Поранешниот лидер на палестинскиот Исламистички џихад, Рамадан Шалах, почина после борба со болеста, информира вчера телевизијата ал-Манар.

Шалах (62) беше главен секретар на милитантната група, која го поддржува Иран од 1995 до 2018 година. Ал-Манар не наведе од која болест боледувал Шалах.

Таа група извршувала напади на Израел и сака да воспостави исламско палестинска држава. САД, ЕУ и други ја прогласија за терористичка организација.

„Со губењето на Шалах, загубивме голем човек“ рекол палестинскиот претседател Махмуд Абас.

Шалах е роден во Газа во 1958 година. Студирал економија во Египет, а докторирал во Велика Британија. Избран е за лидер на палестинскиот исламски џихад по убиството на поранешниот шеф на групата, Фатхи Шикаки во 1995 година.

Регионалните здравствени власти во Бразил ја обвинија владата на Жаир Болсонаро дека го крие точниот број на починати од коронавирус.

Бразил ги отстрани податоците за бројот на заболени и починати од коронавирус од владиниот сајт, по што беше критикуван за начинот на кој претседателот Болсонаро се носи со епидемијата.

Министерството еден ден претходно престана да објавува вкупен број на жртвите од коронавирус во Бразил и го дава само бројот на починати во изминатите 24 часа, наведува Би-би-си.

„Авторитарниот, безчувствителен и нечовечен обид за скривање на починатите од ковид-19, што е спротивно на етиката, нема да успее“ истакна Националното собрание на Министерството за здравство, по објавата на сомневање во службените податоци.
Бразил е на второто место во светот според бројот на заболени од коронавирус, а неодамна има и најмногу починати во еден ден од сите останати нации.

Регистрирани се над 670.000 заболени, а се претпоставува дека тој број е многу поголем поради недоволно тестирања. Бразил е на третото место во светот по бројот на жртвите од ковид-19 со над 35.000 починати.

Милијардерот Бил Гејтс се огласи по теориите на заговор во кои го обвинуваат за разни лоши намери во врска со коронавирусот.

„ Тешко е да се негираат такви работи бидејќи се толку глупави или чудни. Што повеќе ги повторувате, луѓето веќе веруваат во нив“ изјавил Гејтс за њујоркшкиот портал „Бизнис Инсајдер“.

Тој најавил донација од Фондацијата „Бил и МелиндаГејтс“, за глобалните истражувања за вакцина против коронавирус во износ од 1,6 милијарди долари.

Од почетокот на пандемијата, Гејтс беше предмет на заговори, кои го доведоа во врска со настанувањето на коронавирусот.

Анкета на „Јаху Њуз“ открила дека 28 проценти од возрасните Американци веруваат во теориите на заговор, кои сугерираат дека Гејтс планира да ја употреби вакцината против ковид-19 за масовна имплантација на микрочипови, кои би служеле за контрола и следење на милијарди луѓе.

„ Тоа е толку бизарно што посакувате да помислите дека е во прашање шега, но всушност таквите приказни не се шега“ рекол Гејтс.