Свет
Американка има позитивен тест на Ковид-19 по втората доза вакцина од „Модерна“
Жена од Лонг Ајленд, САД, добила позитивен тест на Ковид-19 во вторникот – повеќе од еден месец по примањето на втората доза од вакцината на „Модерна“ наменета за заштита од вирусот, се вели во извештајот на „Њујорк пост“.
Мелани Розен, која работи како секретарка во училишниот кварт Хјулит-Вудмир, сметала дека по вакцинирањето со втората доза е безбедно да продолжи со нормалните активности, без да носи маска.
Таа почнала да чувствува симптоми набргу по присуството на бдеење – без маска – за таткото на еден пријател, кој починал.
„Таму, веројатно, имаше најмалку 10 члена на семејството. Се дружев околу еден и пол час, без да носам маска. Се прегрнав со неколкумина од нив“, вели Розен.
Розен добила затнат нос и болки во телото, особено во нозете. Подоцна дознала дека тројца членови на семејството, кои присуствувале на бдеењето, биле позитивни на Ковид-19.
„Бев шокирана“, вели Розен. „Јас сум во оние 4,9 отсто што ја добиле вакцината на ‘Модерна’ и потоа се заразиле со Ковид-19“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.
Свет
Трамп ги поништил сите уредби и документи потпишани од Бајден
Американскиот претседател Доналд Трамп соопшти дека ги поништил сите уредби и документи потпишани од неговиот претходник на функцијата, демократот Џозеф Бајден, бидејќи користел уред за автоматско потпишување.
Кои се правните последици од одлуката на Трамп засега не е јасно.
„Секој документ кој го потпишал Поспаниот Џо користејќи автоматско пенкало, што е околу 92 проценти од нив, со ова се поништува и повеќе нема никаква правна сила или ефект“, напиша републиканскиот претседател на својата платформа Трут Соушл.

