Свет
Американец кој не може да оди го пропатувал светот на грбот на пријателите
Кеван е роден со ‘рбетна мускулна атрофија, што влијае на нервниот систем кој го контролира движењето на мускулите. Никогаш не направил ниту еден чекор, но со помош на пријателите ја има пропатувано цела Европа.
Кеван Чендлер (32) е еден обичен човек со извонредна приказна. 32-годишникот живее во Форт Вејн, Индијана, со двајца цимери и сака да патува. Во текот на летото 2015 година тој и неговите пријатели поминале три недели патувајќи низ Европа, а заедно ја истражиле и Кина. Кеван ги доживеал сите неверојатни работи за кои сонувал, иако поради болест не може да се движи.

Откако неговиот пријатели му помогнаа да го прошета светот, тој го започна светското движење „Го носиме Кеван“, кое станува сè попознато секој ден.
Тој е најмладиот во семејството и има посебна врска со неговата сестра Кони, која исто така страда од мускулна атрофија.
„Одам низ животот со семејството, чекор по чекор “, рече Кеван за USATODAY.
„Нашите родители се многу креативни, па ни помогнаа да сфатиме како да се бориме во животот. Сестра ми е постара од мене, па таа некако ми го покажа патот и ми отвори многу врати“, вели светскиот патник.
Тој признава дека дури и по 30 години, тој не навикнал на состојбата во која се наоѓа.
„Имам 32 години и моите раце сè повеќе ја губат силата. По толку години, тоа е само фрустрирачко“, вели тој.
Кеван го поминува своето време во подигнување на свеста за лицата со посебни потреби. За разлика од неговата сестра, која поради својата состојба го зема лекот спинраза, Кеван одбива лекување и лекови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Германија, Франција и Обединетото Кралство најавија пропорционални чекори против Иран, можно е уништување ракети и беспилотни летала
Обединетото Кралство, Франција и Германија, познати како Е3, објавија заедничка изјава за нападите на Блискиот Исток. Ги опишаа иранските ракетни напади како „неселективни и непропорционални“ и рекоа дека ќе „преземат чекори“ за да ги заштитат своите национални интереси и интересите на сојузниците во регионот.
Во изјавата се вели дека овие чекори потенцијално би можеле да вклучуваат преземање неопходни и пропорционални одбранбени мерки за уништување на иранските ракети и беспилотни летала.
Лидерите се согласија да соработуваат со Соединетите Американски Држави и другите сојузници во регионот.
Британското Министерство за надворешни работи соопшти дека 94.000 британски граѓани го регистрирале своето присуство во земјите од Заливот кај владата.
Фото: Депозитфотос
Свет
Иран започна нов напад врз Израел
Нови сирени се огласија низ јужен Израел поради ирански напад со балистички ракети. Во централен Израел, медицинските лица велат дека скенираат откако добиле извештаи за места каде што паднале фрагменти од ракети.
Засега нема извештаи за повредени.
Свет
Цел на напади била и иранската државна телевизија
Иранската државна телевизија соопшти дека била цел на напади откако серија моќни експлозии го потресоа Техеран, иако не била прекината.
„Техничкиот тим ја проценува штетата“, соопшти радиодифузерот, кој исто така беше цел на напади за време на 12-дневната војна меѓу САД и Израел против Иран во јуни.

