Свет
Американски научници: Мајките што имале Ковид-19 во бременоста им пренесуваат антитела на бебињата
Бремените жени што имаат Ковид-19 им пренесуваат антитела против оваа инфекција на своите деца, откриле истражувачи од Универзитетот во Пенсилванија. Студијата е објавена во списанието „ЈАМА педијатрија“.
Заштитата на новороденчињата од инфекција првенствено зависи од антителата што се пренесуваат од мајката на бебето преку плацентата. Ова исто така важи и за заштита од САРС-КоВ-2, сепак деталите за пренос на антитела во овој случај сè уште не се целосно разјаснети, пишува „Газета.ру“.
Истражувачите откриле дека колку порано идната мајка се зарази од коронавирусот во првите месеци од бременоста, толку е поголема концентрацијата на антитела во крвта на папочната врвца.
„Нашите резултати се во согласност со она што може да се очекува од студиите на други вируси“, рече професорот Скот Хенсли, еден од авторите на студијата.
Истражувачите следеле 1.714 жени што родиле помеѓу април и август 2020 година. 83 од нив имале Ковид-19, а кај 72 бебиња научниците откриле антитела во крвта на папочната врвца, без оглед дали мајката имала симптоми на инфекција или не. Кај речиси половина од децата нивото на антитела било исто или поголемо отколку кај мајката, а во една четвртина од случаите било од 1,5 до двапати повисоко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Откриено каква течност е употребена за напад врз американската конгресменка
Еден маж е уапсен откако ја испрскал американската конгресменка Илхан Омар со течност за која подоцна се утврдило дека е јаболков оцет на јавно сослушување во Минеаполис вчера. Напаѓачот, идентификуван како 55-годишниот Ентони Џејмс Казмјерчак, ѝ се приближил на конгресменката и, како што се гледа на видеата, ја испрскал нејзината кошула со шприц.
Нападот се случил кратко откако Омар побарала оставка или импичмент на американската министерка за внатрешна безбедност Кристи Ноем поради убиствата во Минеаполис во кои биле вклучени федерални агенти за имиграција.
NEW — Rep. Ilhan Omar was just charged by a man at a town hall event in Minneapolis. Crowd says he "sprayed her" with something.
You can hear Omar demand to continue the town hall — and she's back to speaking now from the podium. pic.twitter.com/4OpSWHo0Z9
— Jay O'Brien (@jayobtv) January 28, 2026
Сведоци коментирале за непријатниот мирис по нападот, а тимот за опасни материјали подоцна потврдил дека станува збор за јаболков оцет, објавија американските медиуми.
Додека го изведувале, Казмјерчак извикал дека Омар „ги врти еден против друг“, но не било јасно на кого мислел.
Европа
Мерц: Влезот на Украина во ЕУ во 2027 година не доаѓа предвид, тоа не е можно
Германскиот канцелар Фридрих Мерц изјави дека пристапувањето на Украина во Европската Унија во блиска иднина не е можно.
„Пристапувањето на 1 јануари 2027 година не доаѓа предвид. Тоа не е можно“, рече Мерц по разговорите со коалициските партнери во Берлин.
Секоја земја што сака да се приклучи на ЕУ прво мора да ги исполни Копенхашките критериуми, процес што обично трае неколку години, истакна канцеларот.
Сепак, тој нагласи дека на Украина ѝ е потребна перспектива што ќе го отвори патот за пристапување на долг рок.
„Можеме постепено да ја доближиме Украина до Европската Унија за време на овој процес“.
„Тоа е секогаш можно, но толку брзо пристапување едноставно не е изводливо“, додаде Мерц.
Украинскиот претседател Володимир Зеленски го повтори барањето на неговата земја за членство во ЕУ уште во 2027 година.
„Пристапувањето на Украина во Европската Унија е една од клучните безбедносни гаранции не само за нас, туку и за цела Европа“, напиша тој на платформата Икс по телефонскиот разговор со австрискиот канцелар Кристијан Штокер.
„Колективната сила на Европа е можна, особено благодарение на безбедносниот, технолошкиот и економскиот придонес на Украина“, истакна Зеленски.
Свет
(Видео) Пукање и експлозии во Нигер, се шири снимка
Пукање и експлозии се слушнаа рано утрово во близина на меѓународниот аеродром Нијамеј во Нигер, објави Ројтерс.
Сведоци рекоа дека пукањето траело повеќе од еден час, додека видеото објавено на платформата на социјалните медиуми X покажа ноќен хоризонт осветлен од пукање. Ројтерс не ја потврди независно снимката.
#Breaking
A passenger flight from Algiers to Niamey has been diverted to #Burkina_Faso, amid heavy gunfire and explosions at the international airport of the Nigerien capital – @BrantPhilip_ #Niamey #Niger https://t.co/pVIh4RVRr3 pic.twitter.com/MYWFOnmKJp— ⚡️🌎 World News 🌐⚡️ (@ferozwala) January 29, 2026
Портпаролот на воената влада на Нигер, која ја презеде власта со државен удар во јули 2023 година, не беше веднаш достапен за коментар.
Сахелската западноафриканска нација, како и соседните Мали и Буркина Фасо, е погодена од напади од џихадистички групи поврзани со Ал Каеда и групата Исламска држава. Групите убија илјадници и раселија милиони во трите земји.

