Свет
Агенти на ЦИА и МИ6 шверцувале тајни за руски авиони во кесички за чај

Агенти од МИ6, ЦИА и израелски Мосад со заеднички сили успеале да прошверцуваат тајни руски податоци во кесички за чај, и тоа за време на лет на суперсоничен бомбардер „блекџек“ на пат за Венецуела.
Британските медиуми ја опишуваат приказната за која многумина коментираат дека повеќе личи на некој шпионски роман отколку на вистинска известувачка операција.
Британските и американските шпиони сакале да добијат информација за најновата верзија на рускиот стратешки бомбардер „туполев# ту-60“. Тие стравувале дека овој авион би можел да стане неосвоива цел за нивните пресретнувачки авиони во случај на потенцијален конфликт.
Кога дошле до посакуваните информации, агентите на МИ6, наводно, ги скриле податоците во пакетчиња со руски чај. Кесичките од чај некако успеале да завршат во еден од двата aвиона „ту-160, кои Русија ги испратила во Каракас минатиот декември на вежби со венецуелските воздухопловни сили.
Рускиот екипаж наводно го користел тој чај за време на летот за Венецуела, а потоа кесичката била фрлена. Еден анонимен службеник тврди дека момче ја зело фрлената кесичка додека авионот полнел гориво на аеродром во близина на Каракас и ја предал на агент на ЦИА кој престојувал во блискиот хотел.
Иако немало официјални потврди за оваа операција од ниту една известувачка агенција, британски „Дејли мејл“ тврди дека западните воздухопловни сили користеле информации за да ги приспособат своите пресретнувачи за подобро да се справат со подобрите перформанси на руските авиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Студент со секира упаднал во универзитет во Варшава, убил вработена

Жена е убиена со секира на универзитет во Варшава, соопштија полските власти. Инцидентот се случил вчера околу 18:40 часот. по локално време кога млад човек вооружен со секира нападнал луѓе на кампусот.
Портпаролот на канцеларијата на окружниот обвинител изјави дека еден административен службеник на универзитетот бил убиен на местото на настанот. Обезбедувачот бил префрлен во болница во критична состојба.
Варшавската полиција потврди дека привела 22-годишен Полјак. Според информациите, станува збор за студент.
Ректорот на универзитетот изјави дека четврток ќе биде ден на жалост во институцијата, нарекувајќи го нападот „огромна трагедија“. „Изразуваме голема тага и сочувство до семејството и најблиските“, се вели во соопштението на ректорот.
Свет
Нетанјаху: Со сигурност знаеме дека 21 заложник е жив, за тројца постои сомнеж

Израел со сигурност знае дека 21 заложник што ги држи Хамас во Појасот Газа се живи, објави израелскиот премиер Бенјамин Нетанјаху.
„Има уште тројца за кои, за жал, има сомнеж дека се живи“, рече тој во видео порака објавена на неговиот профил на Икс мрежата.
Нетанјаху изјави дека Израел „нема да се откаже од ниту еден од нив“. Тој, исто така, истакна дека Израел ќе може сам да се справи со Хутите.
„Израел ќе се брани. Го правиме ова во Јемен, го правиме ова и на други места, на долги растојанија. Израел има многу долга рака и ние ќе знаеме како да ја користиме. Ако ни се придружат и други, нашите американски пријатели, уште подобро. Ако не, ќе се браниме“, рече тој.
Israeli Prime Minister Benjamin Netanyahu said Wednesday there is “doubt” about the survival of three hostages previously believed alive in Gaza.https://t.co/8rUnsOzkVX
— 7News Boston WHDH (@7News) May 7, 2025
Нетанјаху го опиша Иран како „голем предизвик“ во видео пораката. Американскиот претседател Доналд Трамп претходно изјави дека бројот на живи заложници во Газа се намалил од 24 на 21.
Европа
Зеленски: „Украина стои зад својата понуда за 30-дневен прекин на огнот“

Украинскиот претседател Володимир Зеленски изјави дека Украина стои зад својот предлог за 30-дневен прекин на огнот со Русија, иако официјална Москва не одговорила на понудата.
„Понудата на Украина за прекин на непријателствата и воспоставување прекин на огнот од најмалку 30 дена останува на сила. Ние не го повлекуваме овој предлог, кој би можел да ѝ даде шанса на дипломатијата“, рече Зеленски во редовното вечерно обраќање на платформата Икс.
Тој додаде дека „апсолутно е фер што руското небо, небото на агресорот, денес не е мирно“, признавајќи дека Украина извршува напади со беспилотни летала врз цели на територијата на Руската Федерација, според Ројтерс.
Зеленски зборуваше неколку часа пред да стапи во сила тридневниот прекин на огнот предложен од Русија за одбележување на годишнината од победата над нацистичка Германија во Втората светска војна.