Соопштенија
Volkswagen Tayron ја имаше својата македонска премиера
Нов SUV од Volkswagen во важен сегмент помеѓу Tiguan и Touareg
· Нов SUV од Volkswagen – харизматичниот Tayron е вториот по големина SUV на Volkswagen во Европа, веднаш по Touareg.
· Развиен и произведен во Германија – новиот Tayron е развиен во Волфсбург за европскиот пазар и ќе се произведува токму таму.
· Софистициран мултиталент – исклучителен патнички и багажен простор, со пет или опционално седум седишта и голема носивост за приколка до 2,5 тони.
· Сè што им е потребно на патниците – премиум карактеристики како HD Matrix светла, седишта со масажери и напредно DCC подвозје за целосен комфор.
· Иновативен plug-in хибрид – Tayron eHybrid овозможува супериорна испорака на моќност и функционира како електрично возило за секојдневна употреба со електричен домет од над 100 км.
Во салонот на Volkswagen денес свечено беше претставен новиот Volkswagen Tayron, SUV модел кој за првпат го донесува германскиот производител на македонскиот пазар. Со оваа премиера, Volkswagen ја проширува својата понуда во важниот SUV сегмент меѓу Tiguan и Touareg.
Tayron, модел со пет или седум седишта, се позиционира меѓу ексклузивниот Touareg (премиум класа) и ефикасниот Tiguan (средна класа). Развиен и дизајниран во Волфсбург, Tayron се произведува во истиот град. Овој SUV е изграден врз најновата генерација на модуларната MQB evo платформа, а дел од технологијата е пренесена и адаптирана од Touareg. На пример, IQ.LIGHT HD Matrix интерактивни светла и седишта со пнеуматска масажа со 10 зони.
Tayron е SUV кој нуди комфор на највисоко ниво, квалитет со детали како вистинско дрво, багажен простор до 885 литри со пет патници, аеродинамика со коефициент на отпор од само 0,28, и plug-in хибриден погон со електричен домет од над 100 км – една од најекономичните конфигурации во светот. Tayron е и стилско влечно возило – со максимална тежина на приколка до 2,5 тони, идеален за превоз на коњи, класични возила, моторни чамци или големи кампери.
Tayron Life – сè на едно место.
Tayron е достапен со три линии на опрема: Life, Elegance и R-Line. Опсегот започнува со Tayron Life, кој веќе доаѓа со обемен пакет на опрема. Меѓу другото, вклучува следниве карактеристики: автоматска клима со три зони, амбиентално осветлување во 10 бои, девет воздушни перничиња, контрола на возачкото искуство (контролира возачки профили – вклучувајќи ги и профилите со погон на сите тркала кај 4MOTION моделите – јачина на звук и активирање на Atmospheres како однапред програмирани амбиентални светлосни и аудио модови), ролетни за сонце на задните врати, инфозабавен систем со активирачка навигациска функција и App-Connect Wireless (за Apple CarPlay и Android Auto), дигитални инструменти, LED предни светла со автоматска контрола на долги светла (Light Assist), осветлено Volkswagen лого напред и назад, како и 17-инчни алуминиумски фелни.
Спектарот на стандардни системи за асистенција исто така е обемен. Во него спаѓаат: адаптивен темпомат (ACC), функција за сопирање при вкрстување со возило што доаѓа одспроти, систем за промена на лента (Side Assist), систем за задржување во лента (Lane Assist), автоматски систем за итно сопирање со мониторинг на пешаци и велосипедисти (Front Assist), Park Assist Plus, систем со камера за гледање наназад и динамичен приказ на сообраќајни знаци. Исто така како стандард е вклучен и новиот систем за предупредување при излегување. Тој е проширување на системот за промена на лента и, во рамки на системските ограничувања, може да спречи отворање на некоја врата ако возило се приближува одзади. Системот издава и звучни и визуелни предупредувања.
Tayron Elegance и R-Line – две врвни верзии.
По пакетот Life, следуваат две врвни верзии на Tayron: Elegance и R-Line, кои се еднакви во поглед на техничката опременост, но со различен стилски фокус.
Стилскиот Tayron Elegance вклучува дополнителни карактеристики како што се: вистинско дрво во внатрешноста, ламинирано сигурносно стакло со звучна изолација на страничните прозорци, електронски багажник, Park Assist Pro со меморија и далечински функции, седишта изработени од ArtVelours Eco (микрофибер), систем за бесконтактно отклучување и стартување (Keyless Access), како и 18-инчни алуминиумски фелни.
Динамичниот Tayron R-Line се одликува со детали како што се: спортски комфорни седишта во ArtVelours Eco со интегрирани потпирачи за глава, широка употреба на ArtVelours Eco на контролната табла и вратите, декоративни елементи во изглед на алуминиум, индивидуални браници во R-Line дизајн и 19-инчни алуминиумски фелни.
И верзиите Elegance и R-Line дополнително се опремени со LED Plus предни светла (вклучувајќи динамични аголни светла), програмбилни 3D LED задни светлосни групи, како и амбиентално осветлување во 30 бои, вклучувајќи и осветлени елементи во внатрешноста на контролната табла и облоги на вратите.
Одговарачки пакети – електронска детска заштита.
Volkswagen има дизајнирано три нови пакети на опрема за SUV моделот: со Light пакетот, и надворешноста и внатрешноста на Tayron Life се опремени со светлосни системи од повисоките нивоа на моделите – вклучувајќи ги и LED Plus светлата.
Family пакетот е достапен за сите верзии и вклучува електронска детска заштита за задните врати, 230 V приклучок во багажниот простор и систем за организирање на багажот.
Black Style пакетот, кој е достапен ексклузивно за Tayron R-Line, вклучува декоративни елементи на каросеријата и додатоци (вклучувајќи ги и носачите на покривот) во високосјајна црна боја, 19-инчни алуминиумски фелни во високосјајна црна боја, преден браник во индивидуален R-Line дизајн и внатрешни декоративни елементи во изглед на темен хром.
Во зависност од пакетот на опрема, Tayron исто така може да се персонализира со кожен пакет, дизајн пакет, комфор пакет, HD Light пакет, како и два Infotainment пакета, два Winter пакета и два Assist пакета. Овие пакети вклучуваат широк спектар на опрема.
Пример за Comfort пакетот (стандардно вграден во опремата Elegance): пакетот вклучува електрично отворање и затворање на багажникот, функцијата Easy Open и Easy Close (отворање и затворање со движење на стапалото), систем за бесконтактно отклучување и стартување (Keyless Access) и Park Assist Pro.
Седум ефикасни погонски системи – eHybrid, eTSI, TSI и TDI.
Volkswagen го нуди новиот Tayron со два plug-in хибридни погони (eHybrid), еден mild хибриден погон (eTSI), два турбо бензински мотори (TSI) и два турбо дизел мотори (TDI).
Опсегот на моќност се движи од 110 kW (150 КС) до 200 kW (272 КС). Двата чисто турбо бензински мотори и најмоќниот турбо дизел мотор се комбинирани со 4MOTION погон на сите тркала; сите други верзии се со погон на предните тркала.
Сите верзии на Tayron се опремени со автоматски менувач со директно префрлање на степени (DSG).
eHybrid – електричен автомобил и SUV со бензински мотор во едно.
Двата plug-in хибридни модели претставуваат особено иновативно погонско решение бидејќи можат да обезбедат долг електричен домет за секојдневно возење, привремено трансформирајќи го Tayron во електрично возило. Во исто време, двата Tayron eHybrid модели импресионираат и на долги релации со вкупен домет од околу 850 км и ниска потрошувачка. Во основната верзија, комбинацијата од турбо бензински мотор со четири цилиндри и електричен погонски мотор обезбедува системска моќност од 150 kW (204 КС); додека врвната конфигурација испорачува 200 kW (272 КС). Благодарение на батеријата од 19,7 kWh (нето), Volkswagen предвидува електричен домет од над 100 км за Tayron eHybrid моделите.
Батеријата може да се полни со до 11 kW на AC ѕиден полнач или AC полначка станица и со до 50 kW на DC полначи за брзо полнење.
eTSI – користење на кинетичка енергија.
Влезната high-tech верзија во светот на бензинските модели на Tayron е mild хибридот (eTSI), со моќност од 110 kW (150 КС), со стартер-алтернатор со ремен на напон од 48 V и систем за активна контрола на цилиндрите (ACTplus).
При сопирање, кинетичката енергија се рекуперира преку алтернаторот и се складира во посебна батерија од 48 V. Tayron ја користи оваа енергија за да го исклучи high-tech турбо бензинскиот мотор во фази на забавување и при возење надолу, со што се помага во заштеда на гориво.
Батериите од 48 V ги напојуваат сите системи со енергија, дури и кога моторот со внатрешно согорување е деактивиран. Покрај тоа, 48 V системот ги оптимизира перформансите на возилото при поаѓање благодарение на функцијата за електричен boost; во овој случај, алтернаторот ја презема улогата на електричен погонски мотор.
TSI и TDI – ефикасни 2.0-литарски мотори.
Турбо бензинските мотори (TSI evo4) и турбо дизел моторите (TDI evo2) – најнова генерација на Volkswagen од 2.0-литарски турбо четирицилиндрични мотори – играат важна улога во опсегот на погонски системи на Tayron.
Поголемиот TDI мотор со 142 kW (193 КС) е исто така многу економичен и е стандардно комбиниран со 4MOTION погон на сите тркала. Двата TSI мотори исто така се секогаш комбинирани со погон на сите тркала.
Сите Tayron 4MOTION модели со приклучок за влечење се одобрени за приколки со тежина до 2.500 кг (со кочница, наклон 12 проценти).
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
„Sport Life“ ги израдува со новогодишни пакетчиња децата од ранливите категории и лицата со посебни потреби
Радост и празнично расположение кај децата од ранливите категории и лицата со посебни потреби, при посетата на претставниците на „Sport Life“ обложувалници.
Тие им подарија новогодишни пакетчиња на 70 деца во групните домови за деца без родители од ЈУ Детски дом „11 Октомври“ – Скопје, исто така и на верните пријатели од Здружението регионален центар за лица со интелектуална попреченост – „ПОРАКА НАША“ Куманово, а оваа година 32 пакетчиња беа доделени и на Здружението за рехабилитација и инклузија на лицата со даунов синдром – Дневен центар „ДОЗА СРЕЌА“ во Скопје.
„Ова е петта година по ред, во која во пресрет на Новогодишните празници, сакаме да ја подигнеме свесноста за децата од ранливите категории и лицата со посебни потребни, т.е. оние кои секојпат треба да бидат во нашите мисли и дел од општествената одговорност на компаниите.
Се надеваме дека оваа наша посета и донација, ќе им донесе многу насмевки и среќа и ќе им ги разубави Новогодишните празници. Оваа благородна традиција е дел од нашата визија за похумано и инклузивно општество и истата ќе продолжи и во иднина“ – изјави Петар Поцков, маркетинг директор на „Sport Life“.
Воедно, „Sport Life“ обложувалниците им посакуваат среќни Новогодишни и Божикни празници, на сите граѓани, со желби за здравје, мир и благосостојба.
(ПР)
Соопштенија
(Видео) Мукаетов: „Алкалоид“ го продолжи трендот на континуиран годишен раст и реализираше значаен дел од својата ESG-стратегија
Во „Алкалоид“ посветеноста, економичноста и ефикасноста ги кренавме на највисоко можно ниво, настојувајќи максимално да ги оптимизираме процесите во компанијата потпирајќи се на нашиот највреден ресурс – луѓето, вели Живко Мукаетов, Генерален директор и претседател на УО на „Алкалоид“ АД Скопје.
Тој вели дека компанијата и оваа година го продолжи трендот на континуиран годишен раст и реализираше значаен дел од својата ESG-стратегија.
„Го добивме бронзениот медал од EcoVadis (глобално призната платформа за оцена на одржливоста), со што се позициониравме меѓу водечките субјекти во регионот во поглед на транспарентноста и примената на одржливи практики“, вели меѓу другото Мукаетов.
Целото обраќање е објавено во видеото:
(ПР)
Соопштенија
Фотоволтаични централи и за четири куќи од СОС Детско село – до 2027 година ОКТА ќе обезбеди производство и складирање на енергија од обновливи извори за целиот комплекс
Четири куќи во СОС Детско село во Скопје отсега ќе користат соларна енергија. Компанијата ОКТА донираше соларни панели за оваа организација со вкупна инсталирана моќност од 24 KWp, со годишно производство од 32,4 MWh. Покрај соларните панели, дополнително се инсталирани и четири батериски системи за складирање на енергија со капацитет од 20 KWh.
Ова е само прва фаза од проектот кој што компанијата ќе го реализира во следните 3 години. Согласно планот, до 2027 година сите куќи во кои живеат згрижувачките семејства ќе имаат инсталирано соларни централи и батериски системи за складирање на енергија. Со реализацијата на овој проект, СОС Детско село значително ќе ги намали трошоците за електрична енергија, а истовремено ќе ја зајакне својата одржливост и дополнително ќе го унапреди квалитетот во домувањето.
„Одржливоста е заедничка обврска на сите нас. Во нашата деловна култура основа на делување и реализација на сите активности е поттикнување на одржливост и поддршка за сите чинители во заедницата. Реализацијата на овој проект за нас е вистинска чест, бидејќи со овие активности ќе дадеме конкретен придонес во унапредувањето на квалитетот на живот на децата поддржани од СОС Детско село. Тоа за нас е вистинска мотивација и во иднина да ја продолжиме соработката со оваа организација која е од големо значење за заедницата“, изјави Димитриос Пасхос, извршен директор на ОКТА.
Реализираната донација на соларни панели за четири куќи во СОС Детско село, ќе придонесе за намалување на јагленородниот отпечаток за 26 тони на годишно ниво. ОКТА и досега ја поддржуваше работата на СОС Детско село со различен тип на донации.
„Во сржта на нашата работа е детето и обезбедувањето стабилна, сигурна и грижлива семејна средина. За остварување на оваа мисија, поддршката од приватниот сектор е од исклучително значење. Ваквите проекти имаат конкретен и долгорочен ефект – ја зголемуваат нашата енергетска ефикасност и ни овозможуваат дел од средствата да ги пренасочиме кон директна поддршка на децата и згрижувачките семејства. Дополнително, еколошкиот аспект е особено важен, бидејќи со користење обновливи извори на енергија создаваме поздрава и поодржлива средина за раст и развој на децата“, истакна Јулијана Накова Гапо, национална директорка на СОС Детско село.
ОКТА ќе ја заокружи 2025 година со успешно реализирани вкупно шест донации на фотоволтаични централи наменети за едукативни и образовни институции. Овие значајни иницијативи за општеството но и за компанијата која што уште еднаш ја потврди својата цврста решителност и општествено одговорна мисија, се доказ дека одговорно домување, работа и живеење, треба да бидат врвен приоритет на сите општествени чинители. И следната година, компанијата планира продолжување и проширување на активностите на овој план со вклучување на значајни институции на локално и национално ниво.
(ПР)
Одрони, излевања и поплави на повеќе локации – во Кичево евакуирани 60 луѓе во спортска сала поради поплавени домови
Директорот на Центар за управување со кризи, Мухамед Али, заедно со дежурните екипи на бројот за итни повици 112 и...
Поплавени улици во Битола, мобилизирани јавните претпријатија
По обилните врнежи од дожд што вечерва предизвикаа поплавување на улици низ Битола, екипи на ЈП „Нискоградба“ и други јавни...
Мицкоски најави лидерска средба на која би се зборувало за укинување на техничката влада
Премиерот Христијан Мицкоски во текот на утрешниот ден ќе упати покани до политичките партии за лидерска средба, на која би...
Мицкоски за бугарската формулација „достапен јазик“ наместо македонски: Не е во прашање само Уставот, туку редефинирање на македонскиот идентитет
Премиерот Христијан Мицкоски, одговарајќи на новинарско прашање, ја коментираше формулацијата „достапен јазик“, наместо македонски јазик, што ја употреби Министерството за...
МВР ќе утврдува зошто новите службени возила биле осветувани со верски обред
Одделот за внатрешна контрола, криминалистички истраги и професионални стандарди при Министерството за внатрешни работи презема мерки и активности за целосно...
Државниот врв со божиќни честитки: Пораки за мир, семејство и солидарност
Претседателката на државата Гордана Сиљановска-Давкова, претседателот на Владата Христијан Мицкоски и претседателот на Собранието Африм Гаши упатија божиќни честитки до...
Трамп: Постигнавме договор за нафтата од Венецуела, ние ќе ги контролираме приходите
Каракас и Вашингтон постигнаа договор за извоз на венецуелска сурова нафта во САД во вредност до две милијарди долари, изјави...
Денеска е Божик – денот на христовото раѓање
Православните христијани во светот, во Македонија и црквите кои се раководат по Јулијанскиот календар денеска го слават Рождеството Христово –...
Коалицијата на волните договори што по мирот во Украина
Триесет и пет земји од таканаречената Коалиција на волните во вторникот ја поддржаа Париската декларација во која се детално опишани...
Берни Сандерс: Шест причини зошто нападот на Трамп врз Венецуела е погрешен
Нападот на САД врз Венецуела во текот на викендот предизвика остри осуди од целиот свет, а критики беа упатени и...
(Видео) Маж избол до смрт кондуктер во Италија, па избегал со воз: во тек е масовна потрага по Хрват
34-годишниот кондуктер Алесандро Амброзио беше избоден до смрт синоќа на главната железничка станица во Болоња. Полицијата го идентификуваше осомничениот напаѓач...
(Видео) Николоски: 40 километри од автопатот Охрид – Кичево се веќе во функција
Вицепремиерот и министер за транспорт Александар Николоски на својот фејсбук профил објави ноќно видео од автопатот Охрид-Кичево, каде истакнува дека...
(Фото) Мицкоски: Бадник не е само ден, туку порака дека заедништвото, љубовта и солидарноста нe прават посилни
„Во пресрет на Бадник, денеска поделивме пакети помош во Карпош, Гази Баба, Чаир, Аеродром, Ѓорче Петров, Кисела Вода, Бутел и...
Европа под мраз: Откажани летови, затворени патишта и жртви во сообраќајот
Смрзнувачки временски услови денес зафатија делови од Европа, а снегот и мразот предизвикаа откажување на стотици летови во Холандија, а...
Сиљановска-Давкова: Божиќните празници ќе ја зацврстат нашата вера и надеж и ќе нè потсетат на човековата насушна потреба од чинењето добри дела
Претседателката Гордана Сиљановска-Давкова, по повод големиот христијански празник Божиќ, упати честитка до граѓаните кои го прославуваат денот на Христовото раѓање,...
(Фото) Ѓорѓиевски: Овој свет празник да ни донесе мир во душите и слога меѓу луѓето, заедно, со љубов и радост, да го дочекаме светлото Христово раѓање
Градоначалникот Орце Ѓорѓиевски денес присуствуваше на традиционалното одбележување на големиот христијански празник Бадник во Соборниот храм, каде во духот на...
Изгубил контрола врз возилото и удрил во бетонски ѕид: во сообраќајната незгода повредени двајца малолетници од Тетово
Вчера во 19:15 часот во СВР Скопје е пријавено дека на улицата „Емин Бојана“ во село Бојане, скопско, 47-годишниот М.Ш....
(Видео) Барот во Швајцарија никој не го проверувал пет години: прскалките сега се забранети
Ски-барот кој изгоре на новогодишната ноќ не поминал низ безбедносни проверки пет години, открија швајцарските власти на прес-конференција. Во трагедијата...
(Фото) Градоначалникот Георгиевски им подари пакетчиња на коледарите од општина Илинден
По повод големиот христијански празник Бадник, коледарите од општина Илинден со традиционални бадникови и коледарски песни ја најавија радосната вест...
Уапсен возачот што удри пешак на ГП „Долно Блаце“, следува пријава
На 06.01.2026 околу 01:50 часот во СВР Скопје е пријавено дека на меѓупросторот помеѓу Граничен премин „Хани Елези“ и Граничен...
