Свет

Австрија прогласи тродневна жалост поради терористичкиот напад

Објавено пред

1 месец

- 3 ноември, 2020

Од

Австриската влада прогласи тридневна жалост по терористичкиот напад синоќа во Виена, во кој беа убиени четири лица, а од целиот свет пристигнуваат пораки за поддршка и сочувство, пренесуваат новинските агенции.

„Нашите мисли и сочувство се со жртвите, повредените и нивните семејства во овие многу тешки часови за Република Австрија“, рече канцеларот Себастијан Курц пред седницата на владата.

Две жени и двајца мажи ги загубија своите животи во терористички напад во центарот на Виена, а убиен е и еден од напаѓачите. Петнаесет лица се повредени, од кои седум се во животна опасност.

По терористичкиот чин, пораките за поддршка и сочувство од целиот свет продолжуваат да пристигнуваат во Австрија.

Германската канцеларка, Ангела Меркел, изјави дека е шокирана од нападот во центарот на Виена и дека Германија изразила сочувство до соседна Австрија и е со неа во борбата против „исламистичкиот тероризам“.

Претседателот на Европскиот совет, Шарл Мишел, рече дека „Европа силно го осудува овој кукавички чин кој не го почитува животот и ги крши нашите човечки вредности … Ние сме со Австрија“.

Рускиот претседател, Владимир Путин, исто така го осуди нападот во Виена и рече дека Русија е подготвена да ја засили антитерористичката соработка со Австрија.

Во телеграмата испратена до австрискиот канцелар Себастијан Курц, Путин го нарече нападот „сурово и цинично злосторство“.

Генералниот секретар на ООН, Антонио Гутереш, исто така, остро го осуди нападот.

„Со сериозна загриженост го следев нападот во Виена, едно од нашите седишта на ООН. Силно го осудувам нападот и ја потврдувам солидарноста на ООН со народот и владата на Австрија“.

Британскиот премиер, Борис Џонсон, изјави дека е шокиран и дека Велика Британија е обединета со австрискиот народ.

Американскиот претседател, Доналд Трамп, на Твитер го осуди терористички акт, нагласувајќи дека „злобните напади“ мора да престанат.

„Соединетите Држави стојат заедно со Австрија, Франција и цела Европа во борбата против терористите, вклучително и радикалните исламистички терористи“, напиша актуелниот претседател и републикански кандидат пред изборите. „Овие напади на злото врз невините мора да престанат“, додаде тој.

Се огласи и кандидатот за демократски претседател, Џо Бајден, кој ги осуди „ужасните терористички напади“.

„Сите мора да се спротивставиме на омразата и насилството“, рече Бајден.

Осуда за нападот изрази и премиерот Зоран Заев, кој изрази сочувство до семејствата на жртвите.

„Шокантни вести пристигнуваат од Виена, во време кога треба да стоиме обединети и да градиме солидарност. Јас силно ги осудувам терористичките напади и секое дело на насилство. Моите мисли се со семејствата и пријателите на жртвите, луѓето во Виена и мојот пријател Себастијан Курц“, напиша Заев на Твитер.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

(Видео) Се преврте брод со туристи во Турција

Претходно

Напаѓачот од Виена има потекло од Северна Македонија, потврдија властите

Регион

Словенија го објави планот за отворање на економијата

Објавено пред

7 минути

- 3 декември, 2020

Од

Макфакс

Словенечката влада денеска одреди критериуми според кои одредени дејности постепено ќе се отвораат, по најстрогите мерки за заштита од вирусот воведени пред пет недели, кои сè уште не го даваат посакуваниот резултат.

Станува збор за еден вид „семафор“ кој го поврзува ублажувањето на мерките со просечниот број на дневни инфекции во последната недела односно со бројот на лица заразени од Ковид-19.

Според семафорот, кој го дели развојот на вториот бран на епидемијата во фази, до првото релаксирање на мерките може да дојде во т.н. црвена фаза, кога неделниот просек на дневно потврдени инфекции со коронавирус ќе падне под 1.350, а бројот на хоспитализирани пациенти на помалку од 1.200.

Во таа фаза, според планот на владата, објавен на „Твитер“ од премиерот Јанез Јанша, повторно ќе бидат отворени музеите, библиотеките, галериите, фризерските и салоните за убавина, како и студијата за маникир и педикир, а јавниот превоз ќе биде отворен во ограничена мерка.

Моментната состојба во Словенија е дека неделниот просек на дневни инфекции е 1.461 новозаразен, а во болниците има 1.289 пациенти, соопшти Јанша, додавајќи дека Словенија во моментов е во т.н. „црна фаза“ и сè уште е далеку од зелената, во која ќе има целосно олабавување на мерките и ограничувањата.

Како што јавуваат словенечките медиуми, ,меѓу владата и епидемиолозите последниве денови имало мал консензус во врска со можните попуштања, бидејќи се најавуваше дека следната недела училиштата ќе бидат повторно отворени и дека ќе завршат онлајн предавањата, но сега е јасно дека тоа нема да се случи. Како што се наведува, не е јасно ниту што ќе се случи со евентуалното отворање на ски-центрите, за што исто така се дискутира но целата ситуација е под голем знак прашалник.

Прикажи повеќе...

Регион

Во Србија 7.802 новозаразени со коронавирус, 61 починат

Објавено пред

2 часа

- 3 декември, 2020

Од

Макфакс

Според официјалните податоци, во последните 24 часа починале 61 лице како резултат на коронавирус во Србија, така што вкупниот број на починати се зголеми на 1.765, објави Министерството за здравство на веб-страницата covid19.rs.

Од последниот пресек на ситуацијата во Србија, 22.243 лица биле тестирани за коронавирус и регистрирани се 7.802 случаи на инфекција.

Вкупно се хоспитализирани 7.726 лица, а 288 пациенти се приклучени на апарати за кислород.

Од почетокот на епидемијата, во Србија официјално се потврдени 199.158 случаи на инфекција. Стапката на смртност е 0,89 проценти.

Досега во Србија се тестирани вкупно 1.844.731 лице кои ги исполнија критериумите за дефинирање на случајот.

Прикажи повеќе...

Европа

(Видео) Силна експлозија во Велика Британија, има загинати

Објавено пред

2 часа

- 3 декември, 2020

Од

Макфакс

Најмалку едно лице загина, а две се повредени во голема експлозија што се случи во магацин во Ејвонмаут близу Бристол, пренесуваат светските медиуми.

BREAKING: Emergency crews are dealing with a large explosion at a warehouse in Avonmouth, near Bristol. There are reports of casualties.
More on this breaking story: https://t.co/NqLoT7q2Vj pic.twitter.com/u5C0lS2Fmi
— Sky News (@SkyNews) December 3, 2020

Како што се наведува, на самото место на настанот се членови на противпожарната бригада, екипи на брза помош и полицијата.

#Breaking News:-One dead, several injured After A “large explosion” at a warehouse in #Avonmouth.#Bristol
More details awaiting…. pic.twitter.com/IbKWqB59ce
— Wᵒˡᵛᵉʳᶤᶰᵉ Uᵖᵈᵃᵗᵉˢ𖤐 (@W0lverineupdate) December 3, 2020

Се претпоставува дека станува збор за постројка за отстранување отпад, пишува „Скај њуз“.

„Ни беше пријавена голема експлозија во 11:22 часот (по локално време) во еден магацин во Ејвонмаут. Противпожарните екипи се на самото место“, велат пожарникарите.

Прикажи повеќе...