Руските безбедносни служби спречија терористички напад со бомба и приведоа човек кој се подготвувал да активира бомба пред зградата на владата, објави Федералната служба за безбедност (ФСБ).

ФСБ го опиша човекот како личност од Централна Азија, додавајќи дека тој дејствувал по наредба на меѓународна терористичка група.

Ваквите инциденти се ретки во главниот град, а вработен во ФСБ беше убиен во центарот на Москва во декември минатата година кога маж пукаше кон зградите на ФСБ.

Федералната служба за безбедност објави дека пронашла делови од импровизирана експлозивна направа меѓу предметите на притворениот човек со упатства за правење експлозив и преписка со други милитанти.

„ Сторителот планирал да отпатува во борбена зона на Блискиот исток за да учествува во активностите на терористичките групи“, објави ФСБ на својата веб-страница.

Исто така беше речено дека се водат истраги и дека е покрената кривична постапка.

Претседателот на општина Брон во Лион, Жереми Брод, денеска доби закани за обезглавување.

Графитите „Жереми Брод, ќе ти ја отсечеме главата“ и навредливите пораки испратени до општинската полиција ноќеска беа напишани на еден ѕид, пренесува порталот од Лион, „Прогрес“.

Како што се наведува, 20-ина лица учествувале во пишување на графитите.

На овие закани реагира и министерот за внатрешни работи, Жерард Дерманин, кој на својот „Твитер“ напиша дека дал наредба да се преземат законски и други средства за заштита на Брод.

На повозрасните Швеѓани, на возраст над 70 години, и на другите ризични групи сега им се препорачува да ги следат истите упатства за коронавирусот како и остатокот од населението, соопштија властите. Досега им се советуваше да избегнуваат секаков близок контакт со луѓе со кои не живеат.

Со месеци на повозрасните Швеѓани и на другите ризични групи им се советуваше да избегнуваат да одат во продавници, вклучително и во супермаркети и аптеки.

Јохан Карлсон, шеф на Шведската агенција за јавно здравје, рече дека препораките помогнале да се намали ширењето на вирусот кај ранливите групи. Но, тој рече дека имало физички и ментални здравствени последици за тие групи. Со оглед на времетраењето на пандемијата, додаде тој, неразумно е тие да продолжат да го носат тој товар.

„ Ќе има ризик за поединци. Ќе видиме дека неколку луѓе ќе се разболат, но мора да најдеме рамнотежа“, нагласи тој.

Советот за општата популација вклучува избегнување големи собири – како што се ресторани, често миење раце, социјално дистанцирање и работа од дома доколку е можно.

Упсала, северно од Стокхолм, стана првиот регион што во вторникот воведе поостри локални правила, при што сите жители се советуваат да избегнуваат физички контакт со оние со кои не живеат.

Шведска не воведе строги правила какви што можеа да се видат во другите држави во Европа. Стапката на инфекција во Шведска се зголемува, но другите делови на Европа се погодени посилно.

Втора блокада е во сила во Чешка за да се надмине големиот бран. Белгија, Холандија, Франција и Велика Британија се исто така жаришта бидејќи земјите генерално се борат да овозможат достапни кревети на одделот на интензивна нега.