Не стивнуваат протестите за смртта на младата Иранка во Техеран, а меѓу стотиците уапсени граѓани е и Фаиза Рафсанџани, ќерката на починатиот ирански претседател Акбар Хашеми Рафсанџани.

Протестите почнаа по смртта на младата Иранка Махса Амини, која полицијата ја приведе поради нелегално носење хиџаб, по што почина во притвор.

Според полуофицијалната новинска агенција „Тасним“, Фаиза Рафсанџани во вторникот била приведена од членови на агенцијата за безбедност поради „поттикнување немири во источниот дел на Техеран“. Агенцијата тврди и дека овие „провокации“ не успеале да ги изнесат луѓето на улица.

Хашеми (59), познат активист за правата на жените, неколку пати бил мета на иранските безбедносни агенции поради наводни „антивладини“ активности, јавува „Анадолија“.

Во јули минатата година таа беше обвинета за „пропагандна активност против Исламската Република“ поради нејзините коментари за иранската Национална гарда.

НАТО излезе со соопштение поврзано со експлозиите на Северен тек 1 и 2.

Алијансата ги повика сите земји членки да се приклучат кон заедничката изјава.

„Оштетувањето на гасоводите Северен тек 1 и Северен тек 2 во меѓународните води во Балтичкото Море предизвикува длабока загриженост. Сите моментално достапни информации укажуваат дека ова е резултат на намерна, непромислена и неодговорна саботажа.

Протекувањето предизвикува ризици за испорака на енергетски производи и значителна штета на животната средина. Ги поддржуваме тековните истраги за да се утврди причината за штетата.

Како сојузници, се обврзавме да се подготвиме за одвраќање и одбрана од употреба на сила против производителите на енергија и одбрана од други хибридни тактики на државните и недржавните актери. Секој намерен напад на важната инфраструктура на сојузниците ќе наиде на единствен и решителен одговор“, се вели во соопштението на НАТО.

Финска ќе ја затвори границата за руските туристи од утре, потврди денеска финскиот министер за надворешни работи Пека Хаависто.

Границата ќе биде затворена за сите руски туристи, но не и за сите руски граѓани.

Имено, Русите кои ги посетуваат семејствата, работат или студираат во Финска сепак ќе можат да влезат во таа земја.

Финска сака драстично да го ограничи бројот на Руси кои влегуваат во земјата. По прогласувањето на мобилизација за војната во Украина, илјадници Руси почнаа да бегаат во соседните земји, меѓу кои и Финска.