Контакт

Свет

„Амазон“ ги чести со 100 долари новите работници што имаат потврда за вакцина

Објавено пред

Американскиот технолошки гигант „Амазон“ денес објави дека ќе отвори 75.000 работни места во целата мрежа на магацини и дистрибутивни центри во САД и Канада. Компанијата исто така најави дека ќе им понуди бонус од 100 долари на новите вработени што имаат потврда дека биле вакцинирани против Ковид-19.

Од „Амазон“ тврдат дека ќе понудат просечна почетна плата од 17 долари на час на тие работни места, што е одраз на неодамнешното зголемување на платата во опсег од 50 центи до три долари на час за повеќе од половина милион вработени во САД што работат во таа компанија, пренесува Си-ен-би-си.

Нудењето разни поволности со цел да се привлечат кандидати е сè пораспространета појава меѓу американските компании што бараат работна сила на сè пореткиот пазар на трудот.

Некои компании велат дека имаат проблем да најдат работници, што им го припишуваат на зголемените бенефиции што ги уживаат невработените. Критичарите велат дека работодавците треба да размислат за зголемување на платите за да привлечат работници.

Компаниите, вклучувајќи ги „Чипотл“ и „Мекдоналд“, најавија покачување на платите за да привлечат работници.

Од истата причина „Амазон“ нуди бонус до 1.000 долари за потпишување договор за работа на некои локации со цел да привлечат работници.

Компанијата водеше агресивна политика за вработување нови луѓе за време на пандемијата на коронавирусот вработувајќи дури 500.000 работници во 2020 година, со цел да одговори на силниот скок на побарувачката од онлајн-купувачите.

Во исто време профитот беше инвестиран во физичко проширување на бизнисот, отворање нови магацини, бази за воздушен транспорт и други објекти со исклучително брзо темпо, додава Си-ен-би-си.

Свет

Бајден: Напад врз една членка на НАТО е напад врз секого

Објавено пред

Американскиот претседател Џо Бајден денеска во Брисел рече дека колективната одбрана на НАТО, принципот дека нападот врз една членка се смета за напад врз сите, е „света обврска“.

„Членот 5 е света обврска. Сакам цела Европа да знае дека Соединетите Американски Држави се тука “, рече Бајден по пристигнувањето на самитот на Алијансата.

„Постојано ги потсетувам Американците дека НАТО се мобилизираше кога Америка беше нападната на нејзино тло за прв пат од почетокот на Втората светска војна. Сојузниците го почитуваа членот 5 “, рече Бајден, осврнувајќи се на сојузничката солидарност по терористичките напади на 11 септември 2001 година.

Тој ги повика членките да се соочат заедно со новите предизвици што ги поставуваат Русија и Кина.

„Во последните две години расте свеста дека имаме нови предизвици. Ја имаме Русија која не се однесува како што се надевавме. А тука е и Кина “, рече Бајден.

Неговиот претходник Доналд Трамп избегнуваше изрично да потврди дека САД го поддржуваат членот 5 од Северноатлантскиот договор, кој ја дефинира колективната одбрана на НАТО.

Во последната декларација денеска, водачите на НАТО за прв пат ќе ја именуваат Кина како „системски предизвик“, пренесуваат агенциите.

„Јавно изразените амбиции и наметливото однесување на Кина претставуваат системски предизвици за меѓународниот поредок заснован на правила и во области релевантни за безбедноста на сојузниците“, се вели во нацрт документот.

Прикажи повеќе...

Европа

Главоболка и течење на носот се главни симптоми на индискиот вид на коронавирус, покажува најново истражување

Објавено пред

Главоболки, болки во грлото и течење на носот се едни од најчесто пријавените симптоми на индискиот вид на коронавирус во Велика Британија, пишуваат британските медиуми.

Според истражувањето на професорот Тим ​​Спектор, симптомите од т.н индиски сој на коронавирус се разликуваат од оние предизвикани од претходните варијанти на Ковид-19, а сè повеќе пациенти тврдат дека не го изгубиле чувството за мирис и вкус и немале треска, но чувствувале симптоми на силна настинка како течење на носот, болки во грлото и главоболки.

Податоците биле собрани врз основа на истражување на примерок од илјадници испитаници кои ги пријавиле своите симптоми преку апликација.

“Немаме добри вести, гледаме експоненцијално зголемување на бројот на пациенти, особено во северо-западот на Англија и Шкотска. Повеќето од нив се млади луѓе на возраст од 20 до 29 години и малку постари од 40 до 49 години. Популацијата не е вакцинирана или е вакцинирана само еднаш, со што, се разбира, не се постигнува соодветен имунитет. Смртноста е малку пониска отколку кај британскиот вид, но треба да сме загрижени за т.н долга фаза од Ковид-19, така што Велика Британија дефинитивно има проблем “, рече професорот.

Токму овие неспецифични симптоми пациентите не ги припишуваат на Ковид-19 вирусот и продолжуваат со вообичаените животни и социјални навики, одат на работа и се забавуваат, мислејќи дека тоа е само сезонска настинка.

Професорот апелира на потребата од добивање втора доза на вакцина и останување дома кога ќе се забележат првите симптоми во однос на главоболка, воспаление на грлото и течење на носот.

90% од сегашните случаи во Велика Британија, наводно, се поврзани со делта варијантата на вирусот, или индискиот сој на коронавирус пренесуваат медиумите.

Прикажи повеќе...

Свет

Путин за американските медиуми: Замислете дека испраќаме војска до вашите граници

Објавено пред

Во пресрет на средбата со американскиот лидер Џозеф Бајден во Женева, рускиот претседател Владимир Путин во интервју за американската телевизија „Ен-Би-Си“ оцени дека воените вежби на НАТО и на САД се одржуваат во непосредна близина на руските граници и тој запраша што ќе се случи ако Русија го стори истото.

„Замислете дека сме ја испратиле нашата војска директно до вашите граници. Каков би бил вашиот одговор?“, праша Путин.

Американската телевизија исто така потсети дека, кога Путин бил запрашан за неодамнешниот трансфер на руската армија во близина на украинската граница, Путин изјавил дека Русија спроведува воени вежби исклучиво на своја територија. Рускиот претседател го спомна фактот дека НАТО рутински спроведува воени вежби во близина на руските граници, како и фактот дека САД спроведуваат маневри на Алјаска, која е исто така во близина на руските граници.

Тој исто така ги отфрли сите обвинувања во врска со вмешаноста на Русија во изборниот процес, рече дека обвиненијата дека Русија или руски хакери се одговорни за сајбер напади во Америка се „фарса“. “Тие нè обвинија за многу работи. За мешање во изборите, за сајбер напади и така натаму. Ниту еднаш, ама ниту еднаш не се обидоа да презентираат докази. Ова се само неосновани обвинувања”, рече Путин.

Сепак, на прашање од домаќинот дали е загрижен дека американската разузнавачка служба можеби веќе навлезе длабоко во руските мрежи и дека е способна да нанесе посериозна штета, Путин рече дека, иако е можно, таквата опција не го плаши него. Од друга страна, Путин изјави дека Русија е загрижена за сајбер активностите на НАТО.

„Она од што се плашат во Америка може да биде опасност и за нас. НАТО го прогласи сајбер-просторот за борбена зона. Тие планираат нешто, подготвуваат нешто, секако дека сме загрижени за тоа“, рече Путин.
Сепак, тој исто така изрази надеж дека Русија и Америка ќе започнат процес на соработка кога станува збор за борба против компјутерскиот криминал.

„Ајде да седнеме заедно, да разговараме, да најдеме компромисни решенија што ќе бидат прифатливи за обете страни“, посочи тој.
Путин се осврна и на прашањето на рускиот блогер Алексеј Навални, велејќи дека ќе биде третиран не полошо од другите затвореници. На прашањето дали тој лично го наредил убиството на Навални, Путин рече дека Русија „нема навика да убива некого“. За време на интервјуто, Путин исто така рече дека прашањето за размена на затвореници може да се дискутира за време на претстојниот самит со американскиот државен врв.

На прашањето дали е подготвен да ја разгледа можноста за размена на затвореници, тој одговори: „Да, се разбира. Знам дека има неколку американски државјани во Русија кои се осудени и кои се во затвор. Сепак, има неспоредливо повеќе руски граѓани кои се наоѓаат во американски затвори. Овие бројки се едноставно неспоредливи”, додаде тој.

Прикажи повеќе...

Најново

Свет11 минута

Бајден: Напад врз една членка на НАТО е напад врз секого

Американскиот претседател Џо Бајден денеска во Брисел рече дека колективната одбрана на НАТО, принципот дека нападот врз една членка се...

Македонија1 час

Започна Северноатлантскиот совет на НАТО

Премиерот Зоран Заев, заедно со лидерите на земјите членки на НАТО, учествуваше во централниот работен дел на годинашниот Самит на...

Свет3 часа

Земјите од НАТО заеднички ќе се бранат и од напади во вселената

Проширувањето на членот 5 од договорот за основање на НАТО, кој денеска ќе биде продолжен, им овозможува на членките на...

Македонија3 часа

Четири нови случаи на Ковид-19, починал 66-годишен скопјанец

Министерството за здравство информира дека во последните 24 часа направени се 1.337 тестирања, а регистрирани се четири нови случаи на...

Европа3 часа

Во Германија најнизок број на новозаразени во последните 9 месеци

Во Германија е регистриран најмал број на новозаразени од коронавирус на дневно ниво во последните девет месеци, па официјалните лица...

Економија5 часа

Од полноќ се зголемуваат цените на горивата

Регулаторната комисија за енергетика донесе одлука од полноќ да се зголемат малопродажните цени на нафтените деривати во просек за 1,15%...

Македонија5 часа

Груби и Мерко за рушењето на платформите во Струга: Зелената агенда е веќе во акција

Првиот вицепремиер и министер за политички систем, Артан Груби, заедно со министерот за информатичко општество и администрација, Јетон Шаќири, и...

Регион6 часа

Хрватска ги промовира ковид-автобусите

Министерот за здравство на Хрватска, Вили Берош, и директорот на Хрватскиот институт за јавно здравје, Крунослав Цапак, промовираа вакцинација со...

Македонија6 часа

Бројот на ковид-пациенти во македонските болници падна под 100

Вкупната бројка на пациенти позитивни и суспектни на коронавирусот што се лекуваат на инфективните оддели во главниот град и во...

Македонија8 часа

Кризниот штаб предлага да се укине полицискиот час, на свадба да може да има повеќе од 100 гости

Кризниот штаб ги прифати препораките на Комисијата за заразни болести, меѓу кои е и укинување на полицискиот час од среда,...

Свет8 часа

Кавалери од ЕМА реагира дека погрешно е цитиран: „Вакцината на ‘Астра зенека’ е добра за сите возрасти“

Марко Кавалери, шеф на работната група за коронавирус во Европската агенција за лекови, рече дека вакцината на „Астра зенека“ има...

Македонија9 часа

Македонија првпат на самит на НАТО како полноправна членка

Во Брисел денеска се одржува самит на НАТО на кој Македонија ќе го има своето прво учество како полноправна членка...

Спорт20 часа

Ангеловски: Нема разочарување, имаме уште два натпревари!

Селекторот на фудбалската репрезентација на Македонија, Игор Ангеловски по натпреварот со Австрија изјави дека репрезентацијата не успеала да се соземе...

Спорт21 час

Пандев: За нас ова е големо искуство, жал ми е за навивачите

Фудбалската репрезентација на Македонија безмалку 80 минути имаше нерешен резултат во дуелот со Австрија, но во последните минути Австријците со...

Спорт21 час

Македонија со пораз од Австрија на стартот на ЕП

Замените на австрискиот селектор Фода – Грегорич и Арнаутовиќ беа кобни за македонскиот национален тим во првиот меч на едно...

Македонија1 ден

За првпат по 9 месеци, во Македонија нема починат од коронавирус

За прв пат по 2 септември 2020, во Македонија не е забележан ниту еден смртен случај од Ковид-19, во изминатото...

Европа1 ден

ЕМА: „Астразенека“ да не се дава на постари од 60 години

Европската агенција за лекови (ЕМА) објави дека треба да се избегнува вакцината „Астразенека“  за лица над 60 години, поради стравувања...

Топ1 ден

Полицаецот по кој се трагаше е пронајден починат во водите на Брегалница

Во возило во водите на Брегалница е пронајдено е телото на 51 годишниот полицаец Т.С. од Делчево, кој беше пријавен за...

Македонија1 ден

Османи: Ќе вложам напори во среда да бидам во Скопје за да се обратам пред Комисијата

Ќе ги вложам сите напори да ја прекинам тековната дипломатска офанзива за во среда на неколку часа да бидам во...

Спорт1 ден

Селекторот Ангеловски емотивен: Вие сте моите херои!

Пред денешното деби на Македонија на Европското првенство, на натпреварот во Букурешт против Австрија, селекторот Игор Ангеловски на Инстаграм сподели...

Досие