Свет
„Амазон“ ѝ забрани на полицијата да го користи нејзиниот софтвер за препознавање лица
„Амазон“ ѝ забрани на полицијата да го користи нејзиниот софтвер за препознавање лица една година по соочувањето со притисок за време на немирите поради убиството на Џорџ Флојд, пренесува „Њујорк тајмс“.
Техничкиот гигант се надева дека мораториумот ќе му даде на Конгресот доволно време да донесе закон за регулирање на контроверзната технологија.
Софтверот „Рекогнишн“ на „Амазон“ беше критикуван со години за расна и родова пристрасност, а студиите покажуваат дека погрешно ги идентификува Афроамериканците и Азијатите почесто од белите субјекти.
„Се залагавме владите да воспостават построги закони за регулирање на етичката употреба на технологијата за препознавање лица и во последните денови се чини дека Конгресот е подготвен да се соочи со овој предизвик. Се надеваме дека едногодишниот мораториум може да му даде на Конгресот доволно време за спроведување соодветни правила и ние сме подготвени да помогнеме ако биде побарано“, се вели во изјавата на „Амазон“.
Од промовирањето на „Рекогнишн“ во 2016 година „Амазон“ ѝ го продаде својот систем и на полицијата како начин да ги лови криминалците и на агенциите за имиграција и царинско работење за да им помогне да ги таргетира или идентификува имигрантите.
Не е јасно колку агенции за спроведување на законот во моментот се потпираат на технологијата. Американската унија за граѓански слободи од 2018 година тврди дека „Амазон“ тајно им ја продал моќната и опасна технологија на полициските оддели. АЦЛУ сега бара компанијата да се обврзе на неопределен мораториум додека не се донесе федералното законодавство.
„Беа потребни две години за ‘Амазон’ да дојде до овој момент, но среќни сме што компанијата, конечно, ги препозна опасностите што ги претставува за лицата во црнечките и латинозаедниците и за граѓанските права. Заканата од оваа технологија за надзор по нашите граѓански права и граѓанските слободи нема да исчезне за една година“, рече Никол Озер, директор за технологија и граѓански слободи на АЦЛУ.
„Амазон“ не одговори веднаш на барањето за коментар.
Кабинетот на шерифот на округот Вашингтон во Орегон е единствената полициска агенција наведена како клиент на веб-страницата на „Амазон“ за системот.
„’Релкогнишн’ на ‘Амазон’ во голема мера ја зголеми можноста на нашите полицајци да дејствуваат брзо и одлучно. Успеавме да индексираме повеќе од 300.000 фотозаписи во рок од 1 до 2 дена, а времето за идентификација на осомничените се намали од 2 до 3 дена на неколку минути“, вели Крис Аџима, аналитичар во канцеларијата, во сведоштво објавено на страницата на „Амазон“.
Најавата на „Амазон“ доаѓа во период кога демонстрантите ги таргетираат технолошките компании барајќи да дејствуваат со поголема одговорност со технологијата за препознавање лица.
По засилувањето на повиците, ИБМ во понеделникот објави дека во целост излегува од бизнисот со технологијата за препознавање лица поради загриженоста за тоа како може да се користи таа за масовно набљудување и расно профилирање.
Претставничкиот дом, кој е под контрола на демократите, одржа серија расправи за софтверот за препознавање лица, но републиканецот Џими Гомез, кој е член на Комитетот, го обвини „Амазон“ за недостиг од законодавство што ја регулира технологијата.
„Ова е добар прв чекор, но сè уште не е доволно“, вели Гомез за Си-ен-би-си. „Тие велат дека бараат од Конгресот да стави заштитници за употребата на оваа технологија, но секојпат кога ќе се обидевме да добиеме повеќе податоци, тие одолжуваа и моравме да имаме сослушувања за да го придвижиме проблемот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Возач намерно се заби во синагога во Њујорк, нема повредени
Автомобил вчера удри во вратата на седиштето на еврејски религиозен ред во Њујорк, во инцидент што полицијата го истражува како злосторство од омраза.
Никој не е повреден во инцидентот во светското седиште во Бруклин, а полицијата соопшти дека возачот на автомобилот е уапсен.
Градоначалникот на Њујорк, Зохран Мамдани, рече дека уапсениот човек „намерно и повеќе пати удрил со автомобилот во зградата“.
I am at 770 Chabad World Headquarters in Crown Heights, where a man intentionally, and repeatedly, crashed his car into the building. I am relieved that no one was injured in this horrifying incident.
This is deeply alarming, especially given the deep meaning and history of the…
— Mayor Zohran Kwame Mamdani (@NYCMayor) January 29, 2026
Мамдани, кој рече дека го посетил местото на настанот по инцидентот, го опиша чинот во објава на социјалните мрежи како „застрашувачки“ и „длабоко алармантен“.
Brooklyn, New York – car intentionally rammed doors of Chabad Headquarters & Synagogue at 770 Eastern Parkway
Police in attendance
Unconfirmed reports claim driver stated he had a bomb
via @ShomrimCH & 11 Jewish Breaking News@nypost @nytimes @TheLeoTerrell @australian pic.twitter.com/zFAn6pLz9D
— Menachem Vorchheimer (@MenachemV) January 29, 2026
Комесарот на полицијата во Њујорк, Џесика Тиш, изјави дека возачот е уапсен и дека единицата за детонација на бомби не пронашла никакви експлозивни направи во возилото.
Тиш им рече на новинарите дека инцидентот го истражува Работната група за злосторства од омраза на њујоршката полиција.
Свет
Украинци: Клучниот претставник на Трамп покажува шокантно незнаење за војната
Висок американски претставник вклучен во напорите за ставање крај на руската тотална инвазија на Украина покажа недостаток на основно разбирање на украинскиот политички систем и самата војна додека разговараше со мала група новинари на состанок зад затворени врати, дознава „Киев Индепендент“.
Функционерот е вклучен во преговори на високо ниво и со Москва и со Киев, додека Украина, Русија и САД повторно влегуваат во активна дипломатска фаза под обновен притисок од американскиот претседател Доналд Трамп да ја прекинат војната.
Тој мисли дека Буданов е потпретседател на Украина
Во неодамнешните разговори со новинарите, американски функционер, чие име не го објави „Киев Индепендент“, погрешно тврдеше дека Кирил Буданов, неодамна назначениот шеф на канцеларијата на претседателот и поранешен шеф на военото разузнавање, сега е потпретседател на Украина.
„Генерал Буданов сега е нивни потпретседател“, рече функционерот.
Украина всушност нема потпретседател. Според уставот, претседателот е шеф на државата, а ако претседателот не е во можност да ги извршува своите должности, овластувањата привремено му се пренесуваат на претседателот на парламентот.
Шефот на канцеларијата е главен помошник на претседателот и шеф на кабинетот, одговорен за секојдневните операции, координацијата на политиките меѓу државните институции и управувањето со односите со парламентот, безбедносните агенции и странските партнери.
Тоа е влијателна позиција, но не носи уставни извршни овластувања.
Не знае кога започнала војната
Американскиот функционер, исто така, покажа дека не бил свесен за клучните факти за временската рамка на војната. Кога беше прашан дали мировниот притисок на Трамп имал за цел да ја заврши војната до четвртата годишнина на 24 февруари, функционерот јасно стави до знаење дека не знае кога започнала тоталната инвазија.
„Не бев свесен за датумот на годишнината“, одговори врвниот американски претставник. „Не мислам дека се чувствуваме под притисок за тоа, бидејќи е четврта годишнина.“
Рече дека војната во Украина трае подолго од Втората светска војна
Потоа функционерот отиде чекор понатаму, погрешно тврдејќи дека тоталната инвазија на Русија на Украина трае подолго од Втората светска војна. Тоа тврдење е погрешно. Русија започна тотална инвазија на 24 февруари 2022 година, а војната ќе влезе во својата четврта година следниот месец.
Втората светска војна како целина започна во септември 1939 година со нацистичката инвазија на Полска и заврши во 1945 година, па затоа трае подолго во целина.
Зошто е ова важно?
Изјавите ги зголемија загриженостите во Киев за составот и подготвеноста на преговарачкиот тим на Вашингтон, објавува „Киев Индепендент“.
Луѓето на Трамп задолжени за решавање на руската војна немаат традиционални дипломатски кариери, што е отстапување од претходната американска пракса. Олександр Мережко, претседател на комисијата за надворешни работи на украинскиот парламент, ја опиша ситуацијата како длабоко загрижувачка.
„Ова е сериозен проблем“, изјави Мережко за „Киев Индепендент“. „Пратеникот веќе направи неколку големи грешки, и технички и, во суштина, сериозни дипломатски“.
Мережко рече дека се чини дека американскиот функционер е подложен на руските наративи и дека пристапува кон преговорите трансакциски, а не политички или правно.
„Тие не ги знаат основите“
„На пример, тие ги гледаат територијалните прашања како недвижен имот“, рече Мережко. „Тоа е сосема погрешно. Тие не ги знаат основите, основите на политиката, историјата, меѓународното право“.
Поранешниот американски амбасадор во Украина, Стивен Пајфер, изјави за „Киев Индепендент“ дека на американскиот функционер му недостасуваат и искусни советници за Русија и Украина.
„Спротивно на тоа, Путин, кој има длабоко разбирање за деталите од овие преговори, обично е придружуван од неговиот советник за надворешна политика, Јуриј Ушаков, кој девет години беше амбасадор на Русија во Соединетите Држави“, додаде Пајфер.
Европа
Макрон: Руските напади врз цивили се неприфатливи, испраќаме помош во Украина
Францускиот претседател Емануел Макрон вчера ги осуди руските напади врз цивилите и енергетската инфраструктура и најави испраќање генератори во Украина.
„Вчерашниот напад врз патнички воз во регионот Харков е неприфатлив. Франција остро ги осудува руските напади врз цивилите и енергетската инфраструктура. Соочени со итноста, се мобилизираме. По состанокот на Г7+, на кој копретседател е Франција, во Украина ќе бидат испратени генератори за да му се помогне на населението да ја преброди зимата“, рече Макрон на платформата за социјални медиуми Икс.
Неговата изјава следеше по телефонскиот разговор со украинскиот претседател Володимир Зеленски.
J’ai échangé à l’instant avec le Président @ZelenskyyUa.
L’attaque d’hier contre un train de passagers dans la région de Kharkiv est inacceptable.
La France condamne avec la plus grande fermeté les frappes russes contre les civils et contre les infrastructures énergétiques.…
— Emmanuel Macron (@EmmanuelMacron) January 28, 2026
„Ставот на Франција е јасен: ние ќе ја поддржиме Украина колку што е потребно за да се одбрани и да ја победи агресијата предводена од Русија. Украина може да смета и на Франција во рамките на Коалицијата на волните. Ние продолжуваме да работиме на создавање услови за праведен и траен мир што ја гарантира безбедноста на Украина и Европа“, рече Макрон.
Тој додаде дека европските лидери се согласиле целосно да бидат вклучени во дискусиите што ги засегаат во контекст на тековните мировни преговори.
„Франција останува решена да го зголеми притисокот врз Русија сè додека таа избегнува мир. Работиме на нови санкции на европско ниво и ќе продолжиме со нашите напори за нарушување на флотата во сенка“, додаде Макрон.
Кривична пријава за „даночно затајување“ против фирма од Струмица и двајца управители
СВР Струмица до Основното јавно обвинителство Струмица поднесе кривична пријава против правно лице од Струмица, В.Ј. (35) и С.П. (44),...
Граѓаните да ги ажурираат своите податоци за „Безбеден град“ на посебниот шалтер во МТВ или во станиците за технички преглед
Министерството за внатрешни работи ги потсетува граѓаните дека на посебниот шалтер во Одделот за граѓански работи, во зградата на МТВ...
Америка сериозно размислува за напади врз Иран, има неколку опции, објави Ројтерс
Американскиот претседател Доналд Трамп разгледува опции против Иран, кои вклучуваат целни напади врз безбедносните сили и нивните водачи за поттикнување...
(Видео) Агентите на Служба за имиграција добија нови инструкции по смртта на двајца Американци: „Избегнувајте контакт“
Агентите на американската Служба за имиграција и царина (ICE) во среда добија нови инструкции да избегнуваат контакт со „агитатори“ додека...
(Видео) Откриено каква течност е употребена за напад врз американската конгресменка
Еден маж е уапсен откако ја испрскал американската конгресменка Илхан Омар со течност за која подоцна се утврдило дека е...
Мерц: Влезот на Украина во ЕУ во 2027 година не доаѓа предвид, тоа не е можно
Германскиот канцелар Фридрих Мерц изјави дека пристапувањето на Украина во Европската Унија во блиска иднина не е можно. „Пристапувањето на...
Индија ги намалува царините за увоз за европски луксузни автомобили
Индија веднаш ќе ги намали царините за луксузни европски автомобили од 110 проценти на 30 проценти според новиот трговски договор...
Поради протест блокирани повеќе гранични премини за влез и излез од државата на товарни возила
Поради протест блокирани се повеќе гранични премини за влез и излез од државата на товарни моторни возила. Како што известуваат...
(Видео) Симнете ги розовите очила и погледнете ги работниците – порачаа синдикатите до функционерите на протестот за повисоки плати, се бара 600 евра минималец
Со транспарентот „Протестираме за плата“, голем број граѓани излегоа на улиците за да го поддржат протестот на Сојузот на синдикатити...
Ако не се реши проблемот со превозниците, ќе трпи цела Европа, порача Николоски од Загреб
Заменик-претседателот на Владата и министер за транспорт Александар Николоски порача дека доколку не се изнајде решение за проблемот со превозниците...
Бојан Маричиќ избран за нов претседател на Државната изборна комисија
Поранешниот вицепремиер за евроинтеграции и министер за правда во Владата на СДСМ, Бојан Маричиќ, е избран за нов претседател на...
Запленети 150 килограми марихуана, ја транспортирале со шлеп возило од Струга до Свети Николе
Јавен обвинител донесе наредба за спроведување на истражна постапка против три лица за кои постои основано сомнение дека сториле кривично...
По ревизорскиот извештај, Обвинителството отвори предмет за Општина Охрид
Јавното обвинителство отвори предмет по извештајот на Државниот завод за ревизија за Општина Охрид, во кој утврди дека се граделе...
(Видео) Филипче: Имам информација дека следи ново задолжување од 300 милиони евра
Претседателот на СДСМ, Венко Филипче, на одговор на новинарско прашање информираше дека следува ново задолжување од 300 милиони евра, a...
Левица: Премиерот со џемпери од по 2.000 евра барањата за минимална плата ги прогласи за „политичка агенда“
Левица го осуди настапот на премиерот Мицкоски, со кој легитимните синдикални барања за зголемување на минималната плата ги оцени како...
По срамниот настап во Собранието, Џихан Ахмед ја повлече кандидатурата за членка на комисијата за заштита од дискриминација
Џихан Ахмед ја повлече својата кандидатура за член на Комисијата за спречување и заштита од дискриминација, откако нејзиниот настап во...
Независниот полициски синдикат против мешање на политиката и партиите во работничкиот протест
Згрозени сме од мешањето на политиката и поддршката која опозициските партии преку повици и мобилизирање на членството оркестрирано ја даваат...
Затоа за граѓаните на Македонија нема покачување на платите, не работат „приватно“ како Мицкоски, велат од СДСМ
„ВМРО го вработилo, па така во „приватниот бизнис“ Христијан Мицкоски бил директор на ЕЛЕМ, па советник на Груевски, па еве...
„Обвинителството да не молчи, Заев и Филипче ги злоупотребиле државните институции за насилно преземање на болницата Жан Митрев“, велат од ВМРО-ДПМНЕ
„Сведоштвото на Жан Митрев јасно покажува дека Заев и Филипче брутално ги злоупотребиле институциите. Заев и Филипче смислиле план и...
Фицо шокиран од Трамп: „Тој е опасен и полудел“
Словачкиот премиер Роберт Фицо им рече на лидерите на Европската унија на самитот минатата недела дека неговата средба со Доналд...
