Контакт

Свет

Бајден по пресудата за убиството на Флојд: На сите ни олесна

Објавено пред

Поротата го прогласи за виновен поранешниот полицаец од Минеаполис Дерек Човин за убиството на Џорџ Флојд за време на апсење, а пресудата предизвика бројни реакции.

Претседателот на САД, Џо Бајден, по пресудата рече дека се чувствува олеснување.

„На сите ни олесна“, му порачал американскиот претседател Бајден на семејството на Флојд во телефонски разговор. „Вие сте неверојатно семејство. Би сакал да бидам таму за да ве прегрнам“, продолжил тој.

По пресудата, Бајден ѝ се обрати на јавноста од Белата куќа и ги повика Американците да се обединат во борбата против расизмот, кој ја расипува душата.

„Дојде време оваа земја да се обедини“, рече Бајден во краткото обраќање од Белата куќа.

„Некои – агитатори и екстремисти кои се потсмеваат на социјалната правда – ќе се обидат да ги искористат сировите емоции“, предупреди тој.

„Не можеме да им дозволиме да го сторат тоа“, додаде претседателот на САД.

„Пресудата за полицаецот Човин нема да го врати Џорџ“, рече Бајден, додавајќи дека оваа пресуда можеби е момент на клучна промена. Тој ги повика Американците никогаш да не ја заборават оваа трагична епизода.

„Мораме да слушаме. ‘Не можам да дишам, не можам да дишам’ – тоа беа последните зборови на Џорџ Флојд. Треба постојано да ги слушаме тие зборови, да не им го вртиме грбот“, истакна Бајден на крајот.

„Денеска се одбележува Денот на правдата во Америка“, порача Камала Харис, потпретседателката на САД.

Поранешниот американски претседател Барак Обама и неговата сопруга Мишел ја поздравија пресудата.

„Денеска поротата постапи правилно. Но, вистинската правда бара многу повеќе. Мишел и јас упатуваме молитви до семејството на Флојд и стоиме заедно со сите оние кои се залагаат да гарантираат целосна правда за секој Американец, што на Флојд и на многу други им беше ускратена“, рече Барак Обама.

Пред зградата на судот се собрала толпа од неколку стотици луѓе кои со извици на одобрување ја дочекале веста за пресудата.

Националната гарда е на улиците на Минеаполис. Повеќе од 3.000 припадници на Националната гарда и најмалку 1.100 полицајци се распоредени низ Минесота, како дел од т.н. операција „безбедносна мрежа“, како превенција од можни немири по објавувањето на пресудата.

Слично е и во другите поголеми градови.

Свет

Јужна Каролина воведува смртна казна со стрелaње

Објавено пред

Јужна Каролина воведува стрелачки вод во методите на егзекуција, во време кога има недостиг од смртоносни коктели за извршување на смртна казна со инјекции.

Долниот дом на парламентот на таа држава на американскиот југоисток во средата усвои закон со кој на осуденикот на смрт му се дава избор помеѓу стрелачки вод и електричен стол, ако нема смртоносни коктели за инјекции.

Законот треба да биде поддржан од горниот дом на парламентот, во кој има доволна поддршка.

Републиканскиот гувернер Хенри Мекмастер рече дека ќе го потпише нацрт-законот веднаш штом ќе му дојде на масата.

„Ние сме на чекор до обезбедување правда и завршен чин за семејствата на жртвите, што законот им ги дава“, рече гувернерот по гласањето во долниот дом на парламентот.

Јужна Каролина не извршуваше никакви егзекуции со децении, и одложи три поради недостиг на смртоносни коктели.

Во САД, бројот на смртни казни се намалува заради чувството на јавноста, како и зголемените проблеми во обезбедувањето состојки за смртоносни коктели.

Во 2020 година, вкупно 17 лица беа погубени во САД.

Прикажи повеќе...

Регион

Од понеделник масовна вакцинација против Kовид-19 во Словенија

Објавено пред

В понеделник во Словенија ќе почне масовна вакцинација со достапни вакцини против Ковид-19, што е овозможено благодарение на поголеми количини испорачани вакцини и воведување централизирана платформа за прјавување за вакцинација и за евиденција на вакцинираните, објави словенечкиот премиер Јанез Јанша.

„Вакцинацијата на сите на возраст меѓу 18 и 50 години ќе почне в понеделник, а до летото ќе обезбедиме доволно вакцини за сите други“, рече Јанша во објавата на „Твитер“, додавајќи дека повеќе од 450.000 вакцини ќе бидат достапни во Словенија во мај, а потоа и поголеми количини.

„Да бидеме одговорни пред себе и другите, да се вакцинираме и да издржиме уште неколку недели – нè чека нормално лето“, им рече Јанша на граѓаните.

Министерот за здравство Јанез Поклукар испрати оптимистички пораки дека се ближи крајот на третиот бран на епидемијата, претставувајќи единствена национална платформа, апликација што ќе овозможи подобро управување со процесот на вакцинација и на која граѓаните ќе можат да се пријават.

Што се однесува до моменталната епидемиолошка состојба, тој рече дека остануваат уште неколку недели до „зелената“ фаза, кога ќе бидат укинати повеќето ограничувања.
„Забележуваме бавно, но релативно постојано намалување на бројот на новозаразени. Сега сме на платото на третиот бран, а до зелената фаза има уште неколку недели”, рече Поклукар.

Прикажи повеќе...

Европа

Фон дер Лајен: Сите земји да дозволат извоз на вакцини

Објавено пред

Претседателката на Европската комисија, Урсула фон дер Лајен, денеска изјави дека ЕУ е подготвена да го разгледа секој предлог што ќе доведе до побрз крај на пандемијата на Ковид-19, вклучувајќи го и предлогот на САД за размена на технологии за производство на вакцини.

„Подготвени сме да го разгледаме прашањето за укинување на интелектуалната сопственост кога станува збор за вакцините, ако тоа може да придонесе за целта“, рече Фон дер Лајен во своето видеообраќање до Универзитетот на Европскиот институт.

Таа оцени дека кампањата за вакцинација го покажа својот успех и дека денес Европа достигна и надмина многу делови од светот според бројот на вакцинирани, но и извозот на вакцини.

„Во Европа 30 граѓани се вакцинираат секоја секунда. Ние вакцинираме 30 милиони луѓе на ден. Во јули ќе можеме да ја постигнеме нашата цел, што е 70 проценти од вакцинираната возрасна популација“, рече Фон дер Лајен.

Таа оценува дека индивидуалната набавка на вакцини во земјите членки политички ќе ја раскине ЕУ, со огромни последици врз единствениот пазар и економијата.

Претседателката на ЕК наведува дека ЕУ, со својата заедничка политика за набавка на вакцини, досега успеа да обезбеди 200 милиони дози за своите граѓани и да дистрибуира уште толку низ целиот свет.

Таа ги повика сите земји во светот каде што се произведуваат вакцини против Ковид-19 да дозволат извоз на вакцини по примерот на ЕУ.

„Европа е аптека на светот денес и ние сме горди на тоа“, заклучи Урсула фон дер Лајен.

Прикажи повеќе...

Најново

Македонија31 минута

Заев: Само со нови докази повторно отворање на случајот за крвавиот упад во Собранието

Отворање на случајот одново само доколку има нови докази и моменти. Ова е ставот на премиерот Зоран Заев за барањето...

Европа51 минута

Фон дер Лајен: Сите земји да дозволат извоз на вакцини

Претседателката на Европската комисија, Урсула фон дер Лајен, денеска изјави дека ЕУ е подготвена да го разгледа секој предлог што...

Македонија58 минути

(Видео) Премиерот Заев се вакцинираше со кинеската вакцина на „Синофарм“

Премиерот Зоран Заев се вакцинираше против коронавирус денеска на пунктот во спортската сала „Борис Трајковски“. Тој се вакцинираше со првата...

Македонија3 часа

Вчера се вакцинирале 9.123 граѓани

Министерството за здравство соопшти дека вакцинацијата се одвива непречено на сите пунктови низ државата и дека интересот за вакцинација секојдневно...

Регион3 часа

(Видео) Редици во трговски центар во Србија, покрај вакцинирање даваат пари и ваучери

Денеска во 9 часот наутро е отворен пункт за вакцинација во Трговскиот центар Ушче во Белград. Секој што сака да...

Свет4 часа

Болсонаро: Коронавирусот е направен за да се води биолошка војна

Бразилскиот претседател Жаир Болсонаро изјави дека новиот коронавирус е можеби направен во лабораторија со цел да се води биолошка војна....

Свет4 часа

Најново истражување: „Фајзер“ штити повеќе од 95 проценти од коронавирус

Најголемата студија за ефикасноста на „Фајзер/Бионтек“ против коронавирусот кај општата популација покажа дека вакцината обезбедува повеќе од 95 проценти заштита...

Свет5 часа

Трета доза од вакцината на „Модерна“ штити од бразилскиот и јужноафриканскиот вид

Податоците од студија на 40 лица покажуваат дека дополнителната доза го зајакнува имунитетот против бразилскиoт и јужноафриканскиот вид на коронавирус....

Свет5 часа

ОН: Во светот недостигаат 900.000 акушерки

Светот во моментов се соочува со недостиг од 900.000 бабици и тоа е третина од потребните акушерки, се наведува во...

Македонија17 часа

Владата ги поддржува активностите на Општина Охрид за отстранување на бесправните градби

Владата ги поддржува активностите за отстранување на бесправните градби на охридското крајбрежје, кои ги изведува Општина Охрид, со што ги...

Македонија21 час

Затворски казни за издавање лажни пасоши на странци со криминално досие

Четири затворски казни и една условна за лицата што признаа дека изработувале лажни пасоши на странци со криминално досие. Судечкиот...

Македонија22 часа

323 нови случаи на Ковид-19, починати се 24 лица

Министерството за здравство информира, во согласност со податоците од Институтот за јавно здравје, дека во последните 24 часа се направени...

Македонија1 ден

Филипче: Одлуката за полицискиот час не ја донесов сам, туку по телефонска консултација со членовите на Комисијата

Одлуката за скратување на полицискиот час и за продолжување на работното време не е политичка, изјави министерот за здравство, Венко...

Македонија1 ден

Министерство за здравство: Граѓаните кои добиле порака да се вакцинираат во друг град, сами ја згрешиле локацијата

Граѓаните при закажување на веб-страницата vakcinacija.mk сами направиле погрешен избор на локација каде сакаат да се вакцинираат и поради тоа...

Македонија1 ден

Заев: Не верувам дека Црвенковски ќе формира нова партија

Премиерот и претседател на СДСМ, Зоран Заев, не верува дека експретседателот на Социјалдемократскиот сојуз Бранко Црвенковски ќе формира нова партија....

Свет1 ден

Вакцините на „Фајзер“ и „Модерна“ ја намалуваат хоспитализацијата на стари лица за 94 проценти

Вакцинацијата со вакцините на „Модерна“ или на „Фајзер“ значително го намалува ризикот од хоспитализација на стари лица, покажуваат податоците на...

Регион1 ден

Вучиќ: Вакцинираните ќе добијат парична помош како награда

Претседателот на Србија, Александар Вучиќ, рече дека е донесена одлука за обезбедување дополнителна парична помош за оние кои се вакцинирани...

Свет1 ден

(Видео) Израел ја рaкетираше Сирија, има и жртви

Израел рано утрово ja ракетираше северозападна Сирија при што загина најмалку еден човек, а повредени се шестмина. Авиони на израелското...

Свет1 ден

Бајден: Нашата цел е до 4 јули да бидат вакцинирани 70 отсто Американци

Американскиот претседател, Џо Бајден, изјави дека целта е до 4 јули барем со една доза вакцина против коронавирус да бидат...

Македонија1 ден

Полициски час од 23 часот, угостителските објекти ќе работат до 22 и 30 часот

Од денеска полицискиот час ќе почнува од 23 часот, а угостителските објекти ќе работат до 22 и 30 часот, одлучи...

Досие