Контакт

Свет

„Амазон“ ѝ забрани на полицијата да го користи нејзиниот софтвер за препознавање лица

Објавено пред

„Амазон“ ѝ забрани на полицијата да го користи нејзиниот софтвер за препознавање лица една година по соочувањето со притисок за време на немирите поради убиството на Џорџ Флојд, пренесува „Њујорк тајмс“.

Техничкиот гигант се надева дека мораториумот ќе му даде на Конгресот доволно време да донесе закон за регулирање на контроверзната технологија.

Софтверот „Рекогнишн“ на „Амазон“ беше критикуван со години за расна и родова пристрасност, а студиите покажуваат дека погрешно ги идентификува Афроамериканците и Азијатите почесто од белите субјекти.

„Се залагавме владите да воспостават построги закони за регулирање на етичката употреба на технологијата за препознавање лица и во последните денови се чини дека Конгресот е подготвен да се соочи со овој предизвик. Се надеваме дека едногодишниот мораториум може да му даде на Конгресот доволно време за спроведување соодветни правила и ние сме подготвени да помогнеме ако биде побарано“, се вели во изјавата на „Амазон“.

Од промовирањето на „Рекогнишн“ во 2016 година „Амазон“ ѝ го продаде својот систем и на полицијата како начин да ги лови криминалците и на агенциите за имиграција и царинско работење за да им помогне да ги таргетира или идентификува имигрантите.

Не е јасно колку агенции за спроведување на законот во моментот се потпираат на технологијата. Американската унија за граѓански слободи од 2018 година тврди дека „Амазон“ тајно им ја продал моќната и опасна технологија на полициските оддели. АЦЛУ сега бара компанијата да се обврзе на неопределен мораториум додека не се донесе федералното законодавство.

„Беа потребни две години за ‘Амазон’ да дојде до овој момент, но среќни сме што компанијата, конечно, ги препозна опасностите што ги претставува за лицата во црнечките и латинозаедниците и за граѓанските права. Заканата од оваа технологија за надзор по нашите граѓански права и граѓанските слободи нема да исчезне за една година“, рече Никол Озер, директор за технологија и граѓански слободи на АЦЛУ.

„Амазон“ не одговори веднаш на барањето за коментар.

Кабинетот на шерифот на округот Вашингтон во Орегон е единствената полициска агенција наведена како клиент на веб-страницата на „Амазон“ за системот.

„’Релкогнишн’ на ‘Амазон’ во голема мера ја зголеми можноста на нашите полицајци да дејствуваат брзо и одлучно. Успеавме да индексираме повеќе од 300.000 фотозаписи во рок од 1 до 2 дена, а времето за идентификација на осомничените се намали од 2 до 3 дена на неколку минути“, вели Крис Аџима, аналитичар во канцеларијата, во сведоштво објавено на страницата на „Амазон“.

Најавата на „Амазон“ доаѓа во период кога демонстрантите ги таргетираат технолошките компании барајќи да дејствуваат со поголема одговорност со технологијата за препознавање лица.

По засилувањето на повиците, ИБМ во понеделникот објави дека во целост излегува од бизнисот со технологијата за препознавање лица поради загриженоста за тоа како може да се користи таа за масовно набљудување и расно профилирање.

Претставничкиот дом, кој е под контрола на демократите, одржа серија расправи за софтверот за препознавање лица, но републиканецот Џими Гомез, кој е член на Комитетот, го обвини „Амазон“ за недостиг од законодавство што ја регулира технологијата.

„Ова е добар прв чекор, но сè уште не е доволно“, вели Гомез за Си-ен-би-си. „Тие велат дека бараат од Конгресот да стави заштитници за употребата на оваа технологија, но секојпат кога ќе се обидевме да добиеме повеќе податоци, тие одолжуваа и моравме да имаме сослушувања за да го придвижиме проблемот“.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Албанската телевизија ќе емитува вести на црногорски јазик

Објавено пред

Албанскиот јавен сервис ќе почне да емитува вести на црногорски јазик на втората телевизиска програма (РТШ 2), соопшти денеска Матицата на Црногорците.

Вестите ќе се емитуваат двапати дневно, од понеделник до петок.

Заслугата за тоа му припаѓа на претседателот на Унијата на Црногорците во Албанија, Маринко Чулафиќ, кому Матицата на Црногорците му упати срдечни честитки и признание за макотрпната работа.

Прикажи повеќе...

Свет

(Видео) Масовни собири во Берлин, Германците протестираат против забраната за големи настани

Објавено пред

Членовите на Германската асоцијација на забавувачите (Deutscher Schaustellerbund), како и сите оние што се незадоволни од ограничувањата наметнати поради пандемијата на коронавирусот, одржуваат митинг во Берлин спротивставувајќи се на забраната за големи настани во земјата, пренесува „Спутник“.

Тековните ограничувања ги оставија без работа саемите, панаѓурите и организаторите на настани бидејќи не може да привлечат туристи на настаните.

Германската влада претходно олесни некои ограничувања, но остана забраната за големи настани до крајот на октомври, што значеше откажување на легендарниот фестивал на пивото „Октоберфест“, како и други манифестации.

Во моментот центарот на германската престолнина е блокиран бидејќи демонстрантите собраа речиси 300 возила на митингот.

 

 

Прикажи повеќе...

Свет

Иран потврди дека мистериозен инцидент ја оштетил неговата клучна нуклеарка во Натанз

Објавено пред

Материјална штета е предизвикана на зграда која во моментот е во изградба во нуклеарна установа во Натанз, соопшти Иранската организација за атомска енергија, нагласувајќи дека сепак нема потреба за загриженост за можна радијација, пренесува РТ.

„Неодредениот инцидент вклучува една од бараките во фаза на изградба во објектот за нуклеарно збогатување во Натанз. Немаше жртви меѓу персоналот и инцидентот не ги наруши тековните активности на овој комплекс“, изјави портпаролот на организацијата, Бехруз Камалванди, за државната новинска агенција ИРНА.

Комплексот Натанз се смета дека е главниот објект за збогатување ураниум во Иран и клучен дел од нуклеарната програма на Исламската Република. Нарекувајќи го местото за збогатување неактивно, Камалванди рече дека нема потреба од загриженост поради можно радиоактивно загадување.

Тој не сподели повеќе детали, но рече дека биле распоредени стручни тимови од Организацијата за атомска енергија за да го испитаат инцидентот.

Сместен на околу 250 км јужно од Техеран, објектот Натанз беше цел та на софистициран компјутерски напад пред речиси една деценија. Вирусот„стакснет“, наводно, бил употребен за да го саботира збогатувањето преку онеспособување на гасните центрифуги, а мрежниот напад влијаел на целата нуклеарна програма, призна тогашниот претседател Махмуд Ахмадинеџад.

Локацијата беше спомената и во нуклеарниот договор во 2015 година, кој е во опасност откако САД се повлекоа од него во 2018 година. Како одговор на повлекувањето, Техеран се повлече од своите обврски и одново почна со збогатување ураниум над границите утврдени во договорот.

Прикажи повеќе...

Најново

Македонија47 минути

Милошоски со втор негативен тест на Ковид-19

Пратеникот на ВМРО-ДПМНЕ, Антонио Милошоски, објави на социјалните мрежи дека и вториот тест на Ковид-19 му е негативен. „Почитувани пријатели,...

Македонија1 час

Градоначалникот на Охрид бара поддршка за уривање на дивоградбите на охридското крајбрежје

„Процесот на рушење на дивоградби во Охрид ќе трае и можеби ќе треба да го продолжи некој друг градоначалник по...

Македонија1 час

15 починати и 173 нови случаи на Ковид-19 во земјава

Министерството за здравство информира дека во последните 24 часа се направени 1.653 тестирања, а регистрирани се 173 нови случаи на...

Спорт5 часа

Ѓоковиќ и сопругата се негативни на Ковид-19

Новак Ѓоковиќ и неговата сопруга Јелена се негативни на вирусот Ковид-19, покажале резултатите од последните ПЦР тестови кои на сопружниците...

Економија5 часа

(Видео) Ангеловска: Резултатите се подобри од очекуваното, економијата почна да закрепнува

„Она што го почнавме на почетокот на оваа ковид-криза, а во духот на транспарентноста и отчетноста, односно навремено па дури...

Македонија6 часа

Османи: Процедурите за попис на населението ќе почнат по изборите

Вицепремиерот  Бујар Османи, кој истовремено е висок функционер во ДУИ, најави дека подготовки за спроведување на пописот ќе започнат по...

Македонија7 часа

(Видео) Заев: Се забрзува интеграцијата во ЕУ, да запрат лагите дека сме го изгубиле македонскиот јазик

Лидерот на СДСМ, Зоран Заев, на прес-конференција пред Собранието порача дека македонската интеграција во Европската Унија се забрзува, а за...

Свет7 часа

Пресечена пратка за Европа: Запленети 7,5 тони кокаин, вреден 286 милиони долари

Во заедничка акција на полицијата на Колумбија и САД, запленети се 7,5 тони кокаин во вредност од 286 милиони долари,...

Свет7 часа

Трамп се предомисли: Сите треба да носат маски

Американскиот претседател, Доналд Трамп, кој се противеше на тоа да го покрива лицето во јавноста, рече дека е за тоа...

Македонија8 часа

Со донација на коскена срцевина, македонски дарител му помогна на пациент од Бугарија

Од Институтот за трансфузиона медицина информираат дека во изминатите два дена било спроведено колекционирање на хематопоетски матични клетки од доброволен...

Свет8 часа

Вооружен напад на рехабилитациски центар во Мексико – 24 убиени

Најмалку 24 луѓе се убиени, а седум се ранети во вооружен напад во нерегистриран центар за лекување зависности од дрога...

Македонија8 часа

Санкционирани 461 лице за неносење заштитна маска

Во текот на изминатото деноноќие (1/2.07.2020 година) на територијата на целата држава по однос на мерката за неносење лична заштита...

Свет8 часа

По низа грешки, министерот за здравство на Нов Зеланд поднесе оставка и се нарече идиот

Новозеландскиот министер за здравство, Дејвид Кларк, денеска поднесе оставка по низа лични грешки за време на пандемијата на коронавирусот. Кларк...

Свет8 часа

Голема трагедија во рудник во Мјанмар, загинаа најмалку 50 рудари

Најмалку 50 рудари загинаа во одрони во рудник за жад на северот на Мјанмар, соопштија властите. Се претпоставува дека бројот...

Свет9 часа

По два месеци пауза, коронавирусот се врати во Токио

Во Токио се забележани над 100 новозаболени од коронавирус што е најголем број на нови случаи во последните два месеци....

Свет20 часа

Советот за безбедност на ОН ја усвои резолуцијата за прекин на сите конфликти поради коронавирусот

Советот за безбедност на ОН денеска едногласно ja усвои резолуцијата со која се бара прекинување на конфликтите низ целиот свет...

Македонија1 ден

Нови 120 заболени и четворица починати oд Ковид-19 во земјава

Министерството за здравство информира дека во последните 24 часа се направени 954 тестирања, а регистрирани се 120 нови случаи на...

Македонија1 ден

Ако има потреба ќе бидат воведени рестриктивни мерки, велат Спасовски и Филипче

Ако има потреба ќе бидат препорачани и воведени рестриктивни мерки. Вака техничкиот премиер Оливер Спасовски и министерот за здравство, Венко...

Македонија1 ден

Oколу 900 патници поминале низ двата аеродрома кои денеска беа отворени

Околу 900 патници денеска поминале низ скопскиот и охридскиот аеродром, на првиот ден од нивното отворање, по неколкумесечниот застој поради состојбата...

Македонија1 ден

Независна пратеничка група: Мицкоски кочел закони за да штити криминал поради личен интерес

Мицкоски нé лажеше дека се грижи што ќе се уништи партијата, а имал гајле само за некого, свој личен интерес...

Досие