Свет
Бајден по потврдата на неговата победа: Трамп не сака да го почитува Уставот

Избраниот американски претседател Џо Бајден во понеделникот го критикуваше одбивањето на актуелниот претседател Доналд Трамп да признае пораз на изборите, велејќи дека тој покажува непочитување на волјата на народот и ја повика Америка да сврти нова страница.
Избирачите (електори) ширум Соединетите Држави во понеделникот официјално го потврдија демократот Џо Бајден за нов претседател на САД, по неуспешните обиди на Доналд Трамп да го претвори својот изборен пораз во победа.
„Тоа е екстремен став што никогаш порано не сме го виделе“, рече Бајден во говорот од неговиот штаб во Вилмингтон, Делавер, откако Избирачкиот колеџ ја потврди неговата победа на изборите на 3 ноември.
„Став со кој се одбива да се почитува волјата на народот, да се почитува владеењето на правото, го одбива и почитувањето и на нашиот Устав“, додаде Бајден.
Откако Калифорнија, американската сојузна држава со најмногу жители, на Бајден му ги даде своите 55 електори, тој го премина прагот на 270 од нив потребни за да обезбеди влез во Белата куќа.
На церемонија на 20 јануари, Џо Бајден треба да положи заклетва како 46-ти американски претседател, а сенаторката Камала Харис за потпретседателка.
„Интегритетот на нашите избори е зачуван. Сега е време да ја свртиме страницата. Ајде да се собереме заедно“, рече идниот претседател.
„Пламенот на демократијата кај оваа нација е запален одамна“, истакна тој во говорот. „И сега знаеме дека ништо, дури ни пандемија или злоупотреба на моќ, не може да го изгасне тој пламен. Во оваа борба за душата на Америка, преовладуваше демократијата“.
Трамп во ноември рече дека ќе ја напушти Белата куќа доколку Избирачкиот колеџ гласа за Бајден, но оттогаш започна кампања без преседан во обид да го сврти изборниот резултат, покренувајќи бројни судски тужби. Ниту во понеделникот, на самиот електорски ден, тој не пропушти да ги повтори своите обвинувања за изборни измами.
Единствената опција што му преостанува на Трамп откако Избирачкиот колеџ го потврди Бајден како нов претседател е обидот да се убеди Конгресот да не ги потврдува резултатите од изборите, на специјалниот состанок кој треба да се одржи на 6 јануари. Ова е, сепак, малку веројатно со оглед на тоа што Претставничкиот дом е контролиран од демократите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Судењето за отповикување на Доналд Трамп ќе почне в понеделник

Претставничкиот дом на САД в понеделник ќе достави предлог до Сенатот за отповикување на поранешниот претседател Доналд Трамп, обвинувајќи го за поттикнување бунт.
На тој начин ќе започне судска постапка што може да ја „затвори вратата“ тој повторно да се кандидира на претседателските избори, изјави денеска лидерот на мнозинството во Сенатот, Чак Шумер.
„Претставничкиот дом ќе достави член за отповикување до Сенатот. Сенатот ќе спроведе судење за отповикување на Доналд Трамп. Ќе биде целосно судење. Ќе биде праведно судење”, рече Сумер во Сенатот, пренесува „Ројтерс“.
Лидерот на републиканците во Сенатот, Мич Меконел, предложи почетокот на судењето за отповикување на поранешниот претседател Доналд Трамп да се одложи за една недела или повеќе, за Трамп да има време да ја подготви својата одбрана. Сепак, Меконел им рече на своите републикански колеги дека краткото одложување ќе му даде време на Трамп да го подготви и состави неговиот правен тим, што ќе обезбеди правично судење.
Процесот пред Претставничкиот дом ќе го водат девет менаџери за отповикување кои редовно се состануваа за да разговараат за стратегијата.
Демократите се надеваат дека ќе го водат процесот, притоа носејќи закони кои се приоритет за Бајден, вклучително и олеснување поради пандемијата на коронавирусот, но за тоа им треба одредена соработка од републиканските сенатори. Демократите велат дека постапката треба да се одвива брзо, бидејќи сите биле сведоци на опсадата, додека многумина избегале поради загрозената безбедност додека бунтовниците упаднале во Конгресот.
Претставничкиот дом го отповика претседателот во заминување една недела подоцна, а десет републиканци гласаа за отповикување на Трамп.
Свет
Илјада луѓе во Шведска примиле вакцина што се транспортирала на прениска температура

Околу илјада луѓе во Шведска примиле вакцина на „Модерна“ која се чувала на погрешна температура за време на транспортот, објави шведска компанија задолжена за доставување на вакцината.
Вкупно 2.100 дози на вакцината, околу 20 проценти од количината што Шведска ја доби досега од „Модерна“, се чуваат на премногу ниска температура, а дозите што не се користени се издвојуваат сè додека не се утврди нивната ефикасност, објави „Апотекет“.
Сите што примиле доза на вакцина од неисправна пратка се здравствени работници.
„Според првата проценка на шведскиот здравствен орган, нема индикации дека дозите транспортирани на прениска температура претставуваат ризик“, соопшти „Апотекет“.
Но, шведскиот здравствен орган и државната фармацевтска компанија вршат понатамошни истражувања, изјави портпаролот на „Апотекет“, Магнус Фриск.
„Сè уште треба да откриеме дали дадената доза на вакцината ќе делува“, додаде тој.
Фриск истакна дека ја контактирале „Модерна“ за повеќе информации за ефективноста на дозите што се одржуваат на премногу ниска температура и дали оние што ги примиле треба да добијат нова доза на вакцина.
Од 17 јануари Шведска вакцинираше 146.000 луѓе, претежно со вакцината „Фајзер“/„БиоНТех“.
Свет
ЕК: Унгарија може да ја купи руската вакцина, но само за својата територија

Земјите членки на ЕУ не можат да преговараат и да склучуваат договори за набавка на вакцини само со оние производители со кои Комисијата склучи договор за набавка, изјави портпаролот на Комисијата, Стефан Де Кирсмаекер.
Ова значи дека Унгарија, која потпиша договор со Русија за купување на два милиони дози вакцини „Спутник V“, не ја нарушува европската стратегија за вакцини, бидејќи не ја вклучува руската вакцина.
„Земјите членки можат слободно да склучуваат вакви договори за вакцини, но тие се исто така одговорни за одобрување на употребата на нивната територија“, рече портпаролот Де Кирсмаекер.
Тој додаде дека без одобрение од Европската агенција за лекови, ваквите вакцини не можат да се користат во други земји членки на ЕУ.
Де Кирсмаекер нагласи дека не се дозволени паралелни преговори на земјите членки со производители со кои Комисијата веќе склучи договори.
„Но, земјите членки можат, доколку сакаат, да преговараат и да склучуваат договори за набавка на вакцини од производители кои не се опфатени со европската стратегија за вакцини“, рече тој.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот