Соопштенија
MTEL во Германија – врвни ТВ-содржини и разговори по поволни цени на едно место
Современите технологии ни помагаат не само во секојдневната комуникација и решавањето различни предизвици, туку се многу често се и пригоден извор на забава и подобрување на расположението. Носталгијата може да биде едно од оние расположенија со кои редовно се среќаваат нашите роднини или пријатели расеани ширум светот. Често размислуваме што да им испратиме, за делчиња од некогашната татковина да станат пријатен момент во сложувалката на нивното секојдневие.
Зошто не се слушаме почесто, како да им го пренесеме тоа специфично делче од овој простор? Во барањето одговор може да ни помогне сознанието дека, од неодамна, во Германија е присутна МТЕЛ Германија, членка на Телеком Србија групацијата, со што оваа компанија продолжи да се шири на европскиот пазар.
Деловите од овие простори се можеби најдобро одразени во различните телевизиски содржини што ги нуди премиум ТВ пакетот МТЕЛ, особено ексклузивните драмски програми, домашните серии и филмови во кои се појавуваат најдобрите актери од Балканот во врвни домашни продукции или во соработка со водечки светски продукции, како што е „Амазон Прајм Видео“. Покрај програмите за игри и Видео клубот, пакетите на МТЕЛ содржат и одличен избор на омилени музички, спортски и информативни ТВ канали од поранешна Југославија.
Пакетите за мобилни телефони МТЕЛ содржат сè што ви е потребно. Тие вклучуваат и интернет и разговори, така што МТЕЛ #45 нуди 45 GB за сурфање на мрежата во Германија, ЕУ, Велика Британија, Србија, Босна и Херцеговина, Црна Гора, Швајцарија и Македонија, додека со пакетот „Олнет Флет“ корисниците добиваат неограничени разговори во Германија и кон МТЕЛ зоната. Додатокот „Роаминг Плус“, единствен на германскиот пазар, обезбедува уште 12 GB интернет сообраќај во Русија, Турција, Албанија, Израел, Египет и Индија. Ова, како и сите други тарифи во Германија, е заокружено со вклучената заштита од сајбер закани „МТЕЛ Нетпротект“, која на корисниците им обезбедува автоматска заштита од пристап до небезбедни веб-локации.
Обезбедувањето услуги во Германија и официјалното покривање на целиот регион, кој ги вклучува и Австрија и Швајцарија, носи и бројни придобивки за корисниците, како што е уникатната МТЕЛ зона. На овој начин, овозможен е роаминг во сите мрежи на членовите на групата, без дополнителни трошоци, како и неограничено јавување на сите мрежи на групацијата Телеком Србија во Србија, Босна и Херцеговина, Црна Гора, Македонија, Швајцарија, Германија и Австрија.
Во наредниот период е предвидено отворање на дополнителни 30 експозитури во Германија, како дел од мрежата која веќе обезбедува услуги за повеќе од 200.000 корисници преку подружниците на МТЕЛ во Австрија и Швајцарија.
За повеќе информации за понудата на МТЕЛ Германија, посетете ја официјалната интернет-страница.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Костадиновски: Нова спортска сала во ОУ „Гоце Делчев“, изградба на кружен тек и фитнес зона на отворено во Виница
На вечерашниот мини-митинг во општина Виница, во рамките на вториот круг локални избори кои ќе се одржат во недела на 2 ноември, се обрати кандидатот за градоначалникот од ВМРО-ДПМНЕ, Митко Костадиновски, кој истакна дека ја очекува поддршката од граѓаните во недела за уште повеќе проекти и инвестиции, кои ќе донесат развој на Виница.
„Верувам дека ќе ја заокружиме победата во вториот круг, да продолжиме со проектите во Виница, ние сме со реални проекти и програма кои планираме да ги реализираме наредните 4 години, сметам дека допревме до секој од вас ве запознавме со нашата визија за Виница, затоа во недела ја барам вашата доверба да продолжиме со уште посилно темпо, со уште поголеми проекти“, вели Костадиновски.
Кандидатот за градоначалник на општина Виница ги наведе проектите кои ќе се реализираат како во областа на образованието и спортот со изградба на нова спортска сала, спортски игралишта и фитнес зона, така и инвестирање во најмалите со доградба на детската градинка, но и подобрување на сообраќајот во општина Виница.
„Ја барам вашата поддршка за нова спортска сала во ОУ „Гоце Делчев“ кое е единствено училиште во општина Виница кое нема спортска сала, за доградба за нова градинка, за подобрување на сообраќајот, изградба на кружен тек, за нови улици во градот и населените места и за формирање на зона за мало стопанство кај м.в Скараница, село Блатец. За изградба на фитнес зона на отворено во Виница, реконструкција и изградба на спортски игралишта во населените места, за подобрување на водоснабдувањето, за реконструкција и изградба на водоводна и канализациона мрежа и уште многу други проекти“, рече Костадиновски и додаде:
„Затоа ве повикувам сите масовно во недела на 2 ноември да излеземе и да го заокружиме бројот 9 за ВМРО-ДПМНЕ и победничката коалиција „Твоја Македонија“, заврши Костадиновски.
Соопштенија
Герасимовски: Во недела заеднички да ја потврдиме победата
Кандидатот за градоначалник на Општина Центар Горан Герасимовски изборната кампања ја заокружува со средби со граѓаните, исто како што ја започна, на терен, слушајќи ги граѓаните.
Тој, заедно со идниот тим на советници беа позиционирани на неколку локации во Центар кадешто граѓаните можеа да се информираат за програмата и проектите што треба да се реализираат во новиот мандат.
„Денеска е последниот ден од кампањата. Водевме фер, чесна и многу конструктивна кампања со директни средби со граѓаните, со реална програма која беше препознаена во првиот круг. Граѓаните даваат голема поддршка за Центар што го сакаме. Центар е општина на мудри, искусни и добронамерни граѓани, кои го сакаат и заслужуваат најдоброто за себе. Центар се луѓето, Центар е нова приказна, Центар е сето што го сакаме. Благодарам на секој разговор, предлог, идеја и поддршка. Ве повикувам во недела да излеземе масовно на гласање и заеднички да ја потврдиме победата. За континуитет, за развој, за посреќен живот во Центар. За Центар што го сакаме!“, порачува Герасимовски.
Соопштенија
Атанасовски: Заокружи број 9, за Македонска Каменица да продолжи да се развива
„Со поддршка на Владата и премиерот, наскоро ќе кажеме дека сме прва општина со асфалтен пат до секој дом и со чиста вода за пиење за секое семејство. Најголемите и најзначајните проекти во нашиот град, се изградени од ВМРО-ДПМНЕ и ние ќе продолжиме по трасираниот пат, пат по кој ќе чекориме сплотени, цврсто и храбро затоа што ние резервен дом немаме. Имаме визија за развиена Каменица, за перспективен град за град на успех и благосостојба, за град во кој сите ќе бидат среќни“, истакна Димчо Атанасовски кандидат за градоначалник за општина Македонска Каменица на вечерашниот мини-митинг во општина Македонска Каменица, во рамки на вториот круг од локалните избори кои ќе се одржат на 2 ноември.
Атанасовски истакна дека во изборната програма има многу нови проекти и идеи за напредок, со цел уште поуспешен и модерен град.
„Имаме идеи за напредок и визија за иднината, работиме за успешна и модерна општина која е пример за останатите. Имаме многу нови проекти за нашиот град. Дојдено е ново време, време кога се гради домаќински и се вложува во иднината, време во кое се бориме за секој еден од вас, за секој проблем да биде решен, секој предизвик да биде надминат, време во кое Македонска Каменица и нејзините жители се пред се и над се. Денес имаме нови асфалтни патишта, водоводни канализациони системи во секој дел од општината, имаме реконструирано образовни институции, јавно претпријатие кое целосно е во функција на граѓаните, имаме силни вложувања и во културата, спортот“, рече Атанасовски.
На крај Атанасовски повика граѓаните да се обединат, и да го заокружат бројот 9 за општина Македонска Каменица да продолжи да се развива.
„Сега е време на обединување а веднаш по новата победа, ќе биде време за вистинска експанзија, доаѓа времето кога овој град ќе биде препознатлив насекаде, и ќе биде инспирација и поттик за сите останати, направете го вистинскиот избор, гласајте за број 9“, посочи Атанасовски.

