Свет
Австриска синагога вандализирана со пропалестински графити
Вандали оштетиле синагога во Грац, Австрија, чкртајќи го светилиштето и уште една зграда на еврејската заедница со пропалестински пароли, пренесува австриски „Кронен цајтунг“.
Според еврејските жители во областа, нападот се случил во синагогата и во салата на Еврејската заедница, а графитите содржеле пароли како „Нашиот јазик и нашата земја се црвените линии“ и „Палестина е слободна“.
Антисемитискиот напад се случил околу 23 часот во вторникот. Тоа е најновиот инцидент во растечкиот тренд на антисемитизам во градот, вели Ели Розен, претседател на еврејската заедница.
Синагогата во Грац е отворена пред околу 20 години откако била повторно изградена по уништувањето на 8 ноември 1938 година од нацистите. За време на озлогласената „Кристална ноќ“, нацистите ја запалиле заедно со канцелариите на заедницата и церемонијалната сала на локалните гробишта.
Вандализмот доаѓа само неколку месеци откако 16-годишен Германец кој бил во процес на преобратување во јудаизам беше нападнат на улиците на градот. Напаѓачите го прашале дали е Евреин бидејќи носел прстен со Давидовата ѕвезда.
„Ситуацијата значително се влоши во последните пет години, а особено во последните две или три. Не зборуваме само за десничарски антисемитизам. Сите студии покажуваат висок удел на левичарски и муслимански антисемитизам“, рече Розен во тоа време.
Грац во последниве години стана познат и како жариште на радикалниот исламски екстремизам и беше обележан како „упориште“ на радикалите во 2017 година. Според експертите, најмалку 11 од 20 џамии во градот имале врски со радикалната исламска теологија во 2017 година, а многумина биле под надзор од локалната полиција и безбедносните служби.
Во 2017 година, 25-годишен Босанец, кој живее во градот, беше уапсен откако планирал да изврши терористички чин сличен на нападот на нелегалниот мигрант Анис Амри во Берлин во 2016 година, кој уби десетина луѓе влетувајќи со камион на преполниот божиќен панаѓур.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Исчезнатото осумгодишно девојче Нарин Гуран е најдено убиено и фрлено во торба (ВИДЕО)
Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, беше пронајдено во поток недалеку од селото во кое живееше, по 19 дена потрага.
Телото на девојчето е однесено на обдукција во Институтот за судска медицина, јавува Anadolu Agency, а според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот.
Во рамките на истрагата, површина од 11.000 квадратни метри беше пребарана од 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала.
Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.
Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не беа пронајдени траги. Беа испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.
Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.
Diyarbakır’ın Bağlar ilçesine bağlı Tavşantepe Mahallesi’nde 19 gündür aranan Narin Güran'ın cansız bedeni köye 3 km mesafedeki dere yatağında bir çuval içinde
bulundu..
Bunu yapanların hiçmi vicdanı yoktu.. Allah b*lanızı versin..#narinbulundu#Narin
////// pic.twitter.com/Tv9hk9fbjk— 🇹🇷KUZEYİNOĞLU🇹🇷 (@__KUZEYINOGLU) September 8, 2024
Свет
Од строго чуван затвор во Португалија побегнаа петмина затвореници
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.