Свет
Американска армија: Признаваме дека убивме цивил

Американската армија призна дека убила еден цивил и ранила тројца други во воздушен напад во Сомалија на почетокот од оваа година.
Тоа е втор извештај во новата серија квартални извештаи издадени од американската војска за воздушни напади во Сомалија и обвинувања за смртни случаи на цивили, по притисокот од групите за човекови права.
Новиот извештај ги потврдува наводите во врска со воздушниот напад на 2 февруари, пренесува АП. Тогаш беше објавено дека еден припадник на екстремистичката група Ал Шабаб е убиен во близина на Џилиб.
„Сега, кога имаме признание, мора да има одговорност и отштета за жртвите и нивните семејства“, рече Брајан Каснер од „Амнести интернешнл“.
Минатата година групата за човекови права објавила истрага за американските воздушни напади во Сомалија, што довело до тоа САД да признаат дека убиле пет цивили и раниле шест други во три одделни воздушни напади.
САД минатата година извршија најмалку 63 воздушни напади врз Сомалија, повеќето против Ал Шабаб, кој честопати извршува смртоносни напади во главниот град Могадишу и контролира големи делови на централниот и јужниот дел на Сомалија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција доби брзи тестови кои се изведуваат преку примерок од плунка

Грција веќе нуди нова можност за дијагностицирање на Ковид-19 преку брз тест со примерок од плунка.
Покрај тоа што се брзи, овие тестови се поевтини и полесни за изведување, јавуваат медиумите во Грција.
Овие тестови даваат непосредни резултати и може да бидат решение за намалување на ширењето на Ковид-19, преку можноста за рано дијагностицирање.
Тестот за брзо откривање со плунка дава резултати во рок од 15 минути и е погоден за деца.
Свет
Две судијки убиени во Авганистан

Неидентификуван напаѓач уби две судијки во авганистанскиот главен град Кабул.
Судиите работеле во Врховниот суд, изјави портпаролот на судот, Ахмад Фахим Кавем за ДПА.
Во меѓувреме, авганистанското Министерство за внатрешни работи потврди дека две жени биле убиени и уште една ранета, но жртвите не се именувани.
Судијките биле на пат кон своите канцеларии кога биле нападнати во полицискиот кварт на градот.
Ниту една група сè уште не презеде одговорност за нападот.
Безбедносната состојба останува еден од главните предизвици во правосудството, за да се обезбеди целосна имплементација на законот во земјата.
Во 2019 година, во извештајот на Мисијата на Обединетите нации за помош на Авганистан беше наведено дека биле убиени 13 судии и 19 обвинители.
Свет
Трите одлуки на Бајден по преземањето на власта

Новоизбраниот претседател на САД, Џо Бајден планира да преземе чекори за поништување на некои од контроверзните одлуки на администрацијата во заминување веднаш штом ќе ја преземе функцијата по инаугурацијата в среда.
Бајден исто така планира да се посвети на борбата против пандемијата на коронавирус, изјави денеска неговиот шеф на кабинетот.
Ова ќе биде само почеток на десетдневната серија претседателски декрети насочени кон промена на курсот на САД по заминувањето на Доналд Трамп од Белата куќа.
Веднаш по инаугурацијата, Бајден ќе ја укине забраната за влез во САД за државјани на некои земји со мнозинство муслимани. Оваа забрана беше изгласана само неколку дена откако Доналд Трамп ја презеде функцијата во јануари 2017 година.
Понатаму, извесно е дека САД ќе се приклучи кон Парискиот договор за климатски промени и ќе пропише задолжително носење заштитни маски.
Ова се само дел од мерките наведени во писмото на идниот шеф на кабинетот.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот
- Спорт3 месеци
Гетџи: По мечот со Хабиб, мојата мајка конечно ќе може да се пензионира