Свет
Бајден: Западот чека да види дали Русија ќе го исполни ветувањето за деескалација на нападот

Американскиот претседател Џо Бајден изјави дека западните сојузнички земји чекаат да видат дали Русија ќе го исполни ветувањето за деескалација на нападите околу украинскиот главен град Киев и северниот град Чернихив, пренесува „Гласот на Америка“.
„Ќе видиме дали ќе следуваат дела по зборот“, рече Бајден, кој телефонски разговараше со лидерите на Велика Британија, Франција и на Италија. „Постои консензус дека треба да почекаме и да видиме што ќе понудат“, рече Бајден.
Руската војска во вторникот објави дека драстично ќе ги намали операциите во близина на украинскиот главен град Киев и во северниот град Чернихив откако разговорите меѓу Русија и Украина во Истанбул покажаа можен договор за завршување на војната.
Американскиот државен секретар, Ентони Блинкен, вели дека не видел ништо што би сугерирало дека преговорите напредуваат на конструктивен начин и сугерира дека руската најава за повлекување може да биде обид на Москва да ги измами луѓето и да го одвлече вниманието.
„Тоа е она што Русија го кажува и она што го прави Русија, а ние се фокусираме на второто“, рече Блинкен во Мароко. „И она што го прави Русија е продолжување на бруталните напади врз Украина“, додаде тој.
Државниот секретар додаде: „Ако некако се надеваат дека може да успеат во обидот да го покорат само источниот дел на Украина или јужниот дел на Украина, тогаш тешко дека грешат“.
Украинската армија соопшти дека забележала повлекување на некои сили околу Киев и Чернихив.
Портпаролот на Пентагон, Џон Кирби, изјави за Си-ен-ен дека американската војска не видела ништо што би можело да ги потврди извештаите дека Русија повлекува значителен број војници околу Киев.
„Сепак, во изминатите неколку дена видовме дека тие престанаа да се обидуваат да напредуваат кон Киев“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сопругот на наставничката убиена во масакрoт во Тексас почина од срцев удар

Сопругот на Ирма Гарсија, една од двете учителки убиени во масакрот во училиште во Тексас, почина од срцев удар.
Информацијата на „Твитер“ ја објави нејзиниот внук, а веста ја пренесоа американските медиуми.
EXTREMELY heartbreaking and come with deep sorrow to say that my Tia Irma’s husband Joe Garcia has passed away due to grief, i truly am at a loss for words for how we are all feeling, PLEASE PRAY FOR OUR FAMILY, God have mercy on us, this isn’t easy pic.twitter.com/GlUSOutRVV
— john martinez ❤️🔥 (@fuhknjo) May 26, 2022
„Со длабока жалост морам да ви кажам како од тага почина сопругот на тетка ми Ирма, Џо Гарсија. Немам зборови да опишам како се чувствуваме, молете се за нашето семејство. Боже, смилувај ни се, ова не е лесно”, напиша Мартинез.
Гарсија отишол да и’ остави цвеќе на својата трагично почината сопруга. Кога стигнал дома, паднал.
My Tia Irma and Joe garcia were high school sweethearts and leave behind 4 beautiful children, their ages being 23, 19, 15 and the youngest only being 13 years old, no child should have to go through this, my heart breaks for them
— john martinez ❤️🔥 (@fuhknjo) May 26, 2022
„Мојата тетка Ирма и Џо Гарсија се заедно од средно училиште и зад себе оставија четири прекрасни деца. Тие имаат 23, 19, 15 години, а најмладата има само 13 години“, напиша тој на Твитер. Оваа информација ја потврди и новинарот на Фокс од Сан Антонио, Ерни Зунига.
Joe Garcia, the husband of Irma Garcia, one of two teachers shot and killed in Uvalde, TX on Tuesday, has reportedly suffered a fatal heart attack. Joe and Irma were high school sweethearts and married 24 years. They leave behind four children. pic.twitter.com/Rlk0M2B8nR
— Ernie Zuniga (@Ernie_Zuniga) May 26, 2022
Гарсија работела во училиштето 23 години.
„Таа се жртвуваше за да ги заштити децата во својата училница“, напиша нејзиниот внук на Твитер и додаде: „Таа умре како херој, многумина ја сакаа и на сите навистина ќе ни недостига“.
Во напад во основното училиште Роб во Тексас загинаа 19 деца и двајца возрасни.
Свет
Лавров: Испораката на оружје способно да погоди руска територија е чекор кон неприфатлива ескалација

Рускиот министер за надворешни работи Сергеј Лавров предупреди дека „испораката на оружје за Украина способно да ја погоди руската територија ќе биде сериозен чекор кон неприфатлива ескалација“, објави руската државна новинска агенција ТАСС.
Руската државна новинска агенција „РИА Новости“ го цитираше Лавров дека се надева дека разумните луѓе на Запад ќе разберат, додавајќи: „Таму останаа уште неколку“.
Свет
(Видео) Земјотрес од 7,2 степени во Перу

Земјотрес со јачина од 7,2 степени според Рихтер го погоди Перу, соопшти Геофизичкиот институт на САД (USGS).
Потресот е со епицентар во близина на градот Азангарo, во близина на езерото Титикака, на длабочина од околу 200 километри, прецизира Институтот.
M 7.2 #earthquake in Peru this morning. #Peru, Bolivia
Rare Video Footage:
Full 3min Video here:https://t.co/EeRPMY5DUu pic.twitter.com/sJlt7cteqQ— Zockerfreak (@ZockerfreakYT) May 26, 2022
Американскиот систем за предупредување од цунами објави дека нема опасност од огромен бран.
Засега нема извештаи за жртви или материјална штета.