел од патот кон самостојноста, а HalkEZ е тука да го олесни оној дел од приказната што се однесува на првите банкарски искуства, бидејќи за многу студенти, банкарството е исто толку ново колку и почетокот на студентскиот живот. Отворањето на платежна сметка, користењето на картичка или онлајн трансакциите се чекори што ја означуваат нивната нова самостојност…
Во оваа реалност се вклучува и HalkEZ пакетот за млади, дизајниран за генерацијата што живее брзо, дигитално, динамично и несовршено. Пакетот наменет за млади на возраст од 16 до 24 години, сигурно не е совршен, но нуди:
● Подигнување готовина од банкомати во земјата и во странство со Виза дебитна картичка за млади.
● Без надомест за водење на трансакциска сметка.
● Бесплатен пристап до електронско и мобилно банкарство.
● SmartSend – брзо и едноставно префрлање средства со еден клик на контактите од телефонскиот именик.
● SmartCash – подигање готовина од банкомати на Халкбанк без употреба на картичка.
● Е-касичка – можност за автоматско штедење на „кусурот“ при секое плаќање со картичка.
● Можност за бесконтактно плаќање со Garmin часовници.
● Низа дополнителни промоции и поволности специјално наменети за младите.
А за да го одбележи стартот на оваа иницијатива, Халкбанк подготви изненадување за првите 50 студенти кои до 3 октомври ќе отворат HalkEZ пакет. Овие лица ќе добијат кредит од 600 денари преку платформата „Корпа“ како мал знак дека несовршениот почеток може да биде и охрабрувачки.
„Младите растат преку несовршените моменти. Затоа, сакаме да им кажеме дека е во ред да се соочуваат со гафови и хаос, зашто токму тие моменти, во иднина ќе ги изградат во силни личности што ќе знаат да се справат со секакви ситуации. А HalkEZ е тука да им го олесни првиот чекор во светот на банкарството и да им даде поддршка што се вклопува во нивниот стил на живот,“ велат од Халкбанк.
Со HalkEZ банкарскиот пакет за млади на возраст од 16 до 24 години, тие добиваат партнер што ќе ги следи во секојдневните предизвици, средношколските денови и првиот ден на факултет, па сè до моментите кога ќе се чувствуваат самостојни. Несовршено совршено, како и нивното секојдневие.
(ПР)