Министерот за надворешни работи на Турција, Мевлут Чавушоглу, телефонски разговара со генералниот секретар на НАТО, Јенс Столтенберг, при што го оцени за неприфатлив незаконскиот претрес на турскиот брод на Медитеранот,  пренесува „Дејли сабах“.

Чавушоглу се огласи преку официјалниот профил на „Твитер“ и се осврна на телефонскиот разговор со генералниот секретар на НАТО.

Тој наведе дека за време на разговорот зборувале за претресот на турскиот брод, како и за подготовките за состанокот на министрите за надворешни работи на земјите на НАТО, кој ќе биде одржан наредната недела.

„Нагласив дека третманот на нашиот брод е неприфатлив. Разговаравме за актуелните случувања во врска со источен Медитеран, Авганистан, Либија и со Нагорно-Карабах“, наведе Чавушоглу.

„Анкара ќе ги преземе потребните чекори на сите полиња против операцијата ИРИНИ на ЕУ поради нелегалното претресување на бродот под турското знаме кој пловеше кон Либија“, соопшти вчера Советот за национална безбедност на Турција.

Советот најостро го осуди незаконскиот претрес на бродот минатата недела од страна на германската фрегата, која е дел од операцијата ИРИНИ, чија наводна цел е спроведување на ембаргото на ОН за оружје кон Либија.

Бродот под турското знаме превезувал во Либија бои и материјали за боење и хуманитарна помош, а операцијата на ЕЕ соопшти дека не биле најдени нелегални материјали.

Турскиот претседател, Реџеп Таип Ердоган, изјави дека телефонски разговарал со својот руски колега Владимир Путин за прашањето за увоз на руски вакцини против коронавирусот.

„Вакцините се развиваат во Русија, Кина, во нашата земја. Зборуваме за увоз на вакцини со странски колеги, а разговарав и со Путин. Внимателно ги следиме резултатите од употреба на вакцините и се надевам дека набргу ќе можеме да ги користиме во големи количини во нашата земја“, изјавил Ердоган, а пренесува „Спутник“.

Телефонскиот разговор меѓу лидерите на Турција и Русија се случил на 24 неомври, а како што претходно објавија од прес-службата на Кремљ, Путин и Ердоган се заложиле за понатамошна соработка во борбата против Ковид-19, со приоритет во координацијата за развојот и производството на вакцини.

Претходно, прес-службата на Министерството за здравство на Русија објави дека Турција е заинтересирана да го почне производство на вакцината против Ковид-19 – „спутник V“ – во турските фабрики за производство на лекови.

Претседателот на Белорусија, Александар Лукашенко, изјави дека, според новиот устав, тој повеќе нема да биде на таа функција, пренесе руската агенција РИА.

„Не донесувам никаков устав за себе. Нема да работам како претседател со новиот устав. Затоа, смирете се, мирно поднесете го тоа“, рече Лукашенко.

Лукашенко заявил, что не будет президентом при новой Конституцииhttps://t.co/iv34LMgMfV pic.twitter.com/mR6o5J4sJH

— РИА Новости (@rianru) November 27, 2020

Тој исто така изјави дека никогаш нема да дозволи со усвојувањето на новиот устав некој да зборува за изборите дека се наместени.