Контакт

Свет

Азилантите и мигрантите не го почитуваат режимот на ограничено движење

Објавено пред

Барателите на азил и мигрантите во Германија и во Италија не ги почитуваат мерките за да помогнат да се спречи ширењето на коронавирусот Ковид-19, при што некои стануваат насилни кога властите се соочуваат со нив, пренесува „Билд“.

Градоначалниците на германските градови Шнеберг и Чорлау во регионот Саксонија ѝ се пожалија на регионалната власт дека барателите на азил во локалниот центар за азиланти не ги почитуваат мерките што се преземаат за да се запре ширењето на вирусот.

Според градоначалниците, азилантите веруваат дека мерките што ги објави германската канцеларка Ангела Меркел оваа недела не важат за нив.

Меркел најави девет мерки, вклучително и граѓаните да одржуваат безбедно растојание едни од други и намалување на контакт со оние надвор од нивното домаќинство на апсолутен минимум.

Групи луѓе што се собираат на јавни места, во станови и во приватни објекти, исто така, се забранети, а прекршителите ќе се соочат со полицијата. Мерките ќе важат до 5 април.

Во Италија мигрант од Северна Африка нападнал човек во супермаркет во градот Новара откако бил замолен да се држи на оддалеченост од најмалку еден метар. Шеесетгодишната жртва чекала на ред да ги плати своите артикли и пред себе држела растојание од еден метар од мигрантот. Тоа, како што пренесуваат медиумите, ги разбеснило мигрантот и неговата сопруга, кои почнале да врескаат кон човекот и намерно да дишат кон него.

Кога вработените во дуќанот се вклучиле во кавгата, мигрантот станал уште побесен, нарекувајќи ги Италијанците  копилиња и расисти. Откако излегол од продавницата, мигрантот го удрил човекот.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Елитен германски универзитет обвинет дека му служи на кинескиот комунистички режим

Објавено пред

„Фреје универзитал Берлин“ (ФУ), еден од најелитните универзитети во Германија, е обвинет дека одржувал посебна врска со кинески државен универзитет и тесно соработувал со Пекинг, пренесува „Ди велт“.

Берлинскиот универзитет, основан во Западен Берлин во раните денови на Студената војна, одржувал блиски односи со Пекиншкиот универзитет (ПКУ) и се вклучил со кинеската институција во голем број проекти, меѓу кои и отворање на првиот огранок на институтот „Конфучиј“ во Германија во 2006 година.

Институтот „Конфучиј“ соработувал со академски институции на Западот, вклучително и во САД, но во последниве месеци се најде под лупа на пратениците на Републиканската партија во САД, кои на почетокот од овој месец најавија истрага за американските активности на институтот.

Во меѓувреме, Шведска го затвори својот последен огранок на институтот „Конфучиј“ во април, главно поради спорот во врска со шведскиот државјанин Гуи Минхај, кој објави книги против Кинеската комунистичка партија (ККП).

Според тврдењата на „Ди велт“, ФУ е вклучен во неколку проекти со ПКУ и покрај интерната нота во која ПКУ се посочува како „проблематичен партнер“поради протерувањето студенти критички настроени кон комунистичкиот режим.

Еден од заедничките проекти е кинескиот превод на „Историско-критички речник на марксизмот“, за кој експертот за Кина, Себастијан Хејлман од Универзитетот во Триер тврди дека е проблематичен порради цензурата во Кина.

„Истражувањето на марксизмот во Кина нема никаква врска со автономна, критичка наука“, рече тој.

Според „Ди велт“, потпретседателот на ФУ, Клаус Мулан, исто така има долгогодишни врски со кинескиот режим и често дава интервјуа за кинеските државни медиуми.

Мулан работел и за консултантската фирма „Финиенс“ со седиште во Берлин, за која се вели дека е специјализирана за Кина, и одржал предавање за „брендирање на нацијата“ или за тоа како државите можат да го подобрат својот имиџ во странство. Мулан тврди дека не зел пари од фирмата и дека е заинтересиран за подобро разбирање меѓу двете земји во неговата област.

Тврдењата во Германија следат по други објавени минатиот викенд во Велика Британија, како што пренесе „Експрес“, кој објави политички спор околу врската помеѓу советникот за труд, сер Кир Стармер,  деканот на Универзитетот во Дурам, професор Том Брукс,  и „Чајна глобал телевижн нетворк“ (ЦГТН).

Весникот објави дека професорот Брукс напишал неколку статии за ЦГТН, која е под контрола на кинеската влада, главно за британската политика, но и за критикување на американскиот претседател Доналд Трамп.

Инфилтрирањето во Кина на универзитетите доведе до обвиненија и во ноември 2019 година од професорот на Лондонската школа за економија (ЛСЕ), Кристофер Хјуз, дека претставниците на кинескиот институт „Конфучиј“ конфискувале документи што го спомнуваат Тајван на академска конференција.

Друг извештај од декември минатата година исто така тврдеше дека кинеската армија користела различни групи за да се инфилтрираат во универзитетите во Велика Британија, Австрија, Германија и во Швајцарија.

Прикажи повеќе...

Свет

Иран го заобиколува ембаргото на нафтата пред носот на САД

Објавено пред

Првиот ирански танкер со нафта стигна до брегот на Венецуела во неделата попладне и покрај заканите на САД, пренесува „Спутник“.

Танкерот „Фортјун“ го напушти иранското пристаниште „Шахид Раџаи“ пред 72 дена да ѝ помогне на Венецуела во справувањето со недостигот од гориво предизвикано од прекинот со работа на рафинеријата за нафта во Боливарската Република. Уште четири ирански танкери со нафта се очекува да пристигнат во наредните денови. Севкупно, Иран испрати 1,53 милиони барели гориво во Венецуела.

Што значи оваа испорака за иранскиот извоз на гориво во светлината на заканите во САД? Сејед Саид Миртораби Хосеини, ирански аналитичар за нафта и гас и предавач на универзитетот „Харазми“, изјави:

„САД воведоа санкции за енергетскиот сектор во Иран и во Венецуела. Но, тие беа во можност да им се спротивстават на овие еднострани санкции. Успешната испорака на нафта во Венецуела,  која има сериозна потреба од гориво, покажува дека Иран е на вистински пат да се спротивстави на суровите американски санкции. Тоа симболизира дека иранската нација ги крши оковите на санкциите на САД “.

Хосеини не верува дека САД би извршиле напад врз ирански танкери во Атлантскиот Океан или во близина на брегот на Венецуела, бидејќи таквиот маневар скапо ќе ги чини.

„Танкерите се придружувани од морнарицата на ИРИ. Не мислам дека САД би презеле чекор како напад или киднапирање на ирански танкери. Тоа ќе се смета за кршење на Меѓународните закони за спречување судири на море и скапо ќе ги чини Американците. Единствената неповолност на овие танкери е немањето меѓународно осигурување бидејќи многу големи осигурителни компании се принудени да ги почитуваат правилата што ги диктираат САД “, вели иранскиот аналитичар.

Мохамед Садег Јокар, експерт по политичка економија на Институтот за меѓународни енергетски студии (ИИЕС) под иранското Министерство за нафта, вели дека ова снабдување со гориво со танкери е првиот напад на новиот коалициски фронт против САД.

„Со спроведувањето на уништувачката политика на Доналд Трамп врз иранската економија, ИРИ го смени својот пристап. Иран претходно се обиде да убеди некои земји да не ги следат ограничувањата наметнати од САД (особено Кина, Индија и Кореја), а сега ги повикува сите земји погодени од санкции на САД да се обединат во еден фронт за да се спротивстават на овој инструмент во надворешната политика на САД,“ вели Јокар.

Иранскиот експерт смета дека успешното испраќање на овие танкери во Венецуела е неуспех на меѓународната политика на Трамп за санкции против Венецуела.

„Иран ѝ помага на земја чија економија е на работ на банкрот и притоа докажа дека Блискиот Исток не само што не потклекнува пред американските, туку и дејствува самостојно и одлучно дури и дворот на САД т.е. регионот на Латинска Америка“, посочи тој.

Според Јокар, Иран испраќа сигнал дека политиката на Трамп на Блискиот Исток не е успешна и дека се обидува да спречи таа да успее и во Латинска Америка.

„Ова е еден вид удар врз изборната политика на Трамп на претстојните претседателски избори“, вели тој.

Јокар е исто така убеден дека нема да има воени напади од САД врз иранските танкери со нафта кои пловат кон Венецуела бидејќи заканите во Вашингтон се само блеф.

„Во случај на напад на нафтени танкери, ИРИ веднаш ќе реагира во Персискиот Залив и ќе ја нападне Морнарицата на САД. Главен пример за одговорот што ќе следи се случувањата откако Велика Британија го заплени нашиот танкер во Гибралтар“.

Според Јокар, САД можат да одговорат само со поагресивна информативна војна со која би создале атмосфера во медиумите во која тие, на пример, ќе ја обвинат венецуелската влада дека наводно краде девизни резерви за да преживее и да плати за иранската помош .

„Ќе видиме како оваа тема ќе ја пропагираат американските медиуми во наредните денови. И дали ќе речат дека владата на Мадуро добила гориво од Иранците и сега ги ограбува венецуелските девизни резерви“, додава тој.

Прикажи повеќе...

Свет

Ердоган: Турција нема да дозволи Израел да заземе нови територии на Западниот Брег

Објавено пред

Турскиот претседател Реџеп Таип Ердоган, му се закани на Израел поради планот на неговата нова влада да анектира делови од Западен Брег, пренесува „Мидл ист монитор“.

„Сведоци сме на нов план за окупација и анексија од страна на Израел, кој му се заканува на палестинскиот суверенитет и е спротивен на меѓународното право“, рече Ердоган додавајќи дека Турција е единствениот глас што ги брани Палестинците денес.

Турскиот шеф на државата нагласи дека неговата земја нема никому да му дозволи пренесување на палестинската земја осудувајќи го актуелниот светски поредок.

„Светскиот поредок ги изневери Палестинците и не ги донесе успешно мирот, правдата, безбедноста и редот во овој дел од светот“, посочи Ердоган.

Тој ги посочи Ерусалим и на Ридот на храмовите како света локација за три религии нарекувајќи ја црвена линија за муслиманите во светот.

Израелскиот премиер, Бенјамин Нетанјаху, вчера повтори дека Израел има историска можност да ги анектира еврејските населби во Западниот Брег и мора да ја искористи можноста во јули.

Плановите на Нетанјаху се во согласност со планот за Блискиот Исток, обелоденет од администрацијата на САД уште во јануари, со кој се одобрува проширувањето на израелскиот суверенитет на речиси 30 отсто од Западен Брег.

Сепак, целиот мировен план во голема мера во сенка изминатите неколку месеци, поради пандемија на коронавирусот, е одбиен од Палестинците, кои сметаат дека Западен Брег е територија за идната палестинска држава.

Претседателот на Палестинската Самоуправа, Махмуд Абас, минатата недела објави дека ги прекинува сите безбедносни врски со Израел поради прокламираните намери на Нетанјаху.

Прикажи повеќе...

Најново

Регион2 часа

Во Хрватска и Словенија нема нови случаи на коронавирус

Во изминатите 24 часа во Хрватска и Словенија не се потврдени нови случаи на коронавирус. Во Хрватска втор ден по...

Македонија2 часа

Регистрирани 16 нови случаи на коронавирус во Македонија, починаа уште 3 лица

Денеска, потврдени се 16 нови случаи на Ковид-19, со што вкупната бројка на дијагностицирани изнесува 2.014 лица. Оздравени се 14...

Македонија3 часа

Адвокатот на Јанева вели дека Русковска нема докази против неа

Адвокатот Дељо Кадиев, кој ја застапува обвинетата Катица Јанева во предметот „Рекет“, по судењето, на кое завршни зборови даваше Обвинителството,...

Македонија3 часа

Русковска: Доживеавме разочарување кога клучниот лик во „Чарлиевите ангели“ премина на страната на злото

Во завршните зборови за случајот „Рекет“ обвинителката Вилма Русковска пред судот рече дека одбраната на обвинетите Бојан Јовановски – Боки...

Македонија3 часа

Арсовски: Избори во јуни не се можни

Избори во јуни не се можни, истакна портпаролот на ВМРО-ДПМНЕ, Димче Арсовски. Одговарајќи на новинарски прашања, тој ја отфрли можноста...

Македонија4 часа

Укинување на полицискиот час и отворање на границите и кафулињата, предлага Комисијата за заразни болести

Комисијата за заразни болести на денешниот состанок одлучила да побара од Владата укинување на полицискиот час, а веќе во текот...

Свет4 часа

СЗО го суспендира тестирањето на лекот против малaрија кај пациенти со Ковид-19

Светската здравствена организација (СЗО) го суспендира тестирањето на лекот против малaрија „хидроксиклорокин“ кај пациенти со Ковид-19 поради стравувањата за нивната...

Европа6 часа

Шпанија го намали вкупниот број на починати од Ковид-19 за 2.000

Шпанија синоќа објави дека од коронавирусот починале речиси 2.000 луѓе помалку отколку што се сметаше претходно. Министерството за здравство соопшти дека...

Регион6 часа

Црна Гора дозволи свадби, крштевки, публика на стадионите…

За разлика од многу европски првенства, во Црна Гора натпреварите ќе се играат во присуство на публиката, рече премиерот Душан...

Европа7 часа

Германија и Франција повикаа на отворање на границите во Европa

Претседателот на францускиот парламент и неговиот германски колега побараа што побргу да се отворат границите меѓу европските земји по затворањето...

Македонија7 часа

Зоолошката градина од денеска е отворена за посети со нов протокол за движење

Од денеска скопската Зоолошка градина повторно е отворена за посети, но со нов протокол за движење поради ситуацијата предизвикана од...

Регион7 часа

Брнабиќ ги повика Србите да не летуваат во Црна Гора

Кога Србија не се најде на списокот на земји за кои Црна Гора ќе ги отвори своите граници на 1...

Свет18 часа

Италија бара 60.000 доброволци, кои ќе надгледуваат дали се држи физичка дистанца

Италија планира на улиците да испрати речиси 60.000 доброволци, кои би внимавале на одржување на правилата за физичка дистанца и...

Македонија20 часа

Чулев: Ако се потврди автентичноста на „орото во Чаир“ ќе следат казни

Намалување на бројот на заразени од вирусот Ковид-19 е возможно само доколку граѓаните се дисциплинирани и ги почитуваат мерките за...

Свет20 часа

(Видео) Додека претседателот на Бразил јадеше хот-дог на улица минувачите извикуваа „убиец“

Минувачите во Бразил извикуваа „убиец“ и „ѓубре“ кон бразилскиот претседател Жаир Болсонаро, кој во саботата опкружен со телохранители излезе на...

Европа21 час

Виена: За првпат во Европа извршена трансплантација на белите дробови на заразен со коронавирус

На Медицинскиот универзитет во Виена деновиве била извршена итна и екстремно комплицирана трансплантација на белите дробови кај 45-годишна пациентка кој...

Свет21 час

Боливиски министер во притвор – купил респиратори за трипати повисока цена од реалната

Боливискиот министер за здравство Марсел Навахас е задржан во тримесечен притвор поради обвинувањата дека купил респиратори за трипати повисока цела...

Свет22 часа

Во Вухан 6,5 милиони луѓе тестирани за десет дена

Во изминатите десетина дена, 6,5 милиони луѓе се тестирани за присуство на коронавирусот во Вухан, а целта е да се...

Европа23 часа

Психијатарот поради невозвратена љубов ги труел своите колеги со торта

Млад доктор со српско потекло им донел торта на колегите во психијатриска болница во австриски затвор, во која ставил разни...

Македонија1 ден

Двајцата пациенти на кои им беше трансплантиран бубрег се во добра здравствена состојба

Двајцата пациенти на кои во саботата им беше изведена трансплантација на бубрег од починат донор се во добра и стабилна...

Досие