Свет
Бајден: Русија е клучна закана за САД
Кандидатот за претседател на САД од Демократската партија, Џо Бајден, смета дека Русија претставува најголема закана за САД на меѓународната сцена.
„Па, мислам дека најголемата закана за Америка во моментот во смисла на разнишување на нашата безбедност и на нашите сојузи е Русија. Второ, мислам дека најголем конкурент е Кина“, изјави Бајден во интервју за Си-би-ес.
Тој нагласи и дека политиките на актуелниот претседател Доналд Трамп исто така претставуваат значителна опасност за САД на глобално ниво.
„Видете што прави Трамп. Тој го прегрнува секој диктатор и им буричка со прстот во окото на сите наши пријатели“, забележа Бајден.
Според него, ваквиот пристап на Трамп довел до зголемен ракетен арсенал во Северна Кореја.
„Имаме сојузници во НАТО што се оддалечуваат од нас затоа што велат дека не можат да сметаат на нас“, заклучи Бајден.
Изборите во САД се закажани за 3 ноември. На национално ниво, американските граѓани ќе излезат на гласачките места за да изберат 435 претставници во Претставничкиот дом, 35 од 100 сенатори во Сенатот и претседател и потпретседател на САД.
Актуелниот републикански претседател Доналд Трамп и демократот Бајден се борат за највисоката функција во земјата. Покрај тоа, гласачите ќе се упатат кон гласачките кутии за да одлучат за 13 државни и територијални гувернери на САД, а ќе се одржат и многубројни други локални избори.
Бајден смета дека Москва можела да организира кампања за дезинформација против него во пресрет на претседателските избори на 3 ноември. На прашањето дали обелоденувањето на информациите од лаптопот на неговиот син Хантер е поврзано со обиди за ширење дезинформации што ѝ се припишуваат на Русија, тој рече:
„Од она што го прочитав и што го знам, разузнавачката заедница го предупреди претседателот дека Руди Џулијани добива дезинформации од Русите. И ние исто така знаеме дека Путин многу се труди да шири дезинформации за Џо Бајден“, тврди тој.
Во средината на октомври „Њујорк пост“ објави приватни пораки добиени од лаптопот на Хантер Бајден. Размената на пораки покажува дека синот на Џо Бајден можеби закажал состанок помеѓу татко му, кога тој бил потпретседател, и претставник на украинската енергетска компанија „Буризма холдингс“. Хантер Бајден тогаш беше во бордот на директори на „Буризма“. Потоа, Џо Бајден ургирал да биде отпуштен украинскиот државен јавен обвинител Виктор Шокин, кој почна истрага за „Буризма“. Откритијата им дадоа причина на републиканците да ги обвинат Бајден и неговиот син за корупција.
На 19 октомври директорот на американското национално разузнавање, Џон Ратклиф, изјави дека американската разузнавачка заедница нема причина да верува дека скандалот за пораките и електронската пошта на Хантер Бајден е дел од дезинформациската кампања, наводно почната од Русија. Претставници на Стејт департментот, ФБИ, Министерството за правда и самиот Трамп изразија слични мислења.
Прашањето за потенцијално мешање во изборите во САД редовно се поставува во контекст на тврдењата на американските власти дека Русија е вклучена во такви активности.
Москва повеќепати ги негира овие обвинувања. Во февруари, портпаролот на Кремљ, Дмитриј Песков, рече дека Москва жали што сè повеќе и повеќе тврдења од овој вид ќе се појават во САД кога ќе се одржат изборите. Според Песков, овие измислици немаат никаква врска со реалноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Тони Блер: Треба да донесеме трета страна за да ја завршиме војната во Газа
Поранешниот британски лидер Тони Блер денеска изјави дека треба да се донесе трета страна да управува со Газа за да се стави крај на војната во областа, истовремено изразувајќи ја поддршката за војната на Израел против либанското движење Хезболах.
Кога Блер беше британски премиер за време на војната меѓу Израел и Хезболах во 2006 година, тој го поддржуваше Израел и се спротивстави на повиците на неговата влада да воведе ембарго, пренесува „Политико“.
Тој ги поврза сегашните непријателства со кршењето на Хезболах на резолуцијата за прекин на огнот од 2006 година на Советот за безбедност на ОН, со која се повикува движењето да се повлече од границата со Израел и да се разоружа.
Регион
Бугарија до своите граѓани: Веднаш напуштете го Иран
Бугарија денеска ги повика своите граѓани веднаш да го напуштат Иран поради ескалацијата на тензиите на Блискиот Исток, јавува „Анадолија“.
На Бугарите им се препорачува строго да ги следат безбедносните упатства на локалните власти, да бидат информирани за ситуацијата и да избегнуваат посета на воени локации и масовни собири“, се вели во соопштението на бугарското МНР.
Се препорачува бугарските државјани во Иран веднаш да стапат во контакт со бугарската амбасада во Техеран за да дадат детали за своето место на живеење и планираното времетраење на престојот или со јавување во Амбасадата или преку е-пошта до Генералниот конзулат во Техеран.
Свет
Двајца белгиски новинари ранети во Бејрут, едниот има фрактура на лицето
Двајца новинари на белгиската телевизија ВТМ се повредени денеска во Бејрут додека известувале за воздушен напад врз центарот на либанската престолнина во време на отворен конфликт меѓу Израел и Хезболах, соопшти нивната редакција.
Воениот репортер Робин Рамаекерс доби фрактура на лицето, а камерманот Стијн де Смет си ја повреди ногата, така што и двајцата беа хоспитализирани. Нивната редакција телефонски разговарала со нив и било потврдено дека не се во животна опасност, изјави портпаролот на медиумската групација „ДПГ медија“, сопственик на ВТМ.
Седум лица беа убиени во израелски воздушен напад врз градот во четвртокот наутро, еден ден по убиството на осум израелски војници во судирите со Хезболах. Израел соопшти дека извршил прецизен воздушен напад врз Бејрут. Три проектили го погодија и јужното предградие Дахиџе, каде што минатата недела беше убиен лидерот на Хезболах, Хасан Насрала.
Белгиското Министерство за надворешни работи соопшти дека ќе ја следи состојбата на своите повредени новинари. Во Либан моментно има речиси 1.800 белгиски државјани, а стотина изразиле желба да ја напуштат земјата, соопшти белгиската дипломатија додавајќи дека ќе им помогне во тоа.